Article/Ligason

Ai una questien (perdon, una question, ensagi de mi botar au provençau, mai mi manca de cauvas e geograficament lo contèxte es pas aisat...) benleu nècia...

Se me sovene plan, l'article en provençau fai "lo/lei", una causa entau. Mas io ai mai d'un còp auvit far la ligason "lei-autres" prononciat "li-z-awtrè". Coma s'explica graficament quela ligason ? E se i a fauta, ente es ? La ligason es imaginaria ? La grafia es pas adaptada ?

Se parlas del 'z' entre los mots es pas solament en provençal. Coma dins Vai-i [Baizi], I a tanben un 'n' entre dos a per exemple, coma anar a Agaçac [anagaçac]

Mas pel 'i' sai pas perque es aicí.

La grafia pega en plen, e coma dises leis articles lo e la passan a lei au plurau. Es una evolucien recenta e d'unei ròdols dau reire país conoissián li a gaire lei fòrmas los/las.

Davant una vocala s'aponde -s, ex: l'amic -> leis amics, vau a l'ostau -> vau ais ostaus. [z] es prononciat.
La simplificacion de lei a li si marca pas a l'escrich, e s'ause subretot dins lo sota-dialècte rodanenc. Alhors lei es conservat.

En provençau orientau, lo iatus es acceptat valent a dire que trobaràs: l'amic -> lei amics, vau a l'ostau -> vau ai ostaus.
Es tanben lo cas en niçard emb aquò, franc que lo passa au plurau a lu, e la a li.
Ex: l'òme -> lu òmes, l'oliva -> li olivas

Pas mai

D'acòrdi, merces, ai ma responsa !

Soi trucat de las vòstras causidas lingüisticas. Vos vau denonciar al C.L.O.

P.s : es una galejada

Èi una question :
Coma se prononçan lei, leis,... Uns me disen "léy" e d'autes "li"... Soi perdut...