Bendèl [Resougut]

ai fait aquo

Merces plan, vertat que emb L'Òmi/Esquiròu (raiar la mencion inutila, nos fai chiar a chanhar de pseudò entau... ) sem pas bons en grafisme.

Vau veire ente lo podem botar (pas question per lo moment d'enlevar lo drapeu, mas i a de plaça alhors).

Me damandava : perque pas far daus pitits pegasolets, emb ton dessenh, Lo Guilhèm, en ajustar l'adreiça dau fòrom, per far de la publicitat ?

Los poriám distribuir dins los eveniments occitans, coma l'Estivada que ven, e los portariám sus nòstres vestiments, que n'en pensatz ?

i a lo drapèu dins lo bendèl

A ben òc, vertat, sabe pas ente aviá la testa, aviá pas vist la pita estela.
E ben alara, quò vai, lo vau enlarjar un pauc e lo vau botar tot en naut.

Qu'es estranha la novèla cara deu forom ... Que semble un forom de juòc de ròtle ...

Vese pas perque, i a un pauc mai de color, qu'es tot ! E la bandiera es un pauc mens seriosa que lo drapeu. Qu'es normau que lo fòrum ganhe son identitat ! Mas juec de ròtle, qu'es noveu !

A jo que m'agrada. Manca lo monde.
Taus pegassolèts, qu'ei drin tard tà Rodés..

Non, non, avem enquera lo temps, serán un pauc "maison" e n'i aurá pas fòrça, mas n'aurem, s'oblide pas de los far...

Mas voliá aver vòstra opinion, setz concernits tanben, qui seriá preste a botar un pegasolet emb lo dessenh de nòstre amic Guilhem sus son sac, son chamison...?

danis, si'n hès d'aqueths pegasolets, si son polits, si n'as pro e si vòs ( e si'ns vedem avant que partes !), te'n crompi daubuns ! (enfin, pas tròp car !) -- que lo pèu dens ma mà ei tròp long tà que'n hesi jo
atau que'n podréi quilhar sus tots los taulèrs deu mont de marsan !

Te los vendrai se n'en fau mai que çò que mon encra pòt me balhar, si que non, anem pas nos enmerdar emb daus centimes !

E sabe pas se serán polits, mas per te balhar una ideia, quò sirá tot simplament la bandiera de Guilhèm, emb ajustat en dejos, en negre, l'adreiça dau fòrom, tot simplament, e deurian far a pauc près 10 centimetres de long, e 4 de naut.

Quand aurai 'chabat, lo botarai sus 'quela pagina, per que los que volen l'imprimir (sus dau papier pegant) lo fasan.

Se quauqu'un a 'na melhora ideia... ?

Aaaaaa... coma far un centenat de pega solets nonmas dos jorns en avança...crese que sem pas de bons professionaus sus queu fòrom...

Veiqui. Coma vesetz, ai nonmas ajustat l'adreiça e ai dimensionat l'imatja.



N'en veiqui un autre, sus lo mesme fons :



Chausissetz !

lo purmèr tà jo

Te balharai daus prumiers, en fach ai fach los dos, per far coma los grands publicitaris : una dobla campanha.

Prumier, l'apròcha, lo questionament pausat per "Parlem D'occitania !" "En occitan !", que fai dire au monde "Mas...que me vòu vendre ?". Quò mena una curiositat, que lo segond papier ven calmar, mas pas completament, lo segond papier es en fach qu'una responsa parciala, avem nonmas los mots "Occcitania ! Fòrum", una pita explicacion, mas per vertadierament veire de que se parla, fau venir sus l'adreiça web indicada.

Espere que quò fará venir un pauc mai de monde sus nòstre fòrum, que demòra a 47 membres, dempuei doas o tres setmanas...

"Parlem d'Ocitania", o coma far de la publicitat a la Leclerc emb pauc de mejans...

Veiqui, n'ai fach un pauc mai de tres cent. Se n'en voletz per distribuir, me faudrá trobar a l'Estivada, quò será pas tròp mauaisit : aurai un pegasolet sus lo còr (e òc... ), una camerà au punh, e trainarai dau costat daus estands dau Conselh de la Jòunessa, o de l'IEO Aquitánia o Lemosin... o au bar... ...