OCCITANIA !! Forum


Vous n'êtes pas connecté. Connectez-vous ou enregistrez-vous

Marilis e lu mitan occitaniste...

Aller à la page : Précédent  1, 2

Voir le sujet précédent Voir le sujet suivant Aller en bas  Message [Page 2 sur 2]

1 Marilis e lu mitan occitaniste... le Sam 1 Déc - 10:48

Tiston


Occitan Warrior
Occitan Warrior
Rappel du premier message :

veiqui que deuria far plaser au BigDreux...

bon quand qu'es la mrilis que zo ditz, 'quo me vai, a lu drech, mas qund 'qu'es lu Cedric...Content (coma, sei amoros de Marilis??? lengas de pelhon...)

Marilis Orionaa a écrit:
« Chanteuse française d’expression occitane », vous rejetez vigoureusement l’enfermement identitaire quand d’autres voudraient couper vos longs cheveux et vous prescrire le français. Avec Armugalh, une « minor compagnie », vous résistez n’est-ce pas ?
Depuis le début je me bats sur deux fronts à la fois. D’un côté les militants occitanistes qui me considèrent comme une dissidente parce que je refuse de chanter sous leurs drapeaux. Ils ont une panoplie, des œillères, ils passent leur temps à se gratter les croûtes et à prêcher des convertis. C’est une secte à laquelle je n’ai aucune envie d’appartenir. Évidemment tous les militants de base ne sont pas des crétins. Heureusement il y a des hommes de bonne volonté, et même des saints et des héros qui relèvent le niveau. Mais depuis quelque temps on voit apparaître une nouvelle race de dirigeants : ils parlent une langue de mutants, un occitan transgénique. Ils ont les dents longues, le goût du pouvoir et sont doués d’un véritable talent pour canaliser l’argent des subventions. C’est un petit lobby qui se serre les coudes. Ils se décernent des compétences au nom desquelles il font main basse sur la vie culturelle. Les locuteurs de souche se sentent dépossédés et peu concernés par leurs petites transactions.



Dernière édition par le Sam 1 Déc - 12:55, édité 1 fois


31 Re: Marilis e lu mitan occitaniste... le Jeu 13 Mar - 15:34

Danís


Adjudant
Alan Kebe a écrit:es sempre estada originala coma se ditz, a una epòca disiá a tots los que la voliá ausir als jornalistas tan coma en concèrt qu'èra la reincarnacion d'una vaca bearnesa.

Io auriá dich una chabra, puslèu, rapòrt a sa votz... Risolet Progressiu Non, sabe, era un pauc aisada, 'quela-qui...

32 Re: Marilis e lu mitan occitaniste... le Ven 14 Mar - 17:00

Zengi


Trobador !!
Trobador !!
Agueri una longa conversa amb Sergio sus aquò e
sem tombat d'accordi, ço que compta es lo trabalh de terrenh de cada
jorn, pas de se diser "erem 20.000 per carrieras, balhatz moneda e un
estatut officiau", francament se deman de matin l'occitan era oficiau
dins l'estat frances, es que pensas que lo monde le parlarian atal còp
sec, cal pas confondre occitan e ganja, se deman la ganja es legalisada
veirem monde diser "òc tubi", se deman legalison l'occitan, vesi pas lo
monde diser d'un còp "Ara qu'es officiau lo confessi, parli occitan".

Que torni sus aquò.

Que soi d'accòrd tà díser que manifestacions com Besièrs serveishan pas a gran causa, a despart de's har plaser (qu'ei dejà aquò). Jo qu'i vau tà encontrar monde etc, mes que sei plan que podem estar 30 o 60.000, cambiarà pas arren per'mor l'Estat que se'n fot deus passa-carrèras.
La pròva: ço qui a cambiat desempuish Carcassona e Besièrs ? ARREN.

Aquò dit Cedric, soi pas d'accòrd dab tu per ço qui ei de l'oficializacion de l'occitan.
Per jo que pòt aver mantuns punts positius (e qu'ei per'mor d'aquò qu'avem apitat dab AAP ua campanha "Occitan Lenga Oficiau"):
- Un arreconeishença oficiau qui amuisha au monde que i a MANTUAS lengas en l'Exagòne (non, non n'ei pas evident per tot lo monde..)
- L'oficializacion que va obligar l'Estat a engatjar ua politica linguistica (tornar a un nombre arrespectuós de pòstes au CAPES per exemple)
- Que seram mei credibles tà convéncer lo monde, e que mascalha lo tribalh.

...

Segur n'ei pas aqueth present de l'Estat qui harà parlar la lenga, mes que pòt estar, segon jo, ua ajuda seriosa, tacticament parlant.

33 Re: Marilis e lu mitan occitaniste... le Ven 14 Mar - 17:51

Bombonarèla


Pintaire
Pintaire
Matieu a écrit:
Que soi d'accòrd tà díser que manifestacions com Besièrs serveishan pas a gran causa, a despart de's har plaser (qu'ei dejà aquò). Jo qu'i vau tà encontrar monde etc, mes que sei plan que podem estar 30 o 60.000, cambiarà pas arren per'mor l'Estat que se'n fot deus passa-carrèras.
La pròva: ço qui a cambiat desempuish Carcassona e Besièrs ? ARREN.

Se los passa-carrièras cambian pas res, es forçadament perque sèm de Bisonors Poce Clinat , i a pas de discors enrabiats, pas d'invectiva directa e clara de l'Estat, pas de bruch, pas de crits, pas de fum, pas de moviment, pas de conviccion...

Al contrari se passejam joiosament en musica en faguent de risolets a l'Estat que nos enfifra coma un tord... E lo pièjer es qu'òm en torna demandar...

Enfin disi aquò... mas vendrai totjorn... Soi plan segura que cambiara un jorn... E me pensi que servis al mens als estatjants d'aquelas ciutats per afortir lor "occitanitat" e per prene de cors... e montrar als autres que la lenga e la cultura d'Oc existisson...
E aquò calculat fa (50 000 personas per Carcassona e 80 000 per Besièrs) un total de 130 000 personas que foguèron informadas... Bon de segur es pas l'Estat... Los ressons son unicaments los dels elegits regionals... tòca pas las autras regions d'Occitania, sonque la qu'es concernida...

34 Re: Marilis e lu mitan occitaniste... le Ven 14 Mar - 18:05

Zengi


Trobador !!
Trobador !!
e los passa-carrièras cambian pas res, es forçadament perque sèm de Bisonors
, i a pas de discors enrabiats, pas d'invectiva directa e clara de
l'Estat, pas de bruch, pas de crits, pas de fum, pas de moviment, pas
de conviccion...

Diable Content Diable Content Diable Content Diable Content Diable Content Diable Content Diable Content Diable Content Diable Content Diable Content Diable Content Diable Content Diable Content Diable Content Diable Content Diable Content Diable Content Diable Content

35 Re: Marilis e lu mitan occitaniste... le Ven 14 Mar - 20:07

Le Guilhèm


Occitan Warrior
Occitan Warrior
Bombonarèla a écrit:
Matieu a écrit:
Que soi d'accòrd tà díser que manifestacions com Besièrs serveishan pas a gran causa, a despart de's har plaser (qu'ei dejà aquò). Jo qu'i vau tà encontrar monde etc, mes que sei plan que podem estar 30 o 60.000, cambiarà pas arren per'mor l'Estat que se'n fot deus passa-carrèras.
La pròva: ço qui a cambiat desempuish Carcassona e Besièrs ? ARREN.

Se los passa-carrièras cambian pas res, es forçadament perque sèm de Bisonors Poce Clinat

Potonors en occitan Uèlhs al Cèl Uèlhs al Cèl Uèlhs al Cèl Uèlhs al Cèl






























Risolet Progressiu

36 Re: Marilis e lu mitan occitaniste... le Ven 14 Mar - 20:16

sanmarti


Occitan Warrior
Occitan Warrior
En cada causa cal veser lo bon costat.
Se aquelas mostras cambiaran pas grand causa al nivel estatal, ajudan a sensibilisar las gents e los politics "locals" al problema de la lenga e fan veser a totis que la bestia es pas encara morta. Bolega mema mai que quauquas annadas fa.

PicheBorgne


Draquilhon
Draquilhon
Bombonarèla a écrit:
Matieu a écrit:
Que soi d'accòrd tà díser que manifestacions com Besièrs serveishan pas a gran causa, a despart de's har plaser (qu'ei dejà aquò). Jo qu'i vau tà encontrar monde etc, mes que sei plan que podem estar 30 o 60.000, cambiarà pas arren per'mor l'Estat que se'n fot deus passa-carrèras.
La pròva: ço qui a cambiat desempuish Carcassona e Besièrs ? ARREN.

Se los passa-carrièras cambian pas res, es forçadament perque sèm de Bisonors Poce Clinat , i a pas de discors enrabiats, pas d'invectiva directa e clara de l'Estat, pas de bruch, pas de crits, pas de fum, pas de moviment, pas de conviccion...

Al contrari se passejam joiosament en musica en faguent de risolets a l'Estat que nos enfifra coma un tord... E lo pièjer es qu'òm en torna demandar...

Enfin disi aquò... mas vendrai totjorn... Soi plan segura que cambiara un jorn... E me pensi que servis al mens als estatjants d'aquelas ciutats per afortir lor "occitanitat" e per prene de cors... e montrar als autres que la lenga e la cultura d'Oc existisson...
E aquò calculat fa (50 000 personas per Carcassona e 80 000 per Besièrs) un total de 130 000 personas que foguèron informadas... Bon de segur es pas l'Estat... Los ressons son unicaments los dels elegits regionals... tòca pas las autras regions d'Occitania, sonque la qu'es concernida...



Evidentament levas un punt dels mai importants.... 20 000 pelucres per capitar de far rire lo governament.... quò segur que per festejar vestits en palhassas per carrièiras quò zo sabem far !!! Ai pas capitat (A Besièrs tan coma a Carcassona ) d'auvir al mens una revendicacion seriosa e legitima.... levada 'quela puta de responsa : " cal mostrar qu'aquò existis".... Coma zo ditz l'amiga Marilis : "prêcher des convaincus"....
Se volem aver un estatut vertadièr per la lenga nòstra cal vertadièirament mostrar que siem enrrabiats e que quitament siem prestes a combatre per carrièiras per 'quò. io me meti a la plaça del governament pendent la manif', io vos disi que m'auria fach rire tot aquel cirque....
Me desincusi d'èsser vulgari, mès me pensi que lo movement "occitaniste" se deuria tocar de subvencions per comprar un parel de colhas a cada "militant", car d'aqui ven 'quel fracàs... zo vesi dins cada estructura establida per nosaus, mai n'avèm los mejans de prene Paris se volèm !!! Compreni pas perqué i arribam pas amb 'quò..
Vau acabar en dire que fin finala se poiria pensar que lo militantisme vertadier es proporcianal al nivèl de lenga.....



Dernière édition par PicheBorgne le Dim 16 Mar - 11:33, édité 1 fois

38 Re: Marilis e lu mitan occitaniste... le Sam 15 Mar - 10:20

Carnifex


Leberonet
Leberonet
solide que lo nivèl de lenga determina l'engatgament, es aquí que pagam las setantas e uèitantas : quantes de militants d'aquela epòca aprenguèron la lenga? quantes l'an transmetuda? Per aver encontrat de monde qu'èran militants en aquel temps, me diguèron : "los caps elis sabián parlar, mas lo de basa sabiá bramar qualques eslogans, cantar tres cansons e rai!" quitament los qu'èran de lenga mairala, diguèron : "los dròlles l'aprendron se vòlon" mas lo problèma es que lo que la popada, pòt causir de parlar o pas : o sap es un fach, l'autre cal que faga l'esforç e se vòl pas es fotut. Cossí vòls que lo pagan qu'a vergonha transmeta quand vei que lo militant sap pas parlar ?

39 Re: Marilis e lu mitan occitaniste... le Sam 15 Mar - 10:41

joan_cavalier


Trobador !!
Trobador !!
una reflexion, quicòm que m'apaura (quitament se compreni la pausicion de Matieu en terme de dardenas), aquel costat oficialitat demandada als franceses ten un costat levar lo det ta diser "Monsur, podi anar escampar d'aiga", coma l'ai dit soi mai per passar pel poble que d'anar faire mendigot a las institucions (lo pauc de nocion de vendas que teni fan que sabi que val melhor esser dins la pausicion de lo que ten l'oferta que de lo que a mestier).

Una autra reflexion sus aquela istoria de "sèm pres per de monde risolier", se òm pausa bombas òm ven dangeros murtriers separatistes, per contra ço que sonarai lo "terrorisme manhac" pòt marcar los esperits de biais mai efficaç (prendrai coma eisemple las "manif de droite" o encara los antimilitaristes catalans qu'eran dintrat dins una caserna ta desplegar preservatiu gigants sus canons) lo tot es d'aver l'idea, l'enveja, l'organisacion e l'avelana.

Un darrier punt sus aquela citation
PicheBorgne a écrit:
Vau acabar en dire que fin finala se poiria pensar que lo militantisme vertadier es proporcianal al nivèl de lenga.....

Los meus 8 ans en ço del mitan occitanISTE, m'an fach remarcar qu'òm pòt desfendre l'occitan sense lo parlar (coneissi un fum de monde atal, aprep, pausa una autra contesta que seria trop bèla per l'esprimar aici), e aprep confessarai que dins lo mitan occitanISTE e per aquela mena de projecte, ieu personalament m'estimi de m'esprimar en frances qu'ai arremarcat que fòrça sovent se menas en occitan una idea que pòt salvar Occitania, arrestar la talent dins lo monde, garir lo SIDA, arrestar la polucion, botar la patz dins lo monde e faire que Yellow emplaça Difool, que Super Albert emplaça Sarkozy e que Gavach ganha la Star Ac 2030, la reponsa primiera que pren es "Aici as fach una peca, a dit atal te calia diser atal"...

Ta ieu, es pas una question de nivel de lenga, es una question de causida de prioritat mentre lo contenant e lo contengut, partatgi l'analii d'Alan Kebe, m'estimi mai una bona idea pels pais en qu'una lenga que siaguesse que non pas un cors de lenguistica

http://www.myspace.com/joan_cavalier

40 Re: Marilis e lu mitan occitaniste... le Sam 15 Mar - 10:46

joan_cavalier


Trobador !!
Trobador !!
Rapòrt a l'intervençion d'Alan Kebe, soi d'acòrdi a 90%, lo 10% de mai tenon dins una question, avem una lenga bèla e polida, no caldria tanben demandar ço que fasèm (o que fasèm pas) per que lo monde aguesson pas l'enveja de l'aprener quitament se la desfendon ?

Disi pas que i'a pas monde dins aqueles que s'en chauton, disi qu'ai vist (aici tanpauc es pas una generalisacion) çerts comportaments d'occitanistes occitanofons que podon permettre d'entendre aquò (m'arresti aici podi balhar d'eisemple se neçite)

http://www.myspace.com/joan_cavalier

41 Re: Marilis e lu mitan occitaniste... le Sam 15 Mar - 10:53

Carnifex


Leberonet
Leberonet
la causa es simpla : se t'interressas a l'occitan, lo te cal aprene. Demorar militant occitan sens saber la lenga : de qué servís?

42 Re: Marilis e lu mitan occitaniste... le Sam 15 Mar - 10:57

Carnifex


Leberonet
Leberonet
e remembra-te Joan Cavalièr, n'avèm conegut de mond militant que sabián pas parlar, per tan que me sembla s'i son metuts : sonque lo fach que parliavèm pas qu'occitan lor balhèt l'enveja, lo tast de saber elis tanben.

43 Re: Marilis e lu mitan occitaniste... le Sam 15 Mar - 11:01

joan_cavalier


Trobador !!
Trobador !!
pensi que coneissem totes dos la pausicion nòstra sus la question per l'aver evocada (e negada) a mantunas seradas (en aprofiechi per t'anonçar qu'una de las teunas ancianas patronas s'es fotuda de parlar l'occitan traç que plan).

Aprep de vertat que un neo-parlaire militant que s'ensaja e que e far respondre "Si c'es pour parler comme ça, parle français" o qualqu'un que se trapa dins un estanquet occitan, que pausa questions sus la lenga e qu'acaba per se prener dins la cara un "Tu es né a Toulouse et tu connais pas l'occitan, c'est scandaleux tu es quelqu'un de fermé" (N.B: las doas anecdotas los ai vist e ai respectat a cada còp la lenga emplegada dins l'invective, de saber lo frances), compreni qu'aquelas personas aguesson mens l'enveja de se lançar d'aprener la lenga

http://www.myspace.com/joan_cavalier

44 Re: Marilis e lu mitan occitaniste... le Sam 15 Mar - 11:04

joan_cavalier


Trobador !!
Trobador !!
Alan Kebe a écrit:e remembra-te Joan Cavalièr, n'avèm conegut de mond militant que sabián pas parlar, per tan que me sembla s'i son metuts : sonque lo fach que parliavèm pas qu'occitan lor balhèt l'enveja, lo tast de saber elis tanben.

Rebombissi (van encara diser que sem pas que dos de faire la conversa) per te balhar mon vejaire sus lo per que del consi, fasiem pas de pedagogia, de militantisme subre actiu erem (e sem totjorn) monde normau e festiu que fasian festa d'un biais naturau dins la nòstra lenga naturala l'occitan es benleu aquò qu'agrada al monde, lo normal pas l'artificial

http://www.myspace.com/joan_cavalier

45 Re: Marilis e lu mitan occitaniste... le Sam 15 Mar - 11:10

Carnifex


Leberonet
Leberonet
plan solide soi d'acòrdi amb tu. Es en parlar que parlaràs. E quand lo mond vei que l'occitan sembla èsser una lenga coma una autra (mai polida segur), te balha l'enveja de saber tu tanben.

46 Re: Marilis e lu mitan occitaniste... le Sam 15 Mar - 11:15

Carnifex


Leberonet
Leberonet
mas la diferencia entre lo que s'interessa perque l'a ausit, li agrada, es curiós eca... e lo militant es a dire un engatjat, es que lo militant, per ieu, deu junhér los actes a la paraula. Tan val 10 interessats que parlan plan qu'un militant que parla ben.

47 Re: Marilis e lu mitan occitaniste... le Sam 15 Mar - 14:44

darboneta


Occitan Warrior
Occitan Warrior
Alan Kebe a écrit:plan solide soi d'acòrdi amb tu. Es en parlar que parlaràs. E quand lo mond vei que l'occitan sembla èsser una lenga coma una autra (mai polida segur), te balha l'enveja de saber tu tanben.

10 sus 10 !

48 Re: Marilis e lu mitan occitaniste... le Sam 15 Mar - 22:01

Tiston


Occitan Warrior
Occitan Warrior
vos trobe ben negatius...
bon d'accord ieu maitot quo me riba mai que de rason...
bon 2005 mai 2007 li sei 'nat... ai passat un bon moment (mesme se per ribar d'a Limotges per ambe los cars de l'IEO folia se levar d'abora a las 4 oras dau matin per esser dins Limotges au punt de rendatz-vos a las 5 oras...) dins 'quelas manifestacions...
d'accord los chamnhaments politics son pas d'enguera 'ribats... mas fau totjorn beucop de temps per 'dobar 'quelas besunhas, zo sabetz... mas podem pas dire que Besiers 2007 a servit de ren... veirem ben, si dins 2 ans s'es ren passat, serai d'accord...
per ço qu'es dau resson mediatique de l'afar, vos trobe d'enguera mai negatius....
i'a quitament 'gut daus articles dins l'estresme nord d'Occitania, chas me a Limotges (Populari dau Centre e Resson de la Nauta-Vinhana), tots los colegas au trabalh m'an dich "t'as vist i'a gut un passa-chariera per lu patoes", responhuei "oc-es li eria..", 'n'ocasion de parlar de las lengas e daus enjuecs...

Ai legit dins la Setmana qu'en abriu se tendra a Besiers 'n'amassada per 'dobar l'accion de 2009... tot lu monde es convidat a venir balhar son biais de viure sus l'organisacion mas, subretot, sus las revendicacions de botar en avant e sus la faiçon de las far auvir... bon podrai pas 'nar a Besiers 'queu jorn; serem nombros dins 'queu cas... mas la porta es duberta...
e puei, 10 000 en 2005, 20 000 en 2007, 40 000 en 2009 non? quo comença de se comptar...
quand pense qu'en 2011 serem 80 000 e qu'en 2017 serem 640 000... 'quo me balha de 'lanç e d'esper vesetz?
Content

49 Re: Marilis e lu mitan occitaniste... le Dim 16 Mar - 11:47

joan_cavalier


Trobador !!
Trobador !!
Aquò vol diser que podrem esperar l'oficialitat de la lenga del cant de 2100, l'independencia en 4024.... de vertat me sentissi mens pessimist

O alavetz fan aquò cada dos ans per de que atal lo monde tenon leser de faire pichons per esser lo doble a cada còp es aquò l'istoria???

bon anem arresti de me trufar e d'esser de marrida fe (per aqueste còp al mens) disi pas qu'aquela mena de protesta es pas brave, disi que lo mai neçite es lo trabalh de terrenh de cada jorn, m'estimi mai 10.000 articles sus Occitan en 2 ans que 1 article sus 10.000 personas per carriera cada 2 ans

http://www.myspace.com/joan_cavalier

50 Re: Marilis e lu mitan occitaniste... le Dim 16 Mar - 11:57

PicheBorgne


Draquilhon
Draquilhon
lo rasonament per io es mai qu'aisit : n'avèm una lenga que se moris, e dempèi un brave moment n'avèm tota una ramada d'estructuras (la tièira ne seria trop longassa...) per la far viure dins mai d'una fòrma... çò que nos manca son de bons locutors... que parlan la lenga coma la lora lenga e non pas una lenga estangièira... perqué quand se met en lenga nòstra (coma dins cada amai lenga ) l'accent francès, quò la fa venir coma estrangièira... mentre que quand nosaus parlam francés n'avèm l'accent "occitan"...
Donc, io pensi que la tòca prumièira quò's far viure la lenga, en la parlar. Mès cossi voletz que sia viva s'es parlada coma io parli russe.... 'Qui podèm pas far de programas "ERASMUS" o sai pas quna auta conaria coma quò, ie siem desjà dins lo pais !
Davant tota causa nos cal retrobar una lenga de qualitat, e quand disi quò parli pas d'una mena d'eleita lingüistica, mès d'un accent, d'una intonacion, d'una prononciacion... E PAS DE FRANCES !!!!
Trabalhi dins lo centre calandreta e vesi la diferencia d'engatjament entre los regents que tenon una lenga mai que bona e los autes.... (levats lo trabalh mai que remirable d'unes regents que parlan mal mès que fan d'esfòrces sus eles..).

Es en parlant coma la pòdi auvir cada jorn la lenga, parlada per de toristes en manca de solelh benlèu e maitot d'una plaça tranquilleta per pas res fotre apèi, que participan çò eles al nòstre genocide cultural....

51 Re: Marilis e lu mitan occitaniste... le Dim 16 Mar - 12:20

Carnifex


Leberonet
Leberonet
aquelas protestas son tanben fachas per se comptar, estimat Joan Cavalièr supausi que t'agrada melhor d'aver 20 000 personas per carriéiras que non pas 200. Te balha de vam per contunha lo trabalh de terrenc, veses qu'es pas inutil que siás pas solet. Disi aquò d'autant mai aisidament que i èri pas e qu'o regreti, m'èri dit que i aurà pas 4 pelats que van bramar ceba a las institucions e a l'estat. Aprèp solide que de far lo balha-papiérs e lo chaupina-trepadors te farà pas parlar se ti botes pas.

52 Re: Marilis e lu mitan occitaniste... le Dim 16 Mar - 12:38

Carnifex


Leberonet
Leberonet
Davant tota causa nos cal retrobar una lenga de qualitat, e quand disi quò parli pas d'una mena d'eleita lingüistica, mès d'un accent, d'una intonacion, d'una prononciacion... E PAS DE FRANCES !!!!
Trabalhi dins lo centre calandreta e vesi la diferencia d'engatjament entre los regents que tenon una lenga mai que bona e los autes.... (levats lo trabalh mai que remirable d'unes regents que parlan mal mès que fan d'esfòrces sus eles..).

Es en parlant coma la pòdi auvir cada jorn la lenga, parlada per de toristes en manca de solelh benlèu e maitot d'una plaça tranquilleta per pas res fotre apèi, que participan çò eles al nòstre genocide cultural....[/quote]

aquí lo problèma del CAPES, de calandreta e de las bilinguas, es : qualitat o quantitat? 1 qu'a la lenga remirable MAS 1 pòste, o 10 mas qu'an un missant occitan mas fa 10 pòstes ?

53 Re: Marilis e lu mitan occitaniste... le Dim 16 Mar - 18:44

fredoc


Occitan Warrior
Occitan Warrior
PicheBorgne a écrit:io soi del costat d'aquela brava dòna, io que trabalhi dins lo mitan calandreta per exemple, zo vesi.... se passa exactament atal e çò parièr pel nivel de lenga....

Que soi hòrt d'acòrd dab aquò. Lo nivèu de lenga deu mitan Calandreta, shens har generalitats ni dar noms, que'm sembla hèra baish...o que deveri meilèu diser hèra franchimand. Lo monde que parlan, per jo, çò qui apèri un "francés arrevirat" e qui n'a pas güaire l'esperit de la lenga occitana.
E que pensi que la Marilis ac denoncia, era qui a tostemps parlat la lenga, lo biarnés de casa, e qui sap la quita esséncia deu noste parlar.
De mei, e Calandreta qu'ac representa tròp plan malurosament, ua part deu mitan occitanista que's vòu, que's cred "l'esclaridor" deu praube occitan qui non sap pas a que apartien. De segur, que'm hè dòu que lo monde ne's sentescan pas occitan, que non sàpian pas que pòden estar occitan...Mes que's cau avisar de non pas arreprodusir l'esquèma colonialista de França deus darrèrs 10 sègles. E sustot, non haciam pas de l'occitanisme ua dictatura. N'anem pas per las campanhas dab un esperit de superioritat. Lo monde que pòden compréner las causas, ne'us cau pas préner per pegòts.
E qu'ei aquerò qui Marilis a comprés dens lo mitan occitanista. E jo qu'ac sèi per'mor de n'aver parlat dab era. Ne'm basi pas sus suposicions o vertats comunas qui l'occitanisme e sòu espandir.

Adishatz.

http://www.occitania-fotbol.com

Contenu sponsorisé


Voir le sujet précédent Voir le sujet suivant Revenir en haut  Message [Page 2 sur 2]

Aller à la page : Précédent  1, 2

Sujets similaires

-

» lexique du ch'ti

Permission de ce forum:
Vous ne pouvez pas répondre aux sujets dans ce forum