Accueil
Es pas per faire tròp de publicitat, mai aprofiechi tanben per vos presentar lo projecte que fagueriam l'a tres annadas de temps a l'Ostau.
Dau pichòt pòple marsilhés dau sègle XIXenc, Victor Gelu (1806-1882) a tot conegut : la misèra, lei pantais de revolucien, lei plasers, lo deseper davant lei transformaciens d’una ciutat que s’agrandisse e s’enrichisse sensa si socitar dei mai umils.
Per un extraordinari sens de l’imatge e de la creacien verbala, Gelu afortís la vigor naturala de la lenga occitana. De Blème lo pego a la desconsolabla Veusa Megi, sei Cançons ressucitan de personagis riches en colors, e ben alunhats dau "cliché" dau miejornau inchalhent e bravàs.
Aquela novèla edicien ajonhe una normalisacien grafica dau text originau segon lei règlas de l’Institut d’Estudits Occitans e tanbem una novela traduccien. L’òbra es acompanhada d’un CD monte sèt artistas de la scena marsilhesa interpretan una cançon de Gelu. Aqueleis artistas son : Dupain, D’Aquí Dub, Jan-Mari Carlotti, Massilia Sound System, Lo Còr de la Plana, Lei Coralas dau Lamparò e Chin Na Na Poun
Podètz venir directament a l’Ostau e lo cromprar au prètz de 22 euros
Ò lo podètz comandar a : Ostau dau País Marselhés - 5, rue des 3 Mages - 13001, Marseille.
Se lo comandètz lo prètz serà de 25 euros (22 + còst de pòrt)
