una peticion en linha per las lengas de França

serve de quicòm de la firmar?

http://lapetition.be/en-ligne/petition-5916.html

SAbi pas ja de que son las lengas de France ? le bourguignon, le francilien, le berrichon?

L'amic Cedric a rason lengas de frança de qué vòl dire ? Ieu ma lenga es pas de frança es d'Occitània.

Ieu personaument parli una Lenga que se poractica en frança, mas pas sonque..... punt

ont es , lo poder? ont es, l'argent?

soi anat vèire la peticion per la calendreta de Sant Céré, i a de monde, e dels bèls!

ço que me truca, es que benlèu servís de ren. Bona dimenjada

Qu'an sortit era formulacion "luenga de França" com alternativa aras expressions "luengas minorizatas" o "luengas regionaus", consideratas com pejorativas o imprecisas.
Que volevan tanben atau insistir sus eth heit qu'eran un patrimoni de qui França aveva era responsabilitat de preservar.

Lo terme "Langues de France" designa las lengas reconegudas per lo ministeri frances de la cultura coma quelas a las qualas s'applicarà la charta europea de las lengas regionalas e minorizadas quand serà ratificada per la França. Dire que l'occitan es una "langue de France" vou dire qu'es una lenga a la quala se deu aplicar la charta europea en França. Punt.

De tornar legir lo raport Cerquiglini que definis las lengas de França, per poder aplicar la famosa charta : http://www.dglf.culture.gouv.fr/lang-reg/rapport_cerquiglini/langues-france.html

Na p'ita precision en mai : l'article 75.1 de la constitucion francesa parla de lengas regionalas, alaidonc s'aplica pas a la lengas de França, qu'es a dire, a las lengas que serian protegidas per la charta europea.

Ah ! ton document es vielh Maime ! Despuish 1999 i avut la desseparacion deu peitavin e deu santongés, mercés ad un collectiu de en 2007.

Arf, me desencusaras, me sentissi pas brica patrimonial, teni pas mestier de me tirar la posca de dessus lo matin, coma auria dit lo sergent lo jorn onte fagueri los 3 jorns : ieu esser patrimonial, je m'en bats les c**** avec une pelle a tarte

Lo document es benleu vielh, mas es lo document que crea lo mot "langue de France" e que ne'n balha 'na definicion. Lo ministeri a chamnhat sa lista mas qu'es en aplicacion daus criteris de la charta. Sus lo site web de la DGLFLF n'i a totjorn lo peitavin mai lo santongés e n'i en mai de ço que n'i a dins lo raport cerquiglini lo judeo-espanhou e la lenga daus signes francesa.

Bon, apres, om a lo drech coma lo Cedric d'esser contra la charta euroepa de las lengas regionalas e minoritarias... (un pauc de meschanta fe quo fai pas de mau.. )

Merces peras precisions, Maime.

joan_cavalier a écrit:Arf, me desencusaras, me sentissi pas brica patrimonial, teni pas mestier de me tirar la posca de dessus lo matin, coma auria dit lo sergent lo jorn onte fagueri los 3 jorns : ieu esser patrimonial, je m'en bats les c**** avec une pelle a tarte

Jo ço que'n disi, qu'ac ei lejut o endenut.
Apres qu'ei possible qu'eth termi de "patrimoni" sia connotat. Mes segon ua definicion der'UNESCO, eth patrimoni qu'ei "er eiretatge deth passat de qui profitam uei i que transmetem aras generacions a viener". Que s'aplica hera plan aras luengas. I d'alhors despuish 2003 qu'existeish ua convencion internacionau relativa ara sauvaguarda deth patrimoni culturau immateriau.

Arf soi d'acòrdi amb tu sus lo teoric, çaquela Folk lore vol diser la coneissença del poble, esser nacionaliste es reconeisser l'eisistença d'una comunautat de monde qu'an decidit liurament de viure amassa per de que consideron que tenon una lenga e/o una cultura e/o una istoria communa...

Dins los faches se disetz al monde m'interessi al folklore, te van imaginar amb la bereta, los esclops e los vestits de l'estat miegjan, se lor dit soi nacionaliste te van imaginar esser per fotra defòra los fòrastiers del teu pais e de faire ratonnades

Ta ieu es parier per patrimoni, pensi que dins lo cap del monde lo "patrimoni" ten una conotacion "vielhas peiras" que ieu en communicacion me geina

Òc, val melhor de vielh rock que de vilhas peiras…