OCCITANIA !! Forum
Vous souhaitez réagir à ce message ? Créez un compte en quelques clics ou connectez-vous pour continuer.
OCCITANIA !! Forum

-15%
Le deal à ne pas rater :
(Adhérents) LEGO® Icons 10318 Le Concorde
169.99 € 199.99 €
Voir le deal

Vous n'êtes pas connecté. Connectez-vous ou enregistrez-vous

Peticion Parlemu corsu

+6
Bombonarèla
Sokolovic
LaurençD
admin
Danís
Barbara
10 participants

Aller en bas  Message [Page 1 sur 1]

1Peticion Parlemu corsu Empty Peticion Parlemu corsu Sam 17 Mai 2008 - 22:25

Barbara

Barbara
Casahèita
Casahèita

http://www.parlemucorsu.com/fr/index.asp

Siáu anada trevar lei sinhataires, e tròbi que li son pas gaire d'occitans... Dobtós

2Peticion Parlemu corsu Empty Re: Peticion Parlemu corsu Dim 18 Mai 2008 - 11:32

Danís

Danís
Adjudant

Ara n'i a un de mai ! Risolet Progressiu

3Peticion Parlemu corsu Empty Re: Peticion Parlemu corsu Dim 18 Mai 2008 - 20:48

admin

admin
Trobador !!
Trobador !!

E un aute !

http://omidelafotografia.wordpress.com/

4Peticion Parlemu corsu Empty Re: Peticion Parlemu corsu Dim 18 Mai 2008 - 21:01

LaurençD

LaurençD
Occitan Warrior
Occitan Warrior

Poce Levat e un de mai !

5Peticion Parlemu corsu Empty Re: Peticion Parlemu corsu Lun 19 Mai 2008 - 11:18

LaurençD

LaurençD
Occitan Warrior
Occitan Warrior

De legir sul siti "Parlemu Corsu" : la " stonda corsa "

<< 1. Origine du concept

Le concept est né en 2003 à l'initiative de la responsable de la bibliothèque de Sainte-Lucie de Porto-Vecchio, Dominique Martinetti Gazaniol, désireuse d'inciter les gens à la pratique de la langue corse.

2. Le concept

a. Définition : " la stonda " est une rencontre d'une heure ou plus, où l'on ne s'exprime qu'en corse du début à la fin, sur un thème défini à l'avance. Que l'on comprenne bien : pas un seul mot en français! Celui qui ne peut pas parler corse peut écouter et profiter de l'occasion pour perfectionner sa pratique de la langue.
b. Objectif : il s'agit d'encourager chacun à la pratique de la langue corse
Il ne s'agit pas d'un cours mais de renouer le lien qu'est la langue entre tous. Ce lien qui relie les anciens aux plus jeunes, les habitants de la Corse du nord et ceux du sud, les corses d'ailleurs et les corses de l'île, ceux qui maîtrisent bien le corse et ceux qui peinent à le parler etc, etc...
Celui qui comprend le corse, mais qui n'est pas habitué à le parler, n'a pas d'autre choix pour se faire entendre que de se lancer
Franchi ce cap, bien souvent, il finit par s'exprimer en corse même en dehors de contextes particuliers, dans la rue, dans les commerces ...
Celui qui parle corse est également concerné par ce genre de rencontre : cela lui permet de prendre conscience de son devoir de transmission. Celui qui ne parle pas le corse a besoin de celui qui le parle.

3. Les "Stondi " de " Parlemu corsu ! "

Dominique Martinetti Gazaniol , voulant participer à l'action de " Parlemu Corsu " de façon concrète, a proposé, au regard du succès de " Stonda Corsa " à Sainte-Lucie de Porto-Vecchio, de reprendre l'idée au niveau de la corse entière même au delà de la mer avec les corses de l'extérieur.
Le Collectif a décidé depuis décembre 2007, d'organiser une " stonda " tous les mois, autour d'un thème différent et dans un lieu différent de façon à couvrir chaque microrégion de Corse jusqu'en 2009. C'est un moyen pour le Collectif de pérenniser sa démarche et de promouvoir la pratique du corse en tout lieu
. >>

Existis quicòm atal en Occitania ?

6Peticion Parlemu corsu Empty Re: Peticion Parlemu corsu Lun 19 Mai 2008 - 11:26

Sokolovic

Sokolovic
Trobador !!
Trobador !!

LaurençD a écrit:De legir sul siti "Parlemu Corsu" : la " stonda corsa "

>

Existis quicòm atal en Occitania ?

Cresi que se'n èra parlat sus d'aqueu forum l'a gaire de temps. Èra un projècte d'un joine de la Vau-Clusa, collèga de Bojarron qu'aviá menat quauqueis collectagis fòrça interessant...

7Peticion Parlemu corsu Empty Re: Peticion Parlemu corsu Lun 19 Mai 2008 - 11:32

LaurençD

LaurençD
Occitan Warrior
Occitan Warrior

Parlas del projecte de Florenç dau Palis : talhiers de lenga ?



Dernière édition par LaurençD le Lun 19 Mai 2008 - 11:50, édité 1 fois

8Peticion Parlemu corsu Empty Re: Peticion Parlemu corsu Lun 19 Mai 2008 - 11:39

Sokolovic

Sokolovic
Trobador !!
Trobador !!

LaurençD a écrit:Parles del projecte de Florenç dau Palis : talhiers de lenga ?

Aquò's aquò. Mai cresi que l'aculhença que reçaupèt l'a degut refrescar un chícol.

Fa que ne'n sabi pas mai, emai l'idèia pareissiá interessanta.

Mai bòn, es bessai quaucaren de mai aisit de metre en plaça en Corsega que non pas en cò nòstre. Encara que conoissi de ròdols devèrs leis Aupilhas monte porriá ben fonccionar. Es jamai que lo principi dei velhadas provençalas, perdon dei "vihado provençalo" fin finala.

9Peticion Parlemu corsu Empty Re: Peticion Parlemu corsu Lun 19 Mai 2008 - 12:10

LaurençD

LaurençD
Occitan Warrior
Occitan Warrior

Matieu C. a écrit:Aquò's aquò. Mai cresi que l'aculhença que reçaupèt l'a degut refrescar un chícol.

Aquò's plan damatge, qu'era una iniciativa de sostenir ! Lo Florenç se deu pas daissar emoscalhar per d'unes que "fan de bruch amb la boca" (l'expression e pas meuna).

Una autra iniciativa per fin que de locutors que parlan correntement pòscan rescontrar d'autres que o voldrian, mesa en plaça pel Conselh generau del Val d'Aran :

<< Eth departament de Cultura e Politica Lingüistica deth Conselh Generau a presentat aué eth Volontariat per Aranés, un programa entà promòir er usatge der aranés enes relacions personaus, en tot facilitar qu’es persones qu’an coneishements basics dera lengua e vòlen parlar-la ac poguen hèr damb d’autes persones que la parlen abituaument. Acompanhat dera cap de Cultura e Politica Lingüistica, Maria Vergés, e era coordinadora deth programa, Veronica Barés, eth sindic Francés Boya a explicat qu’eth Volontariat per Aranés “afavorirà era convivéncia e era coesion sociau, pr’amor que pòt contribuïr a hèr der aranés era lengua comuna dera societat en un contèxte de diversitat culturau”. >>

http://www.conselharan.org/index.php?option=com_content&task=view&id=177&Itemid=98

10Peticion Parlemu corsu Empty Re: Peticion Parlemu corsu Lun 19 Mai 2008 - 18:40

Bombonarèla

Bombonarèla
Pintaire
Pintaire

Om foguèt qualques uns a sostenir l'iniciativa, espèri que s'avèm pas de nòvas, es per que Florenç es a montar son projècte dins son vilatge... e pas perque s'es pres a creire a'n aquestas teorias (lo bruch amb la boca eca.)

De segur que lo vam, l'estrambòrd dels Còrses es autre, e que lo lor territòri es mai pichòt... tot aquò cambia un fum de donadas al nivèl de la mesa en plaça de talas iniciativas e de son impacte sus la populacion locala (Còrses o non).

Los còrses son actius... caldria prendre exemple de còps que ia...

Osca per totes los qu'an lo temps lo vam e l'enveja de fargar tales projèctes!!!



Dernière édition par Bombonarèla le Lun 19 Mai 2008 - 18:51, édité 1 fois

11Peticion Parlemu corsu Empty Re: Peticion Parlemu corsu Lun 19 Mai 2008 - 18:50

LaurençD

LaurençD
Occitan Warrior
Occitan Warrior

E ben oèi, òsca ! Aquò fa talent. La lenga es facha per que parlam. Es un pauc çò qu'ensajem de far aici, non ? Risolet

12Peticion Parlemu corsu Empty Re: Peticion Parlemu corsu Lun 19 Mai 2008 - 18:51

Bombonarèla

Bombonarèla
Pintaire
Pintaire

E òc! Felicitacions

13Peticion Parlemu corsu Empty Re: Peticion Parlemu corsu Lun 19 Mai 2008 - 21:06

Florenç dau Palis


Cap
Cap

Adieu,
es verai que fai un moment ara qu'ai aqueste projecte de talhièr de lenga, mai coma disiàu es soncament un problema de temps. Dins mon rode i a ben de pichons cors de lenga dins lei vilages, mai aquò es cagant, se fai de gramatica... son subre tot lei "joine retirat" que i van, mai gis de jovents e pauc de bons locutors. Pamens i a encara força gens que conneisson ben la lenga, mai an pas l'occasion de la parlar bord que l'abitud s'es perduda (e que s'embestiaràn pas a anar an un cors. Es pas perque la lenga se parla pas qu'es pas encara dins leis esperits!!!
Es ço qu'avèm fach amé mon paire, parlaviam pas la lenga a l'ostau, puèi avem començat un pauc, e a cha pauc lei mots son revenguts, ara fai tres o quatre ans qu'avem començat e totei lei jorns i lo paire torna trobar de mots, de contes, de galejadas, de noms de plantas... un molon de causas qu'èron esconduda dins sa testa.
Es coma aquo que m'es venguda l'idèia dei talhers de lenga o cafè d'oc, que sarian de rendetz vos dins un cafè (ara que se tuba plus es encara mieus!) un cop per setmana e que porria virar entre diferents vilages d'un endrech. La toca es de:

Balhar ai locutors l'occasion de parlar e coma quauqu'un disià i faire prene consciéncia de l'importança de son saber e dau "devers" de trasmission.

Balhar ai gent que volon conneisse la lenga l'occasion de l'ausir, de la veire viure, dins un moment de convivialitat. (Entre aqueu que parla e aqueu que conneis ren de tot i a totei leis intermediaris).

Es pereu l'occasion de faire sortir tot un saber (contes, galejadas...) e faire sortir lo biais de parlar de l'endrech.

Es enfin un biais de conscientisar lei gents a l'entorn de la cultura nostra, de fair sortir la lenga dins la carriera, es l'occasion per difusir de documents, libres, disques...


Pense que fau ben insistir sus lo fach que la lenga es pas morta!! Es esconduda mai pas morta. Me sembla que dins lo mitan universitari an leu fach de dire que lei locutors naturaus son totei mort, aquo es pas verai per ieu. La veritat es que i a encara ben de saber dins la populacion e lo fau reviudar, e fau conscientizar lei gents.

Pense que dins leis universitats s'aprend una lenga fòrça normada qu'es pas la lenga dei gents. En mai d'aquo, au mens lei gents n'en sabon, au mai s'arrapon a ço que an, a sei quaquei mots, au mai arribaran pas a acceptar un biais de parlar un pauc mai "dubert". Se un jovent que sort de l'universitat arriba en co mieu per balhar de cors e que sort de "tornar far..."o de "meteis"... lei gents van pas comprene, e se vai faire garçar defora!
Se volem reviudar la lenga fau ben commençar per reviudar lo saber dei gents e bastir sus aquò e i durbisent leis uelhs, pau a cha pau... Es segurament pas aisat, mai coma aquo se bastisson de causas solidas.

Lo poton!

Se voletz escotar lei vièis de mon quartier:
Lo site: http://amisecolepalis.free.fr
anatz sus "témoignages, enregistrements" avetz aqui un liame vers leis mp3.

http://profile.myspace.com/handmadeinoccitany

14Peticion Parlemu corsu Empty Re: Peticion Parlemu corsu Lun 19 Mai 2008 - 21:30

posoèra

posoèra
Occitan Warrior
Occitan Warrior

Es ço qu'avèm fach amé mon paire, parlaviam pas
la lenga a l'ostau, puèi avem començat un pauc, e a cha pauc lei mots
son revenguts, ara fai tres o quatre ans qu'avem començat e totei lei
jorns i lo paire torna trobar de mots, de contes, de galejadas, de noms
de plantas... un molon de causas qu'èron esconduda dins sa testa.
ooohh ben vau ensajar tanben ... ni èi pas jamei pensat en realitat .. pr'amor que lo men pair n'aima pas lo mot " occitan", que's trufa tot lo temps deus ensenhaires ( qu'an hèit desaparéisher la soa lenga) qu'an lo pegassolet "òc" sus la veitura, e puish que parlam pas exactament lo medish gascon, çò qu'ei subjècte a conflicte tanben ...

15Peticion Parlemu corsu Empty Re: Peticion Parlemu corsu Lun 19 Mai 2008 - 21:54

Barbet

Barbet
Occitan Warrior
Occitan Warrior

Una idèia chanuda, v'afòrti!
Es verai que ja si fan de velhadas provençalas ò autrei rescòntres provençaus, e aquò marcha qu'a cada còp fan sala comola ( e pas solament dins leis Aupilhas, que n'ai agut de bòns ressòns dins Var tanben Clucant ). Es sovent alestit per d'ancians, per una majoritat d'ancians, çò qu'a ja son interès estent que li permete de si recampar.
Lo projècte de Florenç aponde moquò un parèu de cauvas fòrça interessantas, la transmissien, lo liame entre lei generaciens, l'amira de conscientizacien...

Espèri qu'aquò si podrà engimbrar, e que donarà idèia en d'autrei volontaris!

16Peticion Parlemu corsu Empty Re: Peticion Parlemu corsu Mar 20 Mai 2008 - 9:28

Sokolovic

Sokolovic
Trobador !!
Trobador !!

M'imagini ben que leis Aupilhas an pas l'exclusivitat dei locutors "naturaus" (encara que m'agrada pas aqueu biais de dire) de provençau.Tè, Bojarron, fa un moment que ti lo voliáu demandar. Ti faudriá passar a l'Ostau dau País Marselhés un d'aquelei jorns. E se siás devèrs Marselha per de rasons professionalas ò que ne'n sabi, siam a cercar de gents per donar de cors, que ieu comenci d'èstre un pauc alassat.


Florenç, ton idèia es flame e espèri que nos tendràs assabentats lo jorn que l'engimbraràs a de bòn.
Pasmens :


Pense que dins leis universitats s'aprend una lenga fòrça normada qu'es pas la lenga dei gents. En mai d'aquo, au mens lei gents n'en sabon, au mai s'arrapon a ço que an, a sei quaquei mots, au mai arribaran pas a acceptar un biais de parlar un pauc mai "dubert". Se un jovent que sort de l'universitat arriba en co mieu per balhar de cors e que sort de "tornar far..."o de "meteis"... lei gents van pas comprene, e se vai faire garçar defora!
Se volem reviudar la lenga fau ben commençar per reviudar lo saber dei gents e bastir sus aquò e i durbisent leis uelhs, pau a cha pau... Es segurament pas aisat, mai coma aquo se bastisson de causas solidas.

Lo problèma es que lei gents que garçan defòra aqueleis universitaris (que ne'n fau partida emai aguessi aprés l'occitan a l'ostau per bòna part) avián que de trasmetre la lenga aperavans. Veritat que la lenga de la fac es normada, de còp de tròp, mai fau ben an un moment faire de chausidas. Si pòu pas ensenhar a cadun la varietat precisa de son ròdol, franc de far un cors particulier en cada escolan. Es puei a cadun d'anar far de recercas per "afinar" son biais de parlar (per exemple en fent de seradas coma n'as l'idèia). Mai faudriá que lei participaires juguesson lo juec e acceptesson que la lenga es pas sieuna mai de totei. E que l'a pas d'un caire lei "vertadiers" e de l'autre leis "universitaris".

17Peticion Parlemu corsu Empty Re: Peticion Parlemu corsu Mar 20 Mai 2008 - 9:49

admin

admin
Trobador !!
Trobador !!

Matieu C. a écrit:Florenç, ton idèia es flame e espèri que nos tendràs assabentats lo jorn que l'engimbraràs a de bòn.
Pasmens :


Pense que dins leis universitats s'aprend una lenga fòrça normada qu'es pas la lenga dei gents. En mai d'aquo, au mens lei gents n'en sabon, au mai s'arrapon a ço que an, a sei quaquei mots, au mai arribaran pas a acceptar un biais de parlar un pauc mai "dubert". Se un jovent que sort de l'universitat arriba en co mieu per balhar de cors e que sort de "tornar far..."o de "meteis"... lei gents van pas comprene, e se vai faire garçar defora!
Se volem reviudar la lenga fau ben commençar per reviudar lo saber dei gents e bastir sus aquò e i durbisent leis uelhs, pau a cha pau... Es segurament pas aisat, mai coma aquo se bastisson de causas solidas.

Lo problèma es que lei gents que garçan defòra aqueleis universitaris (que ne'n fau partida emai aguessi aprés l'occitan a l'ostau per bòna part) avián que de trasmetre la lenga aperavans. Veritat que la lenga de la fac es normada, de còp de tròp, mai fau ben an un moment faire de chausidas. Si pòu pas ensenhar a cadun la varietat precisa de son ròdol, franc de far un cors particulier en cada escolan. Es puei a cadun d'anar far de recercas per "afinar" son biais de parlar (per exemple en fent de seradas coma n'as l'idèia). Mai faudriá que lei participaires juguesson lo juec e acceptesson que la lenga es pas sieuna mai de totei. E que l'a pas d'un caire lei "vertadiers" e de l'autre leis "universitaris".

Disi de òc aus dus punt de vista : d'un costat, qu'ei après la lenga au licèu e a l'Universitat. Quan ei ensatjat de parlar dab la mia gran, a la debuta, qu'èra mauaisit. Degun, que sia l'Universat o lo licèu, m'avèva dit que los locutors naturaus parlavan pas vertaderament la medisha lenga que jo. Lo sordeish, n'era pas tà jo, qu'ei vist mei o mensh cada dialecte, mes tà la gran. Dab un chic de recul, me sembla pas que quauqu'un m'aja preparat tà parlar dab un locutor naturau ... Ara lo chepic es acabat, mes urosament que la gran n'es pas cap-borruda, siquenon qu'auré barrat la discucion. "On parle pas le même patois !"

http://omidelafotografia.wordpress.com/

18Peticion Parlemu corsu Empty Re: Peticion Parlemu corsu Mar 20 Mai 2008 - 10:08

Barbet

Barbet
Occitan Warrior
Occitan Warrior

Matieu C. a écrit:Tè, Bojarron, fa un moment que ti lo voliáu demandar. Ti faudriá passar a l'Ostau dau País Marselhés un d'aquelei jorns. E se siás devèrs Marselha per de rasons professionalas ò que ne'n sabi, siam a cercar de gents per donar de cors, que ieu comenci d'èstre un pauc alassat.

Ti regracii per la proposicien, que m'agradariá de poder ajudar, malurosament siáu ara a barrutlar tot l'an entre Lengadòc e Provença, çò que mi laissariá gaire de temps per donar de cors a Marselha. Fa una banda d'ans qu'ai lo projècte de ne far a Frejús per lei joines e manqui de temps, ara per ara...
Se fau un alòngui passarai a l'Ostau emb plaser totun.

Cercatz un prof per quant de temps per setmana? Que pòsqui far virar l'info.

19Peticion Parlemu corsu Empty Re: Peticion Parlemu corsu Mar 20 Mai 2008 - 10:15

LaurençD

LaurençD
Occitan Warrior
Occitan Warrior

Ten, aici botèm lo det sus una question tafuranta : consi far parlar los locutors naturals ? Siai plan d’accordi : an un dever de transmission, que se la lenga nòstra es un tresor, morrir sens ne’n balhar la clau es una vergonha. Ça que la, aquò’s de bon dire, mas de que far ?

Los qu’an l’astre d’avedre un grand que vòl plan parlar… E ben an d’astre ! E los autres ?



Dernière édition par LaurençD le Mar 20 Mai 2008 - 20:39, édité 2 fois

20Peticion Parlemu corsu Empty Re: Peticion Parlemu corsu Mar 20 Mai 2008 - 10:37

Sokolovic

Sokolovic
Trobador !!
Trobador !!

Bojarron a écrit:
Matieu C. a écrit:Tè, Bojarron, fa un moment que ti lo voliáu demandar. Ti faudriá passar a l'Ostau dau País Marselhés un d'aquelei jorns. E se siás devèrs Marselha per de rasons professionalas ò que ne'n sabi, siam a cercar de gents per donar de cors, que ieu comenci d'èstre un pauc alassat.

Ti regracii per la proposicien, que m'agradariá de poder ajudar, malurosament siáu ara a barrutlar tot l'an entre Lengadòc e Provença, çò que mi laissariá gaire de temps per donar de cors a Marselha. Fa una banda d'ans qu'ai lo projècte de ne far a Frejús per lei joines e manqui de temps, ara per ara...
Se fau un alòngui passarai a l'Ostau emb plaser totun.

Cercatz un prof per quant de temps per setmana? Que pòsqui far virar l'info.

A l'ora d'ara l'a qu'un cors de doas oras per setmanas (lo dimècres partent 6 oras e mieja.
Mai pensaviam bessai de ne far mai, estent que l'a de monde e que lei nivèus començan d'èstre despariers, entre començaires e confirmats.
Veirem l'an que ven.

21Peticion Parlemu corsu Empty Re: Peticion Parlemu corsu Mar 20 Mai 2008 - 21:26

Florenç dau Palis


Cap
Cap

Adieu,
una discutida força interessanta...

D'abord Sofia:
ooohh ben vau ensajar tanben ... ni èi pas
jamei pensat en realitat .. pr'amor que lo men pair n'aima pas lo mot "
occitan", que's trufa tot lo temps deus ensenhaires ( qu'an hèit
desaparéisher la soa lenga) qu'an lo pegassolet "òc" sus la veitura, e
puish que parlam pas exactament lo medish gascon, çò qu'ei subjècte a
conflicte tanben ...


De segur que te lo fau faire! Sabes que quasiment tot ço que vas aprene a la fac es de causas que... son ja escrichas, pasmens tot ço que pos aprene amé tei gents es mens segur que siague escrich. Pasmens es pas aisat de lo faire, fau anar d'aise e puèi passar pron de temps, fau que i ague un escambi e una dubertura dei dos costats. Me rapele per exemple que i a 4 o 5 ans d'aquo lo paire comprenià pas en que podiàn servir lei calandretas, pensava qu'èra una conarià! Ara aquo a força cambiat! Ara comença a posquer legir en grafia classica e compren ben son interés, i ai apres de causas deis autrei dialectes... Mai es pas totjorn possible d'obtenir una dubertura dau costat dau "vielh". Aqui me sembla qu'es au jovent, a l'occitanista de se bolegar lo tafanari per se mete au nivèu de la persona e prene son biais de parlar e faire sortir son saber.

Es aqui que Matieu C. ditz:
Lo problèma es que lei gents que garçan defòra
aqueleis universitaris (que ne'n fau partida emai aguessi aprés
l'occitan a l'ostau per bòna part) avián que de trasmetre la lenga
aperavans.
Ai enveja de respondre: aquelei gents i pos reprochar ço que vòs, aquò vai ren cambiar, elei son vielhs, van crebar amé son saber e es pas son problema... es lo tieu! Es a tu de veire se vòs faire lo liame entre ton saber universitari e lo sieu. Pense que lo ròtle promier d'un "occitanista" es de parlar amé leis "occitans", amé lei gents, lo pòple occitan qu'a pas conscientizat son occitanitat. Se sabes pas faire aquò es pas la pena de pantaiar a l'occitania de deman. Pense que se volèm reviudar la cultura occitana fau reviudar l'occitanitat dau pòble e fau pas esperar encara cinquanta ans quora totei lei sovenirs de la lenga auran dispareiguts dins leis esperits! Perqué aqui sarà trop tard e faudrà impausar l'occitan (coma lo francés es estat impausat) e lei gents saràn pas d'acordi, la lenga aurà plus gis de legitimitat per lo pòble. De còps que i a me demande se l'Estat fai pas exprès de tan tirrassar amé la question dei lengas... sembla qu'es a esperar que lei gents siegon pron desculturats per que lo retorn a la lenga siegue viscut coma un dictat de l'en-defòra...
L'omi ditz:
Degun, que sia l'Universat o lo licèu, m'avèva
dit que los locutors naturaus parlavan pas vertaderament la medisha
lenga que jo. Lo sordeish, n'era pas tà jo, qu'ei vist mei o mensh cada
dialecte, mes tà la gran. Dab un chic de recul, me sembla pas que
quauqu'un m'aja preparat tà parlar dab un locutor naturau ...

Me sembla qu'avèm aqui una racina dau problema.


Finalament me sembla que dins aquèla idèia de faire de talhiers de conversacion, la concsientisacion es una toca mai importanta que lo colectage. L'idèia es de recampar de monde ensems (totei generacions e totei originas) e de se dire "Fan de puta! avèm una lenga e una cultura!".

En conclusion, vòle faire un poton a Laurenç D que nos ditz:
Se pòt pas tròp
trucar sul cap dels locutors « artificials » que sèm fòrça. Degun dins
la familia m’a pas jamai parlat en patès, e merda ! Benleu qu'auriai
degut daussar... Un còp legigueri un article que disia que calia tornar
a la « lenga de la bòria ». Solide, mas, per ieu, la meuna bòria foguèt
lo licèu ! E trantalhi entre l’occitan del meu professor
(bas-vivarenc), lo lengadocian « estandard » e lo carcinòl que donariai
car per poder lo parlar amb qualqu'un. E tot aquò dins un occitan
francisat e confit de fautas.
Los qu’an l’astre d’avedre un grand que vòl plan parlar… E ben an d’astre ! E los autres ? Cal renonçar ?

adonc, un poton, ben segur que fau pas renonciar!! Fau contunhiar, e faire de liames entre totei lei occitans!

http://profile.myspace.com/handmadeinoccitany

22Peticion Parlemu corsu Empty Re: Peticion Parlemu corsu Mer 21 Mai 2008 - 11:08

LaurençD

LaurençD
Occitan Warrior
Occitan Warrior

Solide qu’as rason, Florenç : l’occitan es pas crebat, es sonque escondut. Aviai acorchat mon messatge, que lo trapèri pas gaire optimista.
Cal se’n servir de la lenga macarèl ! Coma o diguèt lo filosòfi (me remembri pas lo qual) : « la lenga, coma la quica, s’abena se òm se’n servis pas »
Per çò qu’es del sosten de l’Estat francès… La retorica de l’Albanèla basta per comprenne çò que vau.

Lo poton Clucant

23Peticion Parlemu corsu Empty Re: Peticion Parlemu corsu Mer 21 Mai 2008 - 20:48

LaurençD

LaurençD
Occitan Warrior
Occitan Warrior

Florenç dau Palis a écrit:
Mai es pas totjorn possible d'obtenir una dubertura dau costat dau "vielh". Aqui me sembla qu'es au jovent, a l'occitanista de se bolegar lo tafanari per se mete au nivèu de la persona e prene son biais de parlar e faire sortir son saber.
(...) aquelei gents i pos reprochar ço que vòs, aquò vai ren cambiar, elei son vielhs, van crebar amé son saber e es pas son problema... es lo tieu! Es a tu de veire se vòs faire lo liame entre ton saber universitari e lo sieu. Pense que lo ròtle promier d'un "occitanista" es de parlar amé leis "occitans", amé lei gents, lo pòple occitan qu'a pas conscientizat son occitanitat. Se sabes pas faire aquò es pas la pena de pantaiar a l'occitania de deman. Pense que se volèm reviudar la cultura occitana fau reviudar l'occitanitat dau pòble e fau pas esperar encara cinquanta ans quora totei lei sovenirs de la lenga auran dispareiguts dins leis esperits! Perqué aqui sarà trop tard e faudrà impausar l'occitan (coma lo francés es estat impausat) e lei gents saràn pas d'acordi, la lenga aurà plus gis de legitimitat per lo pòble. De còps que i a me demande se l'Estat fai pas exprès de tan tirrassar amé la question dei lengas... sembla qu'es a esperar que lei gents siegon pron desculturats per que lo retorn a la lenga siegue viscut coma un dictat de l'en-defòra...
(...)Fau contunhiar, e faire de liames entre totei lei occitans!
10 sus 10 !
Torni legir ton messatge e lo trapi fòrça clar. Es tot just çò que cresi. La lenga nòstra es aqui dedins, dins lo pitre, son pas que la vergonha e la solesa que l'empachan de sortir, e per capitar de la far sortir cal se recampar PER PARLAR.

24Peticion Parlemu corsu Empty Re: Peticion Parlemu corsu Mer 21 Mai 2008 - 22:54

fredoc

fredoc
Occitan Warrior
Occitan Warrior

Que hèi lo formator au CFPÒC d'Ortès (Bearn).

Per ajudar los nostes aprenents a parlar en dehòra deus cors e taus confrontar a ua lenga mei vertadèra que la deu professor, qu'avem creat ua activitat. En partint deus "speed-datings" parisians, qu'avem adaptat l'idea a la formacin e occitan.

Lo principi qu'ei haut o baish lo medish: los aprenents que vienen tà discutir dab locutors naturaus -ne disi pas natius- qui mestrejan la lenga hèra plan. E pendent 10 minutas, que batalan (charran) puish quan hèm tringlar la campaneta, que cambian d'interlocutor.

Los passatges que son definits a l'avança, qu'ei a gratis, e que'n son hèra contents. Autant los aprenents com los "locutors". Cadun que tròba la soa plaça.

Aquiu que s'encontran aprenents, locutors natius, navèths locutors confirmats, monde de tot demiei e de tot mestièr...Qu'ensajam de causir locutors qui non sian pas agricultors o regents, on vòlen tròp sovent embarrar la lenga.

http://www.occitania-fotbol.com

25Peticion Parlemu corsu Empty Re: Peticion Parlemu corsu Jeu 22 Mai 2008 - 9:33

Sokolovic

Sokolovic
Trobador !!
Trobador !!

Ai enveja de respondre: aquelei gents i pos reprochar ço que vòs, aquò vai ren cambiar, elei son vielhs, van crebar amé son saber e es pas son problema... es lo tieu! Es a tu de veire se vòs faire lo liame entre ton saber universitari e lo sieu. Pense que lo ròtle promier d'un "occitanista" es de parlar amé leis "occitans", amé lei gents, lo pòple occitan qu'a pas conscientizat son occitanitat. Se sabes pas faire aquò es pas la pena de pantaiar a l'occitania de deman. Pense que se volèm reviudar la cultura occitana fau reviudar l'occitanitat dau pòble e fau pas esperar encara cinquanta ans quora totei lei sovenirs de la lenga auran dispareiguts dins leis esperits! Perqué aqui sarà trop tard e faudrà impausar l'occitan (coma lo francés es estat impausat) e lei gents saràn pas d'acordi, la lenga aurà plus gis de legitimitat per lo pòble. De còps que i a me demande se l'Estat fai pas exprès de tan tirrassar amé la question dei lengas... sembla qu'es a esperar que lei gents siegon pron desculturats per que lo retorn a la lenga siegue viscut coma un dictat de l'en-defòra...

Siáu content que mi donas de boei conseus...
Pasmens, mi permeti de ti dire qu'ai pas de besonhs de pantaiar a l'Occitània de deman per parlar ai gents, que siegon occitan vò non.
E repròchi ren ai gents qu'an pas trasmés la lenga, hè, me'n chauti coma l'an quaranta. Per ieu l'occitan es pas una finalitat mai un mejan.
E te'n fagues pas per ieu, pensi que n'ai fach venir pron a s'interessar a l'Occitània per pas mi sentir moquet d'aqueu latz.

26Peticion Parlemu corsu Empty Re: Peticion Parlemu corsu Jeu 22 Mai 2008 - 12:51

LaurençD

LaurençD
Occitan Warrior
Occitan Warrior

Cal pas s'embufar Mathieu (C). Aquò's una question vertadièra : cosi far lo ligam entre locutors naturals e los qu'an estidiats l'occitan (locutors artificial, l'expression es laida, mas es atal) ? La situacion de l'occitan es critica : una lenga que i a pas mai de mainatges que l'aprenon al breç. Pasmens, i a encara pro de mond, e mai que vengan vielhs, que l'an "popats". Cosi far lo ligam ? Ren que la lectura fa problema : la part majer dels locutors naturals sabon pas legir la lor lenga ! Lo valat essitis. Quant de jovents occitans an ensajats de parlar amb lor grand, e i son jamai tornat, que lo grand lor a respondut : "pff ! Mais ça c'est pas du patois !". Cala-te ! Lo passatge del senhal entre generacions, que.
Bon, aquò tot mesclat. çò que voliai dire es : parlar entre generacions en occitan, degun pòt pas dire que sia aisit, emai sia necessari.

(E apondi que vòli pas far de leiçon a dengun, ai pas que la meuna experiença a balhar, vau çò que vau.. Mas de còps que i a òm vei melhor de luenh)

Contenu sponsorisé



Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum