Accueil
En visita oficiau a Londres dimèrcs passat 19 de noveme, Shimon Peres, au cors d'un long devís davant lo Parlament britanic, qu'evoquè lo risc d'un conflicte civiu en Israèl se l'Estat e's decideish a evacuar las colonias de Cisjordania. La soa formulacion exacta, segon lo quotidian israelian Ha'aretz qui balha aquera informacion, qu'èra que "Israèl [auré] dificultats entà mantiéner las colonias de Cisjordania shens provocar ua guèrra civila en Israèl".
Qu'ei lo prumèr còp qui un haut responsable israelian evòca publicament aquera eventualitat, presenta a l'esperit de tots los observators despuish annadas. Per estar aquera remarca inserida dens un long devís de portada generau, qu'ei probable qu'èra calculada e longament pensada, subertot dens lo contèxte politic actuau.
En efèit, aquestas setmanas que son estadas marcadas per ua hauça de tension enter los colons mei radicaus e l'armada, e en particular a Ebron, site de la colonia de Kyriat Arba, un bastion de l'extremisme (cf. pòst precedent), seguida de mesuras de retorsion contra los colons de las parts deu govèrn israelian. Que son estadas marcadas tanben per un devís deus durs de las parts d'Ehod Barak (ministre de la Defensa, tribalhista), contra los colons extremistas qualificats de "tumors cancerosas", e per l'afirmacion de las parts d'Ehod Olmert (prumèr ministre sortent, Kadima), davant la Knesset, de qu'entà aténher la patz dab los palestinians Israèl aurà a evacuar la totalitat de la Cisjordania.
Notem que Shimon Peres ei ací un vertadèr "pompièr piromane". Signatari deus acòrds d'Oslo dab Yitzhak Rabin e prumèr ministre arron de l'assasinat de Rabin, qu'accelerè la colonizacion pendent lo son passatge aus ahars, dinc atenhosse un nivèu jamei vist au davant.
Qu'ei lo prumèr còp qui un haut responsable israelian evòca publicament aquera eventualitat, presenta a l'esperit de tots los observators despuish annadas. Per estar aquera remarca inserida dens un long devís de portada generau, qu'ei probable qu'èra calculada e longament pensada, subertot dens lo contèxte politic actuau.
En efèit, aquestas setmanas que son estadas marcadas per ua hauça de tension enter los colons mei radicaus e l'armada, e en particular a Ebron, site de la colonia de Kyriat Arba, un bastion de l'extremisme (cf. pòst precedent), seguida de mesuras de retorsion contra los colons de las parts deu govèrn israelian. Que son estadas marcadas tanben per un devís deus durs de las parts d'Ehod Barak (ministre de la Defensa, tribalhista), contra los colons extremistas qualificats de "tumors cancerosas", e per l'afirmacion de las parts d'Ehod Olmert (prumèr ministre sortent, Kadima), davant la Knesset, de qu'entà aténher la patz dab los palestinians Israèl aurà a evacuar la totalitat de la Cisjordania.
Notem que Shimon Peres ei ací un vertadèr "pompièr piromane". Signatari deus acòrds d'Oslo dab Yitzhak Rabin e prumèr ministre arron de l'assasinat de Rabin, qu'accelerè la colonizacion pendent lo son passatge aus ahars, dinc atenhosse un nivèu jamei vist au davant.
