Vinha e economía del país

75% del desrabatge de las vinhas ven del Lengadòc !
cf: http://www.vitisphere.com/breve.php?id_breve=54552

Bevi un fum de vin e i a un pauc de tot en Lengadòc, de bon mas subretot de la mèrda e de segur bevi tanben de "vin de pays d'oc" de LIDL, qu'es de Lengadòc , qu'es a 4€ los 3 litres e soi ben urós d'aver de vin pas car qualques còps...
Mas es pas la region viticòla qu'aimi lo mai, crompi de segur qualques corbièiras, faugièiras, mas pas un fum, aimi mai quant compri una botelha un vin d'una autra region.
Un desrabatge pòt èsser una bona causa per la qualitat generala dels vins de Lengadòc.

Lo lengadòc foguèt victim lo sègle darrièr d'una agricultura productivista de monocultura qu'era pròpi marrida.
Encuèi es pas mai una bona caua. E fa ja força temps qu'auria caugut cambiar aquò (coma l'an fach en alsaça per esemple, mounte lo vin dau temps de l'alemanha era pròpi marrit).
Sabi pas se aqueu desrabatge sera ben carculat, ma sul principi pensi qu'es necessari.

... e es pròpi domatge qu'entant la provença pilha la dralha dou lengadoc vielh, fasant mai e mai de vin de merda a toristalha.

Cal arrestar uèi de dire los vins de Lengadòc son de vins de mèrda. Ara podèm trobar de vin de qualitat que son fòrça bons e que còstan pas cars al contrari d'unes vins de Bordèu que de còps valon pas grand causa mas an l'etiqueta "Bordeaux" e aital a la caissa la nòta es nauta.
Podèm trobar de bon vin a 3 euros de Lengadòc, ensatjatz de ne trobar un bordèu al meteis prètz... Soi pas segur qu'aquel a vist un jorn l'aire del Medòc o de las Gravas.
Segur qu'ara cal pas veire los vinhairons de Lengadòc amb lo meteis imatge que dins la annadas 70, ara son venguts per un majoritat de caps d'entrepresas (amb lo marrit costat) e dins lo CAV (Comitats d'Accion Viticòla) i a fòrça personas d'extrèm dreita.
Ieu en tant que productor (modèst) de vin de Corbièras recomandi los produits de las cavas Rocbère (regropaments de las cavas de Peiriac de mar, Sijan, Portèl) los traparetz susl net. De beure sens moderacion.

Podèm tanben recomandar totes los vinhairons qu'an lo labèl "ÒC PER L'OCCITAN" quina que siá lor region.
www.occitan-oc.org rubrica Activitat/productors...

Marxelin a écrit:
Podèm trobar de bon vin a 3 euros de Lengadòc, ensatjatz de ne trobar un bordèu al meteis prètz... Soi pas segur qu'aquel a vist un jorn l'aire del Medòc o de las Gravas.

Non, mes ven segurament de l'Entre-Dus-Mars o de las Costas de Blaia ...

Adiu,

avetz tanben vin bio deths bons en Lengadòc.

Mercé de reconeisser aquò. Mas en Gasconha i a tanben de bon vin a despart del Bordèu : Còstas de Gasconha, Madiran, Tursan, Jurançon,etc...
Vòu èsser chovin mas lo Tarriquet dal costar d'Eusa dins Gèrs ne beuriái sens moderacion (perdon pels estatjants del Baish Armanhac).
De tot biais los vins occitans son los melhors. Anam pas desbrembar los amics provençals que produison causas bonas.

gat-esquiro@orange.fr a écrit:Adiu,

avetz tanben vin bio deths bons en Lengadòc.

Òc, Lo "Bellevie" del cellier de Segur a Ribauta pròche de Lagrasse dins las Corbièras.