un tòpic!
conferéncia - Ostal d'Occitània, 11 carrièra Malcosina, Tolosa
Dimècres 16 de decembre de 2010 – 20:00
Sylvie Sagnes (CNRS)
Unitat e / o diversitat de la(s) lenga(s) d'òc : istòria e actualitat d'una divergéncia
Silvia SAGNES es encargada de recercas al CNRS (IIAC-LAHIC).
conferéncia - Ostal d'Occitània, 11 carrièra Malcosina, Tolosa
Dimècres 16 de decembre de 2010 – 20:00
Sylvie Sagnes (CNRS)
Unitat e / o diversitat de la(s) lenga(s) d'òc : istòria e actualitat d'una divergéncia
Despuèi mai d'un sègle, doas concepcions de la lenga d'òc s’afrontan : la d’una lenga una dins la diversitat de sas variantas, e la de la singularitat irreductibla de las lengas d’òc. Aquesta question pren uèi un ton qualque pauc radical, fins a abotir a una demanda de reconeissença oficiala d’aquelas lengas. Desconectadas de lors antecedents istorics, aquelas doas concepcions poirián aparéisser, l’una coma una mena de mimetisme, un avatar, coma a l’encòp una subrevivéncia de las representacions del territòri nacional (la Granda Patria una dins la diversitat de sas pichonas patrias) botadas en plaça jos la IIIena Republica ; l’autra, coma une expression entre d’autras del triomf dels particularismes al còr d’una modernitat que fa de l’irreductiblament singular una valor cardinala. Mas aquela lectura sufís pas per rendre compte d’una vision de la lenga que, estent çò qu’es sa longa istòria, poiría tanben èstre considerada coma una subrevivéncia. Amb l'esclairatge de l'istòria e amb l’ajuda d'una enquista etnografica menada en Arles, temptarem de sasir los ressòrts d’aquel antagonisme, per comprene melhor sa resurgéncia, a l'alba del sègle XXI.
Silvia SAGNES es encargada de recercas al CNRS (IIAC-LAHIC).