OCCITANIA !! Forum


Vous n'êtes pas connecté. Connectez-vous ou enregistrez-vous

Marselha capitala europena de la cultura

Aller à la page : Précédent  1, 2, 3

Voir le sujet précédent Voir le sujet suivant Aller en bas  Message [Page 3 sur 3]

clafotis


Occitan Warrior
Occitan Warrior
Rappel du premier message :

Marselha capitala europena de la cultura per 2013. Òsca

Cultura, cultura, mas coma disset l'autre : Mut
I a pas de cultura sens lenga.

Adonc, Marselha, Capitala de la lenga d'òc ! Quò es per quand ?



Dernière édition par clafotis le Mer 17 Sep - 8:08, édité 1 fois

http://rapieta.wordpress.com/

Joan Peiroton


Guelha de bonda
Guelha de bonda
Remarca d'interés general per auçar lo debat (merci qui?): avèm un musèu de l'Espaci mas pas cap de musèu Albi-Lunec a Tolosa, ça que la avèm un musèu Tolosa-Lautrec a-s-Albi.

http://loblogdeujoan.blogspot.com

Cerièra de Mai


Trobador !!
Trobador !!
Joan Peiroton a écrit:As dejà assajat de visitar un musèu o una exposicion a París?
Fa dos còps que vòli anar al Louvre veire De La Tour, ai jamai pogut ! Triste

Veses pas res e mancas de morir ofegat per una bandalada de toristas japoneses qu'i son tots per obligacion mas s'emmerdan regde per çò qu'i comprenon pas res. Enfin, i fan de fòtos d'els meteisses.
Cal i anar en ivèrn… en setmana… e d'ora !! Ironic

Sokolovic


Trobador !!
Trobador !!
Joan Peiroton a écrit:Despuish la lei de decentralizacion de 1981 i a avut un esfòrç deus grans tà augmentar las colleccions en las autas vilas que Paris. Avem de grans musèus, publics o privats (per exemple lo musèu Fabre a Montpelhièr: qui de vosautes i ètz anats?). Assezat a Tolosa vau plan Guggenheim dens un aute estile, e si Benberg (colleccionaire argentin qui viu a Nava York) i a deishat la soa colleccion, n'ei pas per arren. La colleccion d'art romanic de Tolosa qu'ei coneguda e apreciada dens lo mond entièr. Ne soi pas d'acòrd qu'ajam de complexes a aver. Avem de festenals de reputacion internacionau per tota Occitània. Los nòstes orquèstras (Tolosa, Bordèu, Montpelhièr...) qu'an ua reputacion internacionau. L'opera del capitòli, per ne citar qu'aqueste, qu'ei conegut dinc au Japon. La cultura que transpira de las pèiras a Tolosa. E l'arquitectura tolosana vau plan tots los musèus deu mond.

Just una causa.
Ti pausa pas problèma a tu aquò que siegue sus decisien de París que lei tolosans e leis autrei posquesson aprofiechar d'òbras un tant siá pauc interessantas ?
Creses a-de-bòn que dins un país coma França m'onte 80 dau cent de l'investiment dau ministèri de la cultura de ciutat coma Tolosa existon au plan culturau nacionau, veire internacionau ?
La cultura dins nòstrei vilas es França, valent a dire París que la fa, e que porgís lei bregalhas que demòran ai paurei provinciaus que siam. L'a ges de ciutat en França fòra París que si pòu metre au nivèu dei grandei ciutats europencas, e parli pas manco dei capitalas.

De Marselha 2013 esperi pas grand causa, a levat una tombada de artistas parisencs sus Marselha per rasclar lei subvencions.

Esperi que son pas totei coma tu a Tolosa, perqué veire una tala manca d'ambicion per sa vila e s'acontentar dau pauc que París li vougue ben donar...

Einucent


Occitan Warrior
Occitan Warrior
To bèu Matieu,

Lo Joan ensjava de probar que fau passar endelà de la vergonha de la mena "sèm-pas gaire / demeritam pas" e pense que vos podetz junhèr quì dessur.

Tolosa seria estada chausida, n'auria pas dich mielh que tu sus lo programa d'esperar.

http://einucent.wordpress.com

Joan Peiroton


Guelha de bonda
Guelha de bonda
Çò que vòli díser, efectivament, es que la cultura es pas tant dins los musèus deus guidas toristics, es abans que tot dens lo cap del mond. I pas cap de dobte que i a de musèus de véser en d'autas ciutats coma Tolosa, Montpelhièr o Ceret, per exemple, pas sonque qu'a París, e me demandi si los qui ploran per çò qu'an pas lo Lovre (per exemple) en çò lor, an quitament dejà visitat de musèus dins lor pròpia ciutat. En realitat, me sembla que la limitacion de la cultura, es absolutament pas l'abséncia de musèus, son puslèu los ciutadans, tu, ieu.

http://loblogdeujoan.blogspot.com

Joan Peiroton


Guelha de bonda
Guelha de bonda
Cerièra de Mai a écrit:Cal i anar en ivèrn… en setmana… e d'ora !! Ironic

Òc, e encara..Es per aquò que de tota la familha (ai 3 fraires e una sòrre a Paris), l'unic que va regularament als museus véser d'exposicions (a Tolosa: Sant-Raimon, Los Grands Agustins, etc; a Ceret: el Museu d'Art Modern que mòstra doas exposicions diferentas per annada, cada còp tras que interessantas, n'avem mancada cap dempuei detz ans), soi lo provinciau, ieu. Los parisencs o pòdon pas a París, o ben o fan de vacanças, quand son... en província!!!

Aquò es la vertat.



Dernière édition par Joan Peiroton le Jeu 25 Sep - 10:17, édité 4 fois

http://loblogdeujoan.blogspot.com

Joan Peiroton


Guelha de bonda
Guelha de bonda
Matieu C. a écrit:[

Just una causa.
Ti pausa pas problèma a tu aquò que siegue sus decisien de París que lei tolosans e leis autrei posquesson aprofiechar d'òbras un tant siá pauc interessantas ?
Creses a-de-bòn que dins un país coma França m'onte 80 dau cent de l'investiment dau ministèri de la cultura de ciutat coma Tolosa existon au plan culturau nacionau, veire internacionau ?
La cultura dins nòstrei vilas es França, valent a dire París que la fa, e que porgís lei bregalhas que demòran ai paurei provinciaus que siam. L'a ges de ciutat en França fòra París que si pòu metre au nivèu dei grandei ciutats europencas, e parli pas manco dei capitalas.

De Marselha 2013 esperi pas grand causa, a levat una tombada de artistas parisencs sus Marselha per rasclar lei subvencions.

Esperi que son pas totei coma tu a Tolosa, perqué veire una tala manca d'ambicion per sa vila e s'acontentar dau pauc que París li vougue ben donar...
que las decisions se prenon a Paris, si qu'aquò me pausa un problèma. Mas aquò implica pas que Tolosa (parli sonque de çò que coneissi, vòli pas díser qu'i a res a despart de Tolosa) sia pas una vila d'art e de cultura.
Qué? Pas interessantas las òbras que podem véser en çò nòstre? Mas es tot lo contrari! Coma pòs díser aquò?
Parlas de manca d'ambicion de ma part, mas sès dejà anat a visitar una exposicion (a Tolosa o a Marselha) o parlas de çò que coneisses pas? Cresi pas que lo problèma soi ieu. Parli de çò que coneissi, i vau e m'interessa e me regali. Las limitacions, las as ficadas dins la tèsta, tu, Matieu. Se passas per Tolosa, te mostrarai çò qu'as mancat.



Dernière édition par Joan Peiroton le Jeu 25 Sep - 10:01, édité 1 fois

http://loblogdeujoan.blogspot.com

clafotis


Occitan Warrior
Occitan Warrior
Joan Peiroton a écrit:Çò que vòli díser, efectivament, es que la cultura es pas tant dins los musèus deus guidas toristics, es abans que tot dens lo cap del mond. I pas cap de dobte que i a de musèus de véser en d'autas ciutats coma Tolosa, Montpelhièr o Ceret, per exemple, pas sonque qu'a París, e me demandi si los qui ploran per çò qu'an pas lo Lovre (per exemple) en çò lor, an quitament dejà visitat de musèus dins lor pròpia ciutat. En realitat, me sembla que la limitacion de la cultura, es absolutament pas l'abséncia de musèus, son puslèu los ciutadans, tu, ieu.

Exactament.
Aquí à Orléans, sem a 50 mn de parís, e i a un fum de gent per me damandar mon guide dau Lovre (e jamai queu d'Orsay, l'un dau mai erotic dau monde Geinat ). Perqué non, mas quant lo museu de la vila es dubert, degun per i 'nar veire l'una de las mai grandas coleccion de pastel de França. Mesma chausa per lo FRAC, sabe, es consacrat a l'architectura, mas bon, se cultiva es pas un grand trabalh per lo monde motivat (sens parlar d'anar veire los chasteus de la Leire).

Sei 'nat a Nancy, Lille, Lion, Tolosa (dins un cadre associatiu, e qu'es pas aisat de brisar la cadena "sem 'quí auèi per tela causa")... Lemotges, Berlin, Amsterdam, Brüssels, Barcelona sens jamai obludar de far un torn dins los pitits bars ente i a un bocin de musica, 'na exposicion... sens jamai obludar de visitar 'na gleisa, un chasteu o sabe io 'na plaça importanta... e segur, sens jamai obludar de passar per lo museu quant n'i a un.
Aprep, quò es una motivacion aisada per un tipe coma me qu'entend disposar de son temps sens far totjorn coma los autres.

Mon 'vis es lo mesma per la legida, lo cinemà, lo teatre...
E se deman, me trobe a Marselha per 3/5 jorns, 'nirai avant sus un motor de charchas, troberai de que me levar dabora per visitar, e aprep, passat miedjorn, 'nar emb los amics.

http://rapieta.wordpress.com/

clafotis


Occitan Warrior
Occitan Warrior
Einucent a écrit:
Lo Joan ensjava de probar que fau passar endelà de la vergonha de la mena "sèm-pas gaire / demeritam pas" e pense que vos podetz junhèr quì dessur.

Segur, per exemple lo sit dau Collègi de França ('quí) balha d'auvir las leiçons sus la literatura (e mesma la literatura nòstra). Lo sit canal-u de Tolosa (''quí), balha de las conferéncias sus p'uns subjets.

Per dire franc, sabe que comparaison es pas rason, mas la vergonha es pas de mesa.

http://rapieta.wordpress.com/

Joan Peiroton


Guelha de bonda
Guelha de bonda
Bon, soi d'acòrdi que lo budget de la cultura jacobin es escandalós. Mas la cultura es pas reductibla, es un ensemble. Es pas sonque un afar de colleccions de musèu, és tanben un afar d'espectacles, cinematèca, cinemàs d'art e d'assag, teatres, opera, concèrts, exposicion d'art, es tanben la mediatèca, la preistòria e l'istòria; lo patrimòni arquitectural e l'istòria associada, las cavas de poesia, la literatura, la dança , la revista òc, las calandretas, e quitament la gastronomia. Vergonha? Jamai!

http://loblogdeujoan.blogspot.com

Cerièra de Mai


Trobador !!
Trobador !!
La cultura a la Printemps de Septembre qu'òm i comprén pas res, podon se la gardar !!

Einucent


Occitan Warrior
Occitan Warrior
Cerièra de Mai a écrit:La cultura a la Printemps de Septembre qu'òm i comprén pas res, podon se la gardar !!
E lor medalha de capitala europenca tamben, la bocla es boclada

http://einucent.wordpress.com

Cerièra de Mai


Trobador !!
Trobador !!
Bah… auriái paln aimat ieu, que siàgan capitala de la cultura… Uèlhs al Cèl (fa de trabalh per los grafistes, colhonet !) Clucant

Einucent


Occitan Warrior
Occitan Warrior
Cerièra de Mai a écrit:Bah… auriái plan aimat ieu, que siàgan capitala de la cultura… Uèlhs al Cèl (fa de trabalh per los grafistes, colhonet !) Clucant
Cresès que l'i avià pas pensat, Idèa suèi pas plaçat per aver pogut jogar. Qu'es per quò qu'ai ren de perdre en ne'n dire dau mau.

http://einucent.wordpress.com

Sokolovic


Trobador !!
Trobador !!
OK.
Se l'a aquí quaucun qu'arriba de m'explicar que la cultura en França (e subretot dins de vila coma Tolosa, Marselha, Bordèu ò Lion) es pas pastada d'en promier a París...manjarai mon capèu, per pauc que ne'n agui un.

Per çò que pòdi veire a Marselha, malurosament, la cultura es ren mai qu'un ersatz de çò que si fa dins la capitala, amb soventei fes de gents, digam expatriats, qu'an pas poscut capitat a París e que venon rasclar lei dardenas ais instituciens localas.

Mi parlatz de musèus, de çò que voletz, empacha pas que la veritat es que la politica culturala encò nòstre es ren mai que lo rebat de çò que si decidís a París.

Joan Peiroton


Guelha de bonda
Guelha de bonda
Cal pas confondre politica culturala e cultura. La cultura se viu, se decidís pas.

http://loblogdeujoan.blogspot.com

Cerièra de Mai


Trobador !!
Trobador !!
… e Tolosa es una vila de viure, pas de visitar… T'Aimi / Vos Aimi

admin


Trobador !!
Trobador !!
La cultura que se viu a l'òra d'ara, qu'es la de France 2.


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

EUP


Platussaire
Platussaire
Lo Matieu Castel a tot mon sosten, istent que trabalham ensems a l'Ostau dau País Marselhés.
Nòstra vila a estat causida coma capitala europeana de la cultura per 2013, sens que l'aguesse un mòt sus la cultura provènçala disn lo dorsier de candidatura.
Pasmens, avans que de passar tres pagina de parlar sens saupre de qué si passa encò nòstre, l'Ostau dau País Marselhés a fach son dever, e siam anats a la reunien d'informacien per Marselha 2013 que li eriam convidats.
Nos an presentat lo fonccionament generau, parlat de patrimòni etc. Avem donca demandat perqué l'i aviá ren sus lo patrimòni linguistic e la cultura nòstra, s'era una volontat vò qué.
Nos a estat respondut que se l'aviá ren dessus, era pas una volontat, mai aquelei qu'an montat lo dorsier ne coneisson ren de tot aquò, pasmens son totalament duberts ai proposiciens.
L'a mantuneis associacien provençalas a Marselha, pasmens cresi que l'Ostau es la mai ben plaçada per montar un dorsier complet per 2013. Avem dos ans per lo pausar, cresi que predrem qu'un an per lo far, coma aquò aurem un an de mai per lo cambiar se convèn pas.

Tròbi que lei blagas e lei comparasons entre lei vilas, que Tolosa es flame e que la cultura es aquò e pas lo contràri sarve de ren.

Avètz pardut tres paginas per dire ren. Ce qu'impòrta ara per l'occitan de deman es de far de causas. Mon biais de pensar es que ce que volem, l'aurem, l'anirem querre perqué avem lo dever d'estre lei melhors.

E lo vau dire un còp mai, mesme s'es pas l'endrech aqui, l'Ostau sostendrà pas la manif de Carcassona. Es e demòra nòstra posicien oficiala. Cada sòci farà ce que vòu, mai l'aurà ges de sosten dins l'organisacien ni la comunicacien d'aquela trufada.

Farem nautrei de nòstra ciutat lo mirrau de la cultura de nòstrei reires, trabalharem cada jorn mai per tornar metre nòstra lenga dins lei bocas e lei esperits dei marselhés dau monde entier, e quand l'aurà una manif dins lei país que n'an de besonh, qu'an besonh de sosten, li anirem embé plaser.

Ont'es lo sosten au Vivarés? ais Aups? a l'Auvernha? au Lemosin? a la Gasconha? E perqué pas la marcha sus Paris? L'a pas quauqu'un dins lo monde occitan qu'a entendut parlar dau million man march on Washington? Coma cresètz que si passa lo monde? Fau anar cercar lei causas onte son.

Vaqui.

http://www.esperaunpauc.eu

LaurençD


Occitan Warrior
Occitan Warrior
Los qu'an montat lo dorsier an pas ren botat sul patrimòni ligüistic de Marselha pr'amor i conoissian ren !... Son de "cabinets" parisencs que l'an bricolat lo dorsier ?
E ben, aquò's de mal embucar. Los elèits marselheses (coma los d'Occitania tota) son de vergonhosses, se la vòlon jogar francèses mai que los francèses, e mai que mai, escafar çò que sem. "Marselha capitala mediterranenca", ah oèi... E perdequé pas començar amb "Marselha capitala de Provença" ?
Que los politicaires occitans ensagen de se'n tirar en daissar faire las associacions, vaqui la prova que son tant responsables de la situacion de la lenga coma l'Estat. E tamben que las associacions coma l'Ostau son indispensables.
Voilà.


_________________
http://lacabraelolop.canalblog.com/

Arf


Occitan Warrior
Occitan Warrior
Que'm semblava que i aveva un topic sus "Plus belle la vie", mes ne'u trobi pas. Alavetz que posti aci.
N'espii pas aquera seria mes uei qu'i soi cadut dessus per escas : ne trobatz pas qu'eth meste deth bar "Le Mistral", eth solet personatge qui dinc adara aveva er accent marselhes, parla adara "ponchut" ? A jo que m'a esquiçat eras aurelhas per'mor ne haseva pas briga naturau.

Zengi


Trobador !!
Trobador !!
Michel Cordes ? diu vivant, espèri pas, lo tipe que hasó teatre en occitan pendent annadas Risolet

jfrieux


Occitan Warrior
Occitan Warrior
Lo seun paire, Leon, vivèt en Sira, de Menerbés. Faguèt un libròt sus Menerba, un villatge que cambièt, desempuèi 1974.

fredoc


Occitan Warrior
Occitan Warrior
Leon Còrdas ? Qu'ei d'eth qui vien lo nom deu collègi Calandreta ?


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

admin


Trobador !!
Trobador !!
Ben òc, Leon Cordes es un autor de teatre occitan se m'engani pas.


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

fredoc


Occitan Warrior
Occitan Warrior
Òc, qu'ac sèi, mes que voi saber si ei eth, lo pair de l'aute de "Mei beròja la vita".


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

admin


Trobador !!
Trobador !!
Ben òc ! Es eth ! "Roland, que soi lo ton pair ! Es passat deu costat obscur de la fòrça !"


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Sokolovic


Trobador !!
Trobador !!
fredoc a écrit:Òc, qu'ac sèi, mes que voi saber si ei eth, lo pair de l'aute de "Mei beròja la vita".

Es eu, d'efiech. E lo fiu es sòci dau teatre de la Rampa de Montpelhier tanben. Es Michel Còrdas, Roland donc, qu'escriguèt la pèça "Espanhòl d'aqui".

Contenu sponsorisé


Voir le sujet précédent Voir le sujet suivant Revenir en haut  Message [Page 3 sur 3]

Aller à la page : Précédent  1, 2, 3

Permission de ce forum:
Vous ne pouvez pas répondre aux sujets dans ce forum