Accueil
En renjar de las colleccions de revusdas de BD (A SUIVRE, per los aficionados qu'eran nascuts e en atge de legir a la debuta de las annadas 80...) sei tombat sus un autor que me truquet.
S'apela Jacques Ferrandez, e benleu lo coneissetz per sas serias las mai conegudas, L'Outremangeur (n'an fach un film emb Cantona), Carnets d'Orient, Raffini. Io sei tombat sus des las pitas istòrias, que se passen totas dins las Aupas Provençalas, en dessus de Niça, per aqui. Totas an per temi l'exòde rurau, los conflictes de generacion, lo noveu torisme, l'abandon de la terra e de la lenga (la BD es en frances, mas l'autor rend viu sos dialògues en respectar una sintaxa occitana e en i botar daus mots directament francitans), la miseria umana daus darriers agricultors. Tot es vist emb un vejaire plan fin, e l'ensemble, a mitat cinematografic, a mitat literari (luenh d'una BD tradicionala) es vertadierament remirable.
Arribe pas a trobar se 'quelas novelas-BD sigueren tornadas publicar, mas sabe que dins lo mesme esperit l'autor publiquet doas istòrias lonjas 'peladas Arrière-Pays. Coma i aguet 'na novela edicion aumentada en 2003, sauria pas pro vos conselhar d'anar chas vòstre librari per lo 'chaptar.
En esperar, io auria ben vòugut vos botar en scan una o doas istòrias per vos montrar un pauc de que 'quò sembla (notadament una sus lo famos Tren Dei Pinhas), mas pense pas aver vertadierament lo drech...
Parier, se quauqu'un a lo contacte de l'autor, 'quò seria tot plen interessant de li perpausar una publicacion de sas novelas, tradusidas en provençau...
enfin, un pòt totjorn somiar...
S'apela Jacques Ferrandez, e benleu lo coneissetz per sas serias las mai conegudas, L'Outremangeur (n'an fach un film emb Cantona), Carnets d'Orient, Raffini. Io sei tombat sus des las pitas istòrias, que se passen totas dins las Aupas Provençalas, en dessus de Niça, per aqui. Totas an per temi l'exòde rurau, los conflictes de generacion, lo noveu torisme, l'abandon de la terra e de la lenga (la BD es en frances, mas l'autor rend viu sos dialògues en respectar una sintaxa occitana e en i botar daus mots directament francitans), la miseria umana daus darriers agricultors. Tot es vist emb un vejaire plan fin, e l'ensemble, a mitat cinematografic, a mitat literari (luenh d'una BD tradicionala) es vertadierament remirable.
Arribe pas a trobar se 'quelas novelas-BD sigueren tornadas publicar, mas sabe que dins lo mesme esperit l'autor publiquet doas istòrias lonjas 'peladas Arrière-Pays. Coma i aguet 'na novela edicion aumentada en 2003, sauria pas pro vos conselhar d'anar chas vòstre librari per lo 'chaptar.
En esperar, io auria ben vòugut vos botar en scan una o doas istòrias per vos montrar un pauc de que 'quò sembla (notadament una sus lo famos Tren Dei Pinhas), mas pense pas aver vertadierament lo drech...
Parier, se quauqu'un a lo contacte de l'autor, 'quò seria tot plen interessant de li perpausar una publicacion de sas novelas, tradusidas en provençau...
enfin, un pòt totjorn somiar...