OCCITANIA !! Forum


Vous n'êtes pas connecté. Connectez-vous ou enregistrez-vous

L´Occitan dins la vida vidanta

Aller à la page : 1, 2  Suivant

Voir le sujet précédent Voir le sujet suivant Aller en bas  Message [Page 1 sur 2]

1 L´Occitan dins la vida vidanta le Jeu 31 Juil - 18:11

AlexderFrannke


Manja-Patanas
Manja-Patanas
Cars Occitans,

foguèri a l´Estivada e un pauc de jorns de mai en Occitània. A l´Estivada, veguèri una cultura occitana mai ò mens viva. Mai dins la vida vidanta, subretot dins de certans endreches, se sembla mòrta la lenga Occitania. Dins lei carrièras, ai pas enlòc vist e ausitl´Occitan. L´imatge es fòrca frustrant. A la gara, se parla pas qu´en francés, leis botigas an solament d´estampèlas en francés, i a pas de libres occitans dins leis "librariás normalas", pas de mèssas occitanas dins leis glèisas...
Es pas de bòn sentir aquò per leis Occitans vertadièrs. Per segur, lo faut es per grand part a l´estat francés. Mai defòra l´endrech que l´estat francés a de leis se podriá au mendre utilisar d´estampèlas en occitan tambèn e aprene l´Occitan per mòstrar la bòna volontat envèrs leis Occitans vertadièrs. Espèri qu´aquò siga pas interdich en Franca d´uèi. Mai l´imatge es un briconèl melhor qu´aquelh en certans endreches en Alemanha. Au mendre, i a d´Occitanistas e una minoritat ambé l´Occitan coma lenga mairala que mòstran la volontat per sauvar la lenga.
En Irlanda, ca-que-la, l´imatge es mai coratjós. Pèr ailà, i a d´estampèlas en Irlandés, i a gaireben dins toteis leis botigas de libres en Irlandés e s´ausís de còps la lenga parlada entre de persònas sus leis carrièras, un fum d´activitats en Irlandés...
Leis Occitans leis mai credibles son per ieu aqueleis que parlan la lenga pèr d´afars de cada jorn lo mai sovent que possible, per exemple a persònas qui la parlan..
Aqueleis que montavan d´estampèlas pèr luchar pèr l´Occitan a l´Estivada mai parlavan alegrament en francés me semblan pauc credible. Aqueleis que o fasián e tambèn s´escambiavan en Occitan a l´estand, eleis son credibles per ieu!
Vistalhèri l´endrech de Gèrs après l´Estivada per passar un pauc de jorns pausadisos. Demandèri un pauc d´estatjants la situacion de l´Occitan. Me digùeron que l´Occitan foguèsse gaireben mòrt ailà, que se podriá comparar la situacion amb aquelh de leis lengas regionalas dins fòrca endreches a l´èst e l´oèst d´Alemanha. Una drolleta me diguèt que i a pas d´activitat deis joves pèr l´Occitan entorn de la pichòta vila de Nogaro. A l´Estivada me diguèron que i a bèn de joves que parlan plan l´Occitan dins lo despartament d´Avairon.
Amistats, Alex

2 Re: L´Occitan dins la vida vidanta le Jeu 31 Juil - 18:13

AlexderFrannke


Manja-Patanas
Manja-Patanas
Oh, ai oblidat una cause. Agachatz a Israel. Israel es un bòn exemple cò qu´es possible se lo pòble o vòl! Imitatz l´exemple!

3 Re: L´Occitan dins la vida vidanta le Jeu 31 Juil - 18:56

lo julien vertadier


Pintaire
Pintaire
Sabi pas se Israel es un bon eisemple a imitar Plan Urós

Voli pas de pared au mitan de Marselha Content

http://scienca.canalblog.com

4 Re: L´Occitan dins la vida vidanta le Jeu 31 Juil - 19:37

Zengi


Trobador !!
Trobador !!
La paret òc, shens desbrembar qu'Israèl coloniza e esplèita un pòble e ua auta cultura.
Har viver lo pòble occitan òc, mes pas en mespresar e tuar los autes..

5 Re: L´Occitan dins la vida vidanta le Jeu 31 Juil - 19:46

Danís


Adjudant
Lo constat es bon me sembla, venent de quauqu'un qu'era jamai vengut en Occitania avant. As ben vist coma eram oblijats de nos amassar de temps en temps, mai que mai per nos montrar a nos que sem enquera vius...
Coma Matieu, sei sceptic sus la comparason a Israel. Pòs precisar ta pensada ? Interrogacion

6 Re: L´Occitan dins la vida vidanta le Jeu 31 Juil - 19:53

LaurençD


Occitan Warrior
Occitan Warrior
E ben, Alex, as plan comprès la situacion de la lenga... Una situacion fòrça critica, que la majer part dels occitans sabon pas la lor lenga, en qu'en mai d'aquò, pensan qu'aqui dedins i pas gis de problemi.
Una lenga es pas de bon tuar. L'occitan s'es escondut dins los nom de luòcs, dins lo biais de parlar dels "miegjornals". Mas aquò basta pas pel salvar.
Pel salvar cal parlar, es çò que fasem aici !
"Verem ben"

7 Re: L´Occitan dins la vida vidanta le Jeu 31 Juil - 20:01

LaurençD


Occitan Warrior
Occitan Warrior
Danís a écrit:Coma Matieu, sei sceptic sus la comparason a Israel. Pòs precisar ta pensada ? Interrogacion
Cresi qu'Alex vòl parlar del reviscòl de la lenga hebraïca, qu'era a crebar quand Israël foguèt creat.
Pòdem pensar çò que volem del sionisma, mas çò que capitèron ambe la lor lenga aquò fa lega...

8 Re: L´Occitan dins la vida vidanta le Jeu 31 Juil - 20:33

lo julien vertadier


Pintaire
Pintaire
Ma per lu sioniste li doi question son ligadi : la lenga hebraïca capitèt sonque perché es la lenga oficiala e senhorejaira, sinhifica que aquela lenga es de melhor comparar emé francés que emé occitan.

http://scienca.canalblog.com

9 Re: L´Occitan dins la vida vidanta le Jeu 31 Juil - 20:38

Mertyl


Occitan Warrior
Occitan Warrior
Prene Israel coma exemple..lo sol estat a tuar de civils qu'a encara lo sostens dels Estats Units.

http://www.occitanews.com

10 Re: L´Occitan dins la vida vidanta le Jeu 31 Juil - 20:41

gat-esquiro@orange.fr


Pintaire
Pintaire
AlexderFrannke a écrit:Cars Occitans,

foguèri a l´Estivada e un pauc de jorns de mai en Occitània. A l´Estivada, veguèri una cultura occitana mai ò mens viva. Mai dins la vida vidanta, subretot dins de certans endreches, se sembla mòrta la lenga Occitania. Dins lei carrièras, ai pas enlòc vist e ausitl´Occitan. L´imatge es fòrca frustrant. A la gara, se parla pas qu´en francés, leis botigas an solament d´estampèlas en francés, i a pas de libres occitans dins leis "librariás normalas", pas de mèssas occitanas dins leis glèisas...
Es pas de bòn sentir aquò per leis Occitans vertadièrs. Per segur, lo faut es per grand part a l´estat francés. Mai defòra l´endrech que l´estat francés a de leis se podriá au mendre utilisar d´estampèlas en occitan tambèn e aprene l´Occitan per mòstrar la bòna volontat envèrs leis Occitans vertadièrs. Espèri qu´aquò siga pas interdich en Franca d´uèi. Mai l´imatge es un briconèl melhor qu´aquelh en certans endreches en Alemanha. Au mendre, i a d´Occitanistas e una minoritat ambé l´Occitan coma lenga mairala que mòstran la volontat per sauvar la lenga.
En Irlanda, ca-que-la, l´imatge es mai coratjós. Pèr ailà, i a d´estampèlas en Irlandés, i a gaireben dins toteis leis botigas de libres en Irlandés e s´ausís de còps la lenga parlada entre de persònas sus leis carrièras, un fum d´activitats en Irlandés...
Leis Occitans leis mai credibles son per ieu aqueleis que parlan la lenga pèr d´afars de cada jorn lo mai sovent que possible, per exemple a persònas qui la parlan..
Aqueleis que montavan d´estampèlas pèr luchar pèr l´Occitan a l´Estivada mai parlavan alegrament en francés me semblan pauc credible. Aqueleis que o fasián e tambèn s´escambiavan en Occitan a l´estand, eleis son credibles per ieu!
Vistalhèri l´endrech de Gèrs après l´Estivada per passar un pauc de jorns pausadisos. Demandèri un pauc d´estatjants la situacion de l´Occitan. Me digùeron que l´Occitan foguèsse gaireben mòrt ailà, que se podriá comparar la situacion amb aquelh de leis lengas regionalas dins fòrca endreches a l´èst e l´oèst d´Alemanha. Una drolleta me diguèt que i a pas d´activitat deis joves pèr l´Occitan entorn de la pichòta vila de Nogaro. A l´Estivada me diguèron que i a bèn de joves que parlan plan l´Occitan dins lo despartament d´Avairon.
Amistats, Alex

Adishatz,

un pauc de positiu :

dens la montanha, e la campanha en generau que's parla occitan.
Que demori en Bigorra, e coneishi tanben lo Biarn : aci que i a hèra de monde que parla occitan. De segur que i a mes de vielhs que de joens, mes qu'encontri sovent joens que parla la nosta lenga (per la cassa, lo rugby lo tribalh paisan). Cada dissapte que sòi ath* marcat entà vener era mia produccion : qu'enteni parlar occitan tot era* maitiada. Qu'ei tanben quauques clients que'm parla pas sonque en gascon (vesins o joens que coneishi).
Quan hei eth marcat que preni tostemps eth mié cors de lenga dab dus ou tres vielhas...

Mes dens eras vilas de beras n'ei pas de bon trobar quauqun que parla occitan.

Que cregi qu'era situaccion ei atau dens Auvernha, en Aveyron en Provença hauta, per Nice (beleu).
Que cau gardar eth espèr e sustot seguir parlar era nosta lenga.

* desolat que torni parlar dab eth lengagte dera montanha

http://gat-esquiro.blogspot.com

11 Re: L´Occitan dins la vida vidanta le Jeu 31 Juil - 20:54

Zengi


Trobador !!
Trobador !!
Prene Israel coma exemple..lo sol estat a tuar de civils qu'a encara lo sostens dels Estats Units.
Euh, non ! Arabia Saodita.. Colombia.. e detzenat d'autes, mes n'ei pas lo subjècte..

12 Re: L´Occitan dins la vida vidanta le Jeu 31 Juil - 21:09

lo julien vertadier


Pintaire
Pintaire
gat-esquiro@orange.fr a écrit:
Mes dens eras vilas de beras n'ei pas de bon trobar quauqun que parla occitan.

Que cregi qu'era situaccion ei atau dens Auvernha, en Aveyron en Provença hauta, per Nice (beleu).

A Nissa la situacion es pas vertadierament marrida per una vilas, subretot emé lo gim Niça 1 monte s'emplega força la lenga nostra Niça 1 (hehe, ai descurbert un nou smiley). Ma a Marselha que misèria...

Ma i a un gros problem : "Nissa Rebela" e lu autri fasciste, que s'aproprion l'identitat nissarda e la fan poirir en contradicion emé l'occitanisme vertadier...

Anem, una darriera fes : Niça 1 ISSA NISSA Niça 1



Dernière édition par lo julian vertadier le Jeu 31 Juil - 21:15, édité 2 fois

http://scienca.canalblog.com

13 Re: L´Occitan dins la vida vidanta le Jeu 31 Juil - 21:12

Zengi


Trobador !!
Trobador !!
Vertat qu'au nivèu de la practica de la lenga, que hè plaser de véder çò que s'i passa en l'estadi de Niça.
Non harèi pas nat comentari suu nivèu politic per contra ..

14 Re: L´Occitan dins la vida vidanta le Jeu 31 Juil - 21:15

Danís


Adjudant
Son benleu rotges e negres, mas pas politicament... Risolet Progressiu

15 Re: L´Occitan dins la vida vidanta le Jeu 31 Juil - 21:24

gat-esquiro@orange.fr


Pintaire
Pintaire
lo julian vertadier a écrit:
gat-esquiro@orange.fr a écrit:
Mes dens eras vilas de beras n'ei pas de bon trobar quauqun que parla occitan.

Que cregi qu'era situaccion ei atau dens Auvernha, en Aveyron en Provença hauta, per Nice (beleu).

A Nissa la situacion es pas vertadierament marrida per una vilas, subretot emé lo gim Niça 1 monte s'emplega força la lenga nostra Niça 1 (hehe, ai descurbert un nou smiley). Ma a Marselha que misèria...

Ma i a un gros problem : "Nissa Rebela" e lu autri fasciste, que s'aproprion l'identitat nissarda e la fan poirir en contradicion emé l'occitanisme vertadier...

Anem, una darriera fes : Niça 1 ISSA NISSA Niça 1


Escusatz-me n'ei pas coprenut arren. OGCM qu'es aquo ? un partit politica ?
Entà jo qu'es (organisation generale du commerce mondial), mes non vòu diser arren...

http://gat-esquiro.blogspot.com

16 Re: L´Occitan dins la vida vidanta le Jeu 31 Juil - 21:26

lo julien vertadier


Pintaire
Pintaire
Matieu a écrit:que hè plaser de véder çò que s'i passa en l'estadi de Niça.
Per lo plaser...
(es en ço dei franchimand, a San Danis)

http://scienca.canalblog.com

17 Re: L´Occitan dins la vida vidanta le Jeu 31 Juil - 21:34

Mertyl


Occitan Warrior
Occitan Warrior
Matieu a écrit:
Prene Israel coma exemple..lo sol estat a tuar de civils qu'a encara lo sostens dels Estats Units.
Euh, non ! Arabia Saodita.. Colombia.. e detzenat d'autes, mes n'ei pas lo subjècte..

Parli de guèrra amb un autre país, ai trobat qu'Israèl

http://www.occitanews.com

18 Re: L´Occitan dins la vida vidanta le Ven 1 Aoû - 7:38

LaurençD


Occitan Warrior
Occitan Warrior
lo julian vertadier a écrit:Ma per lu sioniste li doi question son ligadi : la lenga hebraïca capitèt sonque perché es la lenga oficiala e senhorejaira, sinhifica que aquela lenga es de melhor comparar emé francés que emé occitan.
A fotut la merda l'Alex ambe sa comparason ?
Se parlam del reviscòl d'una lenga ça que la podem pas parlar pas de l'hebrau, e los que se dison "nacionalistas occitan" mai que mai (ne siai pas)
A la debuta, la situacion de la lor lenga avia pas fòrça causas de comun ambe lo francès. Cal legir l'istòria de la creacion d'Israël (aici, fau ma vielha colha...). Cresi que lo PNO ne faguèt un exemple...
I a una causa de dire per onestat : un josieu qu'aribava en Israël en 1947 e qu'aprenia l'hebrau senhorejairava pas gaire, que vòlia viure. Quand apreni l'occitan, me senti de punts comuns (mas pas cap d'un ambe lo sòldat que pren un dròle per un conelh)

19 Re: L´Occitan dins la vida vidanta le Ven 1 Aoû - 8:59

Einucent


Occitan Warrior
Occitan Warrior
Israël es un marrit exemple solide, mas desmerita de mostrar que 'na chausida politica se pòt applicar un còp qu'es bastida 'na entitat politica.

La politica linguistica d'oficialisar l'ebrau en 1947, se basa sus tot un trabelh de linguiste mas tamben d'ideologs que pertis de la meitat dau segle 19. Los sionistes comencèren per dire "sèm 'na comunautat, volem las nòstras institucions" e l'ebrau venguèt au servici de quèu project.

E quò l'i sèm pas d'enguerras, en Occitània totun vòu far son malin en pondre sa recepta miracle tots los matin. sèm en 2009 e auvisse totjorn daus mòu dau cuòu que se gargarisan de "la lenga e la cultura nhanhanha", prenguèrem la chausa per lo fons inversa, e dempuèi Mistral avèm pas avançat (vesetz lo post recents !)

http://einucent.wordpress.com

20 Re: L´Occitan dins la vida vidanta le Ven 1 Aoû - 9:16

Carnifex


Leberonet
Leberonet
l'ebreu venguét lenga oficiala mercés a un òme : Éliézer Ben-Yéhouda que quand partiguét de Russia al fogal josieu de Palestina se prometét que parlarià pas mai qu'ebreu a la femna, als mainatges e al can. E quand se creét Israel calià ben una lenga i avià los iddishs e manquèron de vener la lenga d'Isarael. Lo problèma estant que i avià mai d'un iddish : d'eslau (rus,polonés...) de germanic (aleman...) e un ebreu biblic (dels rabins). E son doncàs partit de la rasiga. Es l'unenc cas d'una lenga que de vertat, reviscolèt. Disi aquò d'un punt de vista SONQUAMENT linguistic sense cap consideracion politicas.

21 Re: L´Occitan dins la vida vidanta le Ven 1 Aoû - 9:48

Einucent


Occitan Warrior
Occitan Warrior
S'a pogut constituir l'Esperanto, lo Volapük, s'auria pogut bastir un Iddish unifiat, qu'es fin finala l'ebrau que l'emportèt. La chausida repausa sus la constitucion d'un organisma en capacita de menar 'na politica linguistica sen contradiccion : un estat. Sabe pas si quauqua-renmai pòt ò far.

http://einucent.wordpress.com

22 Re: L´Occitan dins la vida vidanta le Ven 1 Aoû - 9:58

Qualqu'un mai


Guelha de bonda
Guelha de bonda
Matieu a écrit:Vertat qu'au nivèu de la practica de la lenga, que hè plaser de véder çò que s'i passa en l'estadi de Niça.
Non harèi pas nat comentari suu nivèu politic per contra ..

Aquo's vertat que tanplan al Rai (l'estadi) coma dins la ciutat de Niça, los joens an un imatge plan positiu de la lenga. Apuèi, dedins l'estadi, cal pas tot mesclar. I a benlèu de fafs a la Brigada Sud Niça (BSN) mas pas totis. E puèi me remembri d'aver rencontrat de suportaires de l'OGCN a la prostèsta de Carcassona en 2005 qu'èran pas brica fafs. Èran del Collectiu Embriagon, parlavan la lenga nòstra (emai se me remembri plan, patissián de la preséncia faf dins l'estadi qu'es totjorn quicòm de mal viure).

Apuèi, per tornar al sicut, cal pas mesclar la capitada lingüistica e çò que se debana en Israèl. Lo PNO que se serviguèt de la teoria de l'etnisme, compren benlèu pas que l'etnisme se pòt benlèu aplicar a Israèl o Occitània (etnisme, indici sintetic de la nacion, es la lenga que permet de far grelhar la nacion e alavetz los limits etno lingüistics d'una nacion ambe una autra, etc. çò ditz lo PNO). Tot aquò es plan polit, se pòt aplicar a d'unas nacions mas l'etnisme se pòt pas aplicar per exemple a Bretanha (Breton e Gallò) per poder definir l' airal lingüistic istoric ont se parla vertadièrament lo breton (que correpond pas gaire a la quita region administrativa "Bretanha" fin finala). Per los que se díson nacionalistas occitan (per respondre a LaurençD Clucant), es benlèu pr'amor qu'aquelas gents se pensan pas en francés. En França, "Nacionalista = faicistas, racistas, extrèma dreita, ..." mas endacòm mai, Catalonha per exemple, l'Esquèrra Republicana de Catalonha (ERC) se ditz nacionalista e n'an pas vergonha. E pr'aquò, son pas fafs. Es çò que correspond benlèu a "Patriote" en França.

23 Re: L´Occitan dins la vida vidanta le Ven 1 Aoû - 10:53

Sokolovic


Trobador !!
Trobador !!
lo julian vertadier a écrit:
gat-esquiro@orange.fr a écrit:
Mes dens eras vilas de beras n'ei pas de bon trobar quauqun que parla occitan.

Que cregi qu'era situaccion ei atau dens Auvernha, en Aveyron en Provença hauta, per Nice (beleu).

A Nissa la situacion es pas vertadierament marrida per una vilas, subretot emé lo gim Niça 1 monte s'emplega força la lenga nostra Niça 1 (hehe, ai descurbert un nou smiley). Ma a Marselha que misèria...

Ma i a un gros problem : "Nissa Rebela" e lu autri fasciste, que s'aproprion l'identitat nissarda e la fan poirir en contradicion emé l'occitanisme vertadier...

Anem, una darriera fes : Niça 1 ISSA NISSA Niça 1

Mi faràs plaser de pas comparar la situacien linguistica a Marselha amb aquela de ta ciutat de retirats drecho-drechiera que capitèt d'aver la chausida sonque entre Estrosi e Peirat au segond torn dei municipalas.

Que vòs dire en parlant aquí de Marselha ? Que l'a tròp d'arabi dins aquela ciutat e que vautrei lei boeis nissards avètz sachut dins vòstre estadis de neo-fascistas manténer la puretat dau nissart ?

Lo jorn que l'aurà pus de mèrdas coma la JI en nombre a Niça (qu'elei tenon quasi tot un quartier dau caire dau pòrt), podràs venir parlar de Marselha e de sa situacien linguistica.
E te'n fagues pas, vai, la situacien a Marselha es pas piegi qu'en d'autrei ciutats gròssas occitanas. Mi sembla de còp melhora.

Mai bòn, coma siás nissard ti foliá aprofiechar per venir racar sus la soleta vila gròssa de ta regien e la capitala admenistrativa de Niça.

24 Re: L´Occitan dins la vida vidanta le Ven 1 Aoû - 11:01

Zengi


Trobador !!
Trobador !!
En fòrma lo Matieu !
Fascistas defòra!!

25 Re: L´Occitan dins la vida vidanta le Ven 1 Aoû - 11:05

Danís


Adjudant
Un se calma Matieu (C.) ! Lo Julian es d'acòrdi emb tu sus lo fascisme e regreta sa presencia dins los estadis, z'a dich !

Vese que la rivalitat entre Nissa e Marselha es pas 'chabada.. Uèlhs al Cèl

26 Re: L´Occitan dins la vida vidanta le Ven 1 Aoû - 12:41

fredoc


Occitan Warrior
Occitan Warrior
AlexderFrannke a écrit:Oh, ai oblidat una cause. Agachatz a Israel. Israel es un bòn exemple cò qu´es possible se lo pòble o vòl! Imitatz l´exemple!

Cò qui volèva diser Alex (adiu Alex, quin vas?) qu'ei qu'Israël a sabut sauvar la soa lenga. Los navèths poblants que vinèvan de pertot capvath lo monde (Euròpa, America...) e ne parlavan pas l'ebrèu, qui èra la lenga oficiau deu navèth estat. Que'us calo ensenhar ua lenga comuna. Com lo poder e lo pòple ac volèvan, que s'i son escaduts.

De mei, dens lo men mestièr, qu'emplegui lo metòd d'ensenhament (OULPAN) qui creèn entà ensenhar aus adultes. D'un costat que soi d'acòrd dab la remarca d'Alex.

Aquò dit, n'èi pas nat avis pregond sus la situacion politica de la region: ne i vivem pas e çò qui'n sabem (?) que son los mèdias "nacionaus" (francés) qui nos ac disen.Dobtós


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

27 Re: L´Occitan dins la vida vidanta le Ven 1 Aoû - 12:45

Zengi


Trobador !!
Trobador !!
ne i vivem pas e çò qui'n sabem (?) que son los mèdias "nacionaus" (francés) qui nos ac disen. Dobtós
Qu'ei possible totun de gahar aisitament informacion en dehòra deu mitan francés, e urosament !

28 Re: L´Occitan dins la vida vidanta le Ven 1 Aoû - 12:57

fredoc


Occitan Warrior
Occitan Warrior
Que me'n menshidi totun, saps quin!
E com ne m'agrada pas lo comportament per exemple deus USA, ne voi pas hicar lo nas en causas qui non coneishi pas, qui ne'm pertòcan pas.


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

29 Re: L´Occitan dins la vida vidanta le Mer 6 Aoû - 8:25

AlexderFrannke


Manja-Patanas
Manja-Patanas
Òc, es cò que vòli dire. Leis josieus an tornat viure lo hebrèu dins l´estat d´Israel. Abans, hebrèu foguèt pas qu´una lenga per lo sinagògue e la sciéncia. Mas dempuèi leis annadas 1900, leis josieus en Israel an tornat parlar la lenga dins la vida vidanta. E uèi, se parla hebrèu naturalament en Israel e es la lenga mairala per de millions. Es aquò que lo hebrèu es devengut oficiau. De mai, leis dancas e lo folclore en Israel son vertadièrament hebrèus, coma dins lo temps de David. An capitat de tornar bastir l´identitat vièlha dau pòble de josieus.
Perqué aquò devriá pas èstre possible pèr d´autres pòbles?

30 Re: L´Occitan dins la vida vidanta le Mer 6 Aoû - 11:15

Zengi


Trobador !!
Trobador !!
Nos cau ua Shoah e lo sostien deus Estats Units .. Plan Urós
Mes vertat que per çò qui ei de la renavida d'ua cultura, se pòt pas har miélher que los israelians !

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 2]

Aller à la page : 1, 2  Suivant

Permission de ce forum:
Vous ne pouvez pas répondre aux sujets dans ce forum