OCCITANIA !! Forum


Vous n'êtes pas connecté. Connectez-vous ou enregistrez-vous

Qualitat de la lenga

Aller à la page : Précédent  1, 2, 3

Voir le sujet précédent Voir le sujet suivant Aller en bas  Message [Page 3 sur 3]

1 Qualitat de la lenga le Dim 16 Mar - 17:03

Barbet


Occitan Warrior
Occitan Warrior
Rappel du premier message :

PicheBorgne a écrit:lo rasonament per io es mai qu'aisit : n'avèm una lenga que se moris, e dempèi un brave moment n'avèm tota una ramada d'estructuras (la tièira ne seria trop longassa...) per la far viure dins mai d'una fòrma... çò que nos manca son de bons locutors... que parlan la lenga coma la lora lenga e non pas una lenga estangièira... perqué quand se met en lenga nòstra (coma dins cada amai lenga ) l'accent francès, quò la fa venir coma estrangièira... mentre que quand nosaus parlam francés n'avèm l'accent "occitan"...
Donc, io pensi que la tòca prumièira quò's far viure la lenga, en la parlar. Mès cossi voletz que sia viva s'es parlada coma io parli russe.... 'Qui podèm pas far de programas "ERASMUS" o sai pas quna auta conaria coma quò, ie siem desjà dins lo pais !
Davant tota causa nos cal retrobar una lenga de qualitat, e quand disi quò parli pas d'una mena d'eleita lingüistica, mès d'un accent, d'una intonacion, d'una prononciacion... E PAS DE FRANCES !!!!
Trabalhi dins lo centre calandreta e vesi la diferencia d'engatjament entre los regents que tenon una lenga mai que bona e los autes.... (levats lo trabalh mai que remirable d'unes regents que parlan mal mès que fan d'esfòrces sus eles..).

Es en parlant coma la pòdi auvir cada jorn la lenga, parlada per de toristes en manca de solelh benlèu e maitot d'una plaça tranquilleta per pas res fotre apèi, que participan çò eles al nòstre genocide cultural....


M'afrairi en çò que dises.

Mi remembri quora fasiáu de lengas a la fac, quinei que siegan lo prof tornava prene lei decas de prononciacien, de lònga, çò que fa que de còps que li a passava 25 minutas emb un estudiant per fin que saupe prononciar coma si deu. Mi remembri tanben qu'en occitan... si fasiá pas gaire...

L'ensenhament es quasi lo solet mejan de transmissien de la lenga qu'avèm encuèi, se leis estudiants ò escolans son "victimas" de la lenga qu'aprenon, es ren lo cas dei profs. Fòrça fan son trabalh emb passien mas la qualitat de la lenga li es pas totjorn. Es un bèu problèma qu'empacha d'avançar sus de basas sanicas, qu'emb aquò entretèn de charradissas longarassas SUS la lenga puslèu que EN lenga... Que perda de temps!

Calandreta qu'a per exemple un potenciau de transmissien extraordinari fa dins d'unei ròdols de generaciens de locutors per cu la prosodia de l'occitan (emb aquò la sintaxi) son estrangieras, l'accent si resumis a una prononciacien franchimanda clòta. Franc d'aver una volontat balèsa aquelei locutors nòus si pausaràn jamai la questien de la qualitat de sa lenga, estent que seràn quasi jamai acarats en de locutors de la lenga mai autentica.
D'estrambòts de prononciacien coma *anglès [anglEs], *calandrèta [kalandrEto], *parlaM [parlam] (per anglés [angles] calandreta [kalandreto] e parlam [parlan]) venon normaus, meme problèma per l'intonacien... e una lenga parallèla ibrida si desvolopa en ranquejant.

Seriá interessant per aquelei qu'an un pè dins lo militantisme occitan, dins l'ensenhament (public, calandreta), dins l'associatiu de durbir una discussien en interna sus la qualitat de l'occitan aprés. Una minoritat es còntra ò se'n bate, lo demai soncament s'avisan manco de quina lenga parlan.

La màger part dei gents aicí son preocupats per la qualitat de la lenga d'aprene e de transmetre, bessai qu'en durbent lo talh clavarem lei parladissas esterilas que van a l'encòntre deis interès de l'occitan. Clucant


61 Re: Qualitat de la lenga le Dim 6 Avr - 20:52

Barbet


Occitan Warrior
Occitan Warrior
Tiston a écrit:mas per la lenga parlada, fau passar après a las discussions ambe de locutors naturaus, e ente se troben lo mai? a la campanha! e oc-es quo sembla 'n'evidencia, mas pense priondament que certans obluden que lu melhor moien d'aprener a prononçar la lenga autentica qu'es de surtir de sa vila de 500 000 abitants...
...Mas lu fach es qu'auei la lenga naturala es morta dins las granda vilas, los darriers locutors (o 99 per cents) demoran a la campanha... qu'es qui que fau 'nar cerchar 'na lenga autentica e la tornar menar en vila...

En plen d'acòrdi emb tu segur, una excepcien totun rapòrt a çò que dises, Niça. Es la soleta gròssa vila qu'ai ausit naturalament parlar occitan per carrieras. De joines, e de mens joines. Rèsti pas luenh, emb aquò lo darrier còp que li anèri fa una banda de mes foguèri espantat.
Verai es l'excepcien, mas s'amerita d'èstre dich!

(Niça foguèt anexada "soncament" en 1860)

62 Re: Qualitat de la lenga le Lun 7 Avr - 6:58

joan_cavalier


Trobador !!
Trobador !!
Serai mens negre dins l'aprocha, l'occitan demora quitament dins lo frances, dins la vida videnta d'autres ciutat (Marselha, Tolosa) o de ciutat mai pichona (Pamias, Fois, Tarbas, Pau...) dins lo "frances locau", me diras basta pas per aver una armada de premis nobels de litteratura, çaquelà far una belugueta, que si bufem plan dessus, pot faire tornar prener lo fuòc (a mai m'estimi mai aquò, que sabi pas ço que fariem d'una armada de premi nobels de litteratura, sabi pas consi las cals noirir per las faire venir aquelas bestias......)

http://www.myspace.com/joan_cavalier

63 Re: Qualitat de la lenga le Lun 7 Avr - 8:52

Danís


Adjudant
Un pòt se pausar la question de saure se un Prèmi Nobel nos ajuda vertadierament...tots los frances s'en foten plan dau Nobel de Mistral, e sei segur que a l'ora d'ara, "Bienvenue chez les Ch'tis", emb son recòrd d'entrada, fai mai per la visibilitat dau Picard, que Mistral per la de l'occitan...malurosament...

64 Re: Qualitat de la lenga le Lun 7 Avr - 9:17

joan_cavalier


Trobador !!
Trobador !!
Pensas doncas que caldria balhar un Prèmi Nobel a Dany Boon ? IOI

http://www.myspace.com/joan_cavalier

65 Re: Qualitat de la lenga le Lun 7 Avr - 12:07

Yellow


En Preson !
darboneta a écrit:
Yellow a écrit:(accrochez vous à vos slips c'est du texto)

Espècia de macho!!! L' a de filhas tanben , sus lo forum!!!!!! Ironic

Ah ben ouais, mai sabi que per eisemple ma frèma, li arriba de portar mei slips (pòrti pas de slips, es un biais de dire, alara dins lo cas que portarias lo slip de ton òme, t'i pòs arrapar.

Romegaire a écrit:
si fa reprèner per lo pròfe (lo lionés que
parlavias Matieu) sus lo tèma (accrochez vous à vos slips c'est du
texto): "aqui es una licencia d'occitan, pas de provençal"...

Los
cal benlèu pas metre totes dins la mema saca, dins los profs de
l'universitat clapassièira d'unes son mai tolerants. N'i a mème que
gausan parlar un volapuc estranh tot drech davalat dels Alps prigonds. Reverar


Es verai, mai son pas majoritàris, e de matièras coma medievau vò civilizacien son pas tant importantas (mesme en terme d'oras) que la dialecto aplicada ai lengas estrangièras que son lo provençau e lo gascon a costat de la lenga de referència qu'es l'occitan.

(Beurk le gavot)

Romegaire a écrit:
savètz lo temps que fau ais enfants d'occitanistas per ausar parlar patois sensa complexe
per
ço qu'es dels complexe, amic Yellow, pensi pas que siaguèsse una
especialitat dels enfants d'occitanistas. Cadun ailàs en temps que
locutor d'aquela lenga rebala la seuna part de complexes... Coneissi
pas deguns occitanista, filh d'occitanista o tot simplament occitanofon
qu'utilize l'occitan coma una lenga "normala".

Pasmens te
rejonhèr sus la caça sistematica de d'unes a la particularitat
dialectala. A mai amb mon lengadocian central pron normalisat (o me cal
plan reconeisser, una granda part de ma lenga l'ai apresa per l'escola
e n'ai pas brica vergonha), me soi fach mantunes cops corregir per aver
utilizat de formas gramaticalas tropas gavachas al gost de la
clapassalha universitària.

Vò, mai en temps que filh d'occitanistas e dau fach que n'ai agut crosat fòrça dins ma longa vida, ai vist mantunei biais de faire: siague un moment de rejièt, seguit d'un moment monte lo tipe (vò la tipessa, darbonèta velha) s' i torna interessar, siague un rejièt complet e perque pas una vergonha de ne parlar ("-oui, mon père a un cancer an -moi c'est pire an, il est occitaniste an -oh, ma pôvre an! -ouais an c'est trop ringard an n'en parlez jamais an!"), e de si metre a far semblant de parlar.


Matieu C. a écrit:

S'es verai çò qu'es estat dich (es una
licéncia d'occitan, pas de provençau), siam dins un cas pron grèu a
rapòrt de la lenga e de sa situacion. Subretot quora es dich per
quaucun qu'es profssor de facultat. Siás segur que lo diguèt pas d'un
biais galejaire ?

Vò, mai a n'aquesto moment, fau ben definir tre la debuta ce qu'es l occitan dins la plaquèta d'informacien de l'UFR d occitan: l'occitan es lo lengadocian centrau, lo rèste es pas d'occitan.

E non, ailas, lo diguèt pas a la galejaire, es pas son biais...

http://myspace.com/yellowspliff

66 provençau le Mar 7 Oct - 7:34

gilcarr


Gacha Empega !
Gacha Empega !
Que chale de legir aicí çò que pensi despuei tant lòngtèmps!
En Provènça ai ausit tant de còps de gènts que, en francés, parlavan "avé l'accent", e que cresián qu'aquel accènt èra simplament de transpausar en òc tau e quau. E aquò dona un parlar paure, sènsa gost, sènsa relèu. L'accènt qu'avèm gardat en francès s'es aluenchat deis articulacions vertadieras de l'occitan. Quand èri joine, apreniam l'englés, a la debuta, ambé l'alfabet fonetic, e subretot començaviam pèr estudiar lei sons pròpris d'aquela lenga. Sènsa tornar a de metòdes ancians que pòdon èstre criticats, si poriá bensai chifrar au simple fach de s'avisar dei diferéncias fonologicas entre francés e occitan: aquò, luenh d'èstre rebarbatiu, pòu èstre un juec fòrça agradiu pèr joines ò mens joines, parlaires d'occitan ò non. Prene consciéncia que nòstra lenga possedís de sons, d'articulaciens, de melodiás de frasa, eca., que la fan unica, tant coma l'englés, l'alemand, e quna lenga que siágue.
Mon prepaus e de dire que, non soletament lo "bèn parlar" es important, mai qu'es pèr aquò que fau començar! Si pòu puei vèire gramatica, vocabulari, enfin tot ce que fau pèr parlar vertadierament.

http://www.agencemgb.com

67 Re: Qualitat de la lenga le Mar 7 Oct - 10:04

LaurençD


Occitan Warrior
Occitan Warrior
Un biais de prene consciencia de la specificitat de l'occitan devers lo francès es de parlar una autra lenga romana : lo castelhan o l'italian, per exemple. Se comprend lèu que lo francès es una lenga romana un pauc estranha : pas d'accentuacion, pauc de conjugasons... Una lenga romana fòrça germanizada, que. Atal se comprend qu'apertenèm a la civilisacion mediterranenca nosautres occitan (LA civilisacion), e non pas a la de las planas del nòrd (los barbaris !)


_________________
http://lacabraelolop.canalblog.com/

68 Re: Qualitat de la lenga le Ven 10 Oct - 21:05

Lo ton vesin


Guelha de bonda
Guelha de bonda
LaurençD a écrit:Un biais de prene consciencia de la specificitat de l'occitan devers lo francès es de parlar una autra lenga romana : lo castelhan o l'italian, per exemple. Se comprend lèu que lo francès es una lenga romana un pauc estranha : pas d'accentuacion, pauc de conjugasons... Una lenga romana fòrça germanizada, que. Atal se comprend qu'apertenèm a la civilisacion mediterranenca nosautres occitan (LA civilisacion), e non pas a la de las planas del nòrd (los barbaris !)

Qu'ei tanben primordiau entà evitar de calcar lo francés en occitan.

69 Re: Qualitat de la lenga Aujourd'hui à 6:10

Contenu sponsorisé


Voir le sujet précédent Voir le sujet suivant Revenir en haut  Message [Page 3 sur 3]

Aller à la page : Précédent  1, 2, 3

Sujets similaires

-

» Ilo Pablo n'est plus !

Permission de ce forum:
Vous ne pouvez pas répondre aux sujets dans ce forum