onte son lei gaugalins...

En fin un foròm onte si pòu tot discutir... enfin espèri!
Adonc mon subjèct es: l'a-ti de gaugalins, d'omosessuau(la)s, occitan(istas)? Enfin, sabi bèn que n'i a, mai ai lo sentiment que si rèndon invisibles, negats dins l'in-diferéncia.
Alora onte siatz cambaradas?

Sabès, se presenta pas coma lo "pedigrée", te fau aprenèr a coneissèr las gents.

gilcarr a écrit: l'a-ti de gaugalins, d'omosessuau(la)s, occitan(istas)?
Enfin, sabi bèn que n'i a, mai ai lo sentiment que si rèndon invisibles, negats dins l'in-diferéncia.

Merde! J'ai oublié de mettre mon étoile jaune.... ou arc-en-ciel plutôt.
Nan mais sérieux!!!!

Kagòla a écrit:Merde! J'ai oublié de mettre mon étoile jaune.... ou arc-en-ciel plutôt.
Nan mais sérieux!!!!

triangle rose

... mai qué pedigree? diáu just que n'i a bensai qu'aimarián bèn si sentir mens solets. E pèr aquò tròbi pas, pèr eisèmple, qu'una rubrica especializada (istòria de charrar sènsa tabó) seriá mau venguda, aicí ò alhors. E dins lo mitan occitanista - tot coma lo mitan fòlc - qu'ai practicats d'annadas, dins lo tèmps, l'a un biais de faire coma se tot anava de se, e mai li ague lo meme nombre de fòlas vergonhosas, e malerosas, qu'autra part... E escometriáu volontier que dins aquesta rubrica l'auriá pas grand monde pèr ausar si presentar en tant qu'omosessuau!
Apondi que l'omosessualitat es pas mon solet pedigree, mai n'en fai partida, e mi manquèt lòngtèmps, quand èri "militant" occitanista, musicaire, parlaire, dançaire, en Provènça, de sentir una solidaritat entre gais, e mai cadun sachèsse ce qu'èri ieu.
La resulta es qu'un gaugalin (lo tèrme m'agrada) dèu anar quèrre d'amistats, de partatgi, perqué non de sostèn, fòra dau mitan occitanista, e dins una autra lenga.
Aquò pausat, benlèu qu'auriáu pas degut marcar "ont siatz cambaradas?", que supausariá una mena de coming out. L'a de segur un mejan d'acampar lo monde autrament. Li vau chifrar. E crèsi qu'es important.
Tot coma avèm besonh de parlar de tot e de rèn en occitan, l'a benlèu de gais qu'aurián enveja de parlar de tot e de rèn ambé d'autrei gais, ò a qu que siágue que sachèsse que son gais.

Benlèu que lo biais de far de gilcarr es un pauc maladrech mai cresi que fau pas parlar de triangle ròse tanpauc non?

Adieu tu ! Cresi que l'Einucent (amb lo mot « pedigree ») voliá dire que degun te demanda pas on oriencacion aicí, res de mai ! (E, se m'engani, diga-z-o…)
Se vòls ne parlar, lo messatge es passat ! Perso soi pas concernada mas qualqu'un de mos pròches si… (mas parla pas l'occitan…) Aquò fa que pòdi comprene la dificultat de viure dins un monde fach per los eteros…
Qué que siá, siaga lo planvengut !

E de segur, adieu e la benveguda per tu gilcarr!

gilcarr a écrit: mi manquèt lòngtèmps, quand èri "militant" occitanista, musicaire, parlaire, dançaire, en Provènça, de sentir una solidaritat entre gais, e mai cadun sachèsse ce qu'èri ieu.
La resulta es qu'un gaugalin (lo tèrme m'agrada) dèu anar quèrre d'amistats, de partatgi, perqué non de sostèn, fòra dau mitan occitanista, e dins una autra lenga.

Entende mielh, tot quò que pòde dire es que te siès pas tot sol, A chascun de chausir de ò metre en davant ò pas, qu'es 'rai que de ò gardar dins la vida privada entretenh lo tabó.
Obledam lo triangle ròse. Chaba d'entrar GillCarr !

Ieu tanpauc ai jamai escondut ma "gaitat" en degun, sènsa la cridar non plus. Vivi ma vida de parèu, urós, sèns mi sociar de ce que pènsan lei vesins. E benlèu mi fau d'idèias sus l'utilitat dau subjèct qu'ai entamenat, e que, tant, a pas sa plaça aicí. Un siti gai a despart seriá mai adaptat. Li pènsi despuei de tèmps, e lo farai. Idèia de vèire lo ressòn qu'aurà.

Aquí es un forum generalista ! Donc, se voletz parlar d'omosexualitat (o d'eterosexualitat), n'i a pas nat chepic ! Apres, cadun a lo dret de har o de non pas har lo son Coming out. Lo sòu taboo aquí es la pornografia.

L'Òmi a écrit:Aquí es un forum generalista ! Lo sòu taboo aquí es la pornografia.

Eh merda la webcam jós las dochas dau campatge de Rodés i auram pas drech !

De tot biais, n'i a un autre chivalier de la rampeta 'qui... E que l'aficha... A te de lo trobar

Einucent a écrit:
Eh merda la webcam jós las dochas dau campatge de Rodés i auram pas drech !

Qui era jos la docha ???

Amb tot aquò ai enriquesit mon vocabulari, Gaugalin sona melhor que Badacuòl, e Chivalièr de la rampeta aquò m'agrada!

Qui era jos la docha ???

Einucent e son "Ushuaia senteur gentiane". Sul platèu de Miuvacha creis una flor a las vertuts tonicas conegudas dempuèi de sègles, amb son novèl gèl-docha Ushuaia vos porgís totis profièches d'aquela planta, secret de jovença dels lemosins etc...

Anèm n'ausir parlar encora un bon moment d'aquelas dochas !!

Qué Ushuaia ! Ai pas ren de veire coma l'industira cosmetica ieu, (quitament se lo vale bien ieu tamben)
faudria pas tampauc contunhar amb Nicolas Hulot !

una webcam sota docha? mmmh.. mais siáu pas còntra! E pèr ce qu'es dei chivalier(a)s de la rampeta (polit, 'quò, verai!), visibles ò non uei, veiretz que tant apareisseràn, e bensai aquí onte auriam pas pensat! héhé!

L'Òmi a écrit:Aquí es un forum generalista ! Donc, se voletz parlar d'omosexualitat (o d'eterosexualitat), n'i a pas nat chepic ! Apres, cadun a lo dret de har o de non pas har lo son Coming out. Lo sòu taboo aquí es la pornografia.

Segur, mas chas los gais, mot occitan raubat per los anglés, i a 'na formula que fai lei (totjorn valabla au trabalh, quauques vetz dins la vita) :


Per comprendre, far un remplacament emb francés / occitan.
Quela teoria dau rempaçament es valabla maitot per los racistes, los antifenimistes o perqué non los anticiclistes :
exemple : La veitura (ço que se montra) es posada sus lo trepador coma un chin posa 'na merda, per far bandar "los baufs", las tapetas sus las bicicletas que fon baissar la polucion, 'natz veire lo bocin de pista alhors.
Per las variantas dialectalas : tapetas = gonsessas = enculats de ciclistes


Per mon perron, trobe risent de veire que lo bilhet "omosexualitat e occitan" a virat galejadas sus, o b'etot jos, las dochas ? Freud es perquí.

Aprep, sei 'quí dempuei mai d'un an e deve, me e d'autre, vos felicitar, te, l'Òmi e lo Danís, per la bona poliça dau forum
I a jamai 'gut de perpaus quauqueren-fòbes. Ai solament botat 'na vetz 'n'autra granda lei omosexuala :

gilcarr a écrit:En fin un foròm onte si pòu tot discutir... enfin espèri!
Adonc mon subjèct es: l'a-ti de gaugalins, d'omosessuau(la)s, occitan(istas)? Enfin, sabi bèn que n'i a, mai ai lo sentiment que si rèndon invisibles, negats dins l'in-diferéncia.
Alora onte siatz cambaradas?

Fontan, lo fondator dau PNO era gai.

Ricard prumier, Bertrand de Born... ai mesma un tèxte gai d'una trobaritz (analisat coma quò per P. Bec, crede)

Autrament, RAI LA MÒRT de Joan-Maria PIEYRE per la legida (gascon) o EL DIA DEL CLIENT dau Daniel O'Hara (catalan).

clafotis a écrit:Per mon perron, trobe risent de veire que lo bilhet "omosexualitat e occitan" a virat galejadas sus, o b'etot jos, las dochas ? Freud es perquí.

Ooops, suèi ieu qu'eslampièi ... jós la docha.
Si m'engane pas "die Freude", qu'es la gaitat, non ?

Einucent a écrit:Ooops, suèi ieu qu'eslampièi ... jós la docha.
Si m'engane pas "die Freunde", qu'es la gaitat, non ?

O benleu Machà, la daus nevrosats dins la radiò la nuech, sabe pus .

Me ai solament fach lo raprochament :
gai - occitan - sabon jos las dochas - eterosexualitat

Los lapsus, e tots los derivats, an 'na explicacions per la gent que los fan

Autrament, RAI LA MÒRT de Joan-Maria PIEYRE per la legida (gascon)

Lengadocian, pas gascon. Una escritura que pren al ventre, desliurada de tot campestralisme sens que sonèsse fals.

Gavach a écrit:Lengadocian, pas gascon.

Aaaaaaaaaaaarg !

Gavach a écrit: Una escritura que pren al ventre, desliurada de tot campestralisme sens que sonèsse fals.

Segur ! Escritura viva sus la vita, escrich emb las tripas. L'ai legit un prumier còp, ai pas tot compres. I sei tornat quauques temps aprep per saborar.