OCCITANIA !! Forum


Vous n'êtes pas connecté. Connectez-vous ou enregistrez-vous

Lo Gel-Douche Axe, menaça per l’umanitat !

Aller à la page : 1, 2  Suivant

Voir le sujet précédent Voir le sujet suivant Aller en bas  Message [Page 1 sur 2]

Danís


Adjudant
Me coneissetz, aime bien los afars un pauc colhons que podem trobar dins los subremerchats. L’autre jorn, me sei ‘restat un bon moment dau costat dau rejon « Soins du Corps », que normalament la sola vuda sufís per me far fugir. Una enveja de noveutat, sabe pas…
E la noveutat, l’ai trobada ; en laissar ‘nar ma visada sus quel estalatge de produchs sablonos de las sabors extraordinàrias (dau còps, quo es malaisat de parlar de perfum talament n’i a qu’an de l’imaginacion…), mos uelhs se ‘resteren sus Axe.

Axe, benleu lo coneissetz, au mens per sas publicitats que passan dins tots los cinemàs a l’ora que deuriá començar lo film. Axe, quo es los qu’an l’eslogan « Plus t’en mets, plus t’en as ». Disen pas exactament qué, mas io pense que quò deu èsser de quelas grandas poletas blondas en malhòt de banh qu’an ‘restat l’escòla avant de veire la segonda letra de l’alfabet, e que, dins l’anoncia, perseguen lo paubre tipe qu’a ‘gut lo malur de se botar un pauc de deodorant, per li enlevar sos vestiments, veire mai, mas la deontologia de quilhs faseires de publicitat es pro granda per pas nos montrar la seguida, que prometiá pertant d’èsser tot plen interessanta.

Alai donc, me ‘reste davant lo noveu « Gel-Douche Axe, Plus t’en mets, plus t’en as, etc, etc… ». Ren d’excepcionau aqui dedins. Manca que era marcat « à l’eau de glacier et à la menthe extrême ». Bon, desjá, « menthe extrême », ‘quò me ditz ren, coneisse la menta fòrta, que desjá l’es pro entau, coneisse la menta Hollywood Chewing-Gum, qu’a pas grand-chausa a veire emb la menta, mas quo es tot. Mai fòrt que la menta fòrta, segurament ? Quò promet… Mas laisse quò de costat, çò que m’interessa mai, z’auretz devinat, quo es l’ « eau de glacier ». Arf, arf, arf, parte dins un grand rire que tot lo magasin deviá m’auvir. Quilhs colhons nos fan creire qu’an embotelhat de l’aiga de glacier per nos far dau sablon de docha ! Io, que sei pas la mitat d’un con, zo sabe ben que la compausicion chimica de l’aiga dicha de glacier es a pauc pres la mesma qu’una aiga de sorça de subremerchat, Cristalline, Volvic e companhia. Vire lo botelhon, per veire un pauc los ingredients, que se en generau i comprene ren, au mens quò balha de las ideias per l’ Escrabble. Cocamidopropyl Betaine, Acrylates Copolymer, Hydroxyisohexyl Cyclohexene Carboxaldehyde, Mentha Aquatica Leaf Extract (un misteri de levat benleu, que d’apres lo nom latin, ‘quela menta frotja dins de las condicions extremas…jos la mar…), Thermus Thermophillus Ferment (‘quò deven complicat, e ‘quò auriá degut m’alertar…).

Urosament per io, en dejós de quilhs noms complicats, i a un esquemà que resumís a pauc pres la formula chimica. Una equacion, pusleu, e quò agrada mai a mon esperit, mai matematic que fisic. En gròs, i a marcat : (Gel Axe + Una Aplicacion Regulara dau Produch = Femnas Nusas2). Important, lo 2. Quò deu esser scientificament estudiat en fonccion de la massa corporala, donc dau volume de produch utilisat. Un calcul mental me fai ‘ribar a la conclusion que, coma lo tipe de la publicitat es plan mai magre que io e que s’en trapa un cinquantenat a l’encòp, se io bòte de l’Axe, aurai 72,5 femnas nusas que vendrán me veire per me tirar mos vestits. Sei gente, e coma sabe pas partatjar ‘na femna en dos, laisse los 0,5 de costat, per lo que n’en vodrà profieitar.

De segur, lo temps de pensar a totas ‘quelas formulas matematicas aplicadas, sei desjá surtit dau magasin, lo flacon dins mon charreton. Curiositat, quand nos tenes…

Tanleu ‘ribat chas io, pitit jogging (per ensaiar au mai leu queu noveu produch) e me veiquí jos la docha.
O, filh de garça ! Auriá degut me mesfiar de l’aiga de glacier ! Sabe pas se n’i a qu’an l’abituda de’nar a la piscina municipala en plen còrs de l’ivern, mas aqui la sensacion era la mesma. Parle pas de portar un bonet e un malhòt tròp estrechs, non, parle de çò que nos ‘rieba, a n’autres los òmes quand fai frech defòra… Me sei vist redusir, clarament. Subretot dins los endrechs ente la peu es un pauc mai fina, e mai sensibla, endrechs que ma mair me defendriá de nommar aquí, coma ditz la chançon…

Aquela publicitat era ben mensongiera, que se trobava aquí que « Mai ne’n botava, mens n’aviá » ! E parle pas de las filhas de la publicitat, que la vuda de queu paubre tipe tremolant de frech dins sa docha auriá mai fach rire qu’autra chausa…
E après, te fan creire que los glaciers son a fondre, a causa de l’eschaurament de la planeta, mas io sabe ben, io qu’ai jugat los cobayes, que en fach, quo es una entrepresa americana que los fai fondre per n’en recuperar l’aiga e rendre impoderós los mascles de la planeta per lo biais d’un gel-docha !

P.S : Vene de veire que Axe era distribuit per Unilever, sabetz la marca de lessiva que fan tanben l’Ice Tea. Vos conselhe de vos mesfiar, que se deciden de botar tant d’Ice dins lur bevenda que dins lur sablon, i podriátz bien laissar filar quauquas dents…

maime


Lemosin de prumiera !
Risolet Progressiu Escacalassant Ironic Plan Urós Òsca Reverar 10 sus 10 !

Enfin, m'en fote un pauc de tot 'quò. Utilize pas de Gel Douche Axe que te redusis lo pisson. Coma ditz lo proverbi : N'i a nonmas lo monde sale que se lavan. E, coma zo sabetz, sei pròpe.

http://ieumaitot.nireblog.com/

Kagòla


Leberonet
Leberonet
Danís a écrit: es una entrepresa americana que los fai fondre per n’en recuperar l’aiga e rendre impoderós los mascles de la planeta per lo biais d’un gel-docha !

Risolet Progressiu Ironic Risolet Progressiu

http://www.myspace.com/kagolestar

guigui


Rata-Pinhata
Rata-Pinhata
I pas qu'una solucion: le sabon de marselha, le vertadièr ! Utilisi pas qu'aquò, e pel moment la femna a pas notat cap de cambiament per ce que concernís le miu ****, emai seriá le contrari! (galejada). En mai d'aquò, es occitan, alara, perque se privar?

zo


Occitan Warrior
Occitan Warrior
72 Lemosinas nusas qu'ensajan de te desabilhar, aquò deu far mal (sustot las banas) Blanc !!

Bon en fach siás la victima del president d'unilever. Cal dire qu'a la siá plaça auriai fach tot parièr: quand as la possibilitat de passar la queca de milions de mascles al dentifrici, perqué te privar? Escacalassant

Danís


Adjudant
Per tu vendriá d'un complexe d'inferioritat de Monsur Unilever ? Quo es important, quò, aime plan saber a quala mena de tipe laisse menar lo monde...e los tès glaçats...

Zengi


Trobador !!
Trobador !!
Danis qu'es un poèta, soi un aficionado deu Tahiti docha (lo negre qui vien de las tropicas), mes adara, que'm demandi se vau pas cambiar ..

Danís


Adjudant
Io tanben preniá lo Tahiti negre, jusinca veire queu 'qui. Un còp acostumat, la sensacion de frech 'quò te desrevelha plan coma fau. E, urosament per mon aunor, la sensacion de "reduccion" dispareis pro leu, un còp acostumat...
Mas per militantisme, una publicitat tant machista (e que contunha jusinc'au botelhon) me fai romegar. Colèra

darboneta


Occitan Warrior
Occitan Warrior
Avetz ren compres Vergonha : es pas monsur unilever, es madomeisèla unilever...
Es una venjença feminista , l'a qu'un òme per crèire vertadierament que:

Danís a écrit:
Un calcul mental me fai ‘ribar a la conclusion que, coma lo tipe de la publicitat es plan mai magre que io e que s’en trapa un cinquantenat a l’encòp, se io bòte de l’Axe, aurai 72,5 femnas nusas que vendrán me veire per me tirar mos vestits.

Resultat : 72,5 fremas (nudas o pas) espetadas de rire davans ço que pou demorar d'un òme après un còp de freg .... Risolet Progressiu Diable Content Diable Content Diable Content Risolet Progressiu

Zengi


Trobador !!
Trobador !!
crudèlas las hemnas, crudèlas ..

Cerièra de Mai


Trobador !!
Trobador !!
E òc, l'industria cosmetica se trufa plan de nosautres !! Ironic

Danís a écrit:Cocamidopropyl Betaine, Acrylates Copolymer, Hydroxyisohexyl Cyclohexene Carboxaldehyde, Mentha Aquatica Leaf Extract (un misteri de levat benleu, que d’apres lo nom latin, ‘quela menta frotja dins de las condicions extremas…jos la mar…), Thermus Thermophillus Ferment (‘quò deven complicat, e ‘quò auriá degut m’alertar…)
Arf… cal saber que quasi-totes los produchs cosmetics sont fach de petròli e d'aiga… amb 2% maxi de produchs actius e qualques conservadors cancerigenes (coma los "parabens") (òc, m'i coneissi plan en cosmetics !)
Me fan rire tanben amb lor « pro-rétinol » (lo retinòl es de la… vitamina A !)

Una equacion, pusleu, e quò agrada mai a mon esperit, mai matematic que fisic. En gròs, i a marcat : (Gel Axe + Una Aplicacion Regulara dau Produch = Femnas Nusas2). Important, lo 2
(de femnas qu'an pas lo nas sensible, totas aquelas odors me fan esternudar ! Descolorat

Fin finala, soi d'acòrdi amb lo Guilhèm : lo sabon de Marselha vertadièr (amb 70% d'òli d'oliva) es lo melhor, e per aver un fum de femnas, fisa-te de ton odor naturala ("phéromones") T'Aimi / Vos Aimi

admin


Trobador !!
Trobador !!
Lo Axe .... Lo licèu, lo vestiarí après l'espòrt, lo mau de cap per tota la jornada ... Regolant


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

LaurençD


Occitan Warrior
Occitan Warrior
L'Òmi a écrit:Lo Axe .... Lo licèu, lo vestiarí après l'espòrt, lo mau de cap per tota la jornada ... Regolant
La discotèca, los còses en susor, detz gojats per una gojata... pendut

posoèra


Occitan Warrior
Occitan Warrior
LaurençD a écrit:
La discotèca, los còses en susor, detz gojats per una gojata...

De Qué ???

Cerièra de Mai


Trobador !!
Trobador !!
De qué nos faire paur, òc !!! Ironic

Einucent


Occitan Warrior
Occitan Warrior
Cerièra de Mai a écrit:per aver un fum de femnas, fisa-te de ton odor naturala ("phéromones") T'Aimi / Vos Aimi
te serias bien la prumiera qu'auvisse dire quò ! Pauruc

http://einucent.wordpress.com

LaurençD


Occitan Warrior
Occitan Warrior
Sòfia a écrit:
LaurençD a écrit:
La discotèca, los còses en susor, detz gojats per una gojata...

De Qué ???
Cerièra de Mai a écrit:De qué nos faire paur, òc !!! Ironic
Aaah, setz pas jamai anadas en bostia de nuech, endacòm dins lo massiu setentrional...

admin


Trobador !!
Trobador !!
Jo, podi pas díser : soi pas jamei anat en discotèca ! (Mes en espòrt, qu'i soi anat Meitat Chen Meitat P Triste Neutre Non )


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

LaurençD


Occitan Warrior
Occitan Warrior
Pichòta precision : çò que me rapelava ma paura joinessa en discotèca era pas lo gel-docha (per se lavar) mas lo desodorant (per se lavar pas). A 1 ora sentisia a l'Axe, a 3 oras sentissia al oisqui, a 5 oras sentissia al vomit.
Bon... Fotut Defòra

Zengi


Trobador !!
Trobador !!
diu vivant ..




diu vivant ..

posoèra


Occitan Warrior
Occitan Warrior
LaurençD a écrit:era pas lo gel-docha (per se lavar) mas lo desodorant (per se lavar pas). A 1 ora sentisia a l'Axe,
Interrogacion qu' ei un desodorant tanben l'Axe ?

Zengi


Trobador !!
Trobador !!
Segur ! Lo mielhor !

darboneta


Occitan Warrior
Occitan Warrior
E lo desodorant fa lo mema esfiech que lo gel-docha???? Risolet Progressiu

posoèra


Occitan Warrior
Occitan Warrior
L'Òmi a écrit:Jo, podi pas díser : soi pas jamei anat en discotèca !
jo tanpòc, i a sonque la gent mau educada qui i van Ironic ... e puish hèr 20 kilomètres en veitura arron d'aver bevut com un polonés ei un pauc dangerós ...
( en mei, dens lo men parçan La discotèca estóc barrada pr'amor d'un trafic d'arma ... Uèlhs al Cèl )

Einucent


Occitan Warrior
Occitan Warrior
darboneta a écrit:E lo desodorant fa lo mema esfiech que lo gel-docha???? Risolet Progressiu
Me podes esplicar coma emplejas lo gel-docha ? Trucat
Ai pas tròp la costuma de quelas besunhas (suei plan "natura") mas me sembla que se ne'n passa pas au mesme endrech. Suspècte



Dernière édition par Einucent le Mar 19 Aoû - 21:01, édité 1 fois

http://einucent.wordpress.com

posoèra


Occitan Warrior
Occitan Warrior
Content Content Content

darboneta


Occitan Warrior
Occitan Warrior
Einucent a écrit:
darboneta a écrit:E lo desodorant fa lo mema esfiech que lo gel-docha???? Risolet Progressiu
Me podes esplicar coma emplejas lo gel-docha ? Trucat
Ai pas tròp la costuma de quelas besunhas (suei plan "natura") mas me sembla que se ne'n passa pas au mesme endrech. Suspècte

Euh...L'ai ja vist faire ( per deis òmes , precisi , deis òmes !!!!)

Cerièra de Mai


Trobador !!
Trobador !!
Ironic Ironic Ironic Ironic

Zengi


Trobador !!
Trobador !!
Sei pas on vam, dab aqueth topic, mes qu'i vam ! Benaise

Einucent


Occitan Warrior
Occitan Warrior
Ah qu'es luenh lo periode que lor publicitat era orientada d'un biais mai "tribal"
Que Axe e Lynx son los parièrs
http://www.wideo.fr/video/iLyROoaftmvN.html
m'agrada mai que lor "spray more, get more" d'aura, los qu'an mai de vint ans coneitran segur lo pictograme
Si de non jos la docha i a quèu de quì
http://www.wideo.fr/video/iLyROoafte72.html
mensongièr se ne'n crese lo Danis...



Dernière édition par Einucent le Mar 19 Aoû - 23:53, édité 3 fois

http://einucent.wordpress.com

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 2]

Aller à la page : 1, 2  Suivant

Permission de ce forum:
Vous ne pouvez pas répondre aux sujets dans ce forum