OCCITANIA !! Forum
Vous souhaitez réagir à ce message ? Créez un compte en quelques clics ou connectez-vous pour continuer.
OCCITANIA !! Forum


Vous n'êtes pas connecté. Connectez-vous ou enregistrez-vous

occitan

Aller en bas  Message [Page 1 sur 1]

11032008

occitan Empty occitan

Carnifex

Carnifex
Leberonet
Leberonet

adieu, bèl temps a que soi partit plan luènh d'Occitània(e quitament d'Euròpa), mas ensaji de me téne al fial de çò que se passa al país. La question es la seguenta : quora meti "occitan(-istes,-isme...)+municipales)" pels motors de cerca i a pas que Tolosa qu'apareis. I a pas endacòm mai, que l'occitan dintra (e bravament me sembla) dins la campanha? A la fin de las nonantas, per tant que me remembri, i aviá 3 endrets de l'occitan : Tolosa e la tolosia, Besièrs e Pau. E ara vesi que demòra pas que Tolosa (al mens sus internet). Besièrs foguét engolida per la mar dempuèi que soi partit? Pau es estada invasida pels Bascs ? me sembla, me pòdi enganar, es una impression de 10 000 km de luènh, que sonque a Tolosa l'occitan, capitét d'un biais de dintrar dins la vida vidanta de la ciutat mas subretot dins la vida dels estajants. Me dobti plan que la lenga mai emplegada per carriéra es lo francés, mas que pas un tolosan quitament arribat ièr, sapiá pas çò qu'es l'occitan.
Doncàs per èsser clar : Tolosa capitala d'Occitània? i a encara de joves per parlar occitan pertot, coma i aviá 10 ans a?
questions suplementàrias : de qué se passa a Pau e Besièrs?

Partager cet article sur : reddit

Gavach

Message Mar 11 Mar 2008 - 7:30 par Gavach

Adieu Alan!

Es totjorn interressant d'aver lo vejaire de qualqun que partiguèt a un moment x, e donc qu'a pas conegut las evolucions fins ara, e d'un que las a viscudas. Te vau donar lo vejaire d'un (ex)-militant que coneguèt l'occitanisme tolosenc (o una part) de 1995 a 2007. (Eras de Tolosa?). Per Pau e Besièrs daissi los locals parlar.

-De 95 a 99, l'occitanisme èra flac, completament fagocitat per la chorma Fabulous. Mas la vila semblava encara un pauc a la Tolosa d'un còp èra, la dels barris populars, dels vièlhs refugiats republicans e de las seradas sens fin e sens chichi... A aquel moment lo CROC se montèt e, segon ieu, boleguèt un pauc tot lo mond e butèt a la naissença d'un occitanisme cultural mai ofensiu.

-De 99 a 03, la dubertura de l'Estanquet menèt un fais de joves a l'occitanisme. En parralèl, lo sicrisme se petèt lo morre, embarat dins sas contradiccions dialecticas Escacalassant . L'occitanisme oficial comprenguèt las vertuts del Lobbying e de l'activisme. Lo moment fondator demòra, Joan Cavalièr o dirà tanben pensi, la serada Tolosa en occitan.

-De 03 a d'uèi, l'occitanisme oficial devenguèt mai profesionalizat e eficaç. Mas en paralèl la vila acabèt sa mudason en una vila "Parisò-americana". Es aquí ont se capitalizèt lo trabalh dels ans passats (Ostal d'occitània etc...)

D'autres completaràn

Carnifex

Message Mar 11 Mar 2008 - 8:06 par Carnifex

que l'occitan venga professional es una bona causa (pels que ne'n vivon pel mens), mas parlavi mai del sentit cap a l'occitan : se picas Toulouse dins un motor de cerca e que prenes una pagina d'azard dins benlèu 90% dels cases i aurà un mot sus l'occitan, segur que son pas de mots sempre aimables (encara que per la magèr part son al piagèr neutres). Parlas de l'estanquet, existís pas mai? E se non, demòra pas un luòc ont se pòt parlar occitan dins la ciutat?

Carnifex

Message Mar 11 Mar 2008 - 8:40 par Carnifex

d'un punt de vista mai general : 10 000 personas e Carcassona e lo doble a Besièrs : me remembri de la protesta de Clarmont d'Auvèrnha en 97 : 700 personas, èra plan simpatic mas coma remena-mond un pauc leugièr. Solide que Carca e besièrs i aviá mai que de Tolosans mas d'exemple aqueste matin dins Lib è un article de Libé Toulouse sus la serada electorala de Simon e dison que lo monde comenta en francés e en occitan sens que lo jornalista ne siá espantat coma se èra normal que se faga en occitan. Solide pensi qu'auriá d'èsser pertot e sempre en occitan mas ieu m'espanta. I a vertadièrament un cambiament rapòrt a l'occitan. I a mai de mond ara que 10-15 ans ia que parla occitan a tolosa(e endacòm). Plan solide pensi als joves neo locutors e se emplaçan pas los vièlhs que defuncton se i a un manten de la lenga.

Carnifex

Message Mar 11 Mar 2008 - 13:19 par Carnifex

vesi qu'ai escrit tròp lèu, las doas darrièiras frasas èran de questions : i a mens, tan coma o mai de mond que 10 ans a ? parli de mond jove solide, d'estudiants supausi. E question qu'es aquò una tolosa pariso-americana? se manja lo caçolet amb de quetchup a l'ora d'ara?

LaurençD

Message Mer 12 Mar 2008 - 18:10 par LaurençD

Gavach a écrit:-De 99 a 03, la dubertura de l'Estanquet menèt un fais de joves a l'occitanisme. En parralèl, lo sicrisme se petèt lo morre, embarat dins sas contradiccions dialecticas Escacalassant . L'occitanisme oficial comprenguèt las vertuts del Lobbying e de l'activisme. Lo moment fondator demòra, Joan Cavalièr o dirà tanben pensi, la serada Tolosa en occitan.

Ton istòric es plan interessant per ièu, que siai pas qu'a 20 km d'Occitania mas qu'es a pauc près tant luenh que la Reunion.

Podrias precisar de que son la "contadiccions dialecticas" del Sicre (levat la question de saber se cal se gratar lo babau o non !)



Dernière édition par LaurençD le Sam 15 Mar 2008 - 11:27, édité 1 fois

Carnifex

Message Jeu 13 Mar 2008 - 7:17 par Carnifex

lo problèma del Sicre es que vòl far d'occitan sens occitan : dins son rasonament l'occitan es accesòri, auriá tan pogut causir lo volapuk coma l'occitan. El preferís 10 personas interessadas de luènh a l'occitan, es a dire que pòdon cantar lo Se canta foneticament sens saber sonque occitanejar, mas qu'aprovan sa pensada qu'una qu'o contradís en occitan. Faguèt pas jamai de corses d'occitan dins l'Arnaudària; cresi quitament qu'i sosquèt pas. Le tien c'est le tien, le mien c'est le mien l'accent, cantava a una epòca. En aquò es eiretièr d'una majoritat dels occitanistas de las 70 e de las 80 : l'occitan es fotut, gardarèm l'accent. La transmission (familiala o corsala) val pas lo còp. Mas per las 90 arribèran de mond qu'en primièr volián saber parlar. Personalament m'estimi melhor qualqu'un que me diga Occitània es França en occitan qu'un que me canturleja Occitanie indépendance que sap pas parlar occitan.

Yellow

Message Jeu 13 Mar 2008 - 11:23 par Yellow

Vò, a despart qu'es pas èu qu'escriguèt L' accent, segon lei credits de la pochèta, mai es enfifrar lei moscas, estent que l' Angi B es bensai dins lo mesme esperit que Jesus Sicre

Carnifex

Message Jeu 13 Mar 2008 - 11:59 par Carnifex

Sicre es dieu e Ange B es son profèt, de genolhons malcresents !

joan_cavalier

Message Jeu 13 Mar 2008 - 12:04 par joan_cavalier

Me fas pensar que nos caldria anar faire de radio amb Yellow del cant de las mascarenhas, seria "fun" (coma dison los franceses)

Alan Kebe, teni de trabalh mas ensaji de te respondre leu

Amistats

Cedric

Carnifex

Message Jeu 13 Mar 2008 - 12:12 par Carnifex

mercés plan Cedric, pren te lo temps que te cal es pas pressat

Carnifex

Message Jeu 13 Mar 2008 - 12:19 par Carnifex

se vòls venir far de radio aquí, m'espèri que t'agrada lo ron.

Danís

Message Jeu 13 Mar 2008 - 15:29 par Danís

Sei pas segur que a Radiò Occitania sián prestes a li paiar lo viatge jusinca Las Mascarenhas...e ente quo es exactament ? Interrogacion

Carnifex

Message Jeu 13 Mar 2008 - 15:51 par Carnifex

es dins la constellacion de Pròxima del Centaure : soi lo primiér occitan interstellari, e s'as vist la sopa als caulets, sabes cossí me contactét...

Carnifex

Message Jeu 13 Mar 2008 - 15:57 par Carnifex

son 3 islas : Maurici sonada aital en omenatge al Maurici Andrieu, La Reunion perque se congostan de reunions los occitans (-nistas o pas) e Rodrigues perque caliá ben un nom.

LaurençD

Message Jeu 13 Mar 2008 - 17:20 par LaurençD

Alan Kebe a écrit:lo problèma del Sicre es que vòl far d'occitan sens occitan : dins son rasonament l'occitan es accesòri, auriá tan pogut causir lo volapuk coma l'occitan. El preferís 10 personas interessadas de luènh a l'occitan, es a dire que pòdon cantar lo Se canta foneticament sens saber sonque occitanejar, mas qu'aprovan sa pensada qu'una qu'o contradís en occitan.

Aquò's plan clar !

LaurençD

Message Jeu 13 Mar 2008 - 17:23 par LaurençD

Alan Kebe a écrit:... e Rodrigues perque caliá ben un nom.

Dins d'abòrd la diguèron Rodés. Lo [rigu] venguèt après...

Danís

Message Jeu 13 Mar 2008 - 19:31 par Danís

Alan Kebe a écrit:es dins la constellacion de Pròxima del Centaure : soi lo primiér occitan interstellari, e s'as vist la sopa als caulets, sabes cossí me contactét...

Vergonha Vergonha Vergonha

Spoiler:

joan_cavalier

Message Jeu 13 Mar 2008 - 19:49 par joan_cavalier

t'a prometi Danis que Alan mesorga pas, sabi ont es lo seu vaissel (e Gavach tanben) sabem quitament ont sarra las claus

Gavach

Message Ven 14 Mar 2008 - 20:15 par Gavach

Urosament que mercés als araneses, avèm nosautres occitans una tradicion pregonda del viatge interstelari ( i a un DVD d'Al Canton suls vièlhs qu'anavan far las sasons sus la cinta d'asteroïdes). Aital serèm en primièira posicion per colonizar las planetas terraformables e aital reviscolar la nòstra lenga.

Carnifex

Message Sam 15 Mar 2008 - 8:07 par Carnifex

una pròva suplementària : l'anciana bandièira d'Aran èra tricolora : blau, blanc e verd. Vaquí la signification : lo blau de l'espaci, lo blanc de las estelas e lo verd dels martians. Solide qu'es un pauc perduda a l'ora d'ara aquela significacion, e que se contas aquò t'agacharan estranh. Mas se vas a Montgarri i a encara l'estatua de l'astronauta anoním. Demai quina planeta es roja, coma la nòstra bandièira?

Message  par Contenu sponsorisé

Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum