Peticion

Ua peticion per l'ensenhement de l'Occitan dens las Lanas.



Copier/Coller le lien dans votre barre d'adresse.

N'aprofichi per vos senhalar aquela peticion partida de Bretanha per lei lengas regionalas :

http://www.langues-regionales.org/

Aurètz aquí lo vejaire d'ùnei candidats ais eleccions sus lo cambiament de l'article 2 de la Constitucion de França.

De segur, es de faire corre !

Hartèra d'aquesta apellacion de lenga regionau, vau pas signar..

Qu'es un punt de vusda que se defen... :idea:

Occitan Libertari, me porriás explicar ton punt de vista, s'as enveja ?

Vau sajar d'estar clar: que'm gonfla de tostemps pensar la(s) lenga(s) nosta(s) coma lenga(s) regionau(s), qu'ei a diser pensar las nostas lengas tostemps per rappòrt a la França.
De mei dab l'apellacion "regionau", voleré diser que l'occitan, lenga regionau, ei mensh ua lenga que non pas lo francés, lenga nacionau. Lo men pais n'ei pas ua region !

Fin finala soi pas estat clar..

Ieu t'ai trobat clar, mas benlèu un pauc simplista, quitament se partaje ton ideia.
Pense que lo probleme es alhors : dins los raports qu'entreten la capitala emb sa "provinça"...
Ieu, lo mòt "regionau" me confle mens que lo de "province"... me far venir fòu quand l'auve a la radiò !

Io tanben, qu'ei lo medish punt de vista coma tu Occitan libertari, mes uèi lo dia, que pensi que cau unifiar las fòrças e deishar los chepics de vocabulari de costat. Donc, qu'ei signat.

E tu Danís, qu'as trobat lo mot que m'enmalicia ! "Province". Me sembla que ven deu latin e que vòu díser "País vençut". Qu'èm vençuts ???

A, òc, té, aviá oblidat que "province" voliá dire "pais vinçut", dau còp, quò me bòta encara mei en colera :evil:
D'un autre costat, lo fach que los mediàs empleguen de mai en mai 'queste mòt vòu dire que an paur, d'una possible emancipacion de las regions, o d'una quite presa d'autonomia... :twisted:
Qu'es un biais de far pression, que ! A nautres de resistir !

P.S : Sem pus a l'Atge Mejan ! Fau forrebandir la feodalitat ! E lo mòt "province" n'es una demorança !

Benleu lo desbat autorn d'aqueth mot "regionau" (qui ta jo qu'es autan maishant que provinciau o que que sia qui'ns bremba la nosta situacion de mestrejats...) que vien deu heit que daubuns militan e lutan entà ua lenga e ua cultura e que d'autes militan e lutan entà un pais dont la lenge e la cultura miralhan l'identitat ...
E donc tà jo n'es pas sonque un chepic de vocabulari mes vertadèrament quauqu'arren de contradictòri dab la luta qu'ensaji de miar dens la vita vitanta...