OCCITANIA !! Forum


Vous n'êtes pas connecté. Connectez-vous ou enregistrez-vous

Qualitat de la lenga

Aller à la page : 1, 2, 3  Suivant

Voir le sujet précédent Voir le sujet suivant Aller en bas  Message [Page 1 sur 3]

1 Qualitat de la lenga le Dim 16 Mar - 17:03

Barbet


Occitan Warrior
Occitan Warrior
PicheBorgne a écrit:lo rasonament per io es mai qu'aisit : n'avèm una lenga que se moris, e dempèi un brave moment n'avèm tota una ramada d'estructuras (la tièira ne seria trop longassa...) per la far viure dins mai d'una fòrma... çò que nos manca son de bons locutors... que parlan la lenga coma la lora lenga e non pas una lenga estangièira... perqué quand se met en lenga nòstra (coma dins cada amai lenga ) l'accent francès, quò la fa venir coma estrangièira... mentre que quand nosaus parlam francés n'avèm l'accent "occitan"...
Donc, io pensi que la tòca prumièira quò's far viure la lenga, en la parlar. Mès cossi voletz que sia viva s'es parlada coma io parli russe.... 'Qui podèm pas far de programas "ERASMUS" o sai pas quna auta conaria coma quò, ie siem desjà dins lo pais !
Davant tota causa nos cal retrobar una lenga de qualitat, e quand disi quò parli pas d'una mena d'eleita lingüistica, mès d'un accent, d'una intonacion, d'una prononciacion... E PAS DE FRANCES !!!!
Trabalhi dins lo centre calandreta e vesi la diferencia d'engatjament entre los regents que tenon una lenga mai que bona e los autes.... (levats lo trabalh mai que remirable d'unes regents que parlan mal mès que fan d'esfòrces sus eles..).

Es en parlant coma la pòdi auvir cada jorn la lenga, parlada per de toristes en manca de solelh benlèu e maitot d'una plaça tranquilleta per pas res fotre apèi, que participan çò eles al nòstre genocide cultural....


M'afrairi en çò que dises.

Mi remembri quora fasiáu de lengas a la fac, quinei que siegan lo prof tornava prene lei decas de prononciacien, de lònga, çò que fa que de còps que li a passava 25 minutas emb un estudiant per fin que saupe prononciar coma si deu. Mi remembri tanben qu'en occitan... si fasiá pas gaire...

L'ensenhament es quasi lo solet mejan de transmissien de la lenga qu'avèm encuèi, se leis estudiants ò escolans son "victimas" de la lenga qu'aprenon, es ren lo cas dei profs. Fòrça fan son trabalh emb passien mas la qualitat de la lenga li es pas totjorn. Es un bèu problèma qu'empacha d'avançar sus de basas sanicas, qu'emb aquò entretèn de charradissas longarassas SUS la lenga puslèu que EN lenga... Que perda de temps!

Calandreta qu'a per exemple un potenciau de transmissien extraordinari fa dins d'unei ròdols de generaciens de locutors per cu la prosodia de l'occitan (emb aquò la sintaxi) son estrangieras, l'accent si resumis a una prononciacien franchimanda clòta. Franc d'aver una volontat balèsa aquelei locutors nòus si pausaràn jamai la questien de la qualitat de sa lenga, estent que seràn quasi jamai acarats en de locutors de la lenga mai autentica.
D'estrambòts de prononciacien coma *anglès [anglEs], *calandrèta [kalandrEto], *parlaM [parlam] (per anglés [angles] calandreta [kalandreto] e parlam [parlan]) venon normaus, meme problèma per l'intonacien... e una lenga parallèla ibrida si desvolopa en ranquejant.

Seriá interessant per aquelei qu'an un pè dins lo militantisme occitan, dins l'ensenhament (public, calandreta), dins l'associatiu de durbir una discussien en interna sus la qualitat de l'occitan aprés. Una minoritat es còntra ò se'n bate, lo demai soncament s'avisan manco de quina lenga parlan.

La màger part dei gents aicí son preocupats per la qualitat de la lenga d'aprene e de transmetre, bessai qu'en durbent lo talh clavarem lei parladissas esterilas que van a l'encòntre deis interès de l'occitan. Clucant

2 Re: Qualitat de la lenga le Dim 16 Mar - 18:33

darboneta


Occitan Warrior
Occitan Warrior
Ai ben enveja de te respòndre ! Siáu d’acòrd amé tu quora parles de charradissas longarassas SUS la lenga puslèu que EN lenga.

Vòli pas explicar ço que pensi de l’ideia de la qualitat de la lenga o de la « lenga ibrida » que se desvolopa, pensi que serem encara pas d’acord . Vòli justa dire coma si passa l’ensenhament provencau e , subretot, coma se debana la formacion deis ensenhaires dins mon despartament .Mèfi, es una escòla publica, après, sabi pas coma se passa dins lei calandretas.



Per estre ensenhaire dins una escòla provençala, fau passar un agradamen . Per l’agradamen, fau preparar un tèxt en provençau sus la metòde qu’es emplegada en classa per faire aprendre la lenga ais escolans.

Si pòu faire amé lo diccionari , o amé leis formators per aquelei que passon l’agradamen dau temps de la formacion IUFM. Après, fau saupre de còr lo text e lo recitar davans un formator ( qu’a enveja qu’un molon de seis escolans reüssisson l’examen) e un inspector de langa regionala que parla pas lo provencau !!!!! Tot aquò per dire que l’a un molon de personas que son en escòlas provencalas e que sabon pas parlar la lenga corrèctament .Nen siáu una .



Per nos autreis, es pas aisat : siam en apprentissatge tant que leis escolans !!!! A l’escòla, va ben perque l’a una metòde , qu’es registrada a l’orau , fau seguir la metòde per estre segur que l’a pas de dècas. Mai la metoda a sei defauts e si vòu cambiar , fau assajar de lo faire sensa faire de dècas. Vas me dire , fau faire un esfòrç e trabalhar la lenga .

Aquò es lo problemi . : quora un conselher vèn dins ta classa, s’occupa mai dau contengut pedagogic que de la lenga .Fau dire que son tres per lo despartament , donc an pas totjorn lo temps de venir ….

Ai fach un estagi de perfeccionament en provencau ,per me melhorar . Dau temps de l’estagi, quora pausi una question , la respònsa era « fau dire coma t’agrada , l’essenciau es de parlar »En generau, m’agrada ben aquela respònsa , mai pas dins un estagi per se melhorar en lenga !!!!!!

Vas me dire, fau assajar de te melhorar d’un autra biais que per l’ EN. Ieu, vòli ben ! Siáu annada a z-Ais per prendre dei cors , son lo diluns, a 16 oras . Ieu, lo diluns ,a 16 oras , siáu dins ma classa ….

Fin finala, assaji de me melhorar tota soleta per lo moment . Mai , lo fai perque ai enveja de faire un esfòrç amé lo provencau, pas soncament per l’escòla .

Fau confessar que fau estre motivat per apprendre una lenga de qualitat ais escolans, quant d’ensenhaire per faire un tal esfòrç ?

3 Re: Qualitat de la lenga le Dim 16 Mar - 18:34

Florenç dau Palis


Cap
Cap
Aquo es pron verai, quand dises: "anem cercar l'erbèta per faire l'omelèta" as pron " l'air bête" perque la musica de la lenga i es pas. I a tamben lo problema de l'accent tonic.
La soleta solucion es d'anar veire lei locutors naturau e de parlar ame elei, de leis enregistrar e de tabalhar sa prononciacion, totei leis jorns.
Pense que vau mieu parlar una lenga un pauc "patoise" ame pron de francisme mai una bona prononciacion qu'una lenga pron normada mai ame una marida prononciacion. L'om a totjorn lo temps de prene de mot novèu per remplaçar lei francismes, mai quand prenes de marideis abitudas de prononciacion lei perdes jamai.

http://profile.myspace.com/handmadeinoccitany

4 Re: Qualitat de la lenga le Dim 16 Mar - 19:03

Tiston


Occitan Warrior
Occitan Warrior
darbonèta a écrit:Ai ben enveja de te respòndre ! Siáu d’acòrd amé tu quora parles de charradissas longarassas SUS la lenga puslèu que EN lenga.

volia dreibir un noveu subjet sus 'queu afar... constate despuei longtemps que i'a quasi p'un artista occitan que chanta pas de chançon SUS la lenga mas que se contenta de chantar DINS la lenga... tots los gropes de jounes (Mauresca, Arnapi, eca) ponien tant de chançon SUS la lenga... manca Loule Sabronde, Marilis o Bernat Combi (per esemple), coneisse pas beucop d'artistes que fan pas de chançons militantas e que se contenten de chantar la lenga per militar...
sei clar? pas segur...
volia nonmas parlar de 'queu "simptome" plan revelator...

5 Re: Qualitat de la lenga le Dim 16 Mar - 19:22

darboneta


Occitan Warrior
Occitan Warrior
Vai pas encara m'explicar !!!!!!Ieu, ai enveja de parlar ,pas de militar !!!!
E lei joves fan tanben de canson en occitan que parla pas de l'occitan .I a un temps per parlar de la lenga e un autra per parlar de tot ....E trobi , que sus lo forum, si parla que de l'occitan .Vas me dire , es ben normau,lo fau ben faire a un endrech e lo forum sembla estre l'endrech perfech mai m'agradarià tanben de parlar en occitan d'una autra cava de temps en temps ...
Es per aquò que per me trobar , fau anar a l'estanquet... Risolet Progressiu

6 Re: Qualitat de la lenga le Dim 16 Mar - 19:28

darboneta


Occitan Warrior
Occitan Warrior
parli de l'estanquet dau forum !!!

7 Re: Qualitat de la lenga le Dim 16 Mar - 20:45

Barbet


Occitan Warrior
Occitan Warrior
Florenç dau Palis a écrit:Aquo es pron verai, quand dises: "anem cercar l'erbèta per faire l'omelèta" as pron " l'air bête" perque la musica de la lenga i es pas. I a tamben lo problema de l'accent tonic.
La soleta solucion es d'anar veire lei locutors naturau e de parlar ame elei, de leis enregistrar e de tabalhar sa prononciacion, totei leis jorns.
Pense que vau mieu parlar una lenga un pauc "patoise" ame pron de francisme mai una bona prononciacion qu'una lenga pron normada mai ame una marida prononciacion. L'om a totjorn lo temps de prene de mot novèu per remplaçar lei francismes, mai quand prenes de marideis abitudas de prononciacion lei perdes jamai.

En plen d'acòrdi emb tu e sus leis amiras de seguir.
(Tombèri sus un site que caupiá d'enregistraments interessants dau Palis, mi remembri ren de l'adreiça moquò, ères tu?)

8 Re: Qualitat de la lenga le Dim 16 Mar - 20:58

ven au vent


Trobador de Comptador
Trobador de Comptador
darbonèta a écrit:Ai ben enveja de te respòndre ! Siáu d’acòrd amé tu quora parles de charradissas longarassas SUS la lenga puslèu que EN lenga.

Vòli pas explicar ço que pensi de l’ideia de la qualitat de la lenga o de la « lenga ibrida » que se desvolopa, pensi que serem encara pas d’acord . Vòli justa dire coma si passa l’ensenhament provencau e , subretot, coma se debana la formacion deis ensenhaires dins mon despartament .Mèfi, es una escòla publica, après, sabi pas coma se passa dins lei calandretas.


per las calandretas que i a un centre de formacion on l@s regent as segueishen una formacion dens la lenga e après qu'an de har un tribalh personau coma de lectura d'autors occitan o autas d'en har lo resumit e deu contar aus autes. vertat que que los cors a 16 H n'ei pas tarrible mes aprèner la lenga en gròp e en immercion per jo ei la solucion la mei bonna Dobtós a e per info calandreta ei una escòla publica e laïca

9 Re: Qualitat de la lenga le Dim 16 Mar - 21:00

LaurençD


Occitan Warrior
Occitan Warrior
E ieu me demandi se caldria pas salvar lèu ço qu'es encara possible : los locutor naturals "a miejas", es a dire los adults, que l'occitan es pas la lor lenga mairala, mas qu'an ausit parlar la lenga quora eran pichòts : pels grands, o per un oncle, o de vesins... Es a dire que la sabon sens o saupre. La parlan pas mas an de competéncias vertadieras, una aurelha. Cresi que n'i a fòrça que les agardaria d'aprene, mas gàusan pas.

Es lo problema de l'ensenhament pels adults. Un avantatge : aici, pas besonh de l'estat, que quora legissi çò qu'escrives, Darbonèta :
darbonèta a écrit:... e un inspector de langa regionala que parla pas lo provencau !!!!!
e ben siai encara mai convencit que l'ensenhament de l'occitan per l'EN, es lo poton de la mòrt.



Dernière édition par LaurençD le Dim 16 Mar - 21:25, édité 1 fois

10 Re: Qualitat de la lenga le Dim 16 Mar - 21:12

darboneta


Occitan Warrior
Occitan Warrior
ven au vent a écrit:

vertat que que los cors a 16 H n'ei pas tarrible
Lo problemi es pas qu'es pas tarrible, es qu'es pas possible ! Mema en partènt a 17 oras petantas, li serai jamai!!!!
Mai pensi tanben qu'es la melhora solucion per l'aprendre .

Es verai tanben que l'occitan per l'EN, es lo poton de la mort , mai, beleù, l'an que ven , i aurà plus de poton .....Es segur, es pas totjorn ben fach l'ensenhament de la lenga mai, au mens, exista!
E, en parlènt de potons, un poton per ta filha, laurençD !!! Clucant

11 Re: Qualitat de la lenga le Dim 16 Mar - 21:19

LaurençD


Occitan Warrior
Occitan Warrior
E un per tu, Darbonèta Plan Urós

12 Re: Qualitat de la lenga le Dim 16 Mar - 21:57

Bombonarèla


Pintaire
Pintaire

Bojarron a écrit: Mi remembri quora fasiáu de lengas a la fac, quinei que siegan lo prof tornava prene lei decas de prononciacien, de lònga, çò que fa que de còps que li a passava 25 minutas emb un estudiant per fin que saupe prononciar coma si deu. Mi remembri tanben qu'en occitan... si fasiá pas gaire...

Verai!

Semblaria fin finala que los ensenhaires vòlon talament faire venir de monde dins los corses d'occitan (çò qu'es normal!) qu'an paur de tornar prene las decas, qu'an paur d'esser cagants e de faire fugir los joves... (çò qu'es pas normal!).

Seguissi de cors d'espanhòl, e la professora sus doas oras de cors pren fin finala una ora e mieja per nos faire melhorar la nòstra prononciacion, lo nòstre accent, e las decas nombrosas... Es cagant per ela mas es fòrça eficaç per nautres... I a pas de secrets... E aquò nos fa pas fugir, al contrari, sèm uroses perque sèm plan conscients que n'avèm de besonh!!!

Puntar del det aquela realitat marrida de l'ensenhament de l'occitan me sembla la sola solucion per ajudar a una transmission melhora de la lenga.

As plan rason Bojarron, ne cal absoludament parlar en interna, mas cal tanben saludar los ensenhaires qu'ensajan de transmetre una lenga coërenta, n'i a!!

(Un poton per vòstres paires, vòstras maires, e vòstres pepins a totes!! Suspècte .)

13 Re: Qualitat de la lenga le Lun 17 Mar - 0:53

PicheBorgne


Draquilhon
Draquilhon
io passère un parelh d'annadas a la fac d'occitan, e ne partiguère car podiai pas pus suportar 'quel trabalh de desaprentissatge que fan als estudiant desjà locutors... Mon accent lor semblava "estrangièr", vòli dire que mon parlar èra pas lo de Calandreta, alaura lo pròf me faisia tornar prene a l'oral coma se pronciavi mal la causa de dire.... io teni los 95% del meu parlar del pepin. Lo pròf es un lionés....
Apèi, io que trabalhi a Calandreta ensagi de far parlar d'unes regents que valon lo còp coma cal, e n'ai capitat de lor far prene conciença que se dèu pas èsser negligida la qualitat de la lenga e qu'an un trabalh gigantàs de fargar sus aquò. D'unes son prestes de s'ie metre al trabalh, e n'espèri una generalisacion sus Occitania tota... Clucant
Benlèu soi un pauc tròp idealiste mès cal martelar tot aquel monde.... Son tant acostumats de parlar pas per res o sus de subjèctes sens importancias (istòria de mostrar que se bolegan per quicòm...) que lor cal traire un bon emplastre pel morre per los evelhar !!! Clucant
Quò foncciona, vos prometi !!!

14 Re: Qualitat de la lenga le Lun 17 Mar - 7:17

Carnifex


Leberonet
Leberonet
per ieu, tot aquò se resumís aital : se considera pas l'occitan coma una lenga normala. M'expliqui ; aquel mond acceptarián de professors d'anglés, d'espanhòl eca... que son aproximatius? e que quand sabon pas lo mot anglonejan, espanholejan lo mot francés ? cresi pas e espèri ben que non. Fariá l'esclandra e amb rason. Daissar de monde ensenhar que sabon pas la lenga es suicidari. Cossí volètz qu'un mainatge aprenga plan, se lo professor es pas competent?

15 Re: Qualitat de la lenga le Lun 17 Mar - 19:52

Gavach


Occitan Warrior
Occitan Warrior
Coma ensenhaire, vos disi que se manquèt quicòm i a pas gaire:

Avèm un libre d'occitan plan fach, plan pensat, polidament ilustrat, amb una progression logica: Òc-Ben

Amb aquò un CD ont los dialògs son enregistrats...E aquí la cachavièlha, pel lengadocian, una lenga sens cap prosodia occitana (mai adaptada pels apreneires), amb de R guturala, d'esitacions sus las nasalas, sus v/b, en brèu de Pau Valerian. Cossí far aprene a de dròlles de causas se lo sol modèl de lenga fòra de lo del professor es la d'una lenga qu'es ja una lenga d'apreneire? Amb un professor qu'es un neò-occitafòn (ieu)? E se ensenham dins un país ont la lenga es encara pro viva (valent a dire que cada escolan l'a ja ausida parlar)?

Donc, puslèu que de plorar, los ensenhaires (pels dròlles, gojats, adultes), tre qu'avètz de material audiò amb una lenga CORRECTA (pas obligatoriament la d'un vièlh de 102 ans mas quicòm de correct, que) fasètz-ne profiechar los autres.

http://conselhamistos.blogspot.com/

16 Re: Qualitat de la lenga le Lun 17 Mar - 20:01

Danís


Adjudant
Per plan far, faudriá que tots los professors 'ribessen en cors emb lur pròpre materiau pedagogic, daus afars qu'an enregistrat, daus colectatges, de las chançons...una preparacion completa daus cors, qué...m'aimagine pas lo trabalh... Trucat

17 Re: Qualitat de la lenga le Mar 18 Mar - 13:04

Carnifex


Leberonet
Leberonet
aquel afar es tarrible, dever parlar de qualitat de lenga. Los que passan quin que sia lo lenga un capes autre, an pas aquel problèma, una lenga val una lenga, e vai te'n passar un capes sens saber la lenga; te faràs recebre . Mas per l'occitan que nanni, s'accepta coma professor lo que sap a quicòm prèp. Los quites apleches d'aprenament son fachs a la lèsta : 'quò farà plan es pas que d'occitan, te podràs melhorar mai tard(se t'agrada se que non quina importància?).

18 Re: Qualitat de la lenga le Mar 18 Mar - 13:35

Carnifex


Leberonet
Leberonet
me degosta tot aquò, l'occitan es una de las lengas mai espeçunhadas dempuèi qu'existís; es a dire qu'avèm gramaticas, metòdes de lengas dempuèi l'edat mejana e encara monde que parlan naturalament e arribèm pas d'aver un metòde corrèct (polit libre mas missant disc coma dis Gavach) !. N'i a ben quicòm que truca!

19 Re: Qualitat de la lenga le Mar 18 Mar - 17:26

Barbet


Occitan Warrior
Occitan Warrior
Alan Kebe a écrit:Mas per l'occitan que nanni, s'accepta coma professor lo que sap a quicòm prèp. Los quites apleches d'aprenament son fachs a la lèsta : 'quò farà plan es pas que d'occitan, te podràs melhorar mai tard(se t'agrada se que non quina importància?).

Oei malurosament aquò s'ause sovent... Crèsi tanben qu'au nivèu de l'escrich avèm de polideis aisinas, lo trabalh es de faire per l'orau, tant dau costat dau materiau que de la formacien dei professionaus.
Far trabalhar leis estudiants emb lo collectatge sembla mai que necite, e pas soncament d'escota coma si fa au mielhs, mas sus la prononciacien! Aquò pertòca emb aquò lei profs ja formats... cau que li vengue normau, e que la consciéncia de la necessitat s'espandisse.

20 Re: Qualitat de la lenga le Mer 19 Mar - 10:26

Carnifex


Leberonet
Leberonet
la solucion seriá benlèu, pels qu'an un concors e que parlan mal, de lor daissar una annada. Al cap d'aquela balhar o non definitivament lo concors. Lor far passar un oral, e un oral redde de capacitat de parlar. Lor balharà benlèu l'enveja de prene pas l'occitan per de patès. De mai n'i a pas de realas dificultats de parlar correctament; es pas una lenga tan complicada coma lo basc d'exemple.

21 Re: Qualitat de la lenga le Mer 19 Mar - 13:01

Sokolovic


Trobador !!
Trobador !!
La solucien es ja de donar de CAPES an aquelei qu'an enveja d'ensenhar l'occitan. Ò qu'an enveja d'ensenhar tot simplament.
Quand as de gents qu'an lo CAPES d'occitan e que se'n van au bot d'una annada per anar far autra causa en defòra de l'E.N., e be aquò ti fa totjorn d'ensenhaires de mens. E te'n fagues pas que l'Estat lei remplaçarà pas per aquelei que son arribats 5en a la jurada.

Ai pas grand causa de dire ieu, l'ai presentat un còp e ai mancat l'orau, per de rasons mai que mai pedagogicas, è, pas linguisticas...Empacha pas que fa totjorn plaser de veire de fonccionaris de l'E.N. candidat ai mesme pòstes que tu. Ja que l'a pas pron de trabalh per totei, es totjorn agradiu d'estre concurrenciat per quaucun qu'a ja un trabalh ben pagat (e qu'es pas, coma tu, perseguit per lei colègas de l'ANPE).

Per çò de mai, ai ja dich çò que ne'n pensavi, gaireben çò qu'es ja estat dich aquí. Apondrai pasmens que, comparar la situacion de l'occitan universitari an 'aquela dau castelhan es malurosament un pauc idealiste. Si pòu pas perdre de vista que la situacion de l'occitan implica una "cèrta toleréncia" per lo pauc de gents que si ne'n vorrián ben interessar. Lei gents fan generalament d'estudis bèu promier per aver l'assegurança de poder trobar un mestier, pas per lo plaser unic d'aprendre una lenga. S'un vòu pas aprendre lo castelhan perqué es tròp complicat, bota !, que li fa ? L'aurà totjorn quaucun per lo remplaçar. Es malurosament pas lo cas de l'occitan, que per subreviure dins aqueu mitan de mai en mai acarnassit a de besonh de sedusir la practica. De çò que pòdi veire aquita, ai pas l'impression que la qualitat de la lenga encò deis estudiants (ò ex-estudiants, se volètz) siegue tant en dangier qu'aquò.

Après, segur, podem demandar ai gents de parlar un occitan perfiech. E aver la risca d'aver pus degun dins lo cursús, que l'occitan es dins una situacion qu'es pasmens un pauc particulara a rapòrt de lenga coma lo castelhan, l'anglés, l'italian, l'alamand, etc...
Fau l'anar pauc a cha pauc pensi. Ja pensi que la situacion a degut evoluïr, perqué pensi pas que de talei criticas sus la practica de la lenga dins lo mitan occitaniste exisistissián l'a dètz an d'aquò.
Fau ben veire qu'a l'admenistrança, l'a que la chifra que l'interessa, e subretot (e de mai en mai) la rentabilitat. E l'agrada mièlhs 50 estudiants mejans en occitan que 5 que ti parlan una lenga de tria. E de cò que vieu, tornamai, empachèt pas quauqueis uns aquita d'aver acabat quaucaren ailà dintre tot en aguent mantengut una cèrta qualitat de la practica linguistica.

22 Re: Qualitat de la lenga le Mer 19 Mar - 16:39

occitaneta


Occitan Warrior
Occitan Warrior
Que soi plan d'accord dab lo Matieu suu heit que har deu "purisme" tad har deu "purisme" n'es pas la solucion que salvaguardara la lenga nosta.
Après que'm ermiti totun d'i botar ua reserva... Que cau trobar un compromis deus bons enter los dus.
Apres quitament que soi entà la tolerancia de cap ad aquo que i a tanben cops ont soi harta d'entendre mond qui parla un occitan deus maishants pr'amor de la nosta complesencia. A la desbuta e tot aquo que compreni de plan mes quan apres mei d'un an de devisadas regularas en occitan, e a maugrat que lo mond torna prener las pecas quan tornan sempre ben, que'm desencusi b'es plan cagant !! Mes bon fin finau que'm disi que lo mei important b'es plan totun lo heit que la lenga sia parlada... Quite s'es pas dens un occitan deus perheits !!!

23 Re: Qualitat de la lenga le Jeu 20 Mar - 6:26

Carnifex


Leberonet
Leberonet
cal 50 oras per parlar correntament l'occitan : prononciacion compresa. Per aver balhat corses pels adultes, poguèri verificar qu'es efectivament lo minimóm, mas qu'es pro. Se i ajustèm 50 oras mai; avèm qualqu'un que parla plan. Eran corses del ser e per una majoritat sens cap de volontat de trabalhar dins/per l'occitan; doncàs corses amator, pel plaser. Alèra lo que ne vòl fa mestièr, i pòt i arribar aisidament. 50 oras, te fa 1 ora la setmana en una annada : te manja pas lo temps se pòt far quitament se trabalhas a costat. Qu'una lenga linda existís pas, aquò rai, soi d'acòrdi mas cal pas exagerar tanpauc. Demai me sembla, benlèu que m'engani, que n'i a mai de mond que se presenta als concors que çò que i a de pòstes; s'es lo cas se pòt ben pujar lo nivèl demandat. E aital i aurà de bons professors.

24 Re: Qualitat de la lenga le Jeu 20 Mar - 15:43

Qualqu'un mai


Guelha de bonda
Guelha de bonda
Per que l'occitan semble pas a de francés quand lo parlam:


En soscripcion !


L'occitan de viva votzde Joan Fulhet, lo prumièr metòde d'aprendissatge del fonetisme de
l'occitan lengadocian, per tot public, pareisserà a la fin del mes de març de
2008. Es en soscripcion duscas aquesta data al prètz de 28,50€ (al luòc de 38€,
PVP). Fraisses de mandadissa d'apondre : 4,70€/1ex., 5,20€/2 o 3 ex. (tarifas
descreissentas per mai d'exemplaris). Chèc al nom de l'IEO 31.


IEO 31 – Ostal d'Occitània – 11,
carr. Malcousinat – 31000 Tolosa.


05 61 11 24 87 / ieo31@ieo31.com.

25 Re: Qualitat de la lenga le Jeu 20 Mar - 16:31

maime


Lemosin de prumiera !
I a tanben lo sit dau Thesoc. Bon, de segur, fau legir l'alafabet fonetic internacionau. Mas quò pòt ajudar per coneisser la prononciacion correnta daus mots.

http://thesaurus.unice.fr/

http://ieumaitot.nireblog.com/

26 Re: Qualitat de la lenga le Ven 28 Mar - 20:45

zo


Occitan Warrior
Occitan Warrior
I a lo metòde assimil. Pels lengadocians, tota la colleccion de collectatge de CORDAE-LA TALVERA e al canton. Poce Levat

27 Re: Qualitat de la lenga le Ven 28 Mar - 20:50

darboneta


Occitan Warrior
Occitan Warrior
lo cresi pas qu'eisista encara lo metòde assimil. Ai apres l'inglés amé Assimil sus un Atari en 1985.....

28 Re: Qualitat de la lenga le Ven 28 Mar - 21:37

IEU


Pintaire
Pintaire
darbonèta a écrit:lo cresi pas qu'eisista encara lo metòde assimil. Ai apres l'inglés amé Assimil sus un Atari en 1985.....

Edith Piaf cantava encara... Redola-Uèlhs

29 Re: Qualitat de la lenga le Sam 29 Mar - 8:45

Gavach


Occitan Warrior
Occitan Warrior
Que val aqueste metòd? Qual la faguèt? Qual es que i parla al dedins?

http://www.linguashop.com/apprendre/occitan.php?itemid=1

http://conselhamistos.blogspot.com/

30 Re: Qualitat de la lenga le Sam 29 Mar - 8:51

zo


Occitan Warrior
Occitan Warrior
De Qué ??? Assimil existís totjorn
Se tròba dins tot supermercat, librarià,siti internet http://62.193.198.10/indexfr.jsp?paramIdPartenaire=-1, pensi quitament que se pòt utilizar en linha.
Solide qu'amb aquela profusion de disponibilitat dins de rets normalas, es de mal veire per l'occitanista lambdà que cerca complicat quand se pòt far simple e eficaç.
Joglaire Joglaire Joglaire Joglaire Joglaire Joglaire Joglaire Joglaire Joglaire Pesuc Ciblat

31 Re: Qualitat de la lenga Aujourd'hui à 1:51

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 3]

Aller à la page : 1, 2, 3  Suivant

Sujets similaires

-

» Ilo Pablo n'est plus !

Permission de ce forum:
Vous ne pouvez pas répondre aux sujets dans ce forum