E.M.O

Te, ai pensat, coma avem un brave fòrom, 'qui, que 'quò siria benlèu l'ocasion (fai lontemps qu'i pense, personalament...) de dreissar la lista de tots los grops occitans...
Une mena d'EMO, que... (Enciclopedia Musicala Occitana)
Tròbe que 'quò pòt esser risolièr, e benlèu nos farà coneisser e partatjar nòstra bèla musica...
Vau instalar las règlas dau juèc, dijatz-me se setz d'acòrt coma ieu...
Cadun bota son article sus lo grop(pas tròp long, tot parièr, sem pas Alain Rey !) e, se n'i a la possibilitat, un ligam d'internet.

Qué n'en pensatz ?

Òc-ben ! Vau ensatjar de parlar de La Talvèra ! Héhé !

Oc, trobi qu'es ua bona idea!

Coneishi pas trop aquesta musica , es sèra donc un plaser de descobrir

Òc, jo que soi d'acordi tanben tá har ua Enciclopedia Musicala Occitana, que seré interesant de descobrir grops o cantaires autes que Nadau... héhé!

Jo qu'aimi plan musicas tradicionaus, mès cau díser que me hartan los rondèus tostemps jogats parièr, shens tribalh d'armonizacion...

Me sembla qu'un grop interessant èra Perlinpinpin Fòlc ; qu'entinoèn i a 30 annadas a collectar musicas occitanas divèrsas, e a las jogar. Los prumèrs enregistraments que son un chic "barbares", mès de cap a 1991 que hasón un disc deus beròis : "Ténarèze". Que'vs ac conselhi d'escotar se voletz enténer ua musica fina !

Après, aqueth grop desapareishó (istuèra de caracteris, com sovent dab l'occitan) e un grop navèth prenó la soa plaça : "Ténarèze". Lo disc Ausèths es de bon escotar, vertat... Tèxtes deus bons, musica agradiva... Ua canta de Brassens, Los aucèls passatgièrs, un poèma de Federico Garcia Lorca arrevirat en lengadocian (Per las brancas del laurièr) eca...

A lèu !

Up ! Ua idèia de seguir ...

Tant que parlavas de "Ténarèze", bohaire, te conselhi lor segond disc Aral qu'es tanben quicòm se v'as pas encara escotat.