Accueil
Lo Partit Occitan condemna la
censura de l’estatut d’autonomia de Catalonha
Lo Partit Occitan condemna la censura de l’estatut d’autonomia de
Catalonha
Quate ans après son adopcion per
referéndum, lo tribunau constitucionau espanhòu qu'a anullat aqueste
dimars 29 de junh, 14 deus 200 articles de l'estatut
d’autonomia de la Catalonha. Lo mot de nacion catalana qu'estó
jutjat incompatible dab « l’unitat indissoluble de la nacion espanhòla
». D’autes punts qu'estón criticats com lo caractèr «
preferenciau » de la lenga catalana dens los mèdias e
l’administracion, e tanben l’autonomia judiciari e fiscau.
La sentencii deu tribunau constitucionau pausa la question deu rotle
democratic d'aqueth tribunau e de la representativitat deus jutges.
L'estatut d’autonomia qu'estó votat par los parlaments
catalans e espanhòus, puish aprovat per referéndum deus ciutadans de
la comunautat en 2006. La decision deus jutges que va contre la
volentat de las populacions e deus besonhs d’emancipacion de
las regions dens l'encastre europèu, e ne dèisha a Catalonha que la
causida de l'independéncia entà existir.
En reaccion, la Partit Occitan qu'apèra a manifestar lo 10 de
juilhèt 2010 a 6h deu vrespe à Barcelona dab tot lo pople catalan.
L’estat espanhòu qu'a d'espiar davant e bastir una
organizacion federada, respectuosa de la soa diversitat, meilèu que
de's travar sus principis d’indivisibilitat e de's hicar en dehòra de
las evolucions institucionaus necessaris tà la democracia
en Euròpa.
A Tolosa tanben se deu manifestar tanben davant lo consulat d'Espanha dissabte a 18 oras.
