Danís a écrit:La legitimitat es au delà dau vòte. Desjà, fau saber que i a un vòte. E aqui, me desencuse, mas l'informacion passa pas tròp.
La circulacion de l'informacion es un ver problèma, n'en convèni, e siam à si pensar de cen que porriam faire per l'espandir à toi. Pura, se ti diguessi que li aurà à tala data una eleccion, aneries votar ? En là es la question...
Danís a écrit:La legitimitat es desja dins lo fach de saber se fau un governament per Occitània. Per França, e tots los Estats-nacions, la question se pausa pas (enquera que io tornaria plan botar las chausas sus la plaça publica). Mas aqui, i a pas d'unitat politica occitana, e n'i a jamai 'gut. Se deu n'i aver una (perque pas), pensas pas que la prumiera question a pausar au monde, avant la de saubre quau governament vòlen, es de saubre se vòlen un governament !
Lo noastre objectiu es pas de si reclamar "caps d'un govèrn que rapresenta toi lu Occitans", es puslèu de crear una vida política occitana, en portant de subjèctes de reflexion que tòcon tot lo monde. Pensar à la possibla e eventuala existença d'Occitània, siguesse independenta, existesse, coma si presenteria ? Se lu Occitans si sènton deman concernats da aquesti questions, da aquesta vida política paralela, serà una grana avançada.
Danís a écrit:Coma disseren mos cambaradas, me sembla mai interessent d'aver quela demarcha de vizirat, que, au delà dau rire, pausa la question tot plen seriosa que un governament calcat sus las democracias occidentalas e la França en particular, son pas compatiblas emb l'exercici liure de las lengas regionalas.
Podètz faire coma aquò se volètz, se marcha ben perqué pas. Mas dau mieu vejaire, aquesta iniciativa seria mai vista coma una contestacion còntra la desconneccion generala dau govèrn francés per rapoart au pòble, qu'una volontat manifesta de faire pilhar consciença dei problèmas que rescoantre la lenga occitana. De mai, cèrtu poádon pilhar la voastra idea com'una derision de toti li foarças que lúton per l'autonomia dei regions.
Danís a écrit:Te senhale que lo jacobin pren la pena de te respondre en occitan...
Quo es un fach : Occitània politicament exista pas. Avant de li balhar una existencia "'administrativa" diria, faudria que comence per existar dins la testa dau monde, non ?
Es pròpi lo but de la noastra accion...
Danís a écrit:Impausar de tau biais l'existencia d'un pais a la gent que l'i viven, quo es reprodusir exactament l'eschema que nos fuguet aplicat nautres occitans pendent la Revolucion, lo mesme eschema que vòlen ara espetar !
Impauam ren dau tot, avèm just mes en plaça l'idea d'una República Federala Occitana que prepauam ai gents. N'en siam qu'au començament e siam à desvolopar de novèli ideas per constrúger lo concèpte, lo solidifiar. Li a totplen de decisions à pilhar, lo vorrèm ben faire mé la participacion d'un maximum de ciutadans, mas coma faire, se degun si sente interessat da aquesta idea ?
Danís a écrit:I a una diferencia gròssa entre se trufar de se e se far trufar de se...
Pensi que dins aquesto cas, lo fach de si trufar de se donerà mai d'arguments à-n-aquelu que si trúfon de nautres...
Danís a écrit:E as l'impression d'esser pres au serios ?
Veï ben que non.
Danís a écrit:TOTS los catalans vos sostenen ? Òsca ! A io, los catalans me disseren pas la mesma chausa quand nos sem vists lo darrier còp...
Sabi pas se tots nos sostènon, mas n'i a.
Accueil
).
