Tele Miuvachas...

Coma zo sabetz beleu, Miuvachas 'qu'es lu nom d'un plateu lemosin que cubra lu nord de la Coresa, l'est de la Nauta Vinhana e lu sud de la Crosa... 'qu'es un endrech magnific longtemps demorat desertic...mas dempuei quauqu'annadas i'a tot plen de jounes que li 'riben de pertot (e mesme sovent de las autras regions) per li viure e que li monten d'associacions e donc tot un "malhum" de solidaritat e de desvolopament d'activitats dins lu pais... i'en a que fan d'ecologisme, d'altermondialisme, que tornen 'chaptar de pitas boticas e tornen far viure los vilatges, d'autres que creen au contrari de biais de viure marginaus e autosuffisents, de comunautats auto-geradas eca... i'a vertadierament de tot, e 'qu'es ben interessent!
Per descubrir 'quela region dau pais lemosin, 'laidonc d'Occitania, vos convide a 'nar far 'na pita permenada a l'adreça seguenta, http://telemillevaches.free.fr, chas Tele Miuvachas, 'na pit'associacion que dempuei 20 annadas filma la vita daus actors dau plateu e difusa sas videos dins los vilatges de la region pendent de seradas projeccions emb los estajants... puei dempuei quauque temps se puot veire las videos sus lu site... e i'a daus cops 'na rubrica en oc, per los que voldrian auvir dau lemosin... 'qu'es lu cas dins la video de setembre, podetz 'nar li far un torn... (en setembre la rubrica en oc comença a las 5 minutas 30 a pauc près...)

Té, lo Joan-Frances...

rubrica en oc lemosin dins la novela edicion de "magazine du Plateau"...
totjorn coma lu Jan-Françès Vinhau qu'es vengut barbaraud... (efiech Chabal?)... a 7 minutas 40 a pauc près...
http://telemillevaches.free.fr/UntitledFrameset-2.htm

Vinhau es conegut per aquò, mas zo tòrne dire : lo niveu de lenga e la musicalitat de la lenga de queu tipe son meravilhós. E estonant, per quauqu'un de son atge !

Danís a écrit:Vinhau es conegut per aquò, mas zo tòrne dire : lo niveu de lenga e la musicalitat de la lenga de queu tipe son meravilhós. E estonant, per quauqu'un de son atge !

oc, 'qu'es vrai, 'qu'es un daus soles d'Occitania tota qu'a mens de 35 ans (eu a 30 o 32 crese...) e que parla exactament com'un locutor naturau nascut en 1930...vole dire dins " l'inteligentsia occitana"...
Crese qu'eu a passat beucop beucop de temps (la vesia quitament tots los jorns) chas sa granda que parlava nonmas occitan, puei per la segua eu a contunhat de frequentar beucop de vielhs paisans...fau dire que Vinhaud es nascut e s'es elevat en mitan rurau (a l'oest d'a Limotges, 'quela famosa zona en "e")... eu a totjorn beucop auvit la lenga e l'a totjorn un pauc parlada avant de la "perfeccionar"...
enfin i'a de que far de complexes... eu parla coma voldriam tots parlar lemosin...
mas l'auvir (e lo veire) es desja un brave contentament...
ps: un jorn ne'n parlia coma se de mon niveu de lenga e de ma frustracion de pas parlar la lenga coma un locutor maternau, eu me respondet: "tu podrias li 'ribar, mas foldria 'nar viure un brave bocin de temps au prund de la campanha, chas de paisans lemosins...". I'a pas beucop de mediatecas au mai prund de la campanha lemosina, alora foldria que chamnhe de profession, foldria que me fase paisan, mas sei ben trop fenhant, puei coma se ditz chas nautres, "la terra es bassa!"...

Danís a écrit:Vinhau es conegut per aquò, mas zo tòrne dire : lo niveu de lenga e la musicalitat de la lenga de queu tipe son meravilhós. E estonant, per quauqu'un de son atge !

puei a part lu biais de far chantar la lenga, fau subretot dire qu'eu ten un vocabulari gigant! 'qu'es lu genre de tipe que coneis, se, vertadierament 25 mots per dire "lu prat" e 15 expressions e idiomatismes per dire "i'a dau solelh mas fai freg totparier", e vos parle pas daus proverbis, daus dires, de las nhorlas... de segur dins 30 o 40 ans 'quo sira Vinhaud LA referencia de la lenga occitana en Lemosin (es zo es desja un pauc...)

bon plante 'qui perque crese pas qu'eu se permena beucop sus lu oeb mas sas chavilhas van uflar totparier...

son de tipes atal que caldrià dins las calandretas o los medias!

Encontrèri lo Jan-Francés Vinhau a l'escasença de la jornada vodada als emplegats de l'IEO qualques setmanas i a (aicí a Tolosa) e fosquèri espantat per son nivèl de lenga. Efectivament, a pas una lenga limitada a "un vocabulari basic". Quand fosquèt a son torn de se presentar, fosquèt un plaser vertadièr per totis de l'ausir. Cambia del "Pauvalerian" o de la lenga dels universitaris montpelherencs ...

Son a de tipes aital que calriá fisar l'enregistrament dels metòds pels dròlles... Pensi al remirable manual òc-ben pels collegians e liceans, als enregistraments inutilisables causa de la lenga dels actors (al mens en lengadocian).