La marca Val Pas Res es pas a l'estivada

La marca "Val Pas Res" es pas a l'Estivada (informacion confirmada per l'estivada), alara que son tot los doas de Roergue (los creators de la marca)
E la rason es ... que una autra marca vòl pas de concurréncia, e òc..

Comprenes aqueste situacion ?

n'autres Mxl87, avèm pas 'gut lo drech de mostrar los chamisons tampauc, i a ren-mas Qu'es aquò ? que s'a fach un trauc au costat de l'istoric Macarel.

nos traparetz au campatge ...

ATENCION POLEMICA

Francament 'quò vos sadola pas un pauc Macarèl? Entre lo grafisme paint (e una crotz occitana en vèrd, e una cortz occitana en blau etc...), l'abséncia de creativitat (o lo pilhatge de la creativitat dels autres) e un siti pas qu'en francés, ieu los pòdi pas veire en fotografia... Comparat a la creativitat d'un mxl87 (i a pas un bonòme que lèca lo cuòl?) o d'un adishatz, vesi pas perque son tan meses en davant.

Macarel son a la camiseta occitana çò que Patric es a la musica occitana!

Aquèo m'estona pas. Totun Mertyl ton informator ei seriós ? Per'mor m'estona drin deu Christian Grenet.

"Que soi aquiu per véner occitania, qu'ei tot". Atau qu'ei clar lo Danís de Macarel ..

Que soi francament desgostat per rappòrt aus amics de "Val pas res". Son vienguts l'an passat au taulèr d'Anaram e son hèra interessants aqueths tipes, hèra simpatics !

Macarel comença de me far chiar, io tanben, tant a la debuta qu'eran un pauc solets 'quò m'agradava, mas aqui, entre lo pilhatge vertadier de las ideias daus autres per far de l'argent e una volontat de monopòle sus tot los autres, me surten per los uelhs.

Mon informacion es seriosa e segura a 99% ! (Ven de Hugues, Greg de val pas res e de l'Estivada)

Mas es jamai dich qu'es Macarel (mas ai vistat qu'ai pas besonh lol)

Gavach a écrit:ATENCION POLEMICA

Francament 'quò vos sadola pas un pauc Macarèl? Entre lo grafisme paint (e una crotz occitana en vèrd, e una cortz occitana en blau etc...), l'abséncia de creativitat (o lo pilhatge de la creativitat dels autres) e un siti pas qu'en francés, ieu los pòdi pas veire en fotografia... Comparat a la creativitat d'un mxl87 (i a pas un bonòme que lèca lo cuòl?) o d'un adishatz, vesi pas perque son tan meses en davant.

Macarel son a la camiseta occitana çò que Patric es a la musica occitana!

Siáu en plen d'acòrdi ambé tu. Nautrei nos avián prepausat de vendre sei produchs a l'Ostau dau País Marselhés. Avèm arrefusat per de rasons variadas mai bèu promier perqu'es afrós çò que fan (e que siam pas en acòrd ambé sa veisien de l'occitan-isme)
S'aquò's veritat aquela istòria de concurréncia es escandalós mai estent que l'ai jamai crompat que que siegue, mon boycott si sentirà gaire...

Danís a écrit: entre lo pilhatge vertadier de las ideias daus autres per far de l'argent e una volontat de monopòle sus tot los autres, me surten per los uelhs.

En efèit, dus ans a, a l'Estivada, Macarèl qu'avè sortit un quessòt quasi identic au camiset de la seleccion occitana de fotbòl. E que i avè inscrivut dessus: "seleccion d'occitania" o qqu'arren atau. E lo tipe qu'assegurava a Pèire Còsta (president de l'AOF) que n'èra pas ua copia, e que ne mentavèva pas briga la seleccion de fotbòl, e que ne's semblava pas au camiset de CSprod (l'equipementièr de l'AOF).

A jo tanpòc ne m'agrada pas briga çò qui hèn, e lo teishut qu'ei de hèra maishanta qualitat (enfin, que'm sembla per'mor ne n'èi pas: tròp lèd!)

Ieu ai pas degun problema personau coma Macarel, que sià clar.
Fasèm pas lo parrièr e lo sabèm tots los dos.
Fau pas dire de conarias nimai li prestar d'intencions ò de practicas qu'a pas. Lo Danis prepausa un produch basic, per un public gran a daus pretz de bon accedir, per que los militants se ruenhan pas. l'interessa mens de far daus models coneguts per lo dessenh que sirian portats "per surtir". Sas compo son a l'imatge de quò que se representa de l'enveja dau public gran, qu'es respectable.


Xian Grenet reçaubèt ma damanda sens conviccion e comentèt que los chamison, bof, n'i avia pron. Qu'es se que vòu pas que l'Estivada venguèt un supermerchat, me sembla, entende mas m'agrada pas lo biais que s'i pren. Òu bota lo hola a d'unes que se lançan e los costumièrs juscanta 'quí an totjorn pogut aver n'activitat rentable sus lors stands, siria mas un apendice : carnsalada dei valaas, cafè de Calandreta, vin dau CRJOC.
Sabèm tots que lo mitan associatiu massa 'na part d'argent de pas neglijar a l'Estivada. Benlèu se representa que MXL87 e Val pas res, podèm far de moneda en quauqu'un luèc mai que son eschina.
Ne siria content mas non, avèm besunh daus eveniments entau, avèm pas de botica en dur dins un centre de ciutat.

Lai donc lo deal es que vendem pas e los mostram pas, me parlèt de 3 damandas ...
-MXL87, sèm pas estats aponduts sus los site mas avèm un stand
-Val pas res (aura sabèm)
-(Adishatz ? Oc Cie ? Commando Sudiste ?) dau mens qu'aja comptat "Qu'es aquò ?" dediens a queste moment.

n'autres sèm estats tolerats per'mor qu'aviam quauqua-ren mai de prepausar. Sètz benvenguts de venir platussar lo còp per la vòstra plaqueta de publicitat ò lo vòstre site internet ... dins 'na compaginacion que fai la part bèla a l'Occcitan.

Gavach a écrit:ATENCION POLEMICA

Francament 'quò vos sadola pas un pauc Macarèl?

Cossí dire ? A mon vejaire de femna… Macarel es un crime contra la mòda…

Einucent a écrit:Lo Danis prepausa un produch basic, per un public gran a daus pretz de bon accedir, per que los militants se ruenhan pas. l'interessa mens de far daus models coneguts per lo dessenh que sirian portats "per surtir"

D'acòrdi, mas… alavetz, perqué pas balhar la possibilitat de ver tot lo monde a l'Estivada ? Se i a que Macarel :
• es una conariá : mòstra pas la diversitat de la creativitat de camisetas, e la causa es mas importanta que l'argent, non ?
• es pas coma aquó que vau faire mon « shopping », ieu !

ATENTION REFLEXION PERSONALA AMB BENLEU UNA COFA DEDINS

Benlèu que Macarèl es la sola marca acceptada a l'Estivada perque es una associacion lei 1901, non ???!!!



Apuèi soi d'accòrd amb vosautres per dire tabes que Macarèl es pas "my cup of tea" al nivèl de la mòda !!! Es domatge ai de las camisetas Adishatz mas pas encara de MLX, i avia pas ma talha quand soi anat al taulier pendent la manifestacion de Besièrs.

@ Ceriera :
T'agrada pas lo string Macarèl ???

Macarèl es pas una associacion, es una entrepresa, cal pas creire lo sit web, aimi mai la cambra de comèrci ! (De mai aqueste informacion es confirmada per macarel)

Lo Guilhèm a écrit:Benlèu que Macarèl es la sola marca acceptada a l'Estivada

es pas la sola ! "Qu'es aquò ?" i es tamben.

Lo Guilhèm a écrit:perque es una associacion lei 1901, non ???!!!

MXL87 es 'na associacion lei 1901, chamnhèt pas ren a la responsa dau organisaires,

Mertyl a écrit:Macarèl es pas una associacion, es una entrepresa,

I a l'entrepresa que fabrica (benlèu se 'pèla Macarel) e i a "Oc per tot", l'asso lei 1901 que vend. Degun scoop aquí, Mertyl. I a 'na subtilitat mas legalament es sens repròcha.

Anèm, per demorar lèugièr.

Lo Guilhèm a écrit: Es domatge ai de las camisetas Adishatz mas pas encara de MLX,

Quaus son quilhs de quí ?

Lo Guilhèm a écrit:i avia pas ma talha quand soi anat al taulier pendent la manifestacion de Besièrs.

T'inquietes pas dròle, quèla annada avèm de S !

Lo Guilhèm a écrit:@ Ceriera :
T'agrada pas lo string Macarèl ???

Danís es content de ò aver surtit, quèu de quí, siria demorat a l'estanca de ne'n mostrar un per deconar que siria pas estat pièger. I a 3 ans quora era ren-mas n'eideia au comptador, faguei de "surenchère" en dire que pensave au string "Chabatz d'entrar" mas la decença (mai mon amiga) me faguèt dire de non.

fredoc a écrit:
En efèit, dus ans a, a l'Estivada, Macarèl qu'avè sortit un quessòt quasi identic au camiset de la seleccion occitana de fotbòl. E que i avè inscrivut dessus: "seleccion d'occitania" o qqu'arren atau. E lo tipe qu'assegurava a Pèire Còsta (president de l'AOF) que n'èra pas ua copia, e que ne mentavèva pas briga la seleccion de fotbòl, e que ne's semblava pas au camiset de CSprod (l'equipementièr de l'AOF).

E de segur, me remembri que la còpia de Macarèl èra venduda plan mens cara que non pas lo camison original de l'AOF. Atal, lo monde èran colhonats .

Einucent a écrit:

Lo Guilhèm a écrit:i avia pas ma talha quand soi anat al taulier pendent la manifestacion de Besièrs.

T'inquietes pas dròle, quèla annada avèm de S !

PDR

La talha XL èra trop pichona per ieu. Sèm pas a Neuilly aici, sèm en Occitània

Lo Guilhèm a écrit:La talha XL èra trop pichona per ieu. Sèm pas a Neuilly aici, sèm en Occitània

eh, va plan se eran tot(a)s sul modèl pilièr de rugbí, quau portaria quilhs "strings" occitans ? Eh ?

Te siès pas lo prumièr de me damandar de quèlas tralhas de monstre, si tot va plan (la tinta es pas sècha !) n'i aura quel estiu.

Segur qu'un string « val pas res » seriá mens vendeire…

Cerièra de Mai a écrit:Segur qu'un string « val pas res » seriá mens vendeire…

Lo quite nom de la marca implica beucòp de segond grad, per èsser pas tròp depreciatiu, mas qu'es de bon retenèr.
Aprèp tot, n'i a d'unes que faguèrem fructifiar un luèc que se pelava "A-vo-riaz" (Quò vau ren)

Encontrei Lo Vincenç Ribièra quèla Diumenjada a Saurat, me dissèt que "Qu'ès aquò" reçaubèt un refus en 2007, sens aver quitament damandat un estand. Quela anada, vai t'en saber perqué, quò vai.

Me confirmèt que lo Xian Grenèt ne'n a ren de fotre daus chamisons en Occitan, qu'es pas un produch culturau fau creire.

Compreni pas ..

Matieu a écrit:Compreni pas ..

N'i a pas gaire d'entendre, la generacion post-68/pre-internet a pas de consideracion per quò que fasèm.
Suvent an 'na cultura daus libres, la vertadiera ! Na activitat basadas sus las tecnicas de la publicitat : Vade Retro !
Xian Grenet a per leitmotiv de querre "la qualitat", dins lo domènis que pòt conçaubre que l'i ajèt mantunas qualitats, si de non pas la pena de destriar.

Me fai pensar a quora 'ribei a Tolosa (en 2001) :La referença (per los vielhs dau moviment occitaniste) en mena de grops occitan "per jòunes" eran los Fabulous ò Massilia e i avia pas besunh de querre mai luènh, la categoria era ocupada. Que tots los biais escotavan pas de "musica per jòunes" ; n'i a d'unes que ne'n son d'enguerras 'quí, uèi.

Aura qu'es lo parrièr que se passa, lor interessa los libres, pas los chamisons e autres supports de pub, allerra que n'i aja un ò dietz per n'en far, se van pas perdre dins daus rasonaments, tot los biais qu'es pas l'importent ...

E totun, qu'ei important, hèra important !!
Qu'ei colhon mes qu'ei tanben la realitat nosta. I a pas qu'a un endret on e's pòt léger occitan en la vita vitanta de Pau: suus quessòts (camisetas) de'us qui pòrtan la merca "Adishatz". E que n'i a.., qu'ei vertaderament impressionant.

I a pas que los camisons, anatz demandar a l'ADEO de Tarn perque an pas pogut menar de vin de Tarn etiquetat en occitan. La responsa de l'organisacion foguèt que i a ja de vin de Marcilhac (etiquetat en francés) e qu'aquò sufis !
Apuèi i auria un risc d'alcolisme ! Aquel vilatge que se ditz occitan es un pauc trop limitat, es domatge de pas far la ligason entre la cultura e l'economia...

Se demandam se de còp lo Grenet compren quicòm a son festenal...
Creire que la gent vengan per se far lo programa de A e Z, en beure una sola cervesa dins la serada es somiar.
Plan de monde venon a l'estivada mai per l'ambiança que non pas per la programacion (sufís de veire que i sèm aquesta annada alara que la programacion es plan luenh d'èsser estrambordanta).
L'estivada fa descubrir de grop: OK mas es pas sonque aquò. Es un luòc ont de contacte se fan, de projecte se montan, una mena de Davos occitan que!
Refusar d'alargar lo vilatge en lo considerar coma una annèxa minora, me sembla qu'es una polida conariá: sens un vilatge viu, grand, tot galonat de colors coma un vilatge occitan somiat l'estivada pèrd 85% de son interés.

Ai l'impression que lo festenal somiat pel Grenet e lo somiat per una part del public es pas lo meme. Un somia a una veirina exaustiva de la creacion occitana comptenporanèa, al prètz de causida de programacion dobtosa (Patric?), los autres somian a una fèsta de l'occitanitat dins totas sas compausantas, e donc vòlon mai de "bruch" e benlèu una programacion mens ponchuda per las seradas (seriá pas estat una catastròfa se Massilia, Mauresca, Lo Dalfin o autres venguèsson un còp mai a l'estivada)...

L'estivada fa descubrir de grop: OK mas es pas
sonque aquò. Es un luòc ont de contacte se fan, de projecte se montan,
una mena de Davos occitan que!

Exactament.