OCCITANIA !! Forum


Vous n'êtes pas connecté. Connectez-vous ou enregistrez-vous

Qualitat de la lenga

Aller à la page : Précédent  1, 2, 3  Suivant

Voir le sujet précédent Voir le sujet suivant Aller en bas  Message [Page 2 sur 3]

1 Qualitat de la lenga le Dim 16 Mar - 17:03

Barbet


Occitan Warrior
Occitan Warrior
Rappel du premier message :

PicheBorgne a écrit:lo rasonament per io es mai qu'aisit : n'avèm una lenga que se moris, e dempèi un brave moment n'avèm tota una ramada d'estructuras (la tièira ne seria trop longassa...) per la far viure dins mai d'una fòrma... çò que nos manca son de bons locutors... que parlan la lenga coma la lora lenga e non pas una lenga estangièira... perqué quand se met en lenga nòstra (coma dins cada amai lenga ) l'accent francès, quò la fa venir coma estrangièira... mentre que quand nosaus parlam francés n'avèm l'accent "occitan"...
Donc, io pensi que la tòca prumièira quò's far viure la lenga, en la parlar. Mès cossi voletz que sia viva s'es parlada coma io parli russe.... 'Qui podèm pas far de programas "ERASMUS" o sai pas quna auta conaria coma quò, ie siem desjà dins lo pais !
Davant tota causa nos cal retrobar una lenga de qualitat, e quand disi quò parli pas d'una mena d'eleita lingüistica, mès d'un accent, d'una intonacion, d'una prononciacion... E PAS DE FRANCES !!!!
Trabalhi dins lo centre calandreta e vesi la diferencia d'engatjament entre los regents que tenon una lenga mai que bona e los autes.... (levats lo trabalh mai que remirable d'unes regents que parlan mal mès que fan d'esfòrces sus eles..).

Es en parlant coma la pòdi auvir cada jorn la lenga, parlada per de toristes en manca de solelh benlèu e maitot d'una plaça tranquilleta per pas res fotre apèi, que participan çò eles al nòstre genocide cultural....


M'afrairi en çò que dises.

Mi remembri quora fasiáu de lengas a la fac, quinei que siegan lo prof tornava prene lei decas de prononciacien, de lònga, çò que fa que de còps que li a passava 25 minutas emb un estudiant per fin que saupe prononciar coma si deu. Mi remembri tanben qu'en occitan... si fasiá pas gaire...

L'ensenhament es quasi lo solet mejan de transmissien de la lenga qu'avèm encuèi, se leis estudiants ò escolans son "victimas" de la lenga qu'aprenon, es ren lo cas dei profs. Fòrça fan son trabalh emb passien mas la qualitat de la lenga li es pas totjorn. Es un bèu problèma qu'empacha d'avançar sus de basas sanicas, qu'emb aquò entretèn de charradissas longarassas SUS la lenga puslèu que EN lenga... Que perda de temps!

Calandreta qu'a per exemple un potenciau de transmissien extraordinari fa dins d'unei ròdols de generaciens de locutors per cu la prosodia de l'occitan (emb aquò la sintaxi) son estrangieras, l'accent si resumis a una prononciacien franchimanda clòta. Franc d'aver una volontat balèsa aquelei locutors nòus si pausaràn jamai la questien de la qualitat de sa lenga, estent que seràn quasi jamai acarats en de locutors de la lenga mai autentica.
D'estrambòts de prononciacien coma *anglès [anglEs], *calandrèta [kalandrEto], *parlaM [parlam] (per anglés [angles] calandreta [kalandreto] e parlam [parlan]) venon normaus, meme problèma per l'intonacien... e una lenga parallèla ibrida si desvolopa en ranquejant.

Seriá interessant per aquelei qu'an un pè dins lo militantisme occitan, dins l'ensenhament (public, calandreta), dins l'associatiu de durbir una discussien en interna sus la qualitat de l'occitan aprés. Una minoritat es còntra ò se'n bate, lo demai soncament s'avisan manco de quina lenga parlan.

La màger part dei gents aicí son preocupats per la qualitat de la lenga d'aprene e de transmetre, bessai qu'en durbent lo talh clavarem lei parladissas esterilas que van a l'encòntre deis interès de l'occitan. Clucant


31 Re: Qualitat de la lenga le Sam 29 Mar - 9:59

joan_cavalier


Trobador !!
Trobador !!
darbonèta a écrit:lo cresi pas qu'eisista encara lo metòde assimil. Ai apres l'inglés amé Assimil sus un Atari en 1985.....

Atari....1985,

Mèfi Darboneta, los mens de 20 ans van pas seguir IOI

http://www.myspace.com/joan_cavalier

32 Re: Qualitat de la lenga le Sam 29 Mar - 13:17

Zengi


Trobador !!
Trobador !!
Bide Total

33 Re: Qualitat de la lenga le Sam 29 Mar - 19:23

darboneta


Occitan Warrior
Occitan Warrior
Pièger encara ! Ai perpensat, era pas un Atari mai un Amstrad!!!!Se l'a quauqu'un que se nen remembra, gagna un còp a beure quora passa as Ais!!!


Aquò dis, ai après amé Assimil, qu'era simpatic coma metòda...mai en 1985!!!!!!

34 Re: Qualitat de la lenga le Lun 31 Mar - 17:20

Florenç dau Palis


Cap
Cap
Adièu en totei!
Lo colèga Bojarron m'a fach pensar que sus lo site de l'associacion de mon quartièr (Les amis de l'école du Palis) se pot escotar d'enregistraments de mon rode, per aquèlei que volon descubrit lo palar Provençau Rodanenc dau costat de Veison (Vaison La Romaine) ambe sei finala oralisadas en -a. Aquo fai quauqueis annada, veiretz que lo joine que pausa lei questions a un pauc l'accent ponchut... desempièi me siau ameliorat.
Lo site: http://amisecolepalis.free.fr
anatz sus "témoignages, enregistrements" avetz aqui un liame vers leis mp3.


Autra causa, es pron verai que fau faire parlar aquèlei qu'an encara la lenga dins leis aurihas. Dins aquèla amira, ai lo projecte de faire de talhièrs de conversacion: lo dimenga après dinnar, se retrobar dins un bar per parlar occitan (e tamben francès!!). Sarià quauca-ren de dubert en totei. Se segur qu'aquo pot marchar, me manca soncament lo temps per l'organisar.

Lo poton,
Florenç

http://profile.myspace.com/handmadeinoccitany

35 Re: Qualitat de la lenga le Lun 31 Mar - 18:30

Barbet


Occitan Warrior
Occitan Warrior
Chanut per lo site !

- Tras que bòna idèia que de far de rescòntres dins de cafès, espèri que va podràs engimbrar, desrevelharà bessai d'uneis ancians qu'an la lenga e pus gaire l'escasença de la parlar... en faguent emb aquò lo liame emb lei + joines... 10 sus 10 !

@ la revista!

36 Re: Qualitat de la lenga le Lun 31 Mar - 19:33

joan_cavalier


Trobador !!
Trobador !!
Es que cal botar panels...mercé de pas balhar de mangiscla a los que parlon occitan...?

Desencusatz me se soi un drin trufandier (me vau encara faire d'amics es la meuna serada) çaquelà Florenç, se te podi balha un conselh prepausa subjecte de discutir, que cal pas desbrembar ue l'occitan es pas una tòca una finalitat...es pas qu'una lenga un espleche de comunicacion

http://www.myspace.com/joan_cavalier

37 Re: Qualitat de la lenga le Lun 31 Mar - 20:43

LaurençD


Occitan Warrior
Occitan Warrior
E ben ieu la trobi plan bòna aquela ideia : far de talhiers de conversacions. D'occitans creban de pas jamai poder parlar la lenga, levat dins lo cervèl. (Ne siai un ! Bon, es çò verai qu'esser occitan a Sant-Esteve, es a pauc près coma esser tibetenc a Taiti, a l'azard que Sant-Esteve es pas Taiti). Pel mut, parlar es una finalitat !

38 Re: Qualitat de la lenga le Lun 31 Mar - 21:05

joan_cavalier


Trobador !!
Trobador !!
Oc mas l'interest de parlar es de diser quicòm pas de faire bruche amb la boca pel plazer d'ausir la seuna votz...

Ta ieu una lenga que parla per parlar far pas mestier de res (coma me lo fasia remarcar recentament qualqu'un de plan que coneissi , benleu los pichons (de calandreta tan coma d'escola bilingues) s'estimarian d'aver quicom mai de se fotre jos las dents que "adieu soi Rebecca la vaca m"estimi de faire meuh" "E ieu, soi Rascal lo gal, soi per aqui de faire quiquiriqui"....

Parlar de causas qu'òm ten l'enveja d'en parlar melhor que trapar causas de parlar, pel plazer d'en parlar

Aqui lo meu paure vejaire d'ome "tombé d'un noisettier au pays de Salsepareille"

http://www.myspace.com/joan_cavalier

39 Re: Qualitat de la lenga le Lun 31 Mar - 21:56

Barbet


Occitan Warrior
Occitan Warrior
Un còp de mai Cedric ti tròbi fòrça negatiu.
Donar l'escasença en de monde de parlar la lenga, ò de l'ausir per d'autres es tras qu'interessant. Coma va ditz LaurençD d'unei ne petan de pas poder parlar sa lenga, e si recampar au cafè es un mejan per aquò faire.
En luega de charrar ai trufas ò ai carchòfles en occitan mas solet, anaràn bessai barjacar emb d'autres.
Es aquò tanben socializar la lenga, li donar una utilitat cada jorn, e tanben cu saup transmetre quauqua ren.

Agues pas paur, siáu segur qu'emb un pauc d'imaginacien lo monde podràn dire dos mòts assenats a de reng...

40 Re: Qualitat de la lenga le Lun 31 Mar - 22:05

Barbet


Occitan Warrior
Occitan Warrior
P.S: Tu qu'escuepes de lònga sus leis ipotetics occitanistas que fòra-bandisson lo monde e lei descòran avans qu'agan dich 3 mòts, avisa ti qu'un tipe arriba aicí, que pòsta son segond messatge (qu'emb aquò presenta un projèct chanut d'escambi!) e ja si fa dalhar...
...Quora d'unei parlan de solidaritat occitana...

41 Re: Qualitat de la lenga le Mar 1 Avr - 5:07

joan_cavalier


Trobador !!
Trobador !!
qui sias tu que sias negatiu, era pas una dalha era pas qu'un conselh, per aver viscut doas o tres seradas atal... aprep cadun entend las causas coma ten l'enveja de las entendre ....

http://www.myspace.com/joan_cavalier

42 Re: Qualitat de la lenga le Mar 1 Avr - 9:12

Barbet


Occitan Warrior
Occitan Warrior
joan_cavalier a écrit:Es que cal botar panels...mercé de pas balhar de mangiscla a los que parlon occitan...?
...Oc mas l'interest de parlar es de diser quicòm pas de faire bruche amb la boca pel plazer d'ausir la seuna votz...

Si conoisse d'encoratjaments mai biaissuts, s'entende lei cauvas coma son escrichas.
Questien : Quora tf1 filmèron L'Estanquet a Tolosa, quin èra lo tèma de discussien alestit per la serada?

43 Re: Qualitat de la lenga le Mar 1 Avr - 9:35

joan_cavalier


Trobador !!
Trobador !!
L'impacte de la filosofia cartesiana sus la cultura de la raviola al Senegal septemtrional ont se parla lo gascon de la montanha negra.

Mescla tot Bojarron, parli pas de pausar un teme sus una discutida mentre amics, parlavi al nivel de la reclama de faire per faire venir monde nou (sap, monde que parlon pas la lenga mas que serian interessats de l'aprener o monde que la parlon sense n'aver consciencia) me pareissavia pas una maissanta idea de pausar aficas en diguant "Discutida sus aquel teme en occitan" (en ensajan de se tirar dels "clichés" (pastoralisme, tradicion, lenguistica, catars....) que non pas "serada parlem occitan", disi pas que deu esser sistematic, mas me semblavia un bon conselh, aprep la tòca meuna era pas de criticar lo projecte de Florenç, era un conselh, bojarron te cal pas veser maissantaria onte i'a pas

http://www.myspace.com/joan_cavalier

44 Re: Qualitat de la lenga le Mar 1 Avr - 10:17

Barbet


Occitan Warrior
Occitan Warrior
Siáu pas segur de mesclar que que siegue, ton biais de respòndre èra gaire positiu. Crèses pas qu'avans de donar de conseus rabinós sensa manco saupre çò que vòu faire, seriá ben de li demandar son projèct precís maniera d'installar una discussien? Que bessai li a pensat a aquò, finala...

45 Re: Qualitat de la lenga le Mar 1 Avr - 11:15

Bombonarèla


Pintaire
Pintaire
joan_cavalier a écrit:Es que cal botar panels...mercé de pas balhar de mangiscla a los que parlon occitan...?
joan_cavalier a écrit:Oc mas l'interest de parlar es de diser quicòm pas de faire bruche amb la boca pel plazer d'ausir la seuna votz...
"adieu soi Rebecca la vaca m"estimi de faire meuh"
"E ieu, soi Rascal lo gal, soi per aqui de faire quiquiriqui"....

Te defendes d'èsser negatiu, alara, s'es pas aquò... (domatge)... trapi que çò que dises es una escòrna vertadièra al projècte de Florenç...
Per un còp, qualqu'un fa de son engatjament e de son militantisme (que descridas tant) un projècte que tend a rendre l'occitan present dins la vida vidanta d'un vilatge, òsca!
Pensar que lo monde del Palis (al biais de Calandreta) an pas res de se contar d'autre que la vida de "Pegos lo Gos" o de "Garspard lo Singlar", es una escòrna...
Pensar que l'Ome (l'umanitat) es pas capable de tenir una discutida naturala e que la discutida serà forçadament artificiala, es negatiu...
Pensi que i tot un fum de subjèctes d'abordar dins un bar, a l'entorn d'un veire de vin, d'un cafè o encara d'un jòc de cartas, es un luèc formidable per socialisar la lenga, un luèc formidable per se rescontrar e parlar... per se coneisser, e per se sentir mens sol (coma locutor)...
Tu que deploras que lo monde parle "DE l'occitan" e non pas "EN occitan" aqui as un òme que seguis la dralha que t'interessa...

Pensi que quora qualqu'un fa (enfin) quicòm (de plan), i a pas res d'autre a faire que saludar la seuna iniciativa, lo cal grandmercejar e picar de las mans!!!!!

46 Re: Qualitat de la lenga le Mar 1 Avr - 12:16

joan_cavalier


Trobador !!
Trobador !!
N'ai un sadol de me tornar diser mas era UN CONSELH (coma l'ai dit, saludi l'iniciativa de Florenç, per res amagar se aquò se far soi quitament interessat per faire una entrevista d'el per n'en parlar).

Soi d'acòrdi amb lo subjecte estanquet luòc per faire passar la lenga (Alan Keben e Gavachas podan testimoniar que n'avem usat mai que mai del temps onte i'avia un estanquet a Tolosa) aprep de vertat que ma pèca es ma vision "ciutadana" (far un briu que daisseri lo meu campestre) e qu'es vertat qu'es mens aisit de faire aquò dins una ciutat sense subjecte de conversa a l'encontrari d'un estanquet campestral onte lo monde se coneisson e es mai convivial, aprep pausarai una question que pòt semblar nèçi : se lo monde se coneisson e coneisson ja la lenga...per de que parlon pas la lenga naturaument ? es per aquò que l'idea del subjecte me pareissia brava de conselhar al Florenç (m'estimaria de coneisser la seuna reaccion e se a pres lo meu messatge coma una agression o coma un conselh)

http://www.myspace.com/joan_cavalier

47 Re: Qualitat de la lenga le Mar 1 Avr - 12:46

Sokolovic


Trobador !!
Trobador !!
E ben mon paure...
Ti siás bravament fach picar sus lei dets.
Per quan a ieu atròvi tanben qu'es una iniciativa bòna. Mai compreni çò que voliá dire Joan Cavalier, emai lo diguèt d'un biais un pauc "cavalier" (CQFD).
Espèri de nòvas d'aqueu projècte, emai si debana un pauc tròp luench d'en cò mieu per que li pòsqui anar, lo concepte pòu èstre interessant.
De seguir.


Mai, subretot òsca per lo sit ambé lei collectagis, qu'es un tresòr vertadier (e lo vau far virar en totei mei colègas apassionats per la lenga).

48 Re: Qualitat de la lenga le Mer 2 Avr - 11:05

Yellow


En Preson !
L' a tanben un cauvo que fau pas oblidar: nautrei siam toei mai o mens bilingues, capables de parlar a l'encòp patois vò francés, e correctament dins lei doei cas, e au vist de la situacien linguistica francésa, es normau que si vegue de contaminaciens de l'occitan que parlam per lo francés. Avèm bèu ensajar de s'en sortir, es impossible, per aguer parlat emé de locutors naturaus (de gents qu an degut aprèner lo francés alara que parlavan sonque patois), ai ben vist la diferencia, e l'incapacitat qu'avèm de parlar un occitan blos e pròchi dau patois de nòstrei reires grands (e tant pis per lei mai conservators que cercan lo perfach de la lenga blosa), en mesme temps es pas un mau, fau acceptar que lei lengas evoluan...



Dernière édition par Yellow le Mer 2 Avr - 11:14, édité 1 fois

http://myspace.com/yellowspliff

49 Re: Qualitat de la lenga le Mer 2 Avr - 11:13

Yellow


En Preson !
PicheBorgne a écrit:io passère un parelh d'annadas a la fac d'occitan, e ne partiguère car podiai pas pus suportar 'quel trabalh de desaprentissatge que fan als estudiant desjà locutors... Mon accent lor semblava "estrangièr", vòli dire que mon parlar èra pas lo de Calandreta, alaura lo pròf me faisia tornar prene a l'oral coma se pronciavi mal la causa de dire.... io teni los 95% del meu parlar del pepin. Lo pròf es un lionés....
Apèi, io que trabalhi a Calandreta ensagi de far parlar d'unes regents que valon lo còp coma cal, e n'ai capitat de lor far prene conciença que se dèu pas èsser negligida la qualitat de la lenga e qu'an un trabalh gigantàs de fargar sus aquò. D'unes son prestes de s'ie metre al trabalh, e n'espèri una generalisacion sus Occitania tota... Clucant
Benlèu soi un pauc tròp idealiste mès cal martelar tot aquel monde.... Son tant acostumats de parlar pas per res o sus de subjèctes sens importancias (istòria de mostrar que se bolegan per quicòm...) que lor cal traire un bon emplastre pel morre per los evelhar !!! Clucant
Quò foncciona, vos prometi !!!

Francament, mi conoisses, siau d'accordi emé tu, e es per aquò que quora parli deis occitanistas montpelherencs a la radio leis insulti e passi mon temps a metre en garda contre elei...

Lo problèma es que l'assuman, mai lo dién pas, ce que vòu rend dire va confessi. Vau ilustrar sara mielhs :per eisemple un colèga mieu, originàri d' Aubanha, arriba en licència d'oc a Montpelhier. A un moment, si sente lèste a parlar (savètz lo temps que fau ais enfants d'occitanistas per ausar parlar patois sensa complexe), e si fa reprèner per lo pròfe (lo lionés que parlavias Matieu) sus lo tèma (accrochez vous à vos slips c'est du texto): "aqui es una licencia d'occitan, pas de provençal"...

Mai quand li diras que son de colhas centralistas, ti diran que non, elei son per lei dialectes, e qu'es aquò la riquesa de l'occitan... Cherchez l'erreur...

http://myspace.com/yellowspliff

50 Re: Qualitat de la lenga le Mer 2 Avr - 12:05

LaurençD


Occitan Warrior
Occitan Warrior
Yellow a écrit:L' a tanben un cauvo que fau pas oblidar: nautrei siam toei mai o mens bilingues, capables de parlar a l'encòp patois vò francés

E ben aquò's pas verai : ieu, lo "patès", lo sabi pas, l'ai jamai ausit. Lo primier còp qu'ai ausit (escotar seria melhor) parlar occitan foguèt en segonda, al licéu.

51 Re: Qualitat de la lenga le Mer 2 Avr - 16:28

Yellow


En Preson !
Es un biais de dire, auriai degut precisar perdon... Vau dire la mesma cava... Si ne siam a encuolar lei moscas auvèri lo patois (si significa per tu l'occitan dei locutors naturaus) a 17 ans

http://myspace.com/yellowspliff

52 Re: Qualitat de la lenga le Mer 2 Avr - 16:45

LaurençD


Occitan Warrior
Occitan Warrior
Ai pas jamai encuolat de moscas. L'occitan es pas ma lenga mairala, la parli pas correntament. Ensaji de contunhar de l'aprenne e fau de pecas. Sabi pas çò qu'es lo patès.
Si c'est pour dire des saloperies, continuons en français.

53 Re: Qualitat de la lenga le Mer 2 Avr - 17:56

darboneta


Occitan Warrior
Occitan Warrior
Yellow a écrit:(accrochez vous à vos slips c'est du texto)

Espècia de macho!!! L' a de filhas tanben , sus lo forum!!!!!! Ironic

54 Re: Qualitat de la lenga le Mer 2 Avr - 18:24

Romegaire


Draquilhon
Draquilhon
si fa reprèner per lo pròfe (lo lionés que parlavias Matieu) sus lo tèma (accrochez vous à vos slips c'est du texto): "aqui es una licencia d'occitan, pas de provençal"...

Los cal benlèu pas metre totes dins la mema saca, dins los profs de l'universitat clapassièira d'unes son mai tolerants. N'i a mème que gausan parlar un volapuc estranh tot drech davalat dels Alps prigonds. Reverar

savètz lo temps que fau ais enfants d'occitanistas per ausar parlar patois sensa complexe
per ço qu'es dels complexe, amic Yellow, pensi pas que siaguèsse una especialitat dels enfants d'occitanistas. Cadun ailàs en temps que locutor d'aquela lenga rebala la seuna part de complexes... Coneissi pas deguns occitanista, filh d'occitanista o tot simplament occitanofon qu'utilize l'occitan coma una lenga "normala".

Pasmens te rejonhèr sus la caça sistematica de d'unes a la particularitat dialectala. A mai amb mon lengadocian central pron normalisat (o me cal plan reconeisser, una granda part de ma lenga l'ai apresa per l'escola e n'ai pas brica vergonha), me soi fach mantunes cops corregir per aver utilizat de formas gramaticalas tropas gavachas al gost de la clapassalha universitària.

55 Re: Qualitat de la lenga le Jeu 3 Avr - 12:06

Sokolovic


Trobador !!
Trobador !!
Romegaire a écrit:
si fa reprèner per lo pròfe (lo lionés que parlavias Matieu) sus lo tèma (accrochez vous à vos slips c'est du texto): "aqui es una licencia d'occitan, pas de provençal"...

Los cal benlèu pas metre totes dins la mema saca, dins los profs de l'universitat clapassièira d'unes son mai tolerants. N'i a mème que gausan parlar un volapuc estranh tot drech davalat dels Alps prigonds. Reverar

savètz lo temps que fau ais enfants d'occitanistas per ausar parlar patois sensa complexe
per ço qu'es dels complexe, amic Yellow, pensi pas que siaguèsse una especialitat dels enfants d'occitanistas. Cadun ailàs en temps que locutor d'aquela lenga rebala la seuna part de complexes... Coneissi pas deguns occitanista, filh d'occitanista o tot simplament occitanofon qu'utilize l'occitan coma una lenga "normala".

Pasmens te rejonhèr sus la caça sistematica de d'unes a la particularitat dialectala. A mai amb mon lengadocian central pron normalisat (o me cal plan reconeisser, una granda part de ma lenga l'ai apresa per l'escola e n'ai pas brica vergonha), me soi fach mantunes cops corregir per aver utilizat de formas gramaticalas tropas gavachas al gost de la clapassalha universitària.

S'es verai çò qu'es estat dich (es una licéncia d'occitan, pas de provençau), siam dins un cas pron grèu a rapòrt de la lenga e de sa situacion. Subretot quora es dich per quaucun qu'es profssor de facultat. Siás segur que lo diguèt pas d'un biais galejaire ?

M'estona qu'un professor de Montpelhier ague pougut desparlar (!) coma aquò s'es pas de galejada.
Per quant a ieu, ai pas tant agut de problèmas qu'aquò a la Fac. A tot lo mens mi ne'n rameti pas.
Tot çò que m'ensoveni es qu'èri joine e un pauc tròp bolegon.
Pasmens, a levat dau Forêt (mi sembla qu'es d'aqueu que si parla), aguèri lei mesmes profs pensi.
Puei coma es estat dich, Martel ò Gouirand parlan pas en lengadocian mai ben dins son dialecte.

56 Re: Qualitat de la lenga le Jeu 3 Avr - 15:49

Romegaire


Draquilhon
Draquilhon
S'es verai çò qu'es estat dich (es una licéncia d'occitan, pas de provençau), siam dins un cas pron grèu a rapòrt de la lenga e de sa situacion. Subretot quora es dich per quaucun qu'es profssor de facultat. Siás segur que lo diguèt pas d'un biais galejaire ?
L'anecdota es pas meuna, es del Yellow alara podi pas res assegurar aqui dessus. Aprèp rai qu'a qualquas exepcions preps aguèrem los mèmes profs, e coma o as dich d'unes servon l'usatge de lor dialecte d'origini, e es tant plan. Mas sens tombar dins la paranoia anti-dialectala es vertat que per part de d'unes la tolerancia foguèt un briconèl limitada.

57 Re: Qualitat de la lenga le Ven 4 Avr - 17:42

Tiston


Occitan Warrior
Occitan Warrior
sei tornat legir lo debut d'aquela discussion...
per aprener la lenga, Assimil o Oc-ben! qu'es forca bien... mas per la lenga parlada, fau passar après a las discussions ambe de locutors naturaus, e ente se troben lo mai? a la campanha! e oc-es quo sembla 'n'evidencia, mas pense priondament que certans obluden que lu melhor moien d'aprener a prononçar la lenga autentica qu'es de surtir de sa vila de 500 000 abitants...
mas lu chamin es long per nostra generacion, de segur... mas coma zo rancurem, dins 25 ans quo sera trop tard per 'nar bargassar coma los vielhs que tenen l'occitan per lenga mairala...
concernant ço que disia lu Cedric dins 'n'autre sujet crese, personalament 'ribe pas de parlar exactament la mesma lenga quante anonce a la radio la surtida dau noveu Mauresca que quante parle coma los vielhs paisans amics de ma defunta granda, au fons de lor vilatge dins la montanha creusosa... e quo me fai chiar mas qu'es entau! benleu que quo chamnhara... qu'es un pauc coma au ping ping sabetz, quante jugatz contra un desbutant jugatz coma 'na merda, mas quante tombatz sus un bon jugador jugatz dietz cops mielhs... qu'es un misteri quo qui!
enfin, ço que ne'n dise, ieu...

58 Re: Qualitat de la lenga le Sam 5 Avr - 9:22

joan_cavalier


Trobador !!
Trobador !!
Tiston a écrit: mas pense priondament que certans obluden que lu melhor moien d'aprener a prononçar la lenga autentica qu'es de surtir de sa vila de 500 000 abitants...
Mèfi de pas tombar dins la problematica lo raton de las ciutat/lo raton dels camps, de pas desbrembar (agafatz vos per un còp vau pas fotre aquò sus l'esquina dels occitanISTES) que l'occitan se parlavia dins la ciutats bèlas, calguet d'anadas d'"obra" de l'estat frances per faire creire al monde que de tot biais i'avia pas que los "paisans del campestre" (ço que dins la lenga de "certs franceses" se dit "ploucs") o a l'ara l'ome que far l'òrt, la vielha que se tracha de recatar los linçòls.....
Cresi que l'occitan es tanben una lenga ciutadana.
Tiston a écrit: concernant ço que disia lu Cedric dins 'n'autre sujet crese, personalament 'ribe pas de parlar exactament la mesma lenga quante anonce a la radio la surtida dau noveu Mauresca que quante parle coma los vielhs paisans amics de ma defunta granda, au fons de lor vilatge dins la montanha creusosa... e quo me fai chiar mas qu'es entau! benleu que quo chamnhara...

Personalament te dirai que parli pas tanpauc (cambi pas d'occitan adapti) parier a la radio e amb los vielhs d'en ço mèu, preni certs "tics de lengas" particular als vielhs d'en ço mèu (a mai que dins lo meu cant d'Arieja, al vist de la proximitat amb Andorra, l'occitan es de còps catalanisat, i'a d'autras formas, atal los vielhs d'en çò meu (qu'es per tant considerada pels lenguistes coma un airal lengadocian) te diran "Adieu, quin va?", aprep fau mèfi de pas emplegar certs francismes qu'emplegon, mas cresi qu'aquò l'ai ja dit sul forom e ai ja contat per de que...

Cresi qu'aquò depassa la problematica de la lenga usitada per passar al biais de parlar del còr, Tiston, se me brembi plan ten una mitat d'origina non occitana, quora t'en vas del cant de la tua familha francesa, es que parlas lo meteis frances que quora parla frances a Lemotges?

Amistats

Cedric

http://www.myspace.com/joan_cavalier

59 Re: Qualitat de la lenga le Dim 6 Avr - 16:11

Tiston


Occitan Warrior
Occitan Warrior
joan_cavalier a écrit:[ que l'occitan se parlavia dins la ciutats bèlas, calguet d'anadas d'"obra" de l'estat frances per faire creire al monde que de tot biais i'avia pas que los "paisans del campestre" (ço que dins la lenga de "certs franceses" se dit "ploucs") o a l'ara l'ome que far l'òrt, la vielha que se tracha de recatar los linçòls.....
Cresi que l'occitan es tanben una lenga ciutadana.

sei d''accord, enfin coneisse subretot l'eisemple de Limotges, vila obriera, los obriers parlavan tots occitan jurqu'a la seconda guerra, mas la mai granda part eran de familha paisana (venguts a la vila per fugir la misera de la terra)... qu'es benleu disparier a Tolosa, ne'n sai ren... http://www.ponticauds.org

Mas lu fach es qu'auei la lenga naturala es morta dins las granda vilas, los darriers locutors (o 99 per cents) demoran a la campanha... qu'es qui que fau 'nar cerchar 'na lenga autentica e la tornar menar en vila...

60 Re: Qualitat de la lenga le Dim 6 Avr - 16:19

Tiston


Occitan Warrior
Occitan Warrior
joan_cavalier a écrit:

Cresi qu'aquò depassa la problematica de la lenga usitada per passar al biais de parlar del còr, Tiston, se me brembi plan ten una mitat d'origina non occitana, quora t'en vas del cant de la tua familha francesa, es que parlas lo meteis frances que quora parla frances a Lemotges?


confesse que non... enfin qu'es ço que lu monde me disen... un jorn mon frair (qu'es demorat e trabalha dins lu nord-est), s'estonava de mon biais de parlar chas lu bocher a Limotges... eu coneis ben l'accent lemosin, tant coma me, mas dins ma bocha quo li fasia estranh... aura eu es abituat, eu sap que parle pas precisament parier a Limotges qu'a Reims... e mesme a Limotges, confesserai que parle pas parier chas lu bocher, ambe un vielh dins la charriera o ben ambe un colega de 25 ans... qu'es pas 'na question de renegar, qu'es 'na question d'adaptacion, de mimetisme... mas bon dins tots los cas, quand parle frances, ai pas l'accent occitan de ma granda per eisemple, perque ai frotjat dins 'na granda vila dau nord-est de França... um puou pas obludar lu biais de parlar de sas 18 prumieras annadas... per contra ai pas l'accent de la Marna (que sembla a l'accent ch'ti mas beucop mens poiat, qu'es la mesma diferencia qu'entre un lemosin e un tolosan se voles), perque mos parents e mos grands l'an pas, per contra mon frair que trabalha despuei 7 ans dins lu mitan agricola e vinhairon de Champanha te ten un accent "champenois" dau diable... e a me, per eisemple, quo-qui me fai un pauc estranh... per resumar, sai pas coma parlavem quand nos eram pitits, mas despuei quauqu'annadas nos am pres daus chamins oraus completament dispariers e nos estonem quante nos vesem... (- "a tu dises quo coma quo te?" - -"ben oc-es, coma que tu dises, te?"), la diversitat de l'exagona dins la familha que... Escacalassant

61 Re: Qualitat de la lenga Aujourd'hui à 1:55

Contenu sponsorisé


Voir le sujet précédent Voir le sujet suivant Revenir en haut  Message [Page 2 sur 3]

Aller à la page : Précédent  1, 2, 3  Suivant

Sujets similaires

-

» Ilo Pablo n'est plus !

Permission de ce forum:
Vous ne pouvez pas répondre aux sujets dans ce forum