OCCITANIA !! Forum
Vous souhaitez réagir à ce message ? Créez un compte en quelques clics ou connectez-vous pour continuer.
OCCITANIA !! Forum

-24%
Le deal à ne pas rater :
PC Portable Gaming 15.6″ Medion Erazer Deputy P40 (FHD 144Hz, RTX ...
759.99 € 999.99 €
Voir le deal

Vous n'êtes pas connecté. Connectez-vous ou enregistrez-vous

Sicre: l'òbra francesa !

+5
lo julien vertadier
Arf
Einucent
Cerièra de Mai
Lafontan
9 participants

Aller en bas  Message [Page 1 sur 1]

1Sicre: l'òbra  francesa ! Empty Sicre: l'òbra francesa ! Mar 23 Sep 2008 - 23:15

Lafontan

Lafontan
Occitan Warrior
Occitan Warrior

Lo Claudi Sicre a escrit un article dins lo darrèr n° de "Midi-Pyrénées Patrimoine" ont nos balha sa vision jacobina per pas dire nacionalista de la cultura e de la lenga occitana. Cf. http://poctolosan.over-blog.fr/article-23082056.html
Nos ditz que lo francés debriá èsser la sola lenga administrativa amai dins las regions occitanas, que l'article dos de la constitucion es un bon article, que plan segur ne cal pas l'autonomía per nautres, donc n'avèm pas besonh de politica linguistica. Òm se demanda perqué 20 000 personas anèron a Besiers ! Nos ditz que cal nacionalisar las lengas de França etc.... coma se l'estat francés èra una bona maire que pensa a totes sos enfants. Aquel òme es dangerós quora parla aital en public perque a una notorietat e que la premsa l'escota. Fariá melhor de se contentar de far çò que fa plan es a dire la musica. N'i a pron d'aquel discors de las annadas 50, podèm pas daissar dire aquelas capbordisas. Se cal pas enganar: sèm dins un estat unitari qu'a pas per vocacion de defendre la pluralitat de las lengas, las regions son plan mai concernidas e de mai en mai motivadas, es amb elas que devèm trabalhar a obténer de mai en mai de poder, enfin las lengas an plan un territòri e es plan dins aquel encastre que podèm avançar. Per acabar lo Sicre nos fa un pauc de negacionisme sus la repression lingüistica !

2Sicre: l'òbra  francesa ! Empty Re: Sicre: l'òbra francesa ! Mar 23 Sep 2008 - 23:55

Cerièra de Mai


Trobador !!
Trobador !!

Lafontan a écrit:Nos ditz que lo francés debriá èsser la sola lenga administrativa amai dins las regions occitanas
E que sèm pas en Espanha, e que cal pas esperar una autonomia… benlèu, mas ieu, soi admirativa de çò qu'an los catalans…

Per acabar lo Sicre nos fa un pauc de negacionisme sus la repression lingüistica !
A pas agut de menina ? (per li parlar de sos annadas d'ecolana ?) Interrogacion

(FS : tot çò que m'agradi dins aqueste article es l'italica qu'es vertadièrament bèla…) T'Aimi / Vos Aimi

3Sicre: l'òbra  francesa ! Empty Re: Sicre: l'òbra francesa ! Mer 24 Sep 2008 - 0:44

Einucent

Einucent
Occitan Warrior
Occitan Warrior

Que representa Sicre uèi ?
Venguèt a Besièrs amb un tract qu'anonçava "nous ne revendiquons rien !" tot fièr. Si fau aver legit tot Castan pe entendre 3 galejadas puridas d'iniciats, m'interessa pas.

Òu chausis d'afortir las declaracions daus guverns françès ? Tant mielh, que sià un pauc possible d'aver daus jòunes militants que 'riban uèi sens l'eiretatge dau "bravonet chantaire sens partesanetat".

La situacion de Catalonha es estada ganhada per qué aval i avià 'na consciença de pertenèr ad'un pòble, aquì ne sèm d'enguerras usar de las chansons de bargiera coma slogan.

http://einucent.wordpress.com

4Sicre: l'òbra  francesa ! Empty Re: Sicre: l'òbra francesa ! Mer 24 Sep 2008 - 3:43

Arf

Arf
Occitan Warrior
Occitan Warrior

Denguera un occitanista vielh qui en quauques frasas renega e sacamandeja ua vita de luta. Qu'ei eth sindrome deth darrer deths Mohicans : "qu'era luenga crebe dab jo meileu que de pensar qu'eth combat posca contunhar shens jo"...
Passat 40 ans, un bon occitanista qu'ei un occitanista mort Ironic
Shens ironia, que seri totun curios de saber ço qui enten per "nacionalizar" eras luengas regionaus.

5Sicre: l'òbra  francesa ! Empty Re: Sicre: l'òbra francesa ! Mer 24 Sep 2008 - 6:32

lo julien vertadier

lo julien vertadier
Pintaire
Pintaire

Arf a écrit:Passat 40 ans, un bon occitanista qu'ei un occitanista mort Ironic

Mèfi, cresi que'n podes trobar quauques-uns sul forum...
(d'occitaniste de mai de 40 ans, pas d'occitaniste mort Plan Urós )

http://scienca.canalblog.com

6Sicre: l'òbra  francesa ! Empty Re: Sicre: l'òbra francesa ! Mer 24 Sep 2008 - 6:42

LaurençD

LaurençD
Occitan Warrior
Occitan Warrior

Lo sicre es de fum ! Es pas un occitanista, es sonqu'un pseudo-intectual regional, un "chanteur à accent" aital coma lo Fernandel (que fasia rire el).
La prepausicion de nacionalizacion se pòt querre aici http://ccab.over-blog.com/article-21138882.html
Li cal dire çò que ne pensam, en occitan macarel ! (per ieu es ja fach)

7Sicre: l'òbra  francesa ! Empty Re: Sicre: l'òbra francesa ! Mer 24 Sep 2008 - 8:27

Zengi

Zengi
Trobador !!
Trobador !!

Lo castanisme que deveré estar declarat malaudia psiquica .. Praube Sicre ..

8Sicre: l'òbra  francesa ! Empty Re: Sicre: l'òbra francesa ! Mer 24 Sep 2008 - 9:01

Lafontan

Lafontan
Occitan Warrior
Occitan Warrior

Arf a écrit:Passat 40 ans, un bon occitanista qu'ei un occitanista mort Ironic
Shens ironia, que seri totun curios de saber ço qui enten per "nacionalizar" eras luengas regionaus.
Me fas paur, ei passat 40 ans debriái anar veire lo metge ? Epaurugat Colèra
Vaqui çò que ditz lo Sicre:
"Notre proposition de nationalisation des langues/cultures de France sort de ce raisonnement et n'a qu'une ambition : faire que plus personne n'ignore ces mouvements de l'histoire et n'en ignore les enjeux. L'État est donc concerné au premier chef. Sa mission :
1. organiser une éducation pour tous les Français à toutes les langues/cultures indigènes de France. Ce qui renforcera la solidarité nationale.
2. organiser, contre la « diversité culturelle » (chacun sa petite langue/culture dans son coin, dans sa « communauté »), l'aventure de la pluralité culturelle (émulation entre les œuvres) qui, libérant toutes les imaginations, mobilisera tous les Français dans l'invention d'un avenir commun."
Coma o podètz veire una vertadièra politica lingüistica ! Colèra Son objectiu es clar: "renforcer la solidarité nationale" (francesa) e: "invention d'un avenir commun". Aquò s'es pas de nacionalisme francés i coneissi pas res !
Que representa Sicre uèi ?
Mèfi son influença es fòrta amai dins l'occitanisme, soi d'acòrdi amb los que dison qu'es un òme del passat, mas es totjorn capable de nos far perdre de temps quora ganha de sostens a sa proposicion de nacionalisacion de las lengas coma lo President de Miègjorn Pirenèus lo socialiste M.Malvy. Es una androna per l'occitan e donc una plan marrida causa quora d'occitanistas (al CREO/FELCO o dins la Convergéncia occitana a Tolosa) s'enganan dins l'estrategía de menar per nòstre avenidor.

9Sicre: l'òbra  francesa ! Empty Re: Sicre: l'òbra francesa ! Mer 24 Sep 2008 - 12:25

Arf

Arf
Occitan Warrior
Occitan Warrior

Lafontan a écrit:
Me fas paur, ei passat 40 ans debriái anar veire lo metge ? Epaurugat Colèra
Ta demandar que t'eutanasie, vos diser ? Ironic Ironic Plan Urós Inutile : n'eri pas serios Ironic

Lafontan a écrit:
Vaqui çò que ditz lo Sicre:
"Notre proposition de nationalisation des langues/cultures de France sort de ce raisonnement et n'a qu'une ambition : faire que plus personne n'ignore ces mouvements de l'histoire et n'en ignore les enjeux. L'État est donc concerné au premier chef. Sa mission :
1. organiser une éducation pour tous les Français à toutes les langues/cultures indigènes de France.

Merces dera responsa.
Qu'er Estat prenga en carga un ensenhament generalizat der occitan (per exemple) que'm sembla ua reivindicacion tot ço qui i a de mes legitima. Qu'ei eth son dever. Si ei aquo "nacionalizar" eras luengas regionaus, que i soscrivi. Mes que pensi qu'ei un drin utopic de creder que's hara en un aviener proche.

Lafontan a écrit:
Ce qui renforcera la solidarité nationale.
2. organiser, contre la « diversité culturelle » (chacun sa petite langue/culture dans son coin, dans sa « communauté »), l'aventure de la pluralité culturelle (émulation entre les œuvres) qui, libérant toutes les imaginations, mobilisera tous les Français dans l'invention d'un avenir commun."

Aquiu ne soi pas d'acord : que va en eth sens deths Jacobins per qui tot ço qui n'ei pas cultura francesa ei suspecte. Perque parlar ua luenga mes sere sinonime de replec identitari ? De mes, que pensi que n'ei pas aths Occitans a sostiener un nacionalisme frances qui'us a tostemps espudits.
Aquo dit, jo ne soi pas contra era nacion francesa per principi. Ua França qui respecta totas eras luengas soas que sere estata possibla. En aqueste cas, "renforcer la solidarité nationale" ne m'avere pas pausat nat problema.

Lafontan a écrit:
Coma o podètz veire una vertadièra politica lingüistica ! Colèra Son objectiu es clar: "renforcer la solidarité nationale" (francesa) e: "invention d'un avenir commun". Aquò s'es pas de nacionalisme francés i coneissi pas res !
Que representa Sicre uèi ?
Mèfi son influença es fòrta amai dins l'occitanisme, soi d'acòrdi amb los que dison qu'es un òme del passat, mas es totjorn capable de nos far perdre de temps quora ganha de sostens a sa proposicion de nacionalisacion de las lengas coma lo President de Miègjorn Pirenèus lo socialiste M.Malvy. Es una androna per l'occitan e donc una plan marrida causa quora d'occitanistas (al CREO/FELCO o dins la Convergéncia occitana a Tolosa) s'enganan dins l'estrategía de menar per nòstre avenidor.

Que pensi tanben que malurosament n'avem pas arren a esperar der Estat frances. Qu'a tostemps cercat a tuar er occitan, ne vedi pas perque cambiare adara, sustot que contunha de har era prova tot dia qu'ei eth son objectiu. Ei totun ua perta de temps e d'energia de proclamar qu'er Estat ne he pas ço qui devere ? N'ac sei pas. Mes d'anar contra un transfert deras competencias linguisticas aras regions, per exemple, que'm sembla ua error estrategica, vertat.

10Sicre: l'òbra  francesa ! Empty Re: Sicre: l'òbra francesa ! Mer 24 Sep 2008 - 16:13

LaurençD

LaurençD
Occitan Warrior
Occitan Warrior

Ieu cresi que cal confondre pas occitanisma e castanhisma, que son de causas desparièras. Los occitanistas de las annadas setenta parlavan de diglossia, d'alienacion, ensejavan de trapar lo biais de garir lo nòstre païs del centralisma que l'escana, tot aquò en prenne una dralha politica. Benlèu qu'an pas capitat, mas an aumens ensajat ! Lo castanhisma pretend que l'occitanisma deuria demorar quicòm apolitic, demorar sonque una reivindicacion culturala. A la fin, de que ne'n resta ?
Per çò qu'es de la FELCO, me demandi se son pas mai un sindicat nacional d'ensenhaires qu'una organizacion occitanista.

11Sicre: l'òbra  francesa ! Empty Re: Sicre: l'òbra francesa ! Mer 24 Sep 2008 - 17:23

Zengi

Zengi
Trobador !!
Trobador !!

Lo castanhisma pretend que l'occitanisma deuria demorar quicòm apolitic, demorar sonque una reivindicacion culturala. A la fin, de que ne'n resta ?
Diable Content

12Sicre: l'òbra  francesa ! Empty Re: Sicre: l'òbra francesa ! Sam 27 Sep 2008 - 13:02

Kokoyaya

Kokoyaya
Guelha de bonda
Guelha de bonda

LaurençD a écrit:Per çò qu'es de la FELCO, me demandi se son pas mai un sindicat nacional d'ensenhaires qu'una organizacion occitanista.
Es pas çò que vòlon dire las letras de FELCO ?

http://www.totenoc.org

13Sicre: l'òbra  francesa ! Empty Re: Sicre: l'òbra francesa ! Dim 28 Sep 2008 - 15:50

Marxelin

Marxelin
Occitan Warrior
Occitan Warrior

Non ! ! ! ! ! ! !
Sabiái lo Sicre con mas aquí depassa tot. A petat un fusible lo pèc d'Arnaut Bernat.
Ara o podèm afirmar : Sicre es vertadièrament un franchimand de tria.
I manca pas que de pacsar amb lo Melenchon e tot serà acabat.Tusta-Paret

Una causa : Sicre defòra de l'occitanism, ara es grasilhat, lo cal boicotar.

AOF ! AOF !

http://www.anaram.org

14Sicre: l'òbra  francesa ! Empty Re: Sicre: l'òbra francesa ! Lun 29 Sep 2008 - 11:36

LaurençD

LaurençD
Occitan Warrior
Occitan Warrior

Kokoyaya a écrit:
LaurençD a écrit:Per çò qu'es de la FELCO, me demandi se son pas mai un sindicat nacional d'ensenhaires qu'una organizacion occitanista.
Es pas çò que vòlon dire las letras de FELCO ?
E ben es una contradiccion qu’es pas de bon resolver. O sabem plan que la majer part dels sindicats d’ensenhaires francèses son de centralistas afogats, que mespresan l’ensenhament de las lengas regionalas. Se un jorn i a una vertadièra dobertura de las regions per prenne la man sus aquel sicut, la jacobinalha se van bramar : « defense du service public, défense du statut des enseignants ! » e patin cofin. Verem ben coma la FELCO se’n tirarà.

15Sicre: l'òbra  francesa ! Empty Re: Sicre: l'òbra francesa ! Lun 29 Sep 2008 - 12:44

Einucent

Einucent
Occitan Warrior
Occitan Warrior

Marxelin a écrit:Non ! ! ! ! ! ! !
Sabiái lo Sicre con mas aquí depassa tot. A petat un fusible lo pèc d'Arnaut Bernat.
Ara o podèm afirmar : Sicre es vertadièrament un franchimand de tria.
I manca pas que de pacsar amb lo Melenchon e tot serà acabat.Tusta-Paret

Una causa : Sicre defòra de l'occitanism, ara es grasilhat, lo cal boicotar.

AOF ! AOF !
Lo Claude Sicre (que legis segurament pas quò qu'escrivem 'quí) aimaria pas mielh que far parlar de se de quèu biais ! De las reaccions coma la teuna, (qu'auria pas renejada ieu tampauc fai quauques temps) lhi permeten de se far valer ; coma dubèrt au dialogue cma las institucion, coma pas integriste de 'na nacion occitana fantasmadas ... e tot los luècs comuns que lhi pesan e que lhi fan se trenchar pauc a paucd'un moviment occitan que n'a pus mestièr per existir.

Per ieu un concept forra borra entitolat "occitanisme" podia pas menar a mai que quèla mena de confusion. Sicre ne'n balha 'na definicion, tu te la sentissès diferentament e benlèu que ieu pense a 'na Xèna.

Claude Sicre defend sas lubias, tròbe malurós que d'unes ajan mestièr de lhi bastir d'estatuas e de repetir colhonament la darrièra frasa dau goró. Quèu fenomèn de goroísacion lhi pesa a se prumièr totparièr. E si de non de qué n'ai de fotre ? Ai pas besunh d'un guide espirituau que presica l'accion estatala per bastir mon eideia de la charra que dèut aver la militança per Occitània.

http://einucent.wordpress.com

Contenu sponsorisé



Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum