Pòrta d'oc

I a mond que coneish aquo o que tribalh a l'elaboracion de aqueth projecte?

http://www.laportadoc.eu/

Io...
E io ai acces au site de test, au mens !

La pòrta es duberta...

li trabalhe pas, mas me sembla plan interessant, de mai lu site es brave!
quo podria devenir 'na referencia, segurament!

Bon, coma l'inauguracion es uei (i a una conferencia de prensa dins un bar de Montpelhier quel apres-miegjorn), quo es benlèu temps de n'en parlar mai.

Lo liam, donc, zo tòrne escriure :

http://www.laportadoc.eu/index.php

E lo principi :

Queu site a vocacion a esser un portau sus tot çò que se fai dins lo monde occitan sus internet, mai dins la realitat. Referença tots los sites (per lo moment, n'i a pas tròp, mas benleu dins un mes, i aniratz farfolhar e vos assegurre que trobaràs de las chausas desconegudas mas tot parier interessantas) internet, tots los eveniments, tots los gropes de musica mai o mens afiliats a l'occitan, etc...

Veiretz que en naut, i a daus jos-portaus, de las tematicas : Lenga, Cultura, Ensenhament, Jòunessa, Espòrts e Juecs, Economia, Torisme, Lengas Minorisadas.

Dins chasque tematica, veiretz 4 modules, en generau, un d'actualitats en forra-borra, un "de mancar pas", que bòta un valor una persona, un luec, un eveniment, un endrech, un module "sites internets", emb una seleccion de sites en rapòrt emb la tematica.

Se voletz un exemple, io sei responsable de la tematica Jòunessa (m'i an a fotut gràcia au Forum... ), donc ai fach un "Coup de Projecteur" sus lo forum (ben òc, aviá pas talament d'ideias per un prumier còp...), parle dins las actualitats d'un concors de mangàs, d'un concèrt, de l'Escòla d'Ivèrn, un BD dins lo module "A la Une", e 4 sites que coneissetz desjà dins ma seleccion.

Dins chasque module, avetz la possibilitat de chausir "mai d'infòs" (coma son nom z'indica...), o quitament d'esser tornat dirijat vers de las categorias mai generalas, las que vesem dins lo menu de mança. Per exemple, se picatz su "Escotar", tombaratz sus la lista de TOTS los MySpaces en rapòrt emb la lenga o la cultura occitana (rapòrt eslunhat daus uns còps...)

Veiqui, podetz vos amusar a cherchar un pauc.

Atencion, quo es pas per çò que lo site es ara dubert que es chabat, es enquera un pauc voide e benleu trobaratz quauques traucs...

Autra remarca, se picatz sus "Occitan", dins la lenga d'interfaci, auratz un menu, que vos perpausarà de chausir un dialecte (nos manca lo provençau e l'auvernhat enquera). Las chausas dins la basa de donadas son fachas perque se la traduccion exista pas dins un autre dialecte que lo lengadocian, lo mot s'aficharà en lengadocian (e pas en frances coma z'aurián pògut creire), de tota faiçon...
S'avetz una remarca sus las tradccions, quo es io que fau insultar !

Enfin, me permete de portar un bemòl a l'entrepresa : lo site es financiat per la Region Lengadòc-Rosselhon (quò part dau CIRDOC, basat a Besièrs). Per l'estat, en gròs. Donc inutile de vos dire que dins la lista daus sites trobaratz jamai una referencia a un moviment politic...
Pas de redireccion vers lo blog d'Anaram, per exemple...
Sabe que n'i a que van romegar...

Bon, veiqui, pense qu'avem fach lo torn, s'avetz de las questions, se vesetz pas coma 'quò foncciona (soi conscient que quò fai fòrça a comprener), damandatz-me !