OCCITANIA !! Forum


Vous n'êtes pas connecté. Connectez-vous ou enregistrez-vous

Lo Gel-Douche Axe, menaça per l’umanitat !

Aller à la page : Précédent  1, 2

Voir le sujet précédent Voir le sujet suivant Aller en bas  Message [Page 2 sur 2]

Danís

avatar
Adjudant
Rappel du premier message :

Me coneissetz, aime bien los afars un pauc colhons que podem trobar dins los subremerchats. L’autre jorn, me sei ‘restat un bon moment dau costat dau rejon « Soins du Corps », que normalament la sola vuda sufís per me far fugir. Una enveja de noveutat, sabe pas…
E la noveutat, l’ai trobada ; en laissar ‘nar ma visada sus quel estalatge de produchs sablonos de las sabors extraordinàrias (dau còps, quo es malaisat de parlar de perfum talament n’i a qu’an de l’imaginacion…), mos uelhs se ‘resteren sus Axe.

Axe, benleu lo coneissetz, au mens per sas publicitats que passan dins tots los cinemàs a l’ora que deuriá començar lo film. Axe, quo es los qu’an l’eslogan « Plus t’en mets, plus t’en as ». Disen pas exactament qué, mas io pense que quò deu èsser de quelas grandas poletas blondas en malhòt de banh qu’an ‘restat l’escòla avant de veire la segonda letra de l’alfabet, e que, dins l’anoncia, perseguen lo paubre tipe qu’a ‘gut lo malur de se botar un pauc de deodorant, per li enlevar sos vestiments, veire mai, mas la deontologia de quilhs faseires de publicitat es pro granda per pas nos montrar la seguida, que prometiá pertant d’èsser tot plen interessanta.

Alai donc, me ‘reste davant lo noveu « Gel-Douche Axe, Plus t’en mets, plus t’en as, etc, etc… ». Ren d’excepcionau aqui dedins. Manca que era marcat « à l’eau de glacier et à la menthe extrême ». Bon, desjá, « menthe extrême », ‘quò me ditz ren, coneisse la menta fòrta, que desjá l’es pro entau, coneisse la menta Hollywood Chewing-Gum, qu’a pas grand-chausa a veire emb la menta, mas quo es tot. Mai fòrt que la menta fòrta, segurament ? Quò promet… Mas laisse quò de costat, çò que m’interessa mai, z’auretz devinat, quo es l’ « eau de glacier ». Arf, arf, arf, parte dins un grand rire que tot lo magasin deviá m’auvir. Quilhs colhons nos fan creire qu’an embotelhat de l’aiga de glacier per nos far dau sablon de docha ! Io, que sei pas la mitat d’un con, zo sabe ben que la compausicion chimica de l’aiga dicha de glacier es a pauc pres la mesma qu’una aiga de sorça de subremerchat, Cristalline, Volvic e companhia. Vire lo botelhon, per veire un pauc los ingredients, que se en generau i comprene ren, au mens quò balha de las ideias per l’ Escrabble. Cocamidopropyl Betaine, Acrylates Copolymer, Hydroxyisohexyl Cyclohexene Carboxaldehyde, Mentha Aquatica Leaf Extract (un misteri de levat benleu, que d’apres lo nom latin, ‘quela menta frotja dins de las condicions extremas…jos la mar…), Thermus Thermophillus Ferment (‘quò deven complicat, e ‘quò auriá degut m’alertar…).

Urosament per io, en dejós de quilhs noms complicats, i a un esquemà que resumís a pauc pres la formula chimica. Una equacion, pusleu, e quò agrada mai a mon esperit, mai matematic que fisic. En gròs, i a marcat : (Gel Axe + Una Aplicacion Regulara dau Produch = Femnas Nusas2). Important, lo 2. Quò deu esser scientificament estudiat en fonccion de la massa corporala, donc dau volume de produch utilisat. Un calcul mental me fai ‘ribar a la conclusion que, coma lo tipe de la publicitat es plan mai magre que io e que s’en trapa un cinquantenat a l’encòp, se io bòte de l’Axe, aurai 72,5 femnas nusas que vendrán me veire per me tirar mos vestits. Sei gente, e coma sabe pas partatjar ‘na femna en dos, laisse los 0,5 de costat, per lo que n’en vodrà profieitar.

De segur, lo temps de pensar a totas ‘quelas formulas matematicas aplicadas, sei desjá surtit dau magasin, lo flacon dins mon charreton. Curiositat, quand nos tenes…

Tanleu ‘ribat chas io, pitit jogging (per ensaiar au mai leu queu noveu produch) e me veiquí jos la docha.
O, filh de garça ! Auriá degut me mesfiar de l’aiga de glacier ! Sabe pas se n’i a qu’an l’abituda de’nar a la piscina municipala en plen còrs de l’ivern, mas aqui la sensacion era la mesma. Parle pas de portar un bonet e un malhòt tròp estrechs, non, parle de çò que nos ‘rieba, a n’autres los òmes quand fai frech defòra… Me sei vist redusir, clarament. Subretot dins los endrechs ente la peu es un pauc mai fina, e mai sensibla, endrechs que ma mair me defendriá de nommar aquí, coma ditz la chançon…

Aquela publicitat era ben mensongiera, que se trobava aquí que « Mai ne’n botava, mens n’aviá » ! E parle pas de las filhas de la publicitat, que la vuda de queu paubre tipe tremolant de frech dins sa docha auriá mai fach rire qu’autra chausa…
E après, te fan creire que los glaciers son a fondre, a causa de l’eschaurament de la planeta, mas io sabe ben, io qu’ai jugat los cobayes, que en fach, quo es una entrepresa americana que los fai fondre per n’en recuperar l’aiga e rendre impoderós los mascles de la planeta per lo biais d’un gel-docha !

P.S : Vene de veire que Axe era distribuit per Unilever, sabetz la marca de lessiva que fan tanben l’Ice Tea. Vos conselhe de vos mesfiar, que se deciden de botar tant d’Ice dins lur bevenda que dins lur sablon, i podriátz bien laissar filar quauquas dents…


maime

avatar
Lemosin de prumiera !
Sei pas on vam, dab aqueth topic, mes qu'i vam !

jos la docha ? Content

http://ieumaitot.nireblog.com/

Einucent

avatar
Occitan Warrior
Occitan Warrior
maime a écrit:
Sei pas on vam, dab aqueth topic, mes qu'i vam !

jos la docha ? Content
e tots ensem amai !

http://einucent.wordpress.com

Danís

avatar
Adjudant
N'en rejete la responsabilitat, io ai juste botat una colera, è ! Escacalassant

Zengi

avatar
Trobador !!
Trobador !!
Danis sias pas ipocrita, que m'as avoat a l'Estivada que lo ton purmèr fantasma sexuau, qu'ei ua docha comuna dab tots los participants deu fòrom, e dab lo Joan Cavalier qui't freta l'esquia.
L'imatge qu'ei violent òc qu'ac sei..

darboneta

avatar
Occitan Warrior
Occitan Warrior
Matieu a écrit:Danis sias pas ipocrita, que m'as avoat a l'Estivada que lo ton purmèr fantasma sexuau, qu'ei ua docha comuna dab tots los participants deu fòrom, e dab lo Joan Cavalier qui't freta l'esquia.
L'imatge qu'ei violent òc qu'ac sei..


Veni de comprendre perque Danís passava una ora sota la docha a l'estivada , esperava lo Joan Cavalier ...
Me l'aurias dich Danís, te l'auriau pretat ... Risolet Progressiu

Einucent

avatar
Occitan Warrior
Occitan Warrior
darboneta a écrit:Euh...L'ai ja vist faire ( per deis òmes , precisi , deis òmes !!!!)
Non Calinhòt !?
parlas de Gel-douche ò de déo ? Qu'es un míte que s'esclafoira, cresia que lo Joan Cavalier se perfumava mas au Jack Daniel's

http://einucent.wordpress.com

darboneta

avatar
Occitan Warrior
Occitan Warrior
Coma lo pou pas dire eu meteis e que conoissi lei costumas dau joan cavalier , ten rason Einucent mai as desbrembat la black death e la susor dei concerts de metal...

Fin finala, es Cerièra de Mai qu'avià rason :
Cerièra de Mai a écrit:per aver un fum de femnas, fisa-te de ton odor naturala ("phéromones") T'Aimi / Vos Aimi

E aparentament , marcha pas sonque ame lei fremas.... Risolet Progressiu

Danís

avatar
Adjudant
Matieu a écrit:Danis sias pas ipocrita, que m'as avoat a l'Estivada que lo ton purmèr fantasma sexuau, qu'ei ua docha comuna dab tots los participants deu fòrom, e dab lo Joan Cavalier qui't freta l'esquia.
L'imatge qu'ei violent òc qu'ac sei..

Malaut Regolant Descolorat

Veni de comprendre perque Danís passava una ora sota la docha a l'estivada , esperava lo Joan Cavalier ...
Me l'aurias dich Danís, te l'auriau pretat ...

Ben non, sei pas con, sabe ben que lo melhor mejan de trapar Joan-Cavalier, quo es pas de l'esperar una ora dins l'endrech ente passa lo mens de temps ! Non, en fach, esperava quauqu'un mai... Clucant Clucant Clucant

maime

avatar
Lemosin de prumiera !
Danís a écrit: Non, en fach, esperava quauqu'un mai... Clucant Clucant Clucant

Qui ??? T'avias desja 'chaptat l'Axe-Gel-Douche-que-te-redusis-lo-pisson-mas-que-t'apòrta-de-las-centenas-de-ninfomanas-furiosas ????

http://ieumaitot.nireblog.com/

Einucent

avatar
Occitan Warrior
Occitan Warrior
maime a écrit:Qui ??? T'avias desja 'chaptat l'Axe-Gel-Douche-que-te-redusis-lo-pisson-mas-que-t'apòrta-de-las-centenas-de-ninfomanas-furiosas ????
Non comptava sus las feromònas.

La question es de saber se l'i demorèt 1 ora a eperar, ò a son affar.

http://einucent.wordpress.com

Danís

avatar
Adjudant
maime a écrit:
Danís a écrit: Non, en fach, esperava quauqu'un mai... Clucant Clucant Clucant

Qui ??? T'avias desja 'chaptat l'Axe-Gel-Douche-que-te-redusis-lo-pisson-mas-que-t'apòrta-de-las-centenas-de-ninfomanas-furiosas ????

Ben òc, quo es pas noveu...

La question es de saber se l'i demorèt 1 ora a eperar, ò a son affar.

That is the Question...

Empescha, 72 filhas en una ora de docha, fau creire que non solament redusís la talha, l'Axe, mas la durada tanben... Vergonha

Cerièra de Mai


Trobador !!
Trobador !!


Hihihi ! Content

(damatge que los lectors d'Occitan àjan pas los comentaris !)

admin

avatar
Trobador !!
Trobador !!
héhéhéhéhéhéhéhé ! Òsca !


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Danís

avatar
Adjudant
Mon Diu, mon Diu... Vergonha Vergonha Vergonha
Auriá jamai degut sinhar 'quò de mon nom, sente que quela istòria me va segre un moment...

maime

avatar
Lemosin de prumiera !
T'aurais degut prener un daus chafres de ton pair !!!!!

http://ieumaitot.nireblog.com/

Einucent

avatar
Occitan Warrior
Occitan Warrior
Colera .... pfffffffff !!

http://einucent.wordpress.com

maime

avatar
Lemosin de prumiera !
Einucent a écrit:Colera .... pfffffffff !!

Conaria, oc-es !!!! Escacalassant Content Content Content

http://ieumaitot.nireblog.com/

Einucent

avatar
Occitan Warrior
Occitan Warrior
"Mercès soreta", diriá.

http://einucent.wordpress.com

Danís

avatar
Adjudant
Einucent a écrit:"Mercès soreta", diriá.

Non, non, aquí, quo es "Merces Frairon", mailèu.

Arf

avatar
Occitan Warrior
Occitan Warrior
Òsca

clafotis

avatar
Occitan Warrior
Occitan Warrior
Ilhs t'an escotats chas Axe©, aura, fan daus produchs per netiar los rostons...


http://rapieta.wordpress.com/

zo

avatar
Occitan Warrior
Occitan Warrior

fredoc

avatar
Occitan Warrior
Occitan Warrior
Escacalassant Escacalassant Escacalassant Escacalassant Escacalassant Escacalassant Escacalassant Escacalassant Escacalassant Escacalassant Escacalassant Escacalassant Escacalassant Escacalassant Escacalassant Escacalassant Escacalassant


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

Danís

avatar
Adjudant
Quo es decidit, me vòle far embauchar coma publicitari chas ilhs !!!

zo

avatar
Occitan Warrior
Occitan Warrior
The question is: who would dare to clean his balls with an axe?

clafotis

avatar
Occitan Warrior
Occitan Warrior
Yesterday, I forgot to mention that it was not a real advertising, yeahhhh.

Obludí de dire que qu'eriá 'na conaria de mai, è!

http://rapieta.wordpress.com/

Danís

avatar
Adjudant
Ah merda, quo era tròp brave... Triste

zo

avatar
Occitan Warrior
Occitan Warrior
clafotis a écrit:Yesterday, I forgot to mention that it was not a real advertising, yeahhhh.

Obludí de dire que qu'eriá 'na conaria de mai, è!

Ben òc qu'en Englatèrra AXE se ditz LYNX...
Mas bon èra euh, risolièr ça-que-la

Contenu sponsorisé


Voir le sujet précédent Voir le sujet suivant Revenir en haut  Message [Page 2 sur 2]

Aller à la page : Précédent  1, 2

Permission de ce forum:
Vous ne pouvez pas répondre aux sujets dans ce forum