Politisacion.....

Bon sai que me vau far incendiar mès me'n foti... Avèm plan drèch a la libertat d'espression....

Pensavi qu'èra 'qui un fòrum "apolitic", quò z empacha que lo monde aguèsson las loras idèias pròprias, mès a cada còp n'i a de monde que se fan mestièr de far cagar lo monde amb la lora lucha politica.
Personalament me'n foti io d'Anaram Au Patac (quitament se son de bon militants) o de tot çò que pòt i aver anant de l' extrema gaucha a l'extrema drècha.
Compreni pas cossi 'na lucha culturala pòt prene una dralha politica... Quò's perque n'arribam pas de nos far auvir que siem totes entre nosautes a se far lo chaple.... Cossi voletz arribar a quicòm....? Me vòli pas tanpauc far lo "pacifiste" que soi qualqun de plan engajat, mès mai culturalament.
Apèi tot lo monde a sas conviccions, que siaguèsson politicas, culturalas etc, quò zo respecti mès sus aqueste fòrum se deuria pas trachar de politica me pensi.... Soi estat un parelh d'annadas al Med'oc de Montpelhièr, una associacion "culturala" que fin finala avia 'n engatjament politic un pauc amagat....
Pensi que i a de monde 'qui que pòrtan de bonas idèias sus la nòstra lenga e la nòstra cultura... Quò seria colha de tombar dins lo debat politic....

Que son monde com tu qui hèn que los occitans son un pòble de cocut e de sosmés.

Folclorista de mèrda.

Ai mas idèias, la lucha politica es quicòm de personal..... qué fas tu per la lenga o o la cultura levat 'nar manifestar per la Palestina ( mai se soi d'accordi amb tu sus la lora posicion delicata...) o 'nar tustar dins un estadi ??? Ta lucha la respecti.... e ne cal de monde coma tu, mès imagina te 'na causa, apèi vas aver de monde que nos van fa cagar 'qui amb las idèias de drècha e d'extrema drècha per te provocar... te vas defendre evidentament e veiqui que va venir un ring de bòxa.... Te prometi que soi lenh d'èsser pacifiste ! Me bati per ma lenga e ma cultura PUNT, e ne fau cas aqui sul forum. Anaram Au Patac concernis pas gaire la lenga e la cultura, es quicòm de diferent e mai socio-politic. Podetz criticar l'extrema drècha que reagissetz tan parièr "folclorista de merda" !!! sulpic lo renèc.... Me coneisses pas, sas pas çò que pensi io... Apèi me cal dire se me soi enganat de fòrum....

qué fas tu per la lenga o o la cultura levat
'nar manifestar per la Palestina ( mai se soi d'accordi amb tu sus la
lora posicion delicata...) o 'nar tustar dins un estadi ?

Tustar dens un estadi ? Mes d'on me coneishes tu ? M'as dejà vist ? M'as dejà parlat ? Co que coneishes de ma vita ?

Co que hèi per la lenga ? Que soi jornalista, que tribalhi cada dia en occitan,e per l'occitan. Qu'ajudi amics a descubrir e apréner la lenga. Qu'ei tribalhat un an a Calandreta. E que t'emmerdi gojat.

Te prometi que soi lenh d'èsser pacifiste ! Me bati per ma lenga e ma cultura PUNT, e ne fau cas aqui sul forum

Se bater per la lenga e se díser non politizat, la pròva qu'as pas comprés arren.
Que seré plan de's questionar sus la situacion actuau de la lenga nosta. Ei un azar s'ei en dangèr ? Ei un azar se n'ei pas ensenhada a l'escòla ? Ei un azar se la quasi totalitat de la populacion d'Occitania non sap pas ço qu'ei Occitania ? Lutar shens consciénça, qu'ei ua coneria de las granas.

Anaram Au Patac concernis pas gaire la lenga e la cultura, es quicòm de diferent e mai socio-politic

E coneishes Anaram ? As dejà encontrat militants d'AAP ? E saps ço qu'avem heit en 15 ans d'existéncia a Pau ? E saps qu'avem apitat l'an passat tota ua campanha per l'oficializacion de l'occitan ?
Qui es tu per jutjar ?

incendiar !! n'em pas pas en inde .
que i a un monde qui far cagar l'aute monde amb la lora lucha politica .
la lucha politica n'ei pas reservada a las estucturas especializada,sem totis consernit per çò qui se passa aci e dins lo monde perque sem lo monde.
jo ne m'en foti pas de anaram au patac que trobi normau de podèr saber la lora ideas, analizas ,accions.... per çò qu'ei deus faschistes ,qu'existeishen e lo sabem ara.
la lucha culturala pot prèner una dralha politica perque lo drèch culturau n'ei pas respectar.si es plan engajat dins lo mitan culturau,sabes plan que ne serrar pas una associacion culturala e artistica qui pintratrar tot los paneus de las rotas d'occitania (quitament si i sauneii denpush un moment).
au nom de la libertat d'espression,me sembla normau de trachar de tot sus aquel forum, lo debat politica i participa qui vòu... espèri de non pas t'avèr cremar au purmèr grad

Vau intervenir en tant qu'administrator per apasimar las chausas avant que 'quò n'ane tròp luenh.
Aqui, quo es un forum generaliste. Quo es a dire que podem parlar de tot, de preferencia en occitan. Pas forçadament nonmas de çò que se rapròcha de l'Occitania, quitament se quo es çò que surt lo mai de las discutidas.
Podem donc parlar de politica, entre autras chausas.
Donc de la lucha politica.
Donc de las luchas politicas occitanas.
Çò que fai qu'Anaram an segon io completament lo dret de botar las loras informacions aqui. Venen pas tanpauc emb un papieron e un estilò per ordenar au monde d'aderar a lur causa.

Evidentament, lo desbat seriá mai dubert s'aviám daus representants daus autres moviments politics occitans, mas se vòlen pas prener la paraula aqui, quo es tant pieg per ilhs, avián nonmas de se botar a las novelas tecnologias !
Senhale au passatge que los membres an completament lo drech de far valer lurs ideias politicas (dins lo respect daus drechs de l'òme, donc atencion farai atencion a l'estrema-drecha, per exemple), dau moment que las assumissen a 100 per 100.

Lo forum es benleu apolitic, mas lo monde que son dessus zo son pas, e se tu voles pas participar aus desbats politics, PicheBorgne, degun t'empescha de jamai venir dins 'quela rubrica, n'i a un fum d'autras, se t'interessas mai a la cultura en particular.

Mai greu, per io :

Que son monde com tu qui hèn que los occitans son un pòble de cocut e de sosmés.

Folclorista de mèrda.

Aquò, non.
Quo es pas un biais apasimat de respondre a quauqu'un que fasiá nonmas qu'explicar son punt de vusda e exprimir una suggestion.
Non solament passas per un fasciste e mai fas passar tot lo moviment d'Anaram per dau monde barrats a la discutida.
Subretot quand i a la possibilitat d'argumentar plan coma fau, en explicar benleu a PicheBorgne perque s'engana sus lo comtpe d'Anaram, perque la lucha politica es ligada a la cultura, tot çò que fai las ideias d'Anaram, qué !

Atencion, Matieu, es lo segond còp que jugas a aquò (quand aviás far fugir Benito34 que cherchava un forum apolitic per parlar occitan). N'i aurá pas un tresen. Clar ?

Espere qu'anetz tornar prener 'quela discutida, que se tròba esser importanta, de mai, un pauc calmats, l'un coma l'autre.

Adjudant Danís

E mai personalament, sei en plen d'acòrd emb Ven Au Vent.

Quò seria colha de tombar dins lo debat politic....

Qué de colha de "càder" dens lo debat politic (a jo me sembla pas ua caduda m'enfin...)???? Com pòt estar colha de s'interessar a l'aviéner deu son pais ?? Aquí quauquarren de mau mau compréner, e quitament de perilhós ; urósament que de món e n'i a entà se preocupar de politica ! Jo be trobi escandalosa la toa pausicion, escandalósa e pega : au piéger, si t'interessas pas ad aqueths tèmis, be ne'us legeishes pas punt finau, mès de qué viens a escagassar lo món aquí dab lo ton preténut apolitisme ? E ont vedós qu'aqueth forum èra un forum "apolitic" ? o benlèu soi avugle o benlèu m'imagini causas, m'enfin me bremba pas briga d'aver vist aquò enlòc (e mei, dens l'antiga organisacion deu forum, i avè ua quite seccion "politica"...)

qué fas tu per la lenga o o la cultura levat 'nar manifestar per la Palestina

vòs jugar au jòc deus pècs de la personalisacion deu desbat, d'acòrdi... e que hès tu per la lenga o la cultura manca de caminar miei òra cada dus ans e de't portar a l'estivada cada estiu tad i véder las es·hlors de la produccion culturau autorisada occitana ? AAP que miè dempuish dus ans la campanha Occitan Lenga Oficiau, desbats publics, produccion e difusion d'un argumentàri jós la fòrma d'ua brocadura, tribalh de conscientisacion cap a tota la pòblacion (e non pas aus sonques militants occitanISTES). Benlèu soi avugle aquí enqüèra, mès vedi pas quina auta organisacion e mia autant de tribalh dens aquera direccion... Com e explicas tu que l'arrevendicacion OCCITAN LENGA OFICIAU, pas degun non la porte aus nòstes costats ??
Segur, AAP que va mei luenh que non pas la màger part de las autas organisacions-associacions culturaus, e lavetz ? Non t'escades pas a har lo ligam enter la nòsta situacion culturau casi tragica, e las es·hrutas de segles e segles d'ua luta politica de qui lo breç es estat París ?
Sabi pas çò que i a de mei colha : "tombar dens lo debat politic", o demorar enclavat dens la soa magrera culturau e linguistica, au beth miei d'un pais desdeishats e condemnats a vàder lo paradis toristic de tota l'Euròpa occidentau...

soi pas d'acòrdi tostemps dab matèu m'enfin aquí, jo qu'apuji :

Que son monde com tu qui hèn que los occitans son un pòble de cocut e de sosmés.

quò segur que m'interressa a la politica.... mès io pensavi que quò seria dangeros de presntar lo forum coma "politisat"... imagina que de tipes d'extrema drecha aurian daissat un messatge per se far publicitat.... auriatz pas agit coma io ?????
Mai personalament io soi pas un politic mès mai revolucionari, alaura Matèu veses que tu tanben t'enganas sul meu compte... la politica per io nos pòrta nonmas de merdas ! 'gacha los còrses o los basques que passan pas per la politica e se fan mai auvir que nosautes quand siem 20.000 dins una manif...
De qu'avèm ganhat apèi Carcassona e Besièrs ????

los còrses passan pas per la politica ?
los bascos passan pas per la politica ?

e benlèu cau precisar que evidentament NON AVEM PAS GANHAT ARREN a Carcassona e Besièrs, mès benlèu justament pr'amor n'i avè pas nada volontat politica darrer d'aqueras manifestacions, e tanpauc nat eslogan comun...
Lavetz Picheborgne, me sembla pas tròp solide la toa pausicion, tots los punts qu'expausas be trintalhan : arrecastas de càder dens lo debat politic e après viens a citar los cas còrses e bascos (en tot díser uas bravas conarias mei d'aquò) !
compreni pas tròp lo vejaire ton, benlèu pr'amor de vejaire n'as pas cap, sonque la hami de provocar lo món, dens la tradicion gloriósa de l'anarquisme de dreta... e puish de botar esquerra e dreta suu medish plan (dises "imagina que de tipes d'extrema drecha aurian daissat un messatge per se far publicitat.... auriatz pas agit coma io?", un chic dens la tradicion deu FN : gauche et droite tous pareils tous pourris), o de parlar d'extremisme entad evocar un corrent d'esquerra anti-liberau, tot aquò que pòt semblar drin limite non ? de l'apolitisme a las ideias reaccionàrias las piégers, i a plan sovent un varat pas tant large qu'aquò e qui n'es pas mauaisit de sautar lavetz...

Quo es pas un biais apasimat de respondre a quauqu'un que fasiá
nonmas qu'explicar son punt de vusda e exprimir una suggestion.

Te trufas de jo ? N'a pas balhat un punt de vista, qu'a clarament ditz
que n'avi pas arren a foter suu forum, e que n'avevi pas jamei fotut
arren per la lenga. Ei aquò un punt de vista ?

Non solament passas per un fasciste e mai fas passar tot lo
moviment d'Anaram per dau monde barrats a la discutida.

M'explicarà perqué ei fascista d'emerdar los folcloristas .. Perqué en es un ?
Que soi ubert a tota discuitida, mes pas quan soi insultat. Cau pas desconar.

Atencion, Matieu, es lo segond còp que jugas a
aquò (quand aviás far fugir Benito34 que cherchava un forum apolitic
per parlar occitan). N'i aurá pas un tresen. Clar ?

Lo Benito èra deus 'estranhs', per pas diser auta causa. Ne'm cau pas
har passar per un furios de la politic qui vòu trucar susz tot ço quiu
n'ei pas politizat a cent per cent. Quan i a causas qui'm semblan
completament faussas e colhonas, qu'ac disi, e ne son pas la toas
miaças qui van cambiar aquò.

Sens prener part a la discutida, trapi aquo :

Matieu a écrit:Que son monde com tu qui hèn que los occitans son un pòble de cocut e de sosmés.

Folclorista de mèrda.

totalament con.

Pensi pas que PicheBorgne avia insultat qual que siegue.

Es d'autant mai con quand om manten sas posicions aqui subre.

Matieu a écrit:

Quo es pas un biais apasimat de respondre a quauqu'un que fasiá
nonmas qu'explicar son punt de vusda e exprimir una suggestion.

Te trufas de jo ? N'a pas balhat un punt de vista, qu'a clarament ditz
que n'avi pas arren a foter suu forum, e que n'avevi pas jamei fotut
arren per la lenga. Ei aquò un punt de vista ?

A dich que fasiás ren per la lenga NONMAS après que l'ajas insultat...
E parlava pas de tu en tant que persona, mai dau moviment Anaram (ses pas lo sol a parlar per Anaram aqui, contrarament a çò que pòt far creire ton avatar) mas efectivament exprimava una opinion, mai aviá prevengut que 'quò agradariá pas a tot lo monde.

Matieu a écrit:

Non solament passas per un fasciste e mai fas passar tot lo
moviment d'Anaram per dau monde barrats a la discutida.

M'explicarà perqué ei fascista d'emerdar los folcloristas .. Perqué en es un ?
Que soi ubert a tota discuitida, mes pas quan soi insultat. Cau pas desconar.

Podes pensar çò que voles daus folcloristes, tot es dins la formulacion.
Dins 'quela situacion :
-"Foclorista de mèrda" es una insulta.
-"Enmerdi los folcloristas" es una opinion personala, de segur cavaliera, mas au mens quo es pas una ataca personala.
Per çò qu'en sabe, PicheBorgne t'a pas insultat, o au mens pas AVANT que tu zo fajas.
E justament, te sabem dubert a la discutida, donc se podiás tornar leu-leu au subject lançat per PicheBorgne, que, maugrat sa formulacion pas fina-fina, a lo meriti de botar lo det sus quauquarren.

Matieu a écrit:

Atencion, Matieu, es lo segond còp que jugas a
aquò (quand aviás far fugir Benito34 que cherchava un forum apolitic
per parlar occitan). N'i aurá pas un tresen. Clar ?

Lo Benito èra deus 'estranhs', per pas diser auta causa. Ne'm cau pas
har passar per un furios de la politic qui vòu trucar susz tot ço quiu
n'ei pas politizat a cent per cent. Quan i a causas qui'm semblan
completament faussas e colhonas, qu'ac disi, e ne son pas la toas
miaças qui van cambiar aquò.

Ai jamai ensaiat de te far passar per un furiós de la politica, d'alhors as botat daus messatges d'en pertot sus lo forum, aquò sufís per n'en saure mai sus ton engatjament.
E efectivament, me dobte plan que mas menaças t'en servisses de papièr-cuol, de tota faiçon nos podem pas permetre d'exclure quau que siá, subretot dins los bons participants. Mas era nonmas per te dire de far atencion, emb çò qu'a dich, lo monde te jutjarán "sus peças"...

Adjudant Danís

Es aquí que si charpinan lei Matieus ?
Mi vèni mesclar a la filada !

Dilhèu qu'aurèi pas devut respóner atau, aquò qu'ei segur.
Mes quan legi causas atau:

n'i a de monde que se fan
mestièr de far cagar lo monde amb la lora lucha politica

Personalament
me'n foti io d'Anaram Au Patac

perdon Danís, mes que'm senteshi insultat.

Que vau sajar totun de respóner (quitament se i a pas de questions) a PutaBorgna (umor, umor ..):

Compreni
pas cossi una lucha culturala pòt prene una dralha politica

Jo compreni pas quin ei possible uei lo dia de deféner l'occitan shens har politica. L'occitan qu'ei en dangèr per'mor de la politica de l'Estat (4 pòstes au CAPES per an, ridicule ; pòstes d'ensenhants suprimits ; licéncia e opcions d'occitan suprimidas ; nada reconeishença oficiau ; abséncia totau de la lenga dens lo servici public ; per las carrèras ... )
Quan lutam per l'areconeishença de la lenga, que hèm politica. La politica que va delà deus partits, e urosament.

Quò's
perque n'arribam pas de nos far auvir que siem totes entre nosautes a
se far lo chaple.... Cossi voletz arribar a quicòm....?

Los occitans serén lo sol pòble au monde a non pas aver divergéncias politicas ?
N'ei pas arren a foter dab occitans de dreta, e d'extrema dreta, arren. Que'm poish arretrobar dab los occitans sociaus democrats sus combats linguistics, mes shens jamei desbrembar la luta sociau, qui ne's pòt pas deseparar de la luta nacionau.
tu "lutas per ua lenga", jo luti per un país, un pòble, un naveth sistèma de societat en adequacion dab la soa istòria.

mès sus aqueste fòrum se
deuria pas trachar de politica me pensi....

N'as pas qu'a crear un aute fòrum. Tè, per t'ajudar: www.l_occitan_quei_plan_e_tot_lo_monde_quei_charmant_shens_nada_idea_politica_aquo_lo_deisham_aus_franchimands.blogspot.com

Quò seria colha de tombar dins lo debat politic....

Seré colhon de créder que pòts deféner l'occitan shens har politic, de créder que l'occitan e serà sauvat per lo bon diu, o en lecar lo cuu a totas las institucions.

Los occitans, un pòble de sosmés e de cocuts, que confirmi.

Matieu me sentisse pas pus Francés que tu. De çò que m'as dich n'avèm las memas tòcas cap a l'Occitan... io soi pas de lecar lo cuol a sai pas quan'institucion foirosa o nimai a d'institucions politicas... Pensi que siem pron per nos daissar pas tòrser en durbir mai la gula e sarrar mai los punts que non pas per de papafars nècis que dònan mai d'espèr que de concret... (zo sai qu'es un pauc stereotipat...) l'estat francés l'ai benlèu enquerra mai en òdia que tu e quò's domatge de véser de monde que pòdan portar quicòm de solide en accions "negociar" en usant de politica amb l'estat francés.... Desincusa se pòt èsser regde mon punt de vista...
Ex : I a n'usina que se bastis dins un canton salvatge chas io, vau pas passar per de peticions o que que sia.... sera leu resolvat lo problema ! veses ? Apèi vòli pas dire ( e maitot lecar pas lo cuol tanpauc ) mas lo teu vejaire sus Occitania e ton sentiment anti francimand es per io traç que plan e lo parteji a 200 del cent...

Que dèvi estar con, mes detestar l'Estat franchimand e denonciar la politizacion deu fòrum .. non, vertaderament, compreni pas arren, arren.

Apèi vòli pas dire ( e maitot lecar pas lo cuol tanpauc ) mas lo teu vejaire sus Occitania e ton sentiment anti francimand es per io traç que plan e lo parteji a 200 del cent...

e ben fin finala acabarètz per vos faire de potons!!!

Juste una question dubèrta, comprèni pas plan perqué se presenta, a rapport del combat (m'agrada pas brica aquel vocabulari militar, mas bon...) per la lenga, engatjament politic e engatjament cultural coma doas dinamicas opausadas? Son per vosautres doas causas totalament incompatibles?

E ben vau botar ma pichòta grana.
Es çò verai que los centralistas franchimands, els, an pas de problema per far l'union sacrada. Los socialistas jacobins a la saussa Chevenement, los "republicans" enrabiats de dreita e la fanga del FN, e ne dublidi, partejan los meteis arguments de marida fe per ensajar de nos sagnar. Son pas estofats de se potonejar, que l'òdi de la diversitat es mai fòrta.
Ieu, los esquerristas (va plan per "gauchistes" ?) m'agradan pas talament, n'en gardi un sovenir marrit (fogueri licean un còp era). Mas me fan racar mai que mai la jacobinalha que vòlon que crebem, els s'arrestaran jamai. Es perque vòli ben far l'union sacrada amb AAP. Aquò's un vejaire politic.
Siai d'accòrdi amb lo Danis, es pecat que d'autres moviments vengan pas aici far la lor publicitat. Tant pièg, vendran benlèu un jorn.

Pas question d'union sacrada per AAP, causa sabuda sia (se jamèi estó maucomprés). Quan avem conviccions revolucionàrias, cau estar logic e aunest dens lo militantisme de cada dia com dens las granas decisions politicas.

E ben va plan, cadun en cò sieu.

PicheBorgne a écrit:
Compreni pas cossi 'na lucha culturala pòt prene una dralha politica...
Pensi que i a de monde 'qui que pòrtan de bonas idèias sus la nòstra lenga e la nòstra cultura... Quò seria colha de tombar dins lo debat politic....

Una pichona remarca a la buta-buta:
De que vos diser per aquo.... me desencusi (aprep benleu traparas que teni un costat trop politic) mas personalament, consideri que del moment que dubrissi lo micro de Radio Occitania, per anonçiar un quite concors de lançada de beret, una montjetada o un espectacle de dança folkloric, e que lo fau en occitan, coma la lenga es forabandida (Cf l'article 2 de la consitucion de l'etat frances) es un acte politic....aprep qual arrivar de faire diferencia mentre politca "politiciana" e politica culturala, aprep ai ja remarcat una tendencia risoliera en ço dels culturals....cal pas parlar politica, fora del moment onte cal anar plorar subvencions.

M'arrestarai aici, personalament, soi de mai en mai optimiste per Occitania, encontri de mai en mai de monde (en encontreri encara aquela dimenjada) fora del mitan occitanISTES que son prestes de fargar d'accions, que tenon lo vam e l'estrambord per anar en dabanç sense s'encavar dins la garolhas que coneis l'occitanISME dempuei mai de 60 ans, teni de tirar lo capel a d'aquel monde e sabi que soi preste de los ajudar del mai que podi

Amistats

Cedric

Cedric nos caldrà explicar un jorn ço qu'es lo mitan occitanISTA perque de cops que i a ai de mal a te comprenguer mès bon! per n'en tornar al sicut, vesi pas per de que caldria pas far de politica quand parlem de la lenga occitana, vist qu'es una politica francesa d'escanar totas las lengas que son pas de frances estandard.
Coma o dits Cedric, a l'ora d'ara, la sola accion de parlar occitan dins un luoc public pot estre considerat coma un acte politic, una causida militanta (occitanista per ieu). Caldrà una decision politica per qu'aquo cambia. E per obtenguer aquel cambiament de politica, cal d'occitans de totas sensibilitat, e pas sonque d'extrema esquerra.

Òc, visca la dreta occitana.
Que n'èi hartèra que lo sol mejan de's pelejar dab aqueths salòps de capitalistas e de fascistas sia de franchimandejar. Que voi poder har un debat politic, quan seré a l'estanquet, en occitan e pas sus la politica lingüistica de França...mes sus tot çò qui pertòca la societat de uei lo dia: imigracion, educacion...

Qu'ei aquiu lo noste problèma: qu'èm tròp d'esquèrra, e ne'ns sabem pas plan véner. Que cau atirar los qui poderàn e voleràn har sòus dab e en occitan. Mes pasmens, ne'us sostienerèi pas, que soi de gaucha, anticapitalista, ecologista...
Quin dilemne! Quin paradòx!

M'engajarai pas tròp, mas pensi sincerament que s'òm a l'objectiu de far viure la lenga e la cultura occitana, se cal gardar de politizar tròp la causa. Si que non pels non-occitanistas, "occitan" equivaldrà simplament "caganha intellectuala" e eventualament "revolucinari dangeirós".

Après tot depend del contèxte...

As pas devut encontrar las bonas personas lavetz

Confessi una part de marida fe. Las causas son pas tant simplassas. Ai trapat de militants cagants e d'autres chanuts. Bon, davant un veire, las causas sempre s'apasiman...

Cal de tot per faire un pais, cresi (e es pas per destriar culturau de politic) pensi (e trapi aquo malastros) que un fum de monde an pas conciencia que coma le disia Bombonarèla tot es politic (en aprofiechi per citar en eisemple los catalans del nord, onte los occitanISTES demandon "encargat de cultura occitana" a las comunas, i'a a Perpinyia Jaume Roure que el es "Encargat dels Afars Catalans" (m'anetz diser benleu far troba o juoc de paraulas ieu trapi que ten la sua importencia).

Concernissan ço que dit bombarèla sul necite d'adobar projecte cultural soi d'acordi aprep, pensi tanben (mas me sembla que l'aviai ja dit aici) que per aver l'occitan vist de biais normau, cal adobar projecte en occitan mas que tenon pas l'etiqueta "occitana (m'espliqui, personalament, la meuna politica coma president de l'associacion d'adobament de concert "A la Raspalha" es la seguenta : far doas ans organiseri en partenariat amb lo Bikini un concert que se disia "Occitania e Libertat" amb La Fanfara dels Goulamas, Lou Seriol e Oai Star, e l'etiqueta que pegueri foguet concert de Ska pas concert occitan (coma disi tot temps, se deman fau venir Iron Maiden, farai un concert de Heavy metal, pas un concert ingles), ten lo meriti de tirar los fans de ska sense tirar sul costat cliche "es occitan, doncas son de vielhs a beret amb d'accordeons", sense daissar de costat l'occitan (la comunicacion es bilingue, l'aficatge sul site es sia bilingue, sia occitan/iconografic (se dessenhetz un got de cervesa e que marquet "Estanquet" es tan efficaç que de botar Estanquet/Bar)

Concernissant l'intervencion de San-Marti (fanton soi confle de trabalh, mas prometi (se los administrators veson pas de contras-indicacions) farai un post tre que tendrai leser per esplicar lo per de que "d'occitanISTES"), d'acòrdi una decision e una pression politica cap a una legiferacion tenon un costat important al nivel "dardenas" aquo dit, pensi pas que se deman l'estat frances dit "L'occitan es oficial", la lenga tornara per carrieras cop sec (a mai se pausara un probleme de norma per los papiers oficials que menaria sia a un rambalh, sia a un trencatge d'OCcitania per airal dialectal, mas aquo es una autra contesta). Aprep quitament se Occitania es variadissa politicament se cal malfisar de las "recuperacions de las ideas e de las valors al profiech d'autres (per aver entrevistat un soçi de JIDOC jos cobert de l'anonimat (mas me sembla pas desconegut dels vielhs del MEDOC mtpl) an leu fach de transmudar lo dreit dels occitans de trabalhar al pais sense se faire exilhar a Paris en "se i'a pas de trabalh pels occitans, es la peca dels imigrats" e dirai que malastrosament, lo monde d'estrema dreita son maravilhos e professionau al nivel de l'acion militanta ( lo trabalh que podrian faire 20 militants lambda en dos jorns, 5 o 6 d'estrema dreita, le farian en 1 serada), e coma la problematica occitana es pas fòrça conneguda se l'estrema dreita capita de far creire qu'es lo seu combat, pensi pas que serem en mesura de faire una contra-comunicacion.

Un darrier punt (desencusats soi un cop mai, un drin long) mas bon, cal de tot mas qual tanben que cadun demoresse dins la seu especialitat : cal monde que son capable d'esser "manhacs" (tant al nivel politic que culturau) e monde que podon esser mai "radicaus" (per ilustrar, un eisemple : ço que (entre autra) costet la vida al CROC Tolosa, es que quora avem lançat la campanha per las placas de carrieras en 2001, Convergencia Occitana era pas tan forta qu'aquo, lo POC era inexistant sus Tolosa al periode, doncas sem estat nosautres que sem estat obligeats de negociar amb los elegits, ço que nos tiret de las mans la possibilitat d'agir de biais mai radicau s'avian dit de non (es pas "credible" d'anar veser un elegit lo diluns per i demandar quicom manhagament e d'i tornar lo dimecres amb 40 placas de carrieras qu'as tiradas) doncas pensi que cal que cadun demora dins la seuna sensibilitat politica melhor de jogar a ço qu'es pas (ço que vol pas diser que mentre tendencia, podem pas discutir escambiar e travalhar clas).

Un tot darrier punt, pensi que se cal tanben malfisar de la generalisacion dels "Elegits en carga de l'occitan", aquo far que se anetz veser un elegit en carga de la cultura o un en carga de l'urbanisme per un projecte especific (direm un concert per la cultura e un projecte de placas toristicas per l'urbanisme) vos van tot temps remandar cap "a l'elegit en carga de l'occitan que se tracha de tot ço que concernis lo pates", ço que nos bota en concurencia rapòrt a las subvencions, e lo fach de fargar aquel mena de "ministeri" de l'occitan, balha l'impression al monde que l'occitan es dins un prat cvarrat, pr'amor que pensi que l'occitan (tant coma l'environa....) son subjectes que debons esser de pertot.

Aprep concernissant lo vejaire de Bombanarèla sus los "folcloristes culturistes", vos conselhi a totes d'escotar "La Maire" sus "I Virasolelh" (lo darrier Lou Dalfin) dins lo cal me sembla que Sergio resuma plan la situacion

Amistats

Cedric