Un de mai

LaurençD

LaurençD

Occitan Warrior

Nombre de messatges : 799
Date d'inscription : 11/02/2008

Bonjorn a tots

L'occitan l'ai pas parlat ni escrich desempuei l'orau dau bacchalèirat : desencusatz me per las fautas. Siai de Valença, frontièra d'Occitania. L'ai aprèsa au liceu la lenga nòstra, dins lo dialecte dau pais. Mas mon paire es carcinòl, alara crese ben que mon occitan es un pauc mesclat.
I a lèu tretze ans qu'ai quitat lo nòstre pais. A l'ora d'uèi, vive en Sant Esteve, qu'es pas pro luenh. Un pichot esfòrt, e ma pichòta serà d'accordi per que passem la frontièra !
Se remembrar la polida lenga quora sias exilhat, aquo's pas evident. La vertat, es qu'ausir et parlar francitan ajuda a gardar la memòria...
Que plasèr de vos legir, macarèl ! Òsca a tots !

Dernière édition par le Lun 11 Fév 2008 - 21:55, édité 2 fois

Lun 11 Fév 2008 - 21:36 par **Danís**

E òsca a tu, e planvengut aqui, Laurenç ! Òsca

Semblas pas tròp aver perdut de ton occitan dempuei lo bac, ton niveu d'occitan es plan bon ! Cool

Lun 11 Fév 2008 - 22:05 par **LaurençD**

Plan mercè Danìs. Mon occitan s'entorna un pauc.
(Ai editat mon messatge : aviai escrich : "mon paire es carcines"... Miladio ! Carcinòl, còquin de dio !)
Au còp que ven.

Mar 12 Fév 2008 - 19:37 par **sanmarti**

Planvengut amic exiliat! Sant Esteve es pas trop luenh totun. Parlas plan l'occitan es esperi que nos vas ensenhar quauquas particularitat del dialecta d'en ço tieu.

Mer 13 Fév 2008 - 7:05 par joan_cavalier

La planvenguda,

A mai es plan avem ja Matieu pels ressons del Velodrome, Godolin pels ressons de l'estadium, d'unes bordaleses pels ressons de Lescure (perdon Chaban-Delmas IOI) ara podrem aver resson del topin.

Amistats

Cedric

Mer 13 Fév 2008 - 17:13 par Zengi

E lo resson deu Hamèu de Pau, aquò qu'ei mèrda ?!

.. òc qu'ei merdica augan.. Content

Mer 13 Fév 2008 - 18:37 par **LaurençD**

Oèi, lo topin verd Ironic

Quand jògan, se lo vent bufa dau nord, dins de l'ostau pòdem l'ausir que pren lo bolh !
Pasmens, fa plan temps qu'es pas formidable la magisca que cosineja aquela equipa... Mas i a totjorn un molon de stefanès dins l'ola !

Mer 13 Fév 2008 - 19:53 par **Danís**

Pfiooo ! Un fila la metafòra aqui ! Òsca

Mer 13 Fév 2008 - 21:07 par **LaurençD**

Alara, vai, puièi que sem passats sens transicion del fot a la literatura, vos baile un poema en dialecte vivares-daufinès (se pòt trobar aici : http://www.marraire.com/index.php)

L’arribaa de la prima

(J.P. Sabatier, lo 15 de Març de 1882) - retranscrit-
L'autre matin l'aura bofava
coma dau temps de las meissons;
èra chaudeta e perfumava
com' au temps de las fenasons.
Quò èra aquèl’ aura chauda e douça,
que ven dau país dau meijorn,
que fai verdir lo blat que possa
e que fai espelir la flor.
Lo solelh lusiá de bòn' ora,
lo Ròse èra clhar coma un riu,
au ceal li aviá pas una borra,
aquò èra com' un jorn d'estiu.
E l-òm veiá verdear las branchas
daus grands pibons, e l'ametlièr
voirava sas floretas blanchas
coma un morcelon de papièr.
La premèira eironda arribava,
e coma entre març e abrial
lo cocut se mariar, chantava,
coma dison amont, a plen fial.
Tot vai florir ! tot serà fèsta !
serem d'abòrd au mes de Mai
e contarem sus nòstra tèsta,
mon Loís, un printemps de mai.

Mer 13 Fév 2008 - 21:29 par **Danís**

par Contenu sponsorisé