Jo ?

Lo Clapadèir

Lo Clapadèir

Pinta-Beroi

Nombre de messatges : 11
Atge : 44
Localisacion : Gasconha maritima, garonésa e lanusqueta
Dialècte : Mai d'un dialècte
Nivèl de Lenga : Parli corentament
Dins OCCITANIA !!, demòri a costat : de l'Estadi
Date d'inscription : 21/07/2010

Adishatz, monde !
Me demandi encara perqu’èi esperat tant pausa abans de véner sus aqueste forom. De vrai, es lo que falèva a Occitania. Reverar

Sui pas qu’un simple gardolèir, que vivi, respiri la lenga cada jorn, assajant tanben de la viure e hèser viure au parçan. La lenga, la cerqui cada jorn. L’èi cercada dens los cèus de Gironda, dens los pins, dens l’aiga de Dordonha, las bricas de Tolosa, los Pirenèus abans l’auratge… E qu’èra totjamèi aquí, totjamèi viva e bèra. Totjamèi la lenga nòsta. Crotz Occitana

Sabi pas se pòdi díder que l’ensenhi. Sagi d’ec hèr passar meilèu.
Seré gloriós, benlèu que dishussessi que mestregi. Disen que bretonegi quauques parlars de Gasconha, quauques parlars de Lengadòc, dus mòts de provençau e encara mens de lemosin…
Compti plan sus la passejada aquesta, dens aqueste país meravilhós qu’en poiré anonçar un aute Interrogacion

, per aprénder !
A lèu, donc, a tots.
Lo Clapadèir.

Jeu 22 Juil 2010 - 8:23 par joan_cavalier

La planvenguda a tu

Jeu 22 Juil 2010 - 13:49 par Lo Clapadèir

Granmercés, l'òme ! Jo ? Icon_smile

Jeu 22 Juil 2010 - 14:12 par maime

E bonjorn, l'amic !

e encara mens de lemosin…

N'i a tot plen de Lemosins de per aici ! Vas aprener...

Jeu 22 Juil 2010 - 17:56 par Lo Clapadèir

Adiu !
Mercés. Esperi plan sui vengut tanben pr'aquesta rason.
E i a monde d'Auvèrnha tanben ? M'interessaré d'aprénder tanben los parlars de Limanha, que'm semblan dehet particulars e interessants.

Jeu 22 Juil 2010 - 18:25 par maime

Ben, n'i a pas d'auvernhats de marcats sus lo forum. Quò manca de segur.

Jeu 22 Juil 2010 - 18:38 par Lo Clapadèir

Aquò vengrà ! Auvèrnha es un parçan que's sembla desvelhar a la lenga.

Jeu 22 Juil 2010 - 18:44 par maime

La partida d'Auvernha la mai duberta a la lenga es lo Cantau, qu'es finalament de parlar lengadocian...

Jeu 22 Juil 2010 - 19:52 par Lo Clapadèir

Segur.
I a en Cantau - çò que manca a l'Auvèrnha limanhòla - una hòrta cultura literària felibrenca, damb figuras coma Arsèni Vermenósa, Blancharèl o Justin Besson, que manejèren tà qu'aqueste parçan vengèsse un centre de produccion literària e poetica occitana. Mes de vrai, Vermenósa e los autes s'illustrèren dens una lenga qu'es la varianta septentrionau dau lengadocian. Desempuish los hrairs Laborieux, au sègle XVII, n'i a pas mei augut de vertadèira produccion de qualitat en auvernhàs au sens estrict dau tèrme. Non

Fau çà que là citar, praus qu'ec interessaré, qu'un siti occitan, que lo ligami es aciu : http://www.recits-occitan.com/ permét d'ausir tèxtes dishuts en parlars de Clarmont, de Tièrs, mes tanben d'Auvèrnha dau mieijorn. Una descoberta, per jo, de l'originalitat d'aquestes parlar que s'entenden pas jamèi !
I a tanben aquò : http://www.marraire.com/ per los que voirén enténder la lenga de Velai e Vivarés.

Jeu 22 Juil 2010 - 20:42 par joan_cavalier

M'en vau pas me faire d'amics (teni la costuma) mas me balha l'impression d'esser pausat amb los reuniones de la radio e de los ausir parlar creole

Jeu 22 Juil 2010 - 21:01 par Lo Clapadèir

Parlas daus enregistraments ?

Jeu 22 Juil 2010 - 22:19 par joan_cavalier

Ven 23 Juil 2010 - 8:04 par maime

Pertant tu ses acostumat d'auvir daus lemosins e daus valdencs, non ? Qu'es pas talament diferent. Vaque far un estagi de lenga dins las brumas de l'Occitània dau Nòrd, entre clafotis e trufada, citre lemosin e genciana auvhernata !!

Ten, me rapele de çò qu'avia dich lo Tiston en auvir los enregistraments de marraire.com : "Setz segurs qu'es pas daus vielhs corresians que parlen ???"

Ven 23 Juil 2010 - 8:16 par Lo Clapadèir

Vesi pas dee curiositats das grandas ad aquestes parlars. Benlèu qu'ec sui acostumat. S'entendetz un de Peiriguers, e encara mei un de Confolens, sona chic atau. L'accent dau Confonlentés es vertadèirament originau, eth.

Ven 23 Juil 2010 - 8:24 par maime

Boei... qu'es lo parlar en "è" de l'oest lemosin (mai dau Peirigòrd). Fau nonmas saubre que los "a" longs se disen /è/ e los "er" se disen /ar/ : las vachas /lè vatchè/, verd /var/, saber /sabar/.

Per contra, vese pas çò que quauqu'un de Perigüers a d'originau... Pas mai que quauqu'un de Limòtges, que.

Ven 23 Juil 2010 - 10:57 par Lo Clapadèir

Es una tendénça que's retròba en Benauja (Entre-duas-Mars), damb vocalisacions o cadudas daus "s" finaus : las vacas > /lei baqué/. Es atestat dau costat de Blasimon, Targon, La Sauva... Per contre, briga de resolucion dau é en /a/.
N'èi pas dit qu'un de Perigüers avè un parlar originau, èi dit un de Confolens. Ec disi perqué n'en èi un de mos amics, e que son parlar presenta particularismes fonetic - a l'ausir - que'u hèn reconéisher sau pic. Es un parlar hòrt agradiu ad ausir.

Ven 23 Juil 2010 - 11:45 par **admin**

Planvengut Clapadèir ! Bona passejada dens lo forum !

Ven 23 Juil 2010 - 11:57 par Lo Clapadèir

Mercés dehet ! La passejada a jà començat, e s'anonça interessanta. Jo ? 536853

Ven 23 Juil 2010 - 17:22 par clafotis

De'n prumier bonser lu noveu, ‘chaba d'intrar Jo ? Icon_cheers

maime a écrit:
Ten, me rapele de çò qu'avia dich lo Tiston en auvir los enregistraments de marraire.com : "Setz segurs qu'es pas daus vielhs corresians que parlen ???"

Ma mair maitot los prenguet per de la gent dau tuquet d'a costat.

Ven 23 Juil 2010 - 18:42 par joan_cavalier

@ maime l'idea me tenta, aprep vo teni la costuma del Lemosin de l'einucent bandat..... lol

Sam 24 Juil 2010 - 1:28 par **Sokolovic**

Siatz completaments calucs !

Jo ? Icon_lol

Mar 27 Juil 2010 - 16:25 par **Cerièra de Mai**

Planvengut, es totjorn un plaser d'acuelhir un novèl !! Clucant

Mer 28 Juil 2010 - 13:45 par Tiston

maime a écrit:

Ten, me rapele de çò qu'avia dich lo Tiston en auvir los enregistraments de marraire.com : "Setz segurs qu'es pas daus vielhs corresians que parlen ???"

qu'es vrai, vese pas gaire de diferencia (d'accent nimai de lexic) entre los enregistrament vivares de maraire.com e daus vielhs Corresians de Chamboliva o de Sent Sauvador... qu'es surprenant!
Tant coma fuguei estonat de la ressemblançia entre lu parlar lemosin de Gironda que Danis avia mes en linha e la linga qu'auve devers Benavent en Creusa...

La bevenguda Jo, e s'aimas l'accent dau Confolentes, podes ne'n auvir aqui :
http://www.chanson-limousine.net/confolensfm.html

Ven 30 Juil 2010 - 12:56 par maime

Tiston a écrit:qu'es vrai, vese pas gaire de diferencia (d'accent nimai de lexic) entre los enregistrament vivares de maraire.com e daus vielhs Corresians de Chamboliva o de Sent Sauvador... qu'es surprenant!
Tant coma fuguei estonat de la ressemblançia entre lu parlar lemosin de Gironda que Danis avia mes en linha e la linga qu'auve devers Benavent en Creusa...

A creire que parlen un dialecte dau mesme grope (nòrd-occitan) de la mesma lenga... Jo ? Icon_lol

çò qu'es vertadierament surprenant qu'es que siam enquera surpres de pas veire de differéncia entre dos dialectes nòrd-occitan Jo ? 23838

Ven 30 Juil 2010 - 15:36 par Tiston

maime a écrit:A creire que parlen un dialecte dau mesme grope (nòrd-occitan) de la mesma lenga... çò qu'es vertadierament surprenant qu'es que siam enquera surpres de pas veire de differéncia entre dos dialectes nòrd-occitan

mas non, ço que m'a suspres, qu'es de coneisser mens de diferencia d'accent entre los parlars de Benavent e Pueg Normand (240 qm) qu'entre los parlars de Benavent e d'Usercha (80qm)... Pertant qu'es tot dau lemosin...
Idem, aqui fuguei suspres de trobar mai re ressemblançia entre los parlar de Pompadour e de Sinjau (Yssingeaux) (300qm) qu'entre los de Pompadour e Limòtges (40qm)...
Son daus misteris que los linguistes sols poden comprener...
Jo ? 23838

par Contenu sponsorisé