La Dictada en linha

La Pòrta d'Oc perpausa a los que n'an pas l'ocasion, los que son luenh, o los que vòlen s'entrainar, una dictada en linha !

Quo es 'qui que 'quò se passa :

http://www.laportadoc.eu/pages_cirdoc/dictada-porta-adultes_2010.php

E sens trichar !

Acostumatz vos a la dictada occitana!
Del moment que vos acostumatz pas a l' accent de la pòrta d'òc...

12 decas, accents comprés…
Na tornarai sens res ongan de la dictada !

zo a écrit:Acostumatz vos a la dictada occitana!
Del moment que vos acostumatz pas a l' accent de la pòrta d'òc...

Que as contra l'accent ?

Danís a écrit:

zo a écrit:Acostumatz vos a la dictada occitana!
Del moment que vos acostumatz pas a l' accent de la pòrta d'òc...

Que as contra l'accent ?

Rassegura me, badinas? Digam qu'ai pas res per...

La votz trainanta, òc, mas 'quò es una dictada...
Mas l'accent ? La lenga voles dire ?

Cerièra, l'an passat, a Narbona, me comptèron l'accent per una dèca mièja. Aurosament!

jfrieux a écrit:Cerièra, l'an passat, a Narbona, me comptèron l'accent per una dèca mièja. Aurosament!

Vau tornar comptar alavetz ! ;)

Danís a écrit:La votz trainanta, òc, mas 'quò es una dictada...
Mas l'accent ? La lenga voles dire ?

Òc-ben s'estimas melh. Lo tipe parla occitan amb un accent francés qu'es pas de creire! Soi lo sol qu'aquò tusta?

Interessant, eth concepte de dictata en linha

zo a écrit:Òc-ben s'estimas melh. Lo tipe parla occitan amb un accent francés qu'es pas de creire! Soi lo sol qu'aquò tusta?

Ah oc ? Jo que pensavi que parlava occitan dab un accent lengadocian estandard

Spoiler:

Bon, en heit ne podi pas jutjar per'mor, Lengadocians, ne'n vedi pas tot dia. Mes com eth lector ne rotla pas eras "r", de segur, que sona drin frances.

zo a écrit:
Òc-ben s'estimas melh. Lo tipe parla occitan amb un accent francés qu'es pas de creire! Soi lo sol qu'aquò tusta?

Ben òc, parla plan. Quo es pas dau lengadocian de Tolosa, efectivament, quo es de l'audenc (sabe pas se lo parlar exista jos queu nom, mas l'ideia i es).
Mas i a talament de lengadocians diferents que 'chabe per me damandar se lo dialecte exista o se quo es nonmas per amassar çò que linguisticament podia pas 'nar alhors...

Es pas de parlar audenc, es de calandretenc mailèu... N'a totas las caracteristicas (sens las fautas gramaticalas segur, que legís un tèxt).
Un pichòt bonus ça-que-la: remplaça de "e dubèrtas" per de "e tancadas". L'encontrari es frequent pels neo-locutors mas aqui ieu disi . Bon, denòta un esfòrç quand mema,mas amb lo tèxt jols uèls ...

Arf a écrit:Ah oc ? Jo que pensavi que parlava occitan dab un accent lengadocian estandard

L'accent estandart seriá puslèu lo del metòda ASSIMIL. Existís pas enluòc (vòli dire,es pas "natural") mas sona pas tan francés, urosament!

Segur, pòdi pas demandar a de Lemosins o de gascons de conóisser plan lo lengadocian, mas aqui me fa un pauc dòl...

Danís a écrit:Mas i a talament de lengadocians diferents que
'chabe per me damandar se lo dialecte exista o se quo es nonmas per
amassar çò que linguisticament podia pas 'nar alhors...

Se podriá dire de tots los dialèctes d'òc non? Enfin benlèu pas pel gascon, encara que...

zo a écrit:

Arf a écrit:Ah oc ? Jo que pensavi que parlava occitan dab un accent lengadocian estandard

L'accent estandart seriá puslèu lo del metòda ASSIMIL. Existís pas enluòc (vòli dire,es pas "natural") mas sona pas tan francés, urosament!

Per io, quand un me parla de lengadocian estandard, quo sembla a dau nòrd-lengadocian (j-dz; etc... aqui, quo es pas 'quò).

zo a écrit:Segur, pòdi pas demandar a de Lemosins o de gascons de conóisser plan lo lengadocian, mas aqui me fa un pauc dòl...

Euh, coma dire... per ma part sei sarlades d'origina (donc lengadocian) e parle mai sovent lengadocian que non pas lemosin que reserve mai que mai au cercle familiau o a las gents que lo parlen desjà...
Pretende pas coneisser totas las caracteristicas localas de queu dialecte, segur, mas enfin de çò qu'ai ausit, vers la mar mediterraneia ilhs parlen tots entau, sens esser passats per Calandreta e sens esser occitanistas tanpauc...

zo a écrit:

Danís a écrit:Mas i a talament de lengadocians diferents que
'chabe per me damandar se lo dialecte exista o se quo es nonmas per
amassar çò que linguisticament podia pas 'nar alhors...

Se podriá dire de tots los dialèctes d'òc non? Enfin benlèu pas pel gascon, encara que...

Sabe pas, en lemosin i a de las diferencias (d'accent mai que mai) mas fin finala pas tant importantas qu'aquò. En gascon i a de las diferencias de vocabulari, de conjugasons, mas benleu totjorn mens qu'en lengadocian. Apres la zòna cuberta es la mai granda, ceci explique cela...

Lo lengadocian estandard fa lo j "dj" me sembla, coma a Milhau o al nòrd de Tolosa. Mas lo "dz" es pas especific al nòrd , ja que se fa a Montalban...

Sabi pas per la còsta de Mediterranéia, mas dins Aude, o al mens dins las tèrras, se parla pas brica aital.De Carcassona fins a Tolosa, sèm dins Lauragués (lo mieu País ). L'accent i sembla un pauc lo de Martí.
Lo parlar de Limós i sembla fòrça tanben.

A broa de mar pòdi pas dire, qu'i ai pas jamai ausit de locutor "natural".Siá que son mòrts, sia que son tròp negats demest la toristalha vai t'en saber,mas m'estonariá fòrça que la prononciacion normala dins aquel canton semble tant al francés.

Per la dictada d'oblidar pas la blòda negra e la pluma amb la tinta.