OCCITANIA !! Forum


Vous n'êtes pas connecté. Connectez-vous ou enregistrez-vous

BAB : basco o occitan?

Aller à la page : 1, 2, 3  Suivant

Voir le sujet précédent Voir le sujet suivant Aller en bas  Message [Page 1 sur 3]

1Question BAB : basco o occitan? le Mar 16 Sep - 7:42

fredoc

avatar
Occitan Warrior
Occitan Warrior
Qu'èi creat aqueste topic tà desplaçar lo debat qui avèva lòc dens l'estadi. E com me hè cagar d'enténer a parlar seriós o politica acerà, que soi viengut ací.

En efèit, Lo BAB (Baiona-Anglet-Biàrritz) que son vilas on lo gascon
èra parlat pendent longtemps. Qu'avem hèra de testimoniatges per las
carrèras, dens arquius, o oraus tà confirmar aquò. Totun, lo basco (o
meilèu la lenga deus vascons) qu'estó present abans e qu'anava dinc a
Garona (haut o baish l'espaci gascon de uei en dia.
Mes uei en dia, justament, ne s'i parla pas mei occitan que basco, que
s'i parla francés. E hèra de monde que las an integradas com vilas
bascas, quitament los poblants eths-medish.
Que'm hè cagar a jo tanben aqueth ahar, mes qu'ei atau. Los bascos que
s'escaden a har causas qui non pensam pas nosautes. Que poderem
inspirà'ns d'eths de temps en quan. E començar per tornar conquesir las
nostas vilas com Pau, Tolosa, Marselha...


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

2Question Re: BAB : basco o occitan? le Mar 16 Sep - 7:52

capbreton

avatar
Occitan Warrior
Occitan Warrior
Merces de crear un topic sus Baiona , Angelu e Miarritze pr'amor dens la seccion rugbi que parlam rugbi.

Jo que soi militant politic e que voli per l'aviener ua reconeishança de tots las nacions shens estat com l'Occiania, Euskal Herri, Breizh etc.

E donc si doman que i a l'autonomia o l'independença per Iparralde que sera dab Baiona, Miarritze e Angelu. Lo mond politic que luta au dia a dia dens lo BAB qu'ei basco e non pas occitan.
E lo debat deus gasconistas franchimands que me gonfla.

3Question Re: BAB : basco o occitan? le Mar 16 Sep - 8:14

Joan Peiroton


Guelha de bonda
Guelha de bonda
capbreton a écrit:Merces de crear un topic sus Baiona , Angelu e Miarritze pr'amor dens la seccion rugbi que parlam rugbi.

Jo que soi militant politic e que voli per l'aviener ua reconeishança de tots las nacions shens estat com l'Occiania, Euskal Herri, Breizh etc.

E donc si doman que i a l'autonomia o l'independença per Iparralde que sera dab Baiona, Miarritze e Angelu. Lo mond politic que luta au dia a dia dens lo BAB qu'ei basco e non pas occitan.
E lo debat deus gasconistas franchimands que me gonfla.

L'associacion Ací Gasconha qui tribalha tà la recuperacion deu gascon maritime a l'aglomeracion de Baiona qu'ei ben occitanista. Lo debat non vien pas de gasconistas franchimands en aqueth cas.

http://loblogdeujoan.blogspot.com

4Question Re: BAB : basco o occitan? le Mar 16 Sep - 8:19

Einucent

avatar
Occitan Warrior
Occitan Warrior
Qu'es pas sistematic que balhe rason au Fredoc mas i a quauqua-ren de tot plen juste dins quel afar.
Mes uei en dia, justament, ne s'i parla pas mei occitan que basco, que s'i parla francés.
E hèra de monde que las an integradas com vilas bascas, quitament los poblants eths-medish.
Me sadola, ieu tamben, d'assistir a daus carpinhatges sus mapa d'Estat-major. Podrià entendre la polemica si i avià 'na presa de consciença bastida sus plaça ; mas non. Auviguei totjorn sus la question, l'eivis d'eminent saberuts, auto-segurats per lor linhas d'isoglòsa, per defendre l'eideia de 'na occitanitat de BAB. (lol) Daus saberuts qu'avian tot entendut de luènh dins lor libres.

Crese que la question es mielh de saber quò que lor balha enveja de se dire bascs. E, dins la seguda, si sèm en capaciat de lor balhar tant enveja de se dire occitans.

Fai 30 ans, los que son uèi daus vielhs occitanista agrits eran jà engaulhats tant luènh dins lo trenchatge de piaus en 4 dins lo lonjor, e tant que l'i aura quela dimension, faram fugir baionès, auvernhats, niçarts (...) que se petaçan plan emb de lor etiqueta coneguda.
Qu'es gaireben domatge d'i consacrar un topic esprès, quò lhi balha tròp d'importança, mas t'as 'gut rason de 'lumar un contra-fuèc.

http://einucent.wordpress.com

5Question Re: BAB : basco o occitan? le Mar 16 Sep - 8:31

Gavach

avatar
Occitan Warrior
Occitan Warrior
Crese que la question es mielh de saber quò que lor balha enveja de se dire bascs.

Una autra question es de saber quina identitat meton los Baioneses non abertzale jos l'etiqueta "Basca". L'auto-identificacion jos un meteis etnonim pòt amagar de visions plan diferentas de las causas: ai l'impression que per d'unes "Basc" significa "Ambiança festaire- Bon manjar- Ligam amb la peninsula iberica" alara que per d'autres seriá puslèu "Euskara- Txalaparta- Euskal Herria". Alara la question abans de debatre es de saber cossí los Baioneses se sentisson basc...

Aprèp, en veire las reaccions dels abertzale a aquesta debat sul forum dels pòbles en lucha, ai pas pus enveja d'aver quicòm de veire amb aquesta gent...

http://conselhamistos.blogspot.com/

6Question Re: BAB : basco o occitan? le Mar 16 Sep - 9:10

Joan Peiroton


Guelha de bonda
Guelha de bonda
L'imne de la ciutat de Baiona "Salut baiona" qu'estó escrivut (en occitan) per Pierre (Pèir) Rectoran (Baiona, 1880; Baiona, 1952), gran coneishedor deu gascon maritime. Pèir Rectoran qu'èra de vielha soca baionesa. Qu'escrivó un diccionari deu gascon maritime qui hé enqüèra referéncia au dia de uei. Eth que hasèva plan la diferéncia enter bascos e baionés, segon lo títol de son obratge: "Corsaires basques et bayonnais du XVe au XIXe siècle". Qu'èra metge mès a la fin de la soa vita qu'hasèva d'arquivista au musèu basco de Baiona.
De notar que l'occitan ei de mes en mes present a las hèstas de Baiona, e que podetz audir sus youtube lo reclam deu devís en gascon que Richard Dourthe, capitan de l'aviron baionés, prononciè en tot obrir la cerimonia.
En realitat, si l'occitanitat de Baiona e d'Anglet ei plan clara, qu'ei discutibla tà Biàrritz segon los estudis deu vascològue deu sègle 19, Louis-Lucien Bonaparte. Segon Bonaparte, la frontièra linguistica passava enter Anglet (gascon) e Biàrritz (basco).
E plan segur, lo problèma màger qu'ei la perduda de la lenga (quina que sia) au profièit exclusiu deu francés.

http://loblogdeujoan.blogspot.com

7Question Re: BAB : basco o occitan? le Mar 16 Sep - 9:18

fredoc

avatar
Occitan Warrior
Occitan Warrior
Gavach a écrit:
Una autra question es de saber quina identitat meton los Baioneses non abertzale jos l'etiqueta "Basca". L'auto-identificacion jos un meteis etnonim pòt amagar de visions plan diferentas de las causas: ai l'impression que per d'unes "Basc" significa "Ambiança festaire- Bon manjar- Ligam amb la peninsula iberica"


10 sus 10 !
Qu'as completament rason! E que'n sabi quauqu'arren, jo qui èi hèit pendent annadas las hèstas de Baiona, qui'm soi pelejat (oraument) mantun còp contra los pseudos-bascos deu BAB -qui coneishen quate mots de Hegoak- en ensenhà'us los noms de las carrèras e d'autas causas (en occitan/gascon).

Dus ans a, bascos que hasón ua manifestacion de sostien aus Presoak (presonèrs) o ne sèi qué. Ne n'i avèva pas hèra de Baiona ni deu Bascoat nòrd. Que's coneishèva a l'accent e au look qu'èran deu sud. Los BABistas, eths, qu'èran a pintar en cantant "Los tilholèrs" dab las colors blanc e roi.
Lo hestaire gascon per excellença!


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

8Question Re: BAB : basco o occitan? le Mar 16 Sep - 9:30

fredoc

avatar
Occitan Warrior
Occitan Warrior
Joan Peiroton a écrit:

En realitat, si l'occitanitat de Baiona e d'Anglet ei plan clara, qu'ei discutibla tà Biàrritz segon los estudis deu vascològue deu sègle 19, Louis-Lucien Bonaparte. Segon Bonaparte, la frontièra linguistica passava enter Anglet (gascon) e Biàrritz (basco).

E lavetz, qu'ei lo passat. Palay que ditz dens lo son "Dictionnaire du Béarnais et du Gascon modernes" a la definicion Labour (província basca, capdulh Baiona): "On y parle gascon jusqu'à Bidart où l'on commence à entendre le basque"

Que soi d'acòrd tà díser que lo BAB èra gascon, e que sostieni las iniciativas tà ac har reconéisher. Mes que cau deishar de s'encapborrir sus aquò. N'ensajas pas de tornar occitanizar Peitius e las Charentas.
E perqué non tornarem pas parlar gallés? O cro-manhonés?

Ne soi pas hèra constructiu, ok, mes lo passat qu'ei plan tà s'i emparar dessus. Mes ne'u cau pas arrevitar. La realitat de uei en dia qu'ei que l'occitan autant plan com lo basco qu'ei absent deu BAB.
Òc tau desvolopament de las duas lengas e visca lo trilingüisme en BAB!


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

9Question Re: BAB : basco o occitan? le Mar 16 Sep - 9:44

Zengi

avatar
Trobador !!
Trobador !!
Aprèp, en veire las reaccions dels abertzale a
aquesta debat sul forum dels pòbles en lucha, ai pas pus enveja d'aver
quicòm de veire amb aquesta gent...
Gavach, que l'èi dejà dit suu FPL mes que m'i torni, shens voler estar pesuc:
Que cau absoludament diferenciar los abertzale completament cons qui son a còps suu FPL, e los qu'encontras dens la vita.

Francament, los vertadèrs militants abertzale qu'an de faiçon generau, plan evoluat sus la question. Totas los amics e sustot amigas bascas qu'encontri a Pau que son conscientas d'aquò: que n'i a qui arrespectan l'occitan, d'autas qui an tanben enveja d'apréner la lenga.
Segur que diser que Baiona ei gascon e hè drin estranh tà d'eras, mes que son monde uberts e arrespectuos.

Ne soi pas briga un defensor candide deus bascos, enfin ne soi pas clar desolat

10Question Re: BAB : basco o occitan? le Mar 16 Sep - 9:49

Joan Peiroton


Guelha de bonda
Guelha de bonda
E lavetz, qu'ei lo passat. Palay que ditz dens lo son "Dictionnaire du Béarnais et du Gascon modernes" a la definicion Labour (província basca, capdulh Baiona): "On y parle gascon jusqu'à Bidart où l'on commence à entendre le basque"

Que soi d'acòrd tà díser que lo BAB èra gascon, e que sostieni las iniciativas tà ac har reconéisher. Mes que cau deishar de s'encapborrir sus aquò.



E perqué, tà't pregar? N'èm pas a escríver en occitan? Doncas capborruts qu'èm, per definicion;

N'ensajas pas de tornar occitanizar Peitius e las Charentas.
Non, aquò no'ns concerneish pas. Lo peitavin e lo santongés, qu'ei un aute debat.


E perqué non tornarem pas parlar gallés? O cro-manhonés?
????Non vei pas lo punt atau, personaument.

.
Òc tau desvolopament de las duas lengas e visca lo trilingüisme en BAB!
Ah, alavetz qu'èm d'acòrd. Finaument, es tan capborrut coma jo. M'as hèit content.

http://loblogdeujoan.blogspot.com

11Question Re: BAB : basco o occitan? le Mar 16 Sep - 10:05

Einucent

avatar
Occitan Warrior
Occitan Warrior
L'ensem Poitou, Saintonge, Aunis, Angoumois beneficia pas dau costat brachat que pòt avèr lo Bascoat. Tot au mielh "Charente" presenta l'avantatge permetre un gentilé aisat : "charentais" que vòudra pas dire lo parrièr a Confolent coma disn lo demai dau despartament. Fòra de quèla excepcion, degun se dit peitavin, perqué pas Futuroscopian !

Quò que juga en favor de la bascituda es un afar de mòda, seria mas einucenta, clichesca e pas ben prunda l'identitat es volguda per las gents que citèrem en exemple.

se ia 'na batesta de menar dins las mentalitat qu'es ben de ire que n'autres occitan avèm quèu aspect de bon accedir dins nòstra identitat (parlavas de "hestaire gascon" Fredoc, e as rason) me sembla per aura qu'occitan evòca tot un fum de chausa mas deguna de bon accedir. Las gents vodran pas perdre au chamnhe.

http://einucent.wordpress.com

12Question Re: BAB : basco o occitan? le Mar 16 Sep - 11:32

LaurençD

avatar
Occitan Warrior
Occitan Warrior
Oèi, me rapela los pegasolets Corsica que se veson als cuòls de las veituras. N'i a pas gaire que son de còrses vertadièrs, mas fa rebèl. Vòl dire : "Mèfi, fagues me pas cagar, siai missant coma un còrse, pòdi tot faire petar". Vertat que lo pegasolet Òc es pas tant rock-and-roll, fa puslèu brave tipe.


_________________
http://lacabraelolop.canalblog.com/

13Question Re: BAB : basco o occitan? le Mar 16 Sep - 11:35

fredoc

avatar
Occitan Warrior
Occitan Warrior
Quan parlavi de Peitius ...qu'èra tà díser qu'èran parçans occitanofònes a ua epòca. Que'us avem "perguts", ne disem pas jamei: "las Charentas que son occitanas, l'occitan que i èra abans lo santongés"...

Sus çò qui perpausa l'occitan en tant que cultura, vertat que son causas tròp luenh de çò qui vòu lo pòple (se compreni plan çò qui dises). Dinc a uei, lo movement occitanista qu'èra un eleit intellectuau: literatura, musica engatjada o tròp confidenciau, regentalha...Que pensi qu'èm a sortir d'aqueth mitan (qu'ei dur e long Escacalassant -nada allusion sexuau) mes que començam de saber parlar de causas mei "leugèras", mei popularas.
Qu'ei çò qui hè l'AOF, ua de las purmèras iniciativas associant la lenga a la practica d'un léser popular.
Los bascos qu'ac an hèit desempuish bèra pausa, e quitament piéger: véder los articles mei capsus sus l'imatge deu Bascoat.
D'un estrem a l'aute. Uèlhs al Cèl


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

14Question Re: BAB : basco o occitan? le Mar 16 Sep - 11:37

Gavach

avatar
Occitan Warrior
Occitan Warrior
Que cau absoludament diferenciar los abertzale completament cons qui son a còps suu FPL, e los qu'encontras dens la vita.

Lo problèma es que los qu'ai encontrat son puslèu sul modèla FPL... I a d'excepcions, de segur, e benlèu que las nòvas generacions son mens capborrudas e fièr de la lora incultura que los de mon temps. Alara benlèu que cambiarai d'avís lo jorn ont qualqu'un me poirà explicar çò qu'es lo país basc perque ai pas encara compres, o alara tròp ben...

http://conselhamistos.blogspot.com/

15Question Re: BAB : basco o occitan? le Mar 16 Sep - 11:42

Zengi

avatar
Trobador !!
Trobador !!
benlèu que cambiarai d'avís lo jorn ont
qualqu'un me poirà explicar çò qu'es lo país basc perque ai pas encara
compres, o alara tròp ben...
Que vòs diser aquiu ?

16Question Re: BAB : basco o occitan? le Mar 16 Sep - 12:03

Gavach

avatar
Occitan Warrior
Occitan Warrior
Per tornar dire çò qu'ai dich sus un autre forum, sens aver cap responsa, ai pas jamai vist una definicion clara e los critèris que permeton als abertzale de dire: aquí es Euskal Herria, aquí non. Per Occitània, lo nòstre encastre es clar: Occitània es ont se parla o se parlèt fa pas gaire l'occitan. Punt. Pels basques, segon las regions adòptan de critèris variables:
Se Tudela es basc es perque fa part de Navarra, mai se la gent parlan pas basc e se sentisson pas basques. Donc lo critèri es la revendicacion de las frontièras d'un estat passat, la Navarra, donc perqué la Biscaia es basca?
Se Esquiula es basca es que s'i parla basc mai se fa part de Biarn. Mas Bidasha es basca perque foguèt, de quan en quan, estacada al Labord.
Etc...
Los abertzale me fan pensar a aquels nacionalistas de l'Euròpa del sègle XIX prèst a tot per alargar las frontièras de la maire-patria, posicion que a pas res a veire amb un "nacionalisme" de liberacion. E pensi de mai en mai, en esperar m'enganar, que lor image d'esquèrra es pas qu'una atituda destinada a far passar un nacionalisme tot çò que i a de mai con e agressiu.

http://conselhamistos.blogspot.com/

17Question Re: BAB : basco o occitan? le Mar 16 Sep - 12:13

Zengi

avatar
Trobador !!
Trobador !!
Jo pensavi tot simplament que los critèris qu'avem nosauts occitans
entà definir las termièras d'Occitania son los medishs tau Bascoat.
Que'm sembla quasi evident, mes calerà pausar la question aus bascos.

Pensi totun que t'enganas per çò qui ei de l'imatge d'esquèrra. Segur
que i a militants abertzale qui's van diser d'esquèrra shens saber çò
qu'ei o shens aver lo comportament e las ideas adequats, mes tà la
mager part que vòu diser quauquarren.
Quan apres dus ans de preson Otegi ei arcuelhut a la preson per
l'Internacionau, cantada peus militants, mensi pas que sia ua parodia
de militantisme d'esquèrra.

18Question Re: BAB : basco o occitan? le Mar 16 Sep - 12:29

Axel

avatar
Francimand's Killer
Francimand's Killer
Podem pas dire qu'es a la fes occitan e basco? Siáu bessai innocent mai cresi que podem pas dire que BAB es soncament occitan o basco, es un pauc dei dos, non?... Compreni pas la volontat d'únei de voler dire qu'aquela vila es exclusivament occitana e aquela autra l'es pas... Mai cresi que conéissi pas pron ben lo subjèct per ne parlar!

http://decausasedautras.nireblog.com

19Question Re: BAB : basco o occitan? le Mar 16 Sep - 12:35

fredoc

avatar
Occitan Warrior
Occitan Warrior
Gavach a écrit:Per Occitània, lo nòstre encastre es clar: Occitània es ont se parla o se parlèt fa pas gaire l'occitan.

Que soi desolat, mes ne pòts pas arcastar aus bascos ua posicion pas clara mentre que hès vàler critèris deus non scientifics. Eths qu'an las lors posicions, nosautes qu'avem las nostas. Que citas Esquiule qui seré, segon Grosclaude*, un toponime basco. Alavetz, vila bearnesa on s'i parla mei que mei basco, ei en Occitania?
Ne parlaram pas deus trebucs qui pausan los localistas e autas iniciativas de tota traca tà definir l'espaci occitan. Que hèn partida tanben deu movement de sauvaguarda de la lenga, a la lor faiçon.

*Dictionnaire toponymique des commmunes du Béarn.


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

20Question Re: BAB : basco o occitan? le Mar 16 Sep - 12:45

admin

avatar
Trobador !!
Trobador !!
Coneishi pas arren a tot aquò, mes tà jo, Baiona (e benlèu Anglet e Biàrritz) es ua grana vila a la confluencia de duas lengas. Donc los de la campanha, quan anavan véner las lors vacas, ont sabi pas que, anavan tots a Baiona, que sian basco o gascon. Baiona es un catalisator, un mesclanh ... Non ?


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

21Question Re: BAB : basco o occitan? le Mar 16 Sep - 13:03

Zengi

avatar
Trobador !!
Trobador !!
Esquiule qu'ei un vilatge basco en territòri occitan per jo.
Ei pas possible aquò ?

22Question Re: BAB : basco o occitan? le Mar 16 Sep - 13:08

fredoc

avatar
Occitan Warrior
Occitan Warrior
Responsa a L'òmi. Matieu que s'ei intercalat. Escacalassant

Qu'èra...
Que'vs voi brembar totun que l'imne de l'Aviron baionés rugby ei tot sancer en francés, sus un aire viengut d'Espanha. E que sia plan o mau, los baionés que l'an adoptat shens nat problèma, e quan l'entenem, que pensam de tira a Baiona. adara, com totas las autas, qu'ei ua vila francesa. Triste

Mes qu'as rason d'ac soslinhar, dens lo passat, lo monde qui n'anavan peus mercats, que parlavan sovent la lenga deu lòc on se venèvan las vacas. Los bascos e bearnés qu'an tostemps hèit ahars. Mes que pensi, e que harà gai a Joan Peiroton, que lo gascon èra mei emplegat. Que cau saber qu'ei hòrt mei aisit que non pas lo basco.


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

23Question Re: BAB : basco o occitan? le Mar 16 Sep - 13:36

Axel

avatar
Francimand's Killer
Francimand's Killer
L'Òmi a écrit:Coneishi pas arren a tot aquò, mes tà jo, Baiona (e benlèu Anglet e Biàrritz) es ua grana vila a la confluencia de duas lengas. Donc los de la campanha, quan anavan véner las lors vacas, ont sabi pas que, anavan tots a Baiona, que sian basco o gascon. Baiona es un catalisator, un mesclanh ... Non ?

Òsca 10 sus 10 !

http://decausasedautras.nireblog.com

24Question Re: BAB : basco o occitan? le Mar 16 Sep - 13:38

occitaneta

avatar
Occitan Warrior
Occitan Warrior
Benlèu tau mercat e tot aquo... Mès uei lo dia que cau vedèr ço que pensa lo poble d'aquest parçan... E quan demani au mond ço que's senteish, la responsa es clara : que's senteishen bascos, e ço a maugrat d'ua non definicion deu termi o de totas las desencusas possiblas entà har crèder ont's har crèder a sia medish que lo BAB serè enquëra un drinot occitan.
Après l'important tà nosautes uei lo dia es que lo mond d'enlà ne desbromba pas ço qu'a podut estar e aportar la cultura nosta a lor. E susquetot de har autanplan que lo bascos a noste !! Es a disèr dens las vilas occitanas que's francimandisan de mei en mei cad jorns, a manca de desbatèr sus quimèras ataus !!

25Question Re: BAB : basco o occitan? le Mar 16 Sep - 13:42

Danís

avatar
Adjudant
Be òc, io tròbe normau que Baiona (e es pas la sola) aja las doas lengas. M'es 'vis que a l'ora d'ara i a mai de monde que l'i parla basco, a causa de l'influencia dau Sud, mas de çò qu'ai vist, d'un costat e de l'autre dau flume quo es pas parier. Faudriá veire sus una carta los noms de las ruas ancianas, e damandar vertadierament au monde çò que pensen.
Puei quo es pas a n'autres de reivindicar una vila per tala o tala organisacion politica, quo deu èsser avant tota chausa la chausida dau pòple que l'i viu. E perque la vila seriá pas basca, mas emb daus occitans dedins ? Lo contrari pòt se trobar, tanben, suspause.

26Question Re: BAB : basco o occitan? le Mar 16 Sep - 13:46

Danís

avatar
Adjudant
Arf, me si fach 'trapar per Occitaneta...
Enfin, sei d'acòrd emb ela, io lo desbat m'en fote un pauc, pense que vau mielhs se concentrar sus de las vilas coma Bordèu, que sei segur que lo monde an mens acces a la cultura occitana que los baiones per l'intermediari daus bascos. Apres, sei d'acòrd que ilhs an benleu un trabalh de dubertura a far (atencion, quo es pas generau), per far valer las doas culturas, pas perque Baiona seriá occitana, mas nonmas per la bona rason que sem vesins e que nòstras lutas nos rapròchen. La solidaritat entre los pòples e las culturas deu pas èsser un sòmi.

27Question Re: BAB : basco o occitan? le Mar 16 Sep - 13:55

admin

avatar
Trobador !!
Trobador !!
occitaneta a écrit:Benlèu tau mercat e tot aquo... Mès uei lo dia que cau vedèr ço que pensa lo poble d'aquest parçan... E quan demani au mond ço que's senteish, la responsa es clara : que's senteishen bascos, e ço a maugrat d'ua non definicion deu termi o de totas las desencusas possiblas entà har crèder ont's har crèder a sia medish que lo BAB serè enquëra un drinot occitan.
Après l'important tà nosautes uei lo dia es que lo mond d'enlà ne desbromba pas ço qu'a podut estar e aportar la cultura nosta a lor. E susquetot de har autanplan que lo bascos a noste !! Es a disèr dens las vilas occitanas que's francimandisan de mei en mei cad jorns, a manca de desbatèr sus quimèras ataus !!

Segur ! Jo, disi sonque que Baiona es benlèu bastida sus las duas lengas. Uèi-lo-dia, la situacion n'es pas la medisha.


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

28Question Re: BAB : basco o occitan? le Mar 16 Sep - 14:09

fredoc

avatar
Occitan Warrior
Occitan Warrior
Danís a écrit:Faudriá veire sus una carta los noms de las ruas ancianas,

Que't rasseguri, per çò qui ei deus toponimes deu BAB, l'occitan qu'es clarament la lenga deu lòc (a l'epòca quan hasón las mapas e carrèras).

Que i a ua causa qui m'emmèrda vertadèrament den slo hèit que Baiona vàdia basca: qu'ei lo cambiament de cultura qui subeish o segueish volotàriament tot o baish ador (dinc a Pèirahorada - 40). acerà, lo monde qu'aprenen mei lo basco e las danças bascas que lo gascon e la soa cultura. Que torni sus ua idea citada mei haut: nosautes que hèm tròp de qualitat (entà l'eleit), eths que hèn mei de popular. Qu'èi entenut a díser de la boca d'ua gojata de las Lanas, qui a un nom gascon e qui demora en un ostau qui pòrta un nom gascon: "c'est super ce goupe (un grop de mèrda qui jogava sauts bascos), l'an prochain je m'inscrit à la danse basque!" Uèlhs al Cèl Fòl Censura


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

29Question Re: BAB : basco o occitan? le Mar 16 Sep - 14:16

Einucent

avatar
Occitan Warrior
Occitan Warrior
Te ne'n trobarás d'autras gojatas lanèsas que lhi podrás aprenèr los 7 sauts. Risolet Progressiu



Dernière édition par Einucent le Mar 16 Sep - 14:17, édité 1 fois

http://einucent.wordpress.com

30Question Re: BAB : basco o occitan? le Mar 16 Sep - 14:17

occitaneta

avatar
Occitan Warrior
Occitan Warrior
Tau cop que soi completament d'accordi dab tu Fredoc... La cultura basca es horta lei accessibla e popularia que la nosta... E que preferi 15 grops pas trop bons que balhan la hami de dançar, de bolegar, de parlar, e fin finau de viure la soa occitanitat que un de boa qualitat qu'es reservat a ua eleit, o qui es hort mensh accessibla !!

Perdon, mes n'ei pas los accents ont soi...

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 3]

Aller à la page : 1, 2, 3  Suivant

Permission de ce forum:
Vous ne pouvez pas répondre aux sujets dans ce forum