colectatges suu net

Adishatz,
que soi a ensajar de tornar trobar un siti deus bons on son los colectatges dab la parabòla de "l'enfant prodigue", pr'amor que cèrqui a analizar la pronociacion du -R gascon, qui non s'enten pas jamei dab los neo-locutors qui, quan hèn l'esfòrç de rotlar lo -r qu'ac hèn com en castelhan ... E i a quauqu'un qui sap l'adrèça deu siti ? Pr'amor que pensavi qu'èra aquò : CRDO mes ne m'escadi pas a trobar on son las pistas audios ...

Qu'ei eth bon site mes qu'ei vertat que ne sei pas tanpoc quin arribar aths enregistraments a partir dera pagina d'arcuelh.

Aci er'adreça directa :

http://crdo.risc.cnrs.fr/exist/crdo/rechercher.xq?term1=parabole&field1=Toutes&mode1=near&langue=Occitan%2FGascon

mercés

Mes com se hè end'escotar las entervistas ? Pr'amor que quan piqui suu pichon simbèu aquò d'audio que i a ua navèra pagina qui s'aubreish mes pas arren a la clau Qu'ei de dòu har, un tant bon utís com aqueth que non fonccione de com cau ...

Siquenon, quauqu'un sap se i a tribalhs linguistics accessibles que son estats hèit suu -r gascon ?

Clic drèt sus lo pitchon imatge, "enregistrer la cible du lien sous" e causís un endrèt on enregistrar aquò sus lo ton ordinator.