Vene de 'chabar la 34ena Escòla Occitana d'Estiu.
Per los que coneissen pas, quò se debana tots los ans, en aost, au liceu L'Oustal de Vilanueva d'Òlt (47). Lo principi es d'aprener o de se perfeccionar en lenga e en cultura occitana, emb diferentas formulas de cors : cors intensius (tota la jornada), cors normaus (de 9 oras a 11 oras) mai talhiers, de lenga, de toponimia, d'istòria, de cosina, d'informatica, de dança (de 3 oras a 5 oras), mai conferencias lo ser...
E de tira, me fau vos dire : Non, quò es pas chiant, fasem atencion de totjorn gardar un bon ambient entre los estagiaris...
E subretot, la "plaça centrala" de l'EOE, l'Estanguet (sem tot parier en Occitania !) amassa tot lo monde, per la vertadiera practica de la lenga (desfensa de parlar frances !), e io ajustarai, per experiença personala, la dau fetge e de l'estomac...
Tots los sers una serada diferenta, entre los contes, la dança, la musica, lo cinemá, lo teatre...puei tornarmai l'estanguet, jusinca 4 oras de la nuech... (los cors comencen a 9 oras lo matin, zo tòrne dire...).
E un finau, qu'era divendres, emb un concert daus gropes Kiej Tiel Plu e de Gai Saber.
En breu, una bona setmana, se pòt encontrar tot plen de monde interessant, pasar vertadierament daus moments tarribles, e lo tot en occitan, que damanda lo pòple ?
Un bemòl, per ujan : una diminucion d'un trentenat de percents de la participacion, daus un còps avem l'impression que la còla daus jòunes es mai o mens sensiblament la mesma... e, vòle pas dire, mas erem nonmas dos dau forum...
Donc, tornarai far de la publicitat l'an que ven, en esperar motivar un pauc mai de jòunes, e de jòunas...
Per los que coneissen pas, quò se debana tots los ans, en aost, au liceu L'Oustal de Vilanueva d'Òlt (47). Lo principi es d'aprener o de se perfeccionar en lenga e en cultura occitana, emb diferentas formulas de cors : cors intensius (tota la jornada), cors normaus (de 9 oras a 11 oras) mai talhiers, de lenga, de toponimia, d'istòria, de cosina, d'informatica, de dança (de 3 oras a 5 oras), mai conferencias lo ser...
E de tira, me fau vos dire : Non, quò es pas chiant, fasem atencion de totjorn gardar un bon ambient entre los estagiaris...
E subretot, la "plaça centrala" de l'EOE, l'Estanguet (sem tot parier en Occitania !) amassa tot lo monde, per la vertadiera practica de la lenga (desfensa de parlar frances !), e io ajustarai, per experiença personala, la dau fetge e de l'estomac...
Tots los sers una serada diferenta, entre los contes, la dança, la musica, lo cinemá, lo teatre...puei tornarmai l'estanguet, jusinca 4 oras de la nuech... (los cors comencen a 9 oras lo matin, zo tòrne dire...).
E un finau, qu'era divendres, emb un concert daus gropes Kiej Tiel Plu e de Gai Saber.
En breu, una bona setmana, se pòt encontrar tot plen de monde interessant, pasar vertadierament daus moments tarribles, e lo tot en occitan, que damanda lo pòple ?
Un bemòl, per ujan : una diminucion d'un trentenat de percents de la participacion, daus un còps avem l'impression que la còla daus jòunes es mai o mens sensiblament la mesma... e, vòle pas dire, mas erem nonmas dos dau forum...
Donc, tornarai far de la publicitat l'an que ven, en esperar motivar un pauc mai de jòunes, e de jòunas...