OCCITANIA !! Forum


Vous n'êtes pas connecté. Connectez-vous ou enregistrez-vous

Las negociacions Israèl-Palestina en perilh

Voir le sujet précédent Voir le sujet suivant Aller en bas  Message [Page 1 sur 1]

Lo ton vesin


Guelha de bonda
Guelha de bonda
Arron lo refús deTzipi Livni, la gavidaira deu partit centrista Kadima, de s'engatjar per escriut a non pas negociar la question de Jerusalèm dab los palestinians, lo partit religiós israelian Shas que vien d'anonciar lo son refús d'entrar dens lo govèrn qui volè formar Tzipi Livni.

Lo refús deu Shas de continuar de sostiéner l'aliança enter Kadima e lo Partit tribalhista qu'ei motivat abans tot peu son refús aganat de negociar l'estatut de Jerusalèm dab los palestinians, qui demandan la partida orientau de la vila com capitala deu lor futur Estat.

Ehod Olmert, lo prumèr ministre qui devó demissionar en seteme per'mor d'escandales de corrupcion, qu'avè hèit saber qu'èra prèst a revisar la pretension de l'Estat judiu a guardar l'ensemble de la Vila senta com la soa "capitala reünificada e etèrna" d'Israèl.

"Se i avè avut un engatjament que non i auré pas negociacions sus Jerusalèm, qu'aurem podut recomandar au partit d'aprovar l'acòrd", ç'a explicat un deus gavidaires deu partit Shas, Eli Yishai, ministre deu comèrci e de l'industria dens lo govèrn sortent. "Lo Shas n'ei pas a véner e ne ne venerà pas Jerusalèm. Qu'ei estat la nosta linha constanta pendent totas las negociacions. Jerusalèm n'ei pas a véner."

Se Tzipi Livni ne pòt pas constituir un govèrn, que i aurà eleccions anticipidas a las prumerias de 2009. En aqueth cas, segon los darrèrs sondatges, lo Likod (dreta) de Benjamin Netaniaho qu'arribaré davant los partits de la coalicion gavidada per Tzipi Livni.

Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum