Adieu-siatz

A e per completar ma presentacion,
ai oblidat de dire... es encara pièger
non solament parli l'occitan de Calandreta
mas en mai d'aquo soi de Montpelhièr

Planviengut !

Spoiler:

Adiu Balara e planvenguda aici. Vengues pas de Panoccitania al mens?

Adiu e planvienguda.

Arf, quin hès aqueths blancs on apareish ua frasa après ? Que m'amusa !

Héhé ! Planvenguda aquí ! De tot biais, avem un lemosin deu Perigòrd e tanben quauques biarnés aquí, lavetz se vam pas formalizar per quauqu'un qu'es de Montpelhièr !

fredoc a écrit: Arf, quin hès aqueths blancs on apareish ua frasa après ? Que m'amusa !

Que sufeish d'inserir era balisa [/spoiler] apres eth texte, i era balisa [spoiler] abans.

Adiu-siatz ! E benvengut ! Vese emb ton chafre que coneisses tos classics en literatura occitana...

sanmarti a écrit:Adiu Balara e planvenguda aici. Vengues pas de Panoccitania al mens?

non, quand meme pas, cal pas quichar !
(especiala dedicaça a fred-oc)

Calandrona e originari de Pompeviech, far fòrça per una sola persona, aprep rai sem pas (totes lol) sectaris, la planvenguda a tu

Amistats

Cedric

Planvenguda Balara !

mercés per vòstre acuèlh

balara a écrit:Me veni d'inscriure sus aquel forum
Ai pas sauput definir mon nivèl d'occitan
anam dire que parli ... correntament ... lo calandretau (coma ai legit que s'apelava)
serai benlèu pas benvenguda doncas,
mas passi dire bonjorn ça que la

Bònjorn bònei fèstas, t'en fagues pas si comprenes pas tot ce qu'es escrich de lòng dau forum, en occitan existan de dialectes


Desconi...

Benevenguda

planvenguda!

Benvenguda, calcula pas per ton nivèu, sèm pas en cors quí !

Spoiler:

Einucent a écrit:Benvenguda, calcula pas per ton nivèu, sèm pas en cors quí !

Spoiler:

urosament que sèm pas en cors

Spoiler:

Eh ben diga que parlas un pauc, que t'atraçaràs atau quauques compliments e ecoratjaments.

fredoc a écrit:Eh ben diga que parlas un pauc, que t'atraçaràs atau quauques compliments e ecoratjaments.

Los encoratjaments e compliments que m'agradan tostemps,
que vau seguir lo ton conselh

De mai, i a pas res entre « parli un pauc » e « parli plan » !
Çò que fa que gardi « parli un pauc »… dempuèi la debuta !

Balara a écrit:Me veni d'inscriure sus aquel forum
Ai pas sauput definir mon nivèl d'occitan
anam dire que parli ... correntament ... lo calandretau (coma ai legit que s'apelava)
serai benlèu pas benvenguda doncas,
mas passi dire bonjorn ça que la

Adiu Balara e benvengut.

sanmarti a écrit:Adiu Balara e planvenguda aici. Vengues pas de Panoccitania al mens?

Vorrii capir quauquaren: qu'avètz toi còntra panoccitan.org?

Cerièra de Mai a écrit:De mai, i a pas res entre « parli un pauc » e « parli plan » !
Çò que fa que gardi « parli un pauc »… dempuèi la debuta !

Ta me permetre de completar ço que dit Ceriera, te cal saber que i'a un sisteme d"estanca" quora apren quicom, i'a moment onte auras l'impression d'aprener a una velocitat estrambordanta, e d'autres onte tendras l'impression de faire de sus plaça o quitament de recuòlar, son pas que marrits moments de passar.

Un darrier conselh, escota los conselhs del monde, çaquelà pren pas gaire a los que te dison "Si c'est pour parler comme ça, reste au français" veiras plan sovent que tenon un nivel de lenga de balhar la racavomit a los que mestreson la lenga.

Bon coratge e desbrembas pas las paraulas del filosofe australian : it's a long way to the top if you wanna rock'n'roll

Amistats

Cedric

joan_cavalier a écrit:

Cerièra de Mai a écrit:De mai, i a pas res entre « parli un pauc » e « parli plan » !
Çò que fa que gardi « parli un pauc »… dempuèi la debuta !

Ta me permetre de completar ço que dit Ceriera, te cal saber que i'a un sisteme d"estanca" quora apren quicom, i'a moment onte auras l'impression d'aprener a una velocitat estrambordanta, e d'autres onte tendras l'impression de faire de sus plaça o quitament de recuòlar, son pas que marrits moments de passar.

Un darrier conselh, escota los conselhs del monde, çaquelà pren pas gaire a los que te dison "Si c'est pour parler comme ça, reste au français" veiras plan sovent que tenon un nivel de lenga de balhar la racavomit a los que mestreson la lenga.

Bon coratge e desbrembas pas las paraulas del filosofe australian : it's a long way to the top if you wanna rock'n'roll

Amistats

Cedric

+1
E en mei d'aquò, ende los que tau coma jo son estat liurats dab lo cerveth mes shens las conexions, i moments on parlan dab una lenga mei rica e mei aisida que la deus locutor natius, e moments on pòden par se brembar deu prumèir mòt...

Cyril06 a écrit:

sanmarti a écrit:Adiu Balara e planvenguda aici. Vengues pas de Panoccitania al mens?

Vorrii capir quauquaren: qu'avètz toi còntra panoccitan.org?

Al mitan de plan de mots vertadièrament occitan, prepausa plen de mots inventats, sens o dire. Resultat:
1. quand i trobas un mot que coneisses pas, pòdes pas devinhar s'es d'occitan o una invencion de l'autor
2. un tèxt escrich per qualqu'un que parla pas encara trop e que cerca son vocabulari dins panoccitan risca d'èsser de mal comprene.


qualques exemples :
football nom m. 1. palmaredonda nom f.; 2. fotbal
personnalité nom f. degunaletat;
abominable adj. nefan, nefana
absence nom f. desestança
accident nom m. afranhent;
autre choix: trebolèri
fraction nom f. franhement nom m.
documentation nom f. assabentason;
autre choix: documentason
myope nom / adj. caluc, caluga;
autres choix: FAM vistaflac, vistaflaca;

(e un ligam qu'explica mai en detalh (tèxt de Sergi Granièr, un pauc ancian, supausi que se n'es ja parlat aici, mas coma acabi d'arribar, desencusaretz lo repapiatge involontari) : http://taban.canalblog.com/archives/2007/04/13/4617033.html )

Òmi a écrit:

+1
E en mei d'aquò, ende los que tau coma jo son estat liurats dab lo cerveth mes shens las conexions, i moments on parlan dab una lenga mei rica e mei aisida que la deus locutor natius, e moments on pòden par se brembar deu prumèir mòt...

+1 mai, de cops que i'a te trapas amb vielhs que te dison "Santa puta, aquela l'aviai pas ausida dempuei lo gran".

Aprep (e es pas per prener la desfensa de Panoc) Balara a tu de te pausar una question de basa, per de que parlas una lenga pel costat "partouze" (escambiar amb lo monde e comunicar) o pel costat "branlette" (te faire plazer en tornan conquistar quicom del teu "affectiu")

Los dos se podon comprener e son respectables, mas son pas la meteissa demarcha....

Amistats

Cedric

assabentason, desestança, hilh de puta mes que'u cau vertaderament embarrar aqueth tipe ..

Staline reviens !!

O benleu ensatjar de discutir amb el, e d'escambiar non ?

O a l'ara om pot se prepausar de lo fotre sus un camin de ferre (e la seguida la coneissem)

Aprep dirai que lo fach que las paraulas siaguesson estada causidas sus mantunes endreits de l'alfabet, me far pensar a qualqu'un de Mtpl amb la qual agueri una discutida sus Panoc far pas gaire (e que se dich comunista e que çaquelà coma Estaliniana, se pausa pas mau)....

Aprep, confessi que Palmaredonda me sembla estranh (e mancaria pas de pausar la question del conçi aquò a Arve lo còp que ven que lo veirai) e val pas la polivalença de "buta-bala" (pousse ballon) que pot faire mestier per le billard, le golf, la petanque......voir la levrette

Amistats

Cedric

Cyril06 a écrit: Vorrii capir quauquaren: qu'avètz toi còntra panoccitan.org?

Lei era fila "Ne tombez pas dans le panoccitan", per exemple, i plan segur eth ligam balhat per balara.

balara a écrit: Al mitan de plan de mots vertadièrament occitan, prepausa plen de mots inventats, sens o dire. Resultat:
1. quand i trobas un mot que coneisses pas, pòdes pas devinhar s'es d'occitan o una invencion de l'autor
2. un tèxt escrich per qualqu'un que parla pas encara trop e que cerca son vocabulari dins panoccitan risca d'èsser de mal comprene.

Quio, qu'ei a diser qu'aras totas, eths solets qui poden utilizar aqueste "diccionari", qui son capables d'arreconeisher eths mots inventats, que son eths especialistas, eths qui ne l'an pas besonh en feit.

joan_cavalier a écrit:O benleu ensatjar de discutir amb el, e d'escambiar non ?

D'apres eths resultats deth son tribalh, ne'm sembla pas qu'eth aja discutit hera dab qui que sia abans de començar. De tota faiçon, eras soas invencions n'an pas a estar discutitas. Que las deu tirar. Punt.

Arf a écrit:D'apres eths resultats deth son tribalh, ne'm sembla pas qu'eth aja discutit hera dab qui que sia abans de començar. De tota faiçon, eras soas invencions n'an pas a estar discutitas. Que las deu tirar. Punt.

Anem de que te balhi, lo nom de la persona que validet la licencia d'Arve a Pau Valery, lo nom de la jurada del CAPES l'annada onte lo presentet (enfin aici Gavachas t'en podria charrar mielh que ieu, ensajeron de l'aver pel primier cop totes dos la meteissa annada)??????

Aprep, cresi que tot lenga ten mestier d'evoluir e que podem pas prener las ideas de totun en massa o forejetar al bordilher las ideas de totun, dins tot i'a bon e marrit (aprep es lo meu vejaire, soi pas un afogat d'autodafé)

Cedric l'evolucion ei ua causa, e tots aqui qu'èm d'acòrd entà que l'occitan e podosse evoluïr, mes aqui que son simplament invencions, n'ei pas occitan. O alavetz que decidim que cadun pòt inventar mots e parlar la soa lenga, mes cau pas aperar aquò occitan.

Aqueth siti segon jo que hè hèra de mau, auprès deus naveths locutors qui caden dessus e qui prenen aquò au serios

Te disi d'aprep ieu tot es question de comunicacion.... aprep per ço faire cal tirar los occitanISTES de la lora torn d'ivori e sus aquo fanton se ten la recepta soi prenaire.....

Demori sus la meuna idea, dins tot i'a de prener e de botar al bordilher sia om comunica amb lo monde e i'a mestier de los faire evoluir (e d'evoluir se) sia om dit "Co que fas es de merde, sias una merda, te caldria tuar".....tiens rigolo ca me rappelle un certain "Tuez les tous......"

Amistats e bona annada fanton (te me caldra te contactar a tu e a Jeff per un projecte per la sortida d" Avis de Tempesta" (disc venent dels GK en febrier)

Cedric