OCCITANIA !! Forum


Vous n'êtes pas connecté. Connectez-vous ou enregistrez-vous

Arrestacions de Batasuna en Iparralde

Voir le sujet précédent Voir le sujet suivant Aller en bas  Message [Page 1 sur 1]

Zengi


Trobador !!
Trobador !!
Anaram Au Patac movement revolucionari de l’esquera occitana
COMUNICAT DE PREMSA - COMMUNIQUE DE PRESSE / 25-09
-2008


Anaram au Patac que condamna l’operacion policièra francésa contra l’esquèrra independentista basca

Lo movement revolucionari de l’esquèrra occitana Anaram au Patac que constata un còp mei que lo govèrn francés e persegueish l’estrategia policièra e judiciària que mia Madrid per ua carrèra bòrnha desempuish mei de 10 ans en la soa luta contra lo movement de liberacion basco.
Las arrestacions espectacularas qu’estón hèitas per aqueths dias contra los representants de Batasuna que son l’illustracion d’aquesta collaboracion e de la mesa en scèna gavidada per Madrid entà criminalizar movements publics, arreconeguts, e militants arrespectats.

De l’aute costat deus Pirenèus, la justícia espanhòla qu’a illegalizat l’expression politica d’ua part de la populacion qui ne demanda pas que lo dret a autodeterminà’s e a deféner un projècte politic d’esquèrra. Aquò qu’ei la mesa en plaça d’un Estat d’exepcion qui ne pòt pas qu’esluenhar la resolucion politica deu conflicte, un conflicte que Madrid e París declaran totun voler estancar.

L’Estat francés, dab la soa experiéncia qui vadó en l’anciana Indochina, en Argeria o en Canaquia, n’a pas comprés arren ? E pensa que podem har carar per fòrça un pòble qui’s quilha ? E tot aquò shens forçar los principis signats en las instàncias internacionaus ?
Que brembam que la Guardia Civile e la Policia Nacional espanhòla que son tot an accusats de tortura contra militants bascos arrestats, e que la polícia e la justícia francésas e tribalhan, per ua part, dab informacions qui estón tiradas per aqueth biais.

Pr’amor tot aquò e pr’amor Anaram au Patac e reivindica l’arrespècte deu dret a l’autodeterminacion, que condemnam aquesta operacion policièra navèra contra l’esquèrra independentista basca. Ua operacion disproporcionada contra militants publics, qui tienen ua familha e emplecs, e que la polícia podèva convocar.
La repression n’ei pas la solucion. Sonque las negociacions e lo respècte deus drets deus pòbles e permeteràn de resòlver lo conflicte.

Anaram au Patac, que vòu tanben aperar las organizacions, los sindicats e las associacions qui’s disen progressistas a espiar çò qui’s passa en País Basco sud e nòrd. Tecnicas repressivas que son a l’òbra, qui serviràn e qui serveishen dejà entà reprimir los movements sociaus e politics jutjats tròp subversius peus Estats.
Anaram au Patac que’s solidariza dab las reivindicacions de las manifestacions qui’s debanan aquesta setmana e qui’s debanaràn dissabte 27 de seteme a Baiona, a 16h plaça deus Bascos, e a Bilbao lo dissabte 4 d’octobre a 17h30.

Kokoyaya


Guelha de bonda
Guelha de bonda
...



Dernière édition par Kokoyaya le Dim 3 Jan - 14:34, édité 2 fois

http://www.totenoc.org

Zengi


Trobador !!
Trobador !!
Herri Batasuna n'existeish pas mei, qu'ei Batasuna.

Meilèu que d'argumentar, que demori sus la medisha analisi politica inteligenta (de comptader).

Tu qu'ès deu costat de la repression, de l'Estat espanhòu qui tortura e qui tuè mantuns militants.

Qu'ès un torcionaire e un assassin.

Cerièra de Mai


Trobador !!
Trobador !!
Matieu a écrit:Tu qu'ès deu costat de la repression
Doçament, es pas çò qu'a dit ! Trucat Ditz sonque que n'i a pas un tot blanc e l'autre tot negre… e òc, lo mond es gris ! Ironic

Kokoyaya


Guelha de bonda
Guelha de bonda
...



Dernière édition par Kokoyaya le Dim 3 Jan - 14:34, édité 1 fois

http://www.totenoc.org

Zengi


Trobador !!
Trobador !!
Ditz sonque que n'i a pas un tot blanc e l'autre tot negre…
Non. Que ditz e qu'expliqua qu'ei normau se militants d'un partit LEGAU en l'Estat francés son empresoats (comptes bancaris de las familhas blocats, edicions de libes defenudas ......) per'mor qu'arrefusan de condamnar accions d'ua organizacion independentista.
La diferéncia qu'ei granassa, se'm sembla.

Mercé per las insultas.
Ne son pas insultas. Qu'èi volontariament près lo ton argumentari, e lo préner de la part envèrsa (e shens i aderar) : los militants de Batasuna que son assassins per'mor que defenen ETA, qu'es un assassin per'mor que defenes la repression de l'Estat espanhòu.

Perqué l'un seré vertat, e pas l'aute ?

Axel


Francimand's Killer
Francimand's Killer
Cresi qu'es tròp dangierós de parlar de causas que comprenem pas ben... Mai siáu d'acòrdi ambé una causa: pas besonh de tuar per sa lenga e son païs. S'an de relacions ambé ETA, an rason de leis arrestar. (Leis an pas arrestat sonque perque volián pas condemnar lo terrorisme, mai perque pensan qu'i a de relacions entre Batasuna en Iparralde e ETA). E vòle dire tamben qu'es ETA que tua mai, pas l'Estat espanhòu. (Per aquò ton argument Matieu me sembla un pauc mau chausit...)



Dernière édition par Axel le Sam 27 Sep - 15:53, édité 1 fois

http://decausasedautras.nireblog.com

Kokoyaya


Guelha de bonda
Guelha de bonda
...



Dernière édition par Kokoyaya le Dim 3 Jan - 14:34, édité 1 fois

http://www.totenoc.org

admin


Trobador !!
Trobador !!
Soi un pauc mau plaçat tà arbitrar aquò ... Coma l'ei explicatat un còp dens la vida "vertadièra" a un o dus membres deu forum, lo beth-frair deu mon gran qu'èra hòrt implicat dens ETA (la soa veitura es demorada expausada a un pòste de doana traucada per ua rafala de mitralheta espanhòu, per l'exemple) e ua sor deu medish gran es estada tuada dab lo son òmi pr'amor eth qu'èra de la policia franquista ... Match nul ...
Sabi que Batasuna existe en França, qu'es legau, e me sembla que se parla de l'interdir.

De còps, Matieu que parla lèu-lèu, d'un biais un pauc brutau, mes n'es pas lo sòu membre deu forum (qu'em 200 ... !) Qu'a un pauc moderat çò qu'a dit, lo purmer messatge m'a trucat, lo segond es ua justificacion de çò qu'a dit. Soi pas contra la rhetorica e las formulas de stile ...
Me sembla que dens la carta deu forum, es dit que cadun es responsable de çò que dit, e m'agrada mei ua discussion, un desbat, qu'ua censura. Parlatz d'aquò, me sembla qu'es un desbat que tòca mantunas personas en Occitania (perque Occitània es un deus sòus "moviments" "representatiu d'ua cultura" de l'estat francés que n'a pas causit la lutta armada dens lo sègle XX ??? cadun a lo son vejaire sus aquò, non ?), aquò seré un mejan d'escambiar ...


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Marxelin


Occitan Warrior
Occitan Warrior
Ieu soi d'acòrdi amb lo Matieu. Ara cal èsser objectiu : qual en Euskadi prepausa solucions concretas per la patz ? Pensi ben que son las organizacions abertzales. Fàcia a aquò l'Estat espanhòl a causit la repression. Sul terren se tradusís per arrestacions importantas de militants d'en pertot e pas qu'a Batasuna (interdiccion de listas electoralas de EHAK e ANV).
De qué servís de declarar terroristas associacions de joves o publicas que agisson a cara descobertas e non pas cagolats ?
Batasuna e los autres abertzales demandon lo dialòg e coma responsa an pas que la repression. Aquò's democratic ?
De qué demandan los abertzales ? La reconeissença a l'autodeterminacion, lo fait que pòble basc posca decidir de son destin.
Segur podèm charrar pendent d'annadas d'ETA e dels atentats mortals. Ieu me rapèli que pendent las annadas 60-70 aquel movement èra considerat per totas las organizacions progressistas d'euròpa e qu'a la fin del franquism foguèt abandonat per totes. ETA a contunhat de bada, de lutar per sa tòca primièra : l'independéncia. Los govèrns espanhòls an jamai aceptat lo debat e podèm rapelar al mond lo GAL fin de las annadas 70 e annadas 80.
Ara basta d'èsser militant bas e d'esquèrra per èsser menaçat d'anar en preson. La luta independentista es criminalizada : per lo govèrn espanhòl tot abertzale es pròche o sòci d'ETA (veire las repressions contra Segi e Jarrai).
Pòdi dire que partegi pas la causida d'ETA mas sosteni los militants abertzales victimas de la repression anti independéncia faita per l'Estat espanhòl amb la complicitat de l'Estat Francés.

Askatasuna ! Libertat !

AOF ! AOF !

http://www.anaram.org

Zengi


Trobador !!
Trobador !!
E ben te caldrà aprene a legir, qu'ai jamai escrich aquò... Batasuna es pas un partit en França mas una associacion. L'Union europèa declarèt lo partit Batasuna illegal (mas supausi que son tanben d'assessins e de torcionaires ensagnosits...).
Aimavi plan aqueste forum, tan pièch... Me vau pas daissar insultar per un desconegut. Se los moderaires acceptan aquò, lo forum arribarà plan a viure sens ieu (e ieu sens el).
Anem arresta, qu'as plan comprés çò qu'èi dit, e perqué l'èi ditz.
Balha me la pròva que lo men argumentari ei faus, e explica me perqué es pas d'accòrd dab aquò.
Donc que m'i torni: Perqué l'un seré vertat, e pas l'aute ?

Qu'ei drin colhon de jogar la victimizacion sus aquesta pelelha.
(Pas besonh de precisar que son completament d'accòrdi dab lo Marxelin).

Joan Peiroton


Guelha de bonda
Guelha de bonda
En tot cas, que'm cau rectificar quauqu'arren: los de Batasuna qu'estón arrestats en Occitània (a Baiona, Baish Ador). E quauqu'uns qu'estón liberats agèr o lo dia d'abans sens carga, si non m'engani pas.

http://loblogdeujoan.blogspot.com

Zengi


Trobador !!
Trobador !!
Non, t'enganas pas. Que son tots libres. La pròva que n'èra pas qu'un acte antidemocratic de l'Estat contra militants publics e ideas qui non van pas dens lo lor sens.

Joan Peiroton


Guelha de bonda
Guelha de bonda
Bon, qu'ei ua bona causa, que demòstra que vivem enqüèra en un Estat de dret. .

http://loblogdeujoan.blogspot.com

Zengi


Trobador !!
Trobador !!
Espèra, espèra .. Batasuna poderé estar ilegalizat bethlèu ..

Joan Peiroton


Guelha de bonda
Guelha de bonda
N'espèri pas.

http://loblogdeujoan.blogspot.com

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum