La "suite" d'Adobe Pemière (Elements, Effects e tot aquò) es la melhora dau merchat, mas en version de demonstracion es luenh de montrar tot son potenciau...
En mai d'aquò, la seguida completa còsta entre 600 e 1000 euròs (veire mai, se voletz de las fonccionalitats adicionalas). Puei, fau una machina de folia per far virar aquo, te dise pas...
S'as pas los mejans, nimai lo materiau necessari, e que as pas enveja de passar una jornada a veire coma far una transicion (e òc, es tan complet, que i a un temps long d'aprentisatge per totas las fonccions, quitament las de basa...), podes totjorn trabalhar emb Windows Movie Maker, lo sol logiciau a gratis per Windows...
Mas io; n'ai fach lo torn emb 5 minutas, e ai 'gut leu fach de despensar un centenat d'euros dins un logiciau mai brave.
Aqui, 6 possibilitats :
-Pinnacle (simple d'utilisar, e relativament complet)
-Magix Video(qu'es lo qu'ai, e se melhora tots los ans, s'as 100 euros a despensar, 'chapta-te la version 2008 que ven de surtir, emb 'quo te podras tornar far Star Wars... enfin, casiment...)
-Studio Plus ('queu 'qui, qu'es un pauc lo contrari, mai ven vielh, mai se fai tornar 'trapar per la concurencia)
-Video Studio : simple dins l'interfacia, simplifiat dins las capacitats...
-Adobe Premiere Elements : de pas confondre emd la solucion completa d'Adobe que n'ai parlat mai naut. 'Queu logiciau còsta tanben 100 euròs, mas es pas mai performant que los autres, en fach, e a quauques problemes au niveu de l'importacion de l'imatja...
-1, 2, 3 Vidéo ! de MicroApplication : 'queu-qui qu'es una suspresa. Còsta mitat mens char que la concurrencia (50 euròs) mas es sus qauques pnts tan plan (es un pauc mai basic sus l'ensemble).
Si que non, demòra tres solucions se voles pas despensar tan d'argent :
-Prener los logiciaus daus fabricants de camerá, de còps
n'i a de bons (de còps, la majoritat dau temps, son poirrits...). Ai auvit dire dau ben de Sony Vegas Vidéo sus Internet, per exemple.
-EMule (mas conselhe pas, io ai jamai trobat los bons logiciaus de montatge a i prener)
-'Chaptar las vielhas versions daus logiciaus 'qui dessus, que de còps eran desjá pas mau e an baissat de pretz emb la surtida de las novelas versions (Magix Video Deluxe 2006 era plan, e deuriá pas costar mai de 30 euròs ara).
Tot depend de ço qu'as besonh.
P.S : Lo melhor qu'es daver un MAC. E oc, per un còp, au niveu dau montatge es lo melhor daus ordinators.
Accueil
