Eleccions presidencialas França 2012

Ai dubert un subjècte, m'estona que siegue pas estat ja dubert (ò bessai que cerquèri mau ?)

Lei fòrças en preséncia

De mon caire, votarai Hollande, maugrat que m'agrade Mélanchon mai pòdi pas laissar passar sei sortidas e sei conviccions pregondas sus una part de mon engatjament personau.

Sachent que per ieu, es enebit d'aguer de drecha cinq ans de mai au poder, que detz ans, es ja tròp per nautres.

Efectivament, sembla pas que la Presidenciau 2012 sii la preocupacion màger deus forumoccitanistas...

Personaument, esiti grandament a votar Hollande. Lo darrèr còp, me soi hèit enfilar plan com fau dab lo vòte util. Avem plan vist après que Royal presidenta seré estat una granda nhòrla. Hollande, fau pas oblidar qu'èra lo clown trista deu PS dinc a l'eleccion "democratica" d'Aubry au congrés de Reims. E puish la visita a la City per díser "n'ajatz pas paur, soi a la drèta de l'esquèrra..."

Mélenchon, evidentament es pas la panacèa question lengas... Quitament se los occitanistas encartat au FDG semblan díser que las causas cambian...

Poutou, Artaud, Joly...

Per ma part, tant que soi vivant, votarai pas jamèi socialista, que m'agrada mei ua politica de dreta miada per la dreta, qu'ua politica de dreta miada per l' "esquèrra". Lo PS ei trèop esluenhat de mas ideas.

Tanben d'un punt de vista personau, èi decidit de pas mei votar (per las eleccions nacionaus en tot cas). Lo darrèr còp qu'èi votat, èra per lo referendum europèu. Avèm votat NON, an decidit que seré ÒC, va plan, m'auràn pas dus còps. Vòli pas mei legitimar aqueth regime de mèrda.

Aquò ditz, m'interessi a la campanha, e s'èra pas jacobin lo Mélenchon, seré un bon candidat de l'esquèrra sociau democrate. En fèit, per jo, se plaça politicament on deveré estar lo PS.

Abstencion, sieu contra l'election de président per lo pople.

Podetz essaiar de far lo quizz dau Monde, qu'es amusant : http://www.lemonde.fr/election-presidentielle-2012/quiz-programmes.html

Sabe franchament pas per qui votar queste còp. Merlucha tròp jacobin, Eva e EELV desjà alinhat sus lo PS, lo NPA e LO tròp dins lor pitit monde... E coma vòte pas a drecha, ai pus tròp de possibilitat. Pertant los tests me disen tots qu'ai a pus pres las ideias de Poutou ! Veiram ben.

Zengi a écrit:Avèm votat NON, an decidit que seré ÒC, va plan, m'auràn pas dus còps.

Falia pas raibar. L'important era de dire de NON. Quand veses los irlandés que deven votar d'acianta dijan de òc per tots los tractats, era segur que, quau que sia la resulta dau referendum, farian passar lor project. La construccion europeia es pas democratica, punt.

Zengi a écrit:Aquò ditz, m'interessi a la campanha, e s'èra pas jacobin lo Mélenchon, seré un bon candidat de l'esquèrra sociau democrate. En fèit, per jo, se plaça politicament on deveré estar lo PS.

Lo PS laisset quela plaça dempuei longtemps. En 2002, Jopsin aguet lo coratge de iò dire emb son "mon programa es pas socialista". La gaucha francesa es pas capabla de iò acceptar e de bastir quauquaren mai.

Discours de Jean-Luc Mélenchon à Lille par PlaceauPeuple

A partir de la minuta 13, separatistas = extrema dreta...

E òc pecaire ... mas i aurà tostemps qualques colhas occitanistas per votar Merlusson.

Pel segond torn, me triga de véser per qual votaràn los Merlussonistas ? Sarkozy o alavetz Le Pen ? Mas bon fin finala, los Merlussonistas son de "gueuche" eles ... "Freunt de gueuche" çò dison ...
Çò segur, Merlusson fa lo jòc de la dreita e de l'extrèma dreita. Me poguèssi enganar ...

Qualqu'un mai a écrit:Pel segond torn, me triga de véser per qual votaràn los Merlussonistas ? Sarkozy o alavetz Le Pen ?

Legiguei, sabe pus dins quau jornau en linha, un estudi plan interessanta sus lo vòte "extremista" : per Merlussa e La Pen. Sus son evolucion dins la campanha. Los chamnhaments se fasen de queu biais : entre Merlussa e Hollande, e entre La Pen e Sarko. Los que volian votar Mélenchon e que lo tròben de mai en mai chiant emb sos atituds, votarian Hollande. Los que tròben Hollande tròp gente emb la finança, votarian Mélenchon. L'estudi mostra que n'i a pas de personas interrojadas que passarian de Le Pen a Mélenchon o lo contrari.

Pense que lo repòrt de votz au segond torn se farà de Mélenchon vers Hollande o vers l'abstencion. En cas de Sarko Lepen, pense que los que aurian votat Mélenchon, votaràn pas.

Dempuei la tuaria de Tolosa, lo selectors de Le Pen au prumier torn que votarian Sarko au segond son passats de 30% a 50%.

Qualqu'un mai a écrit:Çò segur, Merlusson fa lo jòc de la dreita e de l'extrèma dreita. Me poguèssi enganar ...

Vese pas en que.

Mai liègi deis articles sus internet e sus lei sitis occitanistes e mai mi pausi la question, onte son lei forças politicas Occitanas ? Occitània es pas Corsica o lo Pais Basca, e oc…
Es força polit de criticar la campanha electorala francesa, mai mi semble que lei militants occitanistes an pas força de maturitat, lei discors son un pauc puerís. Quand liègi que Melenche fa lo jòc de Le Pen, mi disi qu’es una ganda colhonada de dire aquo. En arribi a mi dire que leis occitans vòlon encara de 5 annadas de Sarkozy…ieu ne’n voli pas.
Ausissi lei cridas a l’abstencion e bèn ieu voti Melenche, pas per l’ome jacobin (oc Melenche a un discor nacionaliste e arcaïc , segur !), mai perque li a de mai en mai de misèra sus tot lo territori de França. Sabi que pensatz, mai m’en garci de tot aquo perque força occitanistas son dins un desnegament de realitat. Li a encara força de trabalh a faire sus le térra occitana (politica e culturau) per aquesir una reconeguda ( en Provença, la lenga mor ). Sabi qu’aqueste vòte farà pas França un Paradis mai sera un baratge contra la drecha. La lucha per Occitània contunharà segur après aquestei eleccions cu pertocam totei vist que per lo moment siam totjorn administrats per lo Govèrn Françés….Oc, es aquo la realitat.
Ausissi jà leis insultas mai un cop de mai m’en garci. Encara una causa, m’agrada pas lei discors nacionalistas francés, mai tanben m’agrada gaire lei discors nacionalistas occitans. Es un ben de luttar conta lo centralisme e lo colonialisme franchimand mai volguer lo refaire per Occitània es contra productiu…

La question de l'eleccion presidenciala se resumisse pas a votar per Merluchon ò Sarkozy.

Personalament, ai ja dich per qu votarai e es una causida vertadiera.

Sus lasetmana.fr, traparetz un petit webdocu que resumís las posicions de cadun dels candidats sus las lengas regionalas.
http://www.lasetmana.fr/dorsiers/analisis/3216-co-que-pensan-los-candidats-de-las-lengas