Perqué avem pas de diccionari occitan/lenga estrangèra ?

Rappel du premier message :

Perqué i a pas de diccionari occitan/turc (e vice versa), o occitan/inglés, o occitan/aleman, o occitan/arabe, o occitan/russe, occitan/italian ... ?

Existeish tot aquò ?
Dilhèu existeish lo occitan/catalan mes qu'ei shens dobte lo qui serveish mensh ..

Compreni pas perqué las intitucions occitanas foten milerats d'euròs dens causas inutilas, e son pas fotudas de crear causas atau qui son indispensablas per ua lenga qui's ditz viva e uberta suu planèta.

Vaqui, lo còp de gule deu dia.

Matieu a écrit:Moé .. occitan cherokee, per lo simbèu, mes qui se'n va servir ? Pas jo.
Jo voi un utis concret, pas un libe reivendicatiu de que que sia.

+1

Un diccionari occitan-cherokee es fòrça trabalh per una utilitat quasi nulla franc dau simbòu.

English -Occitan Occitan-English, sufiria de prene lo Rapin e de revirar tot. English es la lenga mai espandida per tots.


E perqué non Occitan-English-Cherokee, Occitan-Cantones -Mandarin-Taiwanés per de lexics?

Coma l'auria dit lo Gelu far bel temps, coma lo diguet lo Theron far pas gaire....S'eri Turc

S'eri turc trucarai pertot a far truca tròca lo truc sul tricòt.

Me sembla qu'un diccionariàs Occitan-Anglés/Anglés-Occitan seriá lo quau mai utiu perqué fòrca mond aprenon l'Anglés lo primièr a l'escòla,

Vertat, e seré plan util per revirar òbras englesas en occitan.

Aviài trapat un lexic Anglés-Occitan vielh sul net.

Pensi un cop mei que i a de moneda guastada per la lenga qui deven servir a crear aqueth utıs, e leu !

Se voalètz toi de diccionaris occitan/lengas estrangieri que non exíston, lu devètz crear...

Sei pas plan segur qu'avem tots las coneissenças per iò far...

Se voalètz toi de diccionaris occitan/lengas estrangieri que non exíston, lu devètz crear...

aquò es un mestièr, basta pas de coneisser mai o mens la lenga per podre crear un diccionari ..
Volèm d'utis vertadièrs !! E personalament se m'interessa d'aguer un diccionari occitan-turc, es perdequé lo parli pas encara, lo turc !

Perqué non pilhar un diccionari francés-lenga estrangiera e cambiar lu mòts francés en mòts occitans ?

La soleta dificultat rèsta evidentament de conóisser toi li expressions.

Perqué non pilhar un diccionari francés-lenga estrangiera e cambiar lu mòts francés en mòts occitans ?

as ua consideracion per la lenga nosta remirabla ..

Veï pas lo rapoart... Solet còmpta lo resultat non ?

Non sabi coma faire un diccionari emb'ai mejans dau bòrd... A mens d'aver un glossari complet ò d'aver en memòri tot lo vocabulari de la lenga noastra...

Ben ouais, solet compta lo resultat : fau que sii bon.

Cyril06 a écrit:Perqué non pilhar un diccionari francés-lenga estrangiera e cambiar lu mòts francés en mòts occitans ?

Ben perque n'i a pas una correspondéncia directa entre un mot francés e un mot occitan. Lo "chercher" francés e lo "cerchar" o lo "querre" occitan. "Va chercher le pain" sirà "Marcha querre lo pan" en occitan e "Ve a por pan" en castelhan. Vau mielhs partir d'un diccionari occitan e cerchar los mots que corresponden dins la lenga que voles.

maime a écrit:

Cyril06 a écrit:Perqué non pilhar un diccionari francés-lenga estrangiera e cambiar lu mòts francés en mòts occitans ?

Ben perque n'i a pas una correspondéncia directa entre un mot francés e un mot occitan. Lo "chercher" francés e lo "cerchar" o lo "querre" occitan. "Va chercher le pain" sirà "Marcha querre lo pan" en occitan e "Ve a por pan" en castelhan. Vau mielhs partir d'un diccionari occitan e cerchar los mots que corresponden dins la lenga que voles.

Ce que metra lo problèma a revers: lo "chercher" turc a bensai tant ò mai de correspondancias que n'a en occitan.

Alh Òli a écrit:Ce que metra lo problèma a revers: lo "chercher" turc a bensai tant ò mai de correspondancias que n'a en occitan.

Non, quo met pas lo problema a revers, perque fau far la correspondéncia entre occitan e turc quauque sia lo sens. Mas quo serv de ren de passar per lo francés per io far.

maime a écrit:Ben perque n'i a pas una correspondéncia directa entre un mot francés e un mot occitan. Lo "chercher" francés e lo "cerchar" o lo "querre" occitan. "Va chercher le pain" sirà "Marcha querre lo pan" en occitan e "Ve a por pan" en castelhan. Vau mielhs partir d'un diccionari occitan e cerchar los mots que corresponden dins la lenga que voles.

Se parles pas lo kurde e que li a pas de diccionari occitan-kurde, li caurà tantotun un diccionari francés-kurde e kurde-francés, ren que per saupre cen vòu dire cadun mòt kurde. Après, m'un diccionari francés-occitan fas la revirada. Non veï d'autra solucion levada l'eventualitat de rescontrar un locutor de kurmanji... Es ver que si cau finda procurar un glossari de mòts occitans per s'ajudar, qu'es ben utile.

Es pr'amor d'aquò qu'avem de linguistas normaument.

Non veï d'autra solucion levada l'eventualitat de rescontrar un locutor de kurmanji...

E encara, va plan per las causas concretas, la taula, una pòma, mai pels conceptes abstraits coma pensar soscar creire....sera pas aisit!

Òmi a écrit:Es pr'amor d'aquò qu'avem de linguistas normaument.

e de lexicografs, remembratz Josiana Ubaud

En cercar quicòm autre sus Internet, ai trapat aquò:

http://www.occitania.online.fr/lexics.html

e tb

http://content.yudu.com/Library/A1ozxb/Lexicbascooccitan/resources/74.htm

qu'ai pas dubert tot aquò, sai pas tròp çò que i a dedins...

Òmi a écrit:Es pr'amor d'aquò qu'avem de linguistas normaument.

Preferes ti repauar sus lu lingüistas en asperant que fàgon quauqua ren un beu jorn... ?

jfrieux a écrit:E encara, va plan per las causas concretas, la taula, una pòma, mai pels conceptes abstraits coma pensar soscar creire....sera pas aisit!

Aí, es jamai aisat, ma si li es pas de personas bilingüi occitan-kurmanji, coma faire autrament alora ? Un diccionari complet detalha toti aqueli nuanças en principi. Enfin toti... lo mai que poasque...

Preferes ti repauar sus lu lingüistas en asperant que fàgon quauqua ren un beu jorn... ?

Que sauneji .. cau har pression suus linguistas e sus las associacions per apitar aqueste tribalh.
Cau un tribalh serios e i a de monde formats per aquò. Jo ne'n soi pas capable, tu tanpòc.

Cyril06 a écrit:

Òmi a écrit:Es pr'amor d'aquò qu'avem de linguistas normaument.

Preferes ti repauar sus lu lingüistas en asperant que fàgon quauqua ren un beu jorn... ?

Ben ouais. Personaument, l'englés, s'ic pòdi parlar un chic sus Internet, soi pas per tant especialista. E es la medisha causa per l'occitan. Dab los mons 200-300 mòts de gascons, èi pas briga lo recul.

I. Mahmut a écrit:Que sauneji .. cau har pression suus linguistas e sus las associacions per apitar aqueste tribalh.
Cau un tribalh serios e i a de monde formats per aquò. Jo ne'n soi pas capable, tu tanpòc.

Lu lingüistas an totplen d'autri cauas da faire. Non basta de far pression, cau finda pilhar quauqui iniciativas, provar de faire quauqua ren per aver una basa. Après si pòu demandar l'ajuda e la contribucion dei lingüistas en question.

Òmi a écrit:Ben ouais. Personaument, l'englés, s'ic pòdi parlar un chic sus Internet, soi pas per tant especialista. E es la medisha causa per l'occitan. Dab los mons 200-300 mòts de gascons, èi pas briga lo recul.

Pura s'as una diccionari de gascon complet e meme un glossari, cen que t'empacha d'utilisar tot aquò per començar un noveu diccionari ? Penses que lu lingüistas sàbon per coar toi lu 180.000 mòts que còmpta l'occitan... ?

Ben èi pas enveja de trabalhar a una causa que mestreji pas briga. Se, au cap de 100 o 200 h de trabalh, i a un linguista que me ven díser que me soi plantat, aquò m'interessa pas...