vulgarisacion scientifica en occitan

Adiéu en totei,

Fasiá molon de temp qu'eri pas passat per aqui...
Siáu aqui per vos presentar un projècte qu'ai començat : un siti de vulgarisacion scientifica en occitan.
L'objectiu es triple : melhorar ma capacitat de vulgarisacion, melhorar ma lenga, e mostrar que l'occitan si pòu emplegar per de cauvas modernas.

Siáu impacient de saupre ço qu'en pensatz, especialament sus lo fach qu'agui capitat o non de faire una vulgarisacion clara.

A lèu lèu

A tè, vieu que lo tieu projècte avança ben.
Bòna idèia de n'aguer fach un blòg.

Ara vau assajar de comprendre la micanica dei quarks.

Coratge !

Es un coratge per iéu o per Mateu ?

Chanut ton projèct, d'aitant mai que lei sciéncias "duras" son pas fòrça representadas dins lei produccions en occitan!

lo julien vertadier a écrit:...mostrar que l'occitan si pòu emplegar per de cauvas modernas.

Modèrnas, modèrnas... as una concepcion curiosa de la modernitat, parles de Galilei qu'auriá mai de 400 ans, es 2 còps mai vièlh que lo Felibrige ò l'acordeon...!

Galilei es un ponch d'apuèg per desvelopar ço que ven après, per partir de fenomèns que podèm veire dins la vida vidanta, mai en fach trobaras pas un solet article que son subjècte es quaucarren d'avanç le sègle XXen.
ço qu'ai de mai vielh es lo teorèm de Noether qu'es de 1918, e ço que vau escriéure sus la relativitat generala de 1915.
Fondamentalament lo centre dau siti es lo modèl estandard, qu'es dei annadas setantas.

Lo camin lo pu cort d'un ponch cap a un autre es la linha drecha. Aquò l'aviatz soventi fes auvit, mas es pas totjorn verai.

Parièr per sedusir una femna ! CF teoria de la relativitat de las relacions entremièg los sèxes.

LaurençD a écrit:

Lo camin lo pu cort d'un ponch cap a un autre es la linha drecha. Aquò l'aviatz soventi fes auvit, mas es pas totjorn verai.

Parièr per sedusir una femna ! CF teoria de la relativitat de las relacions entremièg los sèxes.

espetada de rire ....

@ darboneta +1

Te vòles marcar ton blòg au bloguitge ???

òc, es ço que pensavi faire, mai era pas lo pus urgent

edit : vaqui, ara ai pujat totei lei ligams dau bloguitge sus lo miéu blòg

Que coneishi un ancian Professor de Matematicas e Inspector dera Educacion Nacionau qui escrivoc quauques articlòts de matematicas en occitan:

http://www.bearnbearn.com e plan coneishut en Bearn.

Cò que serí intereishant de liéger qu'èi un tèsi de sciencia dura, astrofisica, geologiae que't sabi mei tot en occitan, per exemple un escriut de 500 pagínas en occitan publicat a Vielha ena Vath d'Aran

Un pauc tròp bearnés per iéu :-D Unei frasas dins un forom, va plan, ma de tèstes longàs coma en podem trobar ailà es pas aisit aisit de legir.
Ma es força interessant de veire qu'aquò exista, quitament se lo vejaire d'un inspector es pas lo meme qu'aqueu de quauqun dau monde de la recerca.

Per la tèsi de 500 pàginas (aquò fa un gròssa tèsi, es puslèu 100-200 pàginas, ma cambia pas fòrça cauva), lo problema es qu'escriéure una tèsi en francés es ja un pauc una colhonada. Lei cercaires forman de pichonas comunitats tras qu'especialisadas, e la magèr part dau temps li a pas doi personas qu'estudian la mema cauva dins lo meme païs.

Bòn, ara lo siti a ben demarrat, li a de contengut e ai provat diferents apròchis...
... mai li a totjorn pas grand-monde per legir ço qu'escrivi !!!
Au ponch que mi demandi se siéu pas estat un pauc tròp ambiciós e se caldriá pas faire de reviradas en francimand : se per exemple li a un percent dei gents que son occitanistes e un percent dei gents que legisson d'articles de vulgarisacion scientifica, li a sonque una de cada detz mila personas per legir d'articles de vulgarisacion scientifica en occitan.

E vosautres, amics dau bloguitge, quant de visitaires avètz cada jorn en mejana ? Per faire la comparason...

Sabe pas... Ai daus lectors regulars que laissan daus messatges.

A jo sus Fotografia e mei ... èi pas tròp de monde. E sus A Huèc lo blòg de Libertat Gasconha Nòrd, la debuta es mauaisida.
Totun, èi comprès que se pòs alimentar ton blòg cada dia, la frequetacion serà creishenta.

Lo site dau bloguitge es pas censat far montar los darriers articles escrichs sus los blogs referenciats ? Perque lo darrier còp qu'i sei passat, quo i era pas... ?

Ben i a los darriers messatges... Enfin qu'es pas totjorn lo darrier darrier... Daus còps, quò se passe pas bien e la frequéncia de sindicacion daus fiaus RSS es pas tarribla... Sei 'nat fotre un còp de sindicacion manuala (la darriera per lo blògue de Jan-Peire era dau 6 de setembre...).

Cal totjorn botar a jorn lo RSS del Bloguitge a la man ! Lo siti compren pas tot sol ! O fa de còps, mas bon, pfff… (i a pas un biais de corregir aquò ?)

Tè, li vau anar ara.
En de mai lo subjècte sus l'informatica quantica m'interessa.

mai sias un fòle pasmens...

M'agradan plan lo site provençau a tanben lo site bearnés. Anem, coratge, pitchots!
Ne pòdi pas faire ren per degun, mas anarai legir, de segur!

maime a écrit:la darriera per lo blògue de Jan-Peire era dau 6 de setembre...

Un problèma emb las istòrias daus bochiers casher benleu

Per tornar au sugier prumier, lo joèb sus las scienças es ben realisat mas quo es benleu d'un tròp naut niveu per los comuns daus occitans per l'occitan comun.
Òra lo subjet sus l'alhòli .

Autrament sei prenor d'una esplicacion :
Coma mas pometas St Jan an fachas per perdre 'queu gost amar sos l'accion dau vinagre e dau pebre ? Es quò chimica ? moleculara ? ionica ?
La recepta es 'quí sus lo forum

Aqueu blòg es fabulos !

E viéu qu'as fach de bèus progrés dins la lenga.

Bojarron a écrit:Chanut ton projèct, d'aitant mai que lei sciéncias "duras" son pas fòrça representadas dins lei produccions en occitan!

Ah, perdon, ai trobada una iniciacien a la fisica quantica dins lo locau de l'IEO Besiers (L'es plus despiei, l'ai ofèrta au beau-père)

Alh Òli a écrit:

Bojarron a écrit:Chanut ton projèct, d'aitant mai que lei sciéncias "duras" son pas fòrça representadas dins lei produccions en occitan!

Ah, perdon, ai trobada una iniciacien a la fisica quantica dins lo locau de l'IEO Besiers (L'es plus despiei, l'ai ofèrta au beau-père)

Oc ! Jo qu'èi trobat un de quimia organica a l'IEO33 ! E tanben un d'arquitectura !

A la libraria occitana de Limòtges, n'i a un libre de matematicas, niveu liceu, tot en occitan. Crese qu'era de l'analisa.

Cerièra de Mai a écrit:(i a pas un biais de corregir aquò ?)

Faudria traficar dins lo còde dau quite SPIP. Ai jamai 'gut lo coragte de iò far.

clafotis a écrit:
Coma mas pometas St Jan an fachas per perdre 'queu gost amar sos l'accion dau vinagre e dau pebre ? Es quò chimica ? moleculara ? ionica ?
La recepta es 'quí sus lo forum

Siéu vertadierament pas segur, mai pensi qu'es quauquarren qu'es sonque psicologic o fisiologic. Li a molon de moleculas diferentas que balhan un gost amar, e li a ges de relacion evidenta entre-elei. Bensai si pòu maginar que lo vinagre "desnature" unei moleculas d'amar, mai per lo pebre o lo sucre mi sembla esquasi impossible.
Se l'amar era un concèpte fisico-quimic (e non psicologic o fisiologic) seriá aisit d'inventar una mesura, embé una unitat de mesura especiala. Mai li a sonque d'unitat especialisadas ; per exemple l'IBU per la bièra, qu'es especialisat dins una mena de molecula particulara (ço que dison "alpha acids").

Alh Òli a écrit:
Ah, perdon, ai trobada una iniciacien a la fisica quantica dins lo locau de l'IEO Besiers (L'es plus despiei, l'ai ofèrta au beau-père)

Se pòdes trobar lo nom de son autor...

lo julien vertadier a écrit:Bòn, ara lo siti a ben demarrat, li a de contengut e ai provat diferents apròchis...
... mai li a totjorn pas grand-monde per legir ço qu'escrivi !!!

Un pauc fòra-subject mas vene de revirar l'accion daus http://saveourblogs.blogspot.com/

lo julien vertadier a écrit:E vosautres, amics dau bloguitge, quant de visitaires avètz cada jorn en mejana ? Per faire la comparason...

SITEMETER me balha quauques 20 visitors e visitritz per jorn, enorme per mon embonilh.

Pensi que caldriá melhorar lo sistèma de RSS tanben : per exemple lo tiéu blòg mi porgisse un nombre important de visitors embé lo siéu feedasplush, ma li a pas grand-cauva venent deis autrei blògs. Caldriá aver un applet RSS estandard que chascun podriá botar sus lo siéu blòg sensa tot tornar crear.