Los mediàs e la Palestina

Quauqu'un me mandet quela videò sus DailyMotion, la tròbe interessanta donc vos la balhe. E puei avem tanben lo drech de parlar de l'actualitat que se passa luenh de chas nos...

Mercés per aqueste document.
E que soi mei que d'acòrd dab la toa darrèra frasa, plan segur que devem parlar de l'actualitat de pertot. Qu'ei lo noste dever "d'occitanistas" (perdon per utilizar aqueste mot) de parlar de tot en òc.

Occitanistas, pas forçadament. Mas fau saure se sem un pòple o pas. Un pòple qu'a una lenga e una cultura pròpia deu esser capable de parlar de tot dins sa lenga.

M'agradariá tanben que quauqu'un botesse mai de musica pas dicha "occitana" dins lo DISCARI...un pauc de vita, qué... "à bon entendeur..."

La tecnica de presentar los mesmes individus coma "teroristes" ò-ben coma coma "resistents" es jà vielha. Lo pitit extrach de de Gaulle deuria permetre d'ò entendre quitament per dau occidentaus.

Vichy e los nazis 'pelavan terroristes las gents que son estats portats en triomf aprèp 1945. Lo quite Percy Montgomerry rasonavan entau, e volia pas engatjar de negociacion amb los partisans sul terrenh de paur d'encontrar de las gents semblables au Irlandès qu'òu era pertit reprimir.

Queu decriptatge nos podria èsser utile dins los (tròp) numerós cas que se trapa quela paraula de "teroriste" :
Deuria èsser normau de considerir qu'un combatent qu'es pas dins n'armada regulara a pas ges de causa de defendre, de rason de respondre (au besunh per d'actes de violença), quitament contra daus sordats que quò es lor besunha. Qu'es un jutjament de valor crident e manifest qu'auri pas jamai sa plaça dins un reportatge serios e a fortiori dins un texte de lei.

Me sembla interessent de se pausar quela mena de question rapòrt a la fraseologia e a la dielctica emplejada dins daus subjects mai pròches de las nòstras tematicas receurentas, sens minim:isar lo massacres que son a subir. En clar : quò es interessent d'èsser concernits per lo trachament de l'info sus los palestinencs mas quò vau lo còp d'èsser au clar sus lo biais que se parla de n'autres per èsser coerents. Tròp suvent defenden daus 'argumenst amb las paraulas que los desservissen.

A la lesta :
-Que pensatz dau biais de dire la nòstra revindiccion d'indentitat amb de las paraulas representativas dau punt de vusda daus enemics nòstres ? ("régionalisme", "séparatisme") Coneissètzlo mèu.
-Que pensatz dau recors sistematic a la nocion de laicitat, ò de la Republica coma un dògme que sene'n pòt aver 'mas una concepcion ? (la Republica que me convendria es mòrta en 1939 a Madrid)
-Que pensatz de quela mania de se presentar coma 'na "comunauté culturelle est linguistique" per far pas d'ersas ?
-Que pensatz de queu besunh d'aver 'na paraula generica (quina que siá) per metre dins lo pochon parier totas las gents que se mainen d'Occitània ? Ieu, ne'n ai pas mestièr.

Danís a écrit:Occitanistas, pas forçadament. Mas fau saure se sem un pòple o pas. Un pòple qu'a una lenga e una cultura pròpia deu esser capable de parlar de tot dins sa lenga.

M'agradariá tanben que quauqu'un botesse mai de musica pas dicha "occitana" dins lo DISCARI...un pauc de vita, qué... "à bon entendeur..."

Que pensi qu'èi hicat 3 o 4 topics de musica, nada n'ei "occitana".

Quan parlavi de nosautes occitanistas, que volèvi diser que devem muishar l'exemple. Per'mor hèra de locutors pas autant engatjats com nosautes n'an pas lo reflèxe d'emplegar l'occitan com lenga de comunicacion universau. Qu'ei sovent acantonada a la familha, au vesiat e las causas ultra famiiaras.

Qu'avem un petit poder dab aqueste fòrum, profitem-ne tà har vàler la nosta lenga en sortint deus subjèctes mei tradicionaus.