Lo Hestenau Musicalarue de Lucsèir (Entre lo Mont de Marsan (Lanas) e Sent Sefrian (Gironda)) es benlèu LO hestenau de Nòrd Gasconha qu'a la mei bèra imatge. (Las Nuèits atipicas pateishen enqüèra de l'ahar Noir Desir, e lo Ragga Sun Ska de Cissac-Medòc es benlèu un chic tròp ragga sun e skà per ester coneishut per las gents qu'aiman pas lo ragga, lo sun, e lo skà ...). Es benlèu un chic tròp francò-francés. A la debuta era un hestenau modeste, ont petits artistes tau coma Benabar o Cali son passats. Adara, lo petit es vengut gran e an pró de moneda entà aver la Familha Artús
.
Quan eri au licèu, era enquèra confidenciau, se coneishè per lo boca-aurelha, m'aurè agradat d'i anar (mes ei pas avut l'escadença), mes adara, sèi pas, dab un agach de l'exterior, ei l'impression que se prenen lo cap, mes benlèu qu'es sonque ua impression.
Sinon çò de trucant es de véder la pichona vila de Lucséir (enfin, vila,non, vilatge, tanpauc, quartèr, òc !) se cambiar en lòc de-non-pas-mancar de la cultura pendent 3 jorns.
Enfin, coma la mia beròia es ua nostalgica de l'epòca ont tubè de pintaç a Musicalarue e que vòu véder la Familha Artús, benlèu qu'i serèi aquesta annada ...