OCCITANIA !! Forum
Vous souhaitez réagir à ce message ? Créez un compte en quelques clics ou connectez-vous pour continuer.
OCCITANIA !! Forum

Le Deal du moment :
Fnac : 2 Funko Pop achetées : le 3ème ...
Voir le deal

Vous n'êtes pas connecté. Connectez-vous ou enregistrez-vous

Névia

Aller en bas  Message [Page 1 sur 1]

1Névia Empty Névia Mer 20 Juil 2011 - 10:19

clafotis

clafotis
Occitan Warrior
Occitan Warrior

Veiquí 'na p'ita revirada de la prumièra pertida d'un libreton dau Maxime Firmine « neige ». La faguí per un concors ente me'n prenguet una, 'na ramassada pas 'na cueita
Picon-Bièra

La bote 'quí per far decubrir l'òbra, sens autras pretencions

------------------------------------------------------------------------------
- 1 -

AKITA Yuko ‘viá doas passions.

Lu haïku.

Mai la névia.

Lu haïku es ‘na fòrma literara japonesa. Es un cort poëma de trè vers e de dietz-e-sèt sillabas. Pas una de mai.

La névia es un poëma. Un poëma que davala daus ciaus dins daus legiers borlhons blancs. ‘Queu poëma ven de las pòtas daus ciaus, de la man de Diu.

Eu pòrta un pitit nom. Un chafre d’una blanchor traslusenta.

Névia.

- 2 -

Vent d’ivern
Un pestre shintō
Chamina dins lu bòsc.

Issa



Lu pair dau Yuko eriá pestre shintoïste. Viviá sus l’isla d’Hokkaidō, dins lu nòrd dau Japon, ente l’ivern es mai-que-mai dura e rigorós.

Aprenguet a son filh lu poder de las fòrças daus ciaus, l’importança de la fè e l’amor de la natura. Li aprenguet maitot lu biais de farjar daus haïku.

Un jorn dau mes d’abriu de 1884, Yuko ‘guet dietz-sèt-ans. Au sud, a Kyūshū, los prumiers ciriers començavan de flurir. Au nòrd dau Japon, la mar eriá enquera gialada.

L’ensenhament morau mai religiós dau jòune òme eriá ‘chabat aura. Li faliá chausir un trabalh. Desempuèi mantas generacions, lu monde chas los AKITA fasián curat o militarí. Mas Yuko desirava gran far lu curat, lu sodard nimaï.

- Pair, disset-eu, lu mandin dau jorn de son anniversarí, vòle far lu poëta.

A costat de la ribièra d’argent, lu pair faguet las pòtas sens iò far veire, emai aquò montresse una facharia. Lu solelh se mirava dins la moira de l’aiga. Un peisson-luna passet tras la betolada per se sarrar sos lu pont de buesc.

- La poësia es pas de trabalh. Es un passa-temp. Un poëma, quò-es de l’aiga que gotina, coma ‘quela ribièra.

Yuko gietet una ulhada dins l’aiga muda e viva. Puèi, se viret vers son pair e i diguet.

- ‘Quò es quò que vòle far. Vòle aprener a gaitar passar lu temp.

------------------------------------------------------------------------------

http://rapieta.wordpress.com/2011/07/12/nevia-1-5/

http://rapieta.wordpress.com/2011/07/13/nevia-6-10/

http://rapieta.wordpress.com/2011/07/15/nevia-11-15/

http://rapieta.wordpress.com/2011/07/17/nevia-16-20/

http://rapieta.wordpress.com/2011/07/19/nevia-21-24/

http://rapieta.wordpress.com/

Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum