Òc-ben entre autre. I a pas de carta escolara sus la comuna e las escòlas se tiran per las patas per aver mai d'escolans (=pas de tancadura de pòstes) e dins aqueste encastre lo siti bilingüe es vist coma una concurença desleiala...
Regularament los parents demandan que l'informacion circule rapòrt a l'existença del bilingüisme al moment de registrar los dròlles al municipi, mas l'IEN non vòl pas pr'amor que fariá tròp d'enganas entremièg las escòlas.Conclusion, degun es pas al corrent que lo bilingüisme existís a Villafranca. Responsa de Mercadièr (IPR Occitan)als parents: "Es a vosautres de far passar l'informacion, pas a l'educacion nacionala, nimai al municipi."
Aprèp aquò, n'i a qu'o volián tuar...
Cal dire que manca pas de coratge lo tipe....
Ajusta a-n-aquò qu'avèm sul siti de monde francament ostiles a l'occitan, e que se demerdan per nos fotre una reparticion cargada amb mai de nivèls pels bilingües e los CP bilingües a caval sus la mairala e l'elementari , mentre que los unilingües son tranquilons en simple nivèl pas cargat, m'as comprés...
E aqui que te vesi desbarcar de parents que me fan: "Se te vas d'aqui e que dubrisses una calandreta, totes te seguirem." Estant qu'estimi pas mai qu'aquò l'educacion nacionala, l'idèia fa son camin.