Trobaretz despuei quauques jorns un extrach d'un DVD d'un grope folclorique lemosin, l'Eglantino dau Lemouzi. S'agis de 'na faula de la Fontana adaptada per Jan Focaud, vengut au monde a Limotges lo 5 d'abriu 1747, e qu'adaptet (non pas resviret) 81 faulas de la Fontana, coma qu'era de moda a l'epoca dins tot'Occitania emai dins d'autras lengas de França... Quelas adaptacions dau Focaud son de brava qualitat e plan plasentas de legir. Quauqu'unas avian estadas editadas en grafia normalisada per lo Centre d'Estudis Occitans en 1974 (colleccion Pichons classics occitans). Sai pas si quo fuguet tornat editat despuei, mas quo voldria la pena...
Ne'n veiqui v'una, Lo rainard e la graula, dita per lo Robert Peirot, dins t-un lemosin limotjaud plan articulat e que podria donc esser interessent d'auvir a v'autres d'autres cantons d'Occitania.
https://www.dailymotion.com/user/chardat78/video/xag99z_lo-rainard-e-la-graula_fun
Ne'n veiqui v'una, Lo rainard e la graula, dita per lo Robert Peirot, dins t-un lemosin limotjaud plan articulat e que podria donc esser interessent d'auvir a v'autres d'autres cantons d'Occitania.
https://www.dailymotion.com/user/chardat78/video/xag99z_lo-rainard-e-la-graula_fun