OCCITANIA !! Forum


Vous n'êtes pas connecté. Connectez-vous ou enregistrez-vous

Lo Disco Occitan, perqué ?

Aller à la page : 1, 2, 3, 4  Suivant

Voir le sujet précédent Voir le sujet suivant Aller en bas  Message [Page 1 sur 4]

1 Lo Disco Occitan, perqué ? le Lun 7 Avr - 16:39

Florenç dau Palis


Cap
Cap
Handmade in Occitany fai son disco en occitan, perqué ?
Perqué me sembla que la musica deis occitanistas es pas totjorn
la musica deis occitans !!
Perqué m’agrada lo disco, e per ara crese que se pot pas
encara faire una serada completa en passent sonque de musica occitana. Perqué
se l’om ama sa lenga e sa cultura fau occitanisa tot ço que pot estre occitanisat
e totei lei menas de musica e sortir dau balalin e balalan neo-tradicionau.
Lo divendre de ser l’occitanista vai au balèti dansa sus
« balalin e balalan ! pomas, rasims, figas e castanhas ! » (veses
un pauc loi nivèu dei paraulas !) valent a dire que vai dansar sus lei
tubes colhonàs deis anadas 1800. E compren pas, l’occitanista, la musica
qu’escota son drolle, que dis totjorn la mema frasa « one more time !
Around the world... ! » aquesta musica es veraiament colhona per
l’occitanista. Es de merda per l’occitanista, mai es de merda de vuei, e es
aquò qu’agrada ais occitans de vuei (e de deman), a son drolle, a son poble, dau
temps que eu dansa sus lei merda de 1700, pimpalapom, pimpalalan.

Quauqueis exemples de capitada en musica « identitàri » :
Perqué Massilia an capitat ?
Perque an fach de reggae, perque an parlat de la vida de
vuei, perque se son basat sus lei simbèu de Marselha de vuei : l’OM, lo
pastaga… Avetz pas remarcat que lei dos gropes occitan lei mai coneiguts que
totei i fan referencia, Massilia e lei Fabulos, an quasi jamai ren fach ame
leis instruments tradicionau !?

Perque « lo mia » d’I am es estat un tubàs ?
Perque fasien de rap, parlavan de la realitat de ara ais
occitan que restan a Marselha ara. Perque parlavan de l’epoca que sortien
dansar en boita sus lei tubes disco. La mager part deis occitans dansava lo
disco dau temps que leis occitanistas dansavan lo pimpalapom pimpalalan (e
tamben lo disco, mai d’esconduda !). « Lo mia » d’I am es
una cançon força identitari, detz cops mai que lei 5300 versions de « Diga
Joaneta » qu’an fach leis gropes occitans (Handmade es a alestir la
sieuna). Amé « Lo mia » I am faguèran de musica occitana en françés
sensa lo saupre.

E la musica tzigana ?
Siau segur emai seguaràs que sus lei 13 000 000
d’Occitans que siam n’i a mai que coneissan la musica tzigana moderna
popularizada per de tipes coma Emir Kusturica, o de DJ coma Shantel. Aquèleis
artites an pas agut paur de faire de disco, de techno (coneissetz totei lo
« pittbull, terrier !!). Perqué podem pas faire parrièr ?

Es per aquo q’ai fach mon disco, meme s’es pron maladrech
(siau pas musicaire, siau soncament motivat). Ai fach tamben una canson un pauc
estile anada 80 perque es aquesta musica de la radio que me brecèt e pas lo
galobet o la craba. Siau drolle de paisan occitan, pas d’occitanista militant,
pamens siau occitan, non ?? Quand ere pichonet cantave lei cançons de
Niagara e Desire less, e quasi gis de balalin e balalan.

Sus lo forom n’i a quand dich que i agradava pas lo disco de
Handmade, podian pas mai me faire plaser !!! Quora n’i a per totei lei
gosts es la prova que la musica es viva !

N’i a tamben un que se garçava un pauc de Joanda. E ben la
setmana passada una drolla que ven de se botar a l’occitan venguèt a l’ostau
per aguer un pauc d’ajuda. I faguere escotar Joanda e i agradèt fòrça, talament
que i balhere lo CD (que ieu me fara pas fauta !!). Vòle gramarcejar
Joanda per aguer fach una musica que m’agrada pas mai qu’es diferenta de tot
que s’era fach, e que fai viure la lenga en defòra dau « balalin e balalan »
e dau « balalin e balalan remixat electro » deis occitanistas. La
musica intelectuala n’avem pron. Es colhon mai la musica populària deis annadas
1600 es venguda musica intelectuala en 2008, la musica d’aquèlei que s’arapan
lo caulet sus son identitat.

Segur que per ara lo disco de Handmade agrada mai ais
occitanistas qu’ais occitans ! Mai au mens la dralha es duberta…

http://profile.myspace.com/handmadeinoccitany

2 Re: Lo Disco Occitan, perqué ? le Mar 8 Avr - 12:06

Zengi


Trobador !!
Trobador !!
Esperam tostemps lo cd ! Content

3 Re: Lo Disco Occitan, perqué ? le Mar 8 Avr - 12:40

IEU


Pintaire
Pintaire
Florenç dau Palis a écrit: Avetz pas remarcat que lei dos gropes occitan lei mai coneiguts que
totei i fan referencia, Massilia e lei Fabulos, an quasi jamai ren fach ame
leis instruments tradicionau !?



De Qué ???
Ne sias segur d'aquo?

4 Re: Lo Disco Occitan, perqué ? le Mar 8 Avr - 15:31

Bombonarèla


Pintaire
Pintaire
Waho !! òm vos distribuis de drògas duras a gratis al Palis ??? Clucant

5 Re: Lo Disco Occitan, perqué ? le Mar 8 Avr - 18:43

Florenç dau Palis


Cap
Cap
Ai! sembla qu'ai dich de conariàs, e ai pas agut besonh de tubar per lei dire! mai amariàu que l'om me digue onte son lei conariàs...

Per aquo de Massilia e dei Fabulous, me sembla totjorn que sa musica fai pas trop folk occitan, non? Onte sont la "viela a roda", lo galobet e lo tamborin, la cabreta... e meme se n i a un pauc sa musica sona pas folk, a mon vejaire.

lo poton

http://profile.myspace.com/handmadeinoccitany

6 Re: Lo Disco Occitan, perqué ? le Mar 8 Avr - 19:06

joan_cavalier


Trobador !!
Trobador !!
ont es lo tamborin dins Fabulos....bona question IOI

Aprep Massilia obran dempuei d'anadas (mentre autras gens) amb Loddo e la Talvera (se escota plan s'ausit de cabra)

http://www.myspace.com/joan_cavalier

7 Re: Lo Disco Occitan, perqué ? le Mar 8 Avr - 19:15

Bombonarèla


Pintaire
Pintaire
Non!! ges de conaria grandarassa, ieu ai pas d'amor prigond per lo disco e coma "ieu " (lo gavach) me sembla que l'utilisacion dels instruments tradicionals es mai granda que ço que pensas...
Si que non, soi suspresa (e es agradiu e risolier) per ton vam e ton relais de paraula qu' es ... euh... fol... e estrambordat!!!

I a pas (per un cop) de marridas causas de legir dins mon messatge... Clucant

8 Re: Lo Disco Occitan, perqué ? le Mer 9 Avr - 9:29

IEU


Pintaire
Pintaire
Vaqui. Òsca

Per ço que sabi, Sicre a utilisat un fum d'instrument "tradicionals" (de cops que i a tanben pas forçadament occitans) dins sos disques que siague lo tamborin, lo timpanon de causas aital...(es pas los fabulos mas as pas que d'escotar lo darrièr CD de Bombes 2 bal, es el que joga dessus.

Justament, me balha una ideà! perque pas un disco soncament amb d'instruments tradicionals....

9 Re: Lo Disco Occitan, perqué ? le Mer 9 Avr - 11:49

Zengi


Trobador !!
Trobador !!
Qu'es aquò aquera coneria !! Lo discò e's pòt pas har shens un bon son sintetic qui peta las aurelhas ! Lo son de la maquina !

10 Re: Lo Disco Occitan, perqué ? le Mer 9 Avr - 19:06

Romegaire


Draquilhon
Draquilhon
IEU a écrit:

Justament, me balha una ideà! perque pas un disco soncament amb d'instruments tradicionals....

Òsca Aqui una idea que m'agrada!! Descontrusir lo disco a partir dels instruments tradicionals. N'esperavi pas mens per part d'un admirator de Michel Cremadès. Es pas que siaguèssi un fan dels instruments trads, mas me reividinqui anti-discoISTA (d'unes que sembla d'èsser allergic als mots en ISTA, me perdonaràn, esperi, aquel neologisme.). Dins lo meteis ordre d'ideas prepausi de crear un disco unicament a basa de collectatges (mèfi private joc: "Ièu" imatgina-te los "Kabaoenoen" de Papon en disco! Escacalassant ). A prepaus de disco, soi curios de saupre de qué ne pensa Picheborgne? Se sias per aqui fanton, fai nos ton analisi de ço que dèu èsser lo disco occitan, tu que sias tant estat influenciat per la musica de Joan-da!!
Ane potons a totes los que o meritan... e mème als autres

11 Re: Lo Disco Occitan, perqué ? le Mer 9 Avr - 20:09

Bombonarèla


Pintaire
Pintaire
!! òsca per un disco Paponesc !!! Vos seguissi tanben sus l'idèa "Kabeoenoen" en plen, e lo Bojarron qu'es pas luènh ne dèu pensar la meteissa causa!! Fan de puta, seriá estrambordant!!

Idèa E de se pausar la question : a quand un disco "Putassa, tripla conassa, anuèit seras privada de..." Héhé ??!!

12 Re: Lo Disco Occitan, perqué ? le Jeu 10 Avr - 7:49

IEU


Pintaire
Pintaire
E ben vaqui!!!
Anam crear lo "Discollectage"!!!! Idèa
Romegaire, benlèu que soi fan de Michel Cremadès, mas tu sias vengut un vertadièr català...Paure fanton...
Siquenon vau demandar l'autorisacion per lo disco paponesc a la persona concernida...

Bombonarèla a écrit:!! òsca per un disco Paponesc !!! Vos seguissi tanben sus l'idèa "Kabeoenoen" en plen, e lo Bojarron qu'es pas luènh ne dèu pensar la meteissa causa!! Fan de puta, seriá estrambordant!!

Idèa E de se pausar la question : a quand un disco "Putassa, tripla conassa, anuèit seras privada de..." Héhé ??!!

Macarèl!! anam formar los "Papon and the gang"!

13 Re: Lo Disco Occitan, perqué ? le Jeu 10 Avr - 10:15

Romegaire


Draquilhon
Draquilhon
Bombonarèla a écrit:!! a quand un disco "Putassa, tripla conassa, anuèit seras privada de..." Héhé ??!!
Quanas ideas maravilhosas om pot aver quand om ditz de conarias entre amics... Osca Bombonarèla, l'aviai completament doblidat aquel famos "putassa, tripla conassa...". IEU, aurias degut èsser publicitari, lo titol "discollectatge" es tot simplament ... euh... etonnant. juste una question l'ainat
mas tu sias vengut un vertadièr català...Paure fanton...
perque serai ara mai catalan qu'abans? Me disètz "paure fanton" coma s'aquo èra una malautia... t'asseguri que i a pièger dins la vida que de se faire catalan: om pot èsser de Besièrs per exemple o de Monès-Prohencos. Diable Content (me desencusi per abança al prèp de tota la populacion d'aquelas dos maravilhosas localitats).

"Papon and the gang" for ever...

14 Re: Lo Disco Occitan, perqué ? le Jeu 10 Avr - 13:59

Bombonarèla


Pintaire
Pintaire
Pòpòpòp!!!! Om regla sos comptes amb lo gavachonèl sens faire intervenir Besièrs!!!

Per çò qu'es de meravilhosas localitats prepausi un luòc de repeticion pel nòstre grop a Vandeloves au mens òm pòt èsser segur d'aver pas de public!! Clucant

Tractors, araires & rock'n'roll quina decadencia!! Euh Disco! perdon...

"Papon & the Gang (Bang?!)" for ever...

(Desencusa me IEU, me'n vòli ja per "Bang"... )

15 Re: Lo Disco Occitan, perqué ? le Jeu 10 Avr - 16:54

IEU


Pintaire
Pintaire
Bombonarèla a écrit:

(Desencusa me IEU, me'n vòli ja per "Bang"... )

Trucat

Pan !
Colèra

Redola-Uèlhs

(M'agradan los esmileys...ne botarem d'en pertot sus la pocheta del CD!!!)

Oc Romegaire ara sias un vertadier catalan (gaita ton Avatar colhariquet!)...Oc es una malautià, mas te sortirem d'aquela marrida costuma...

Bombonarèla per ço qu'es de Vendelovas, soi d'accordi (d'alhors lo simple fach de ne parlar me far sentir un "vent d'amor"...sabi pas perque...Segurament lo nom de nostra primièra compo disco...)

Per ço qu'es de Besièrs...Tot es dich...

16 Re: Lo Disco Occitan, perqué ? le Jeu 10 Avr - 20:08

Romegaire


Draquilhon
Draquilhon
Me sembla que sèm partits en colha total dins aquel debat titolat "disco occitan perqué?"...
mas enfin contunhi ieu tanben.
D'en primièr chorma d'incultes se ditz pas "Vandeloves" mas Vendeloves Vergonha (mot d'origini tras qu'insegur, ieu m'agrada de dire que ven dels wisigoth, mas podètz pensar que ven dels sarazins se vos agrada mai).

D'en segon, per mon avatar
ara sias un vertadier catalan (gaita ton Avatar colhariquet!)...
t'ensenharai un autre jorn e a un autre luoc ont l'ai pescat. Te lo decodi quand mèmes. Lo tipe que veses es Puigcercos un dels caps d'Esquerra Republicana de Catalunya que flaira una culota (oc, o un estring se te va melhor) amb m'eslogan "ensuma baveta, com tu. vota esquerra com tu" cossi revirar sens èsser gorin? baveta (pichona bava)... culota... ja te pots imaginar. en fach sus l'aficha originala lo tipe flaira pas una culota mas una tomata. enfin m'a agradat alara l'ai fotut coma avatar, siquenon ailàs, soi pas encara vengut un vertadièr catalan...

17 Re: Lo Disco Occitan, perqué ? le Jeu 10 Avr - 20:56

Barbet


Occitan Warrior
Occitan Warrior
Romegaire a écrit:D'en primièr chorma d'incultes se ditz pas "Vandeloves" mas Vendeloves Vergonha (mot d'origini tras qu'insegur, ieu m'agrada de dire que ven dels wisigoth, mas podètz pensar que ven dels sarazins se vos agrada mai).

Visigòts, Sarasins...?
Ieu ai totjorn sostengut qu'emb un nom coma 'quò, "Vam de Loves" podiá soncament sortir de ...Belgica. Risolet Progressiu

18 Re: Lo Disco Occitan, perqué ? le Ven 11 Avr - 5:36

PicheBorgne


Draquilhon
Draquilhon
Romegaire a écrit:A prepaus de disco, soi curios de saupre de qué ne pensa Picheborgne? Se sias per aqui fanton, fai nos ton analisi de ço que dèu èsser lo disco occitan, tu que sias tant estat influenciat per la musica de Joan-da!!


Car amic.... a io m'agrada lo discò, mès lo discòccitan deuria pas èsser jogat qu'a la Bodega !!!! Felicitacions

Mai seriosament, Quò's una causas de las bonas, e meme se nos trufam de Joanda, lo trabalh de socialisacion de la lenga i es.... De musica discò en lenga nòstra quò tocara mai los afogats de discò que non pas los Occitanistes gavats de trad qu'an pas besonh de descubrir la nòstra cultura...
Lo Joanda tanben, fa passar dins una musica popularia la lenga, dins lo fond quò sensibilsa mai lo monde sus la lenga que dins un balèti.... Massilia parièr fin finala, en cantar marselhés dins de musica ragga dub....

19 Re: Lo Disco Occitan, perqué ? le Ven 11 Avr - 8:18

Romegaire


Draquilhon
Draquilhon
Mai seriosament, Quò's una causas de las bonas, e meme se nos trufam de Joanda, lo trabalh de socialisacion de la lenga i es....

T'asseguri, que me trufi pas brica de Joanda. El fa ço que fa, om pot aimar o pas, mas efectivament es un biais mai de far servir la lenga d'oc e de la far viure. Rai per la necessitat de diversitat... aprèp per ço qu'es del disco qu'es presentat aqui sus aquel forum (handmade in occitanie, es aquo?), sèm pas nimai obligat d'adaptar tot tipe de causas a l'occitan... sèm parlants d'una lenga minoritaria en situacion de substitucion linguistica, rai, mas om pot pasmens servar un pauc de dignitat.

20 Re: Lo Disco Occitan, perqué ? le Ven 11 Avr - 8:56

joan_cavalier


Trobador !!
Trobador !!
Romegaire a écrit:
T'asseguri, que me trufi pas brica de Joanda. El fa ço que fa, om pot aimar o pas, mas efectivament es un biais mai de far servir la lenga d'oc e de la far viure. Rai per la necessitat de diversitat... aprèp per ço qu'es del disco qu'es presentat aqui sus aquel forum (handmade in occitanie, es aquo?), sèm pas nimai obligat d'adaptar tot tipe de causas a l'occitan... sèm parlants d'una lenga minoritaria en situacion de substitucion linguistica, rai, mas om pot pasmens servar un pauc de dignitat.

Compreni pas consi pòt d'un cant tener lo discors que ten sus Joanda e de l'autre cant tustar sus la demarcha Handmade in Occitania....

Onte seguissem lo rasonament primier: en lo diguant a la Cedric, ta ieu musicalament Joanda e Faydits son d'una qualitat musicala força...subjectiva, aprep se els se fan plazer se i'a monde al qual agrada....qual de tot per faire Occitania e es valable per totun, sia i'a que tenon lo dreit e d'autres non...

Aprep parla "d'adaptar tota mena de causas a l'Occitan", pensi pas (esperi pas ) que Handmade en Occitania siaguesse una volontat d'adaptar "l'occitan a la disco", benleu i'a un afogament per l'occitan e lo disco (ieu teni un animator a la radio que far de Dance en occitan) aquò es different e pot trapar un public, veire quitament un public "normau" qu'aima la disco (me far estranh de pegar "normau e qu'aima la disco" mas rai), val melhor que qualqu'un qu'estima un estile de musica fasga la musica qu'i agrada en lenga nostra, que non pas qualqu'un ensaja de faire aquò per de que "seria plan per dobrir l'occitan" (vesi maridament d'eisemple Patric montar una cola de Heavy-Metal, basta Hantaoma lo far fòrça ben (n.b: pels fans de Metal, vos aconselhi sus lor myspace la lora adptacion en occitan de "To Tame a Land" d'Iron Maiden), vesi maridament Goulamas'k se fotre a faire de dance, rai Uranium 235 e DJ Miqueu le fan força ben...)

A la meuna coneissença la sola adaptacion forçada de l'occitan per pegar a un estile de musica foguet l'afar "Occitania" onte an capitat de monstrar qu'en prenan bon musicianss (Isabela Frances, Gerard Zuchetto, Domenje Regef) e en lor faguent faire musica qu'es pas la lora dins l'amira de "dubrir un creneau" òm obten....una resulta catastrofica

http://www.myspace.com/joan_cavalier

21 Re: Lo Disco Occitan, perqué ? le Ven 11 Avr - 10:01

Florenç dau Palis


Cap
Cap
Mai seriosament, Quò's una causas de las bonas,
e meme se nos trufam de Joanda, lo trabalh de socialisacion de la lenga
i es.... De musica discò en lenga nòstra quò tocara mai los afogats de
discò que non pas los Occitanistes gavats de trad qu'an pas besonh de
descubrir la nòstra cultura...
Lo Joanda tanben, fa passar dins una
musica popularia la lenga, dins lo fond quò sensibilsa mai lo monde sus
la lenga que dins un balèti.... Massilia parièr fin finala, en cantar
marselhés dins de musica ragga dub....


As tot comprès colèga!
La musica occitana deu pas estre (per ieu) una musica soncament per occitanista. Ai fach un "disco" occitan (de segur qu'aquèlei qu'aman veraiament lo disco se garçaran d'aqueu mesclum fach a la man...) per faire una musica que siegue pas occitana per lo son, mai perque siàu occitan..!?§?

Vole dire qu'a l'ora d'ara s'escota de tot de pertot, se fai de tot de pertot. Se pou tamben faire de musica occitana a New York, pou i aguer un tipe ailà per prene un galobet e faire "lo brande de l'ors". Es pas per aquo que sa musica (a mon vejaire) sarà occitana. L'idèia es pas de faire de "musica occitana" es d'estre occitan, lei dos peds dins sa terra, parlar sa lenga totei lei jorns... e faire de musica. Aquò cambia tot.
Massilia fan de reggae-ragga, mai anetz pas me dire qu'aquò siegue de musica jamaicana, es de musica occitana perque son engagats dins/per la cultura nostra. Se fas una salsa, mai que ton inspiracion, ta materia artistica, ton engatgament siegue en Occitania, fas de musica occitana (e un pauc latina tamben, ben segur..).
Me sembla que dins ço que s'apela ara "musica occitana" i a trop de gropes que sentes pas pron l'occitanitat darrièr. Ai agut escotat de causas que sonan "hors-sol" e que son força trop intelectualisada, son dins una recerca de ço que "deurià estre" la musica occitana. Es pas l'emplec dei instrument tradicionaus que fai l'occitanitat. Per ieu l'ideia es de viure son occitanitat e faire ço que t'agrada, pas mai. Sabe pas se i arribarai, a faire passar aquo, veirem ben. Mon disco occitan l'ai enregistrat lei sèrs quand podaviam lei olivièrs en parlen la lenga tota la jornada, sentetz pas l'odor dau raçum d'olivièr?

lo poton

http://profile.myspace.com/handmadeinoccitany

22 Re: Lo Disco Occitan, perqué ? le Ven 11 Avr - 10:40

Romegaire


Draquilhon
Draquilhon

Romegaire a écrit:

T'asseguri, que me trufi pas brica de Joanda. El fa ço que fa, om pot aimar o pas, mas efectivament es un biais mai de far servir la lenga d'oc e de la far viure. Rai per la necessitat de diversitat... aprèp per ço qu'es del disco qu'es presentat aqui sus aquel forum (handmade in occitanie, es aquo?), sèm pas nimai obligat d'adaptar tot tipe de causas a l'occitan... sèm parlants d'una lenga minoritaria en situacion de substitucion linguistica, rai, mas om pot pasmens servar un pauc de dignitat.



Compreni pas consi pòt d'un cant tener lo discors que ten sus Joanda e de l'autre cant tustar sus la demarcha Handmade in Occitania....

Onte seguissem lo rasonament primier: en lo diguant a la Cedric, ta ieu musicalament Joanda e Faydits son d'una qualitat musicala força...subjectiva, aprep se els se fan plazer se i'a monde al qual agrada....qual de tot per faire Occitania e es valable per totun, sia i'a que tenon lo dreit e d'autres non...

I a pas res a comprener... Lo disco es quicom que me confla e aqui tot. Es un jutjament complement subjectiu e totalament meu. demandi pas a deguns d'aimar ço qu'aimi, ni de destestar ço que destesti.
Apuèi es pas que preivilegièssi Joanda a rapport dels autres, as benlèu rason per ço que disias de la qualitat, mas se Joanda capita de faire aimar ço que fa es una bona causa. e tant melhors se d'afogats d'aquela musica prenon plaser a ne faire en lenga occitana. Encoratgi de tot cor l'amic Dau Palis a faire sa musica, d'autant mai que m'agrada son biais de pensar la causa.
Quand parli de dignitat, es ironicament e totalament personal; l'occitan es una lenga qu'es a crebar, o sabèm totes, mas m'agradaria soncament que son darrièr badalh siague escupit sus una musica autra que lo disco... (es pas qu'una question de gost e de preferencia personala).
Empacha pas de segur, que dins una dinamica de normalisacion (mèfi ai dich normalizacion e non pas normativizacion; parli de sociolinguistica) cal de tota menas de causas sul plan de la creacion artistica per faire de l'occitan una lenga que ten cap a la normalitat. E pensi que sus aquel punt tot lo mond es aqui d'accordi.

23 Re: Lo Disco Occitan, perqué ? le Ven 11 Avr - 11:37

Florenç dau Palis


Cap
Cap
Adieu,
l'occitan es pas una lenga a crebar, es una lenga a renaisser, la prova... se fai meme de disco en occitan!

Per ço que disiàu dessus a prepaus de "l'occitanitat" de la musica, fau ben precisar que darrièr tot aquo i a pas l'idèia d'estre "un pur" perque siàu a la campanha e parlem un pauc a l'ostau e que lei autrei "fan semblant". Mai fau pas que la musica occitana siegue qu'una moda, "cante en lenga e aquo marcha perque es la moda e es mai aisat que d'anar a Paris", fau pas que siegue soncament de forma "prene la craba e aquo lo fai perque es la moda" fau que i ague tamben lo fond.

Per acabar sus lo disco, aquèla idèia a ren a veire amé la re-moda dau disco d'ara qu'es mai que caganta e comerciala. Lo cop que ven vos farai un zok!

Lo poton

http://profile.myspace.com/handmadeinoccitany

24 Re: Lo Disco Occitan, perqué ? le Ven 11 Avr - 16:49

LaurençD


Occitan Warrior
Occitan Warrior
Es pas de creire coma d'unas discussions podon venir esotericas, per pas dire cagantas, quand se parla de musica. Amics musicològs, lo discò es un tipe de musica que i a pas ren de dire dessus. S'escota pas sul cuou : se dança dins una discoteca, bandat de preferença. La votz de la mameta darrièr lo bom-bom electronic, aquò me regaudis. Merda, capitaretz pas de nos sagnar, çò dis la mameta. Fasèm çò que vòlem, contunhèm de bolegar. Avèm 1000 ans e dançam lo discò !

25 Re: Lo Disco Occitan, perqué ? le Ven 11 Avr - 17:55

IEU


Pintaire
Pintaire
Aquo ven serios...comença de m'emmerdar...



Bite au cul!

26 Re: Lo Disco Occitan, perqué ? le Sam 12 Avr - 19:09

Yellow


En Preson !
Non mai fin finala Romegaire, puèi que l'occitan es a crebar, es una bòna ideia de lo far auvir sus una musica mort-née, de que n'en pensas?


Foin de commentaires
sus Besiers, aquesta vila n'en amerita pas tant

http://myspace.com/yellowspliff

27 Re: Lo Disco Occitan, perqué ? le Sam 12 Avr - 20:51

LaurençD


Occitan Warrior
Occitan Warrior
Adiu joine jaune. De polidas mostachas te son vengudas dempuèi que sias sortit de ton banh.
Yellow a écrit:Foin de commentaires sus Besiers, aquesta vila n'en amerita pas tant
E de que pensas de Serinhan ?

28 Re: Lo Disco Occitan, perqué ? le Sam 12 Avr - 21:36

Yellow


En Preson !
Ah ti pòdi pas dire, connoissi pas Serinhan

http://myspace.com/yellowspliff

29 Re: Lo Disco Occitan, perqué ? le Dim 13 Avr - 12:23

Sokolovic


Trobador !!
Trobador !!
Yellow a écrit:Foin de commentaires sus Besiers, aquesta vila n'en amerita pas tant
Ahaha

Es un de Monteplhier, de segur LA ciutat de mèrda per excelléncia, que nos ven cantar aquò !

Urosament que l'a encara de ciutats coma Besiers encò vòstre vai !

A ieu, m'a sempre fa pensar a Marselha aquesta ciutat, a tot lo mens la mentalitat dei gents.

Mai Montpelhier... Malaut

30 Re: Lo Disco Occitan, perqué ? le Dim 13 Avr - 12:57

joan_cavalier


Trobador !!
Trobador !!
Ah oc, a Marselha tanben i'a de monde que devalon las carrieras en bordilhera completament bandat ?????

Aprep de vertat que Yellow ten un ligam especial per Besiers

http://www.myspace.com/joan_cavalier

31 Re: Lo Disco Occitan, perqué ? Aujourd'hui à 22:21

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 4]

Aller à la page : 1, 2, 3, 4  Suivant

Permission de ce forum:
Vous ne pouvez pas répondre aux sujets dans ce forum