OCCITANIA !! Forum


Vous n'êtes pas connecté. Connectez-vous ou enregistrez-vous

Roland Pecout - Laissarem Degun

Aller en bas  Message [Page 1 sur 1]

1Roland Pecout - Laissarem Degun Empty Roland Pecout - Laissarem Degun le Sam 24 Mar - 17:45

OstauPM

OstauPM
Steack Cathare
Steack Cathare
Adieu en totei. Vos fau passar d'uneis entressenhas sus lo projecte actuau de l'Ostau dau País Marselhés :

Lo libre-disc de Roland Pecout, Laissarem Degun, editat per l'Ostau dau Pais Marselhés, deuriá sortir per la rintrada 2007-2008. Un libre que recamparà de poèmas inedichs e que serà acompanhat d'un CD que li van collaborar d'artistas venguts de mant'unei caires d'Occitania (Mossur T, D'aqui Dub, Nux Vomica, Mauresca Fracàs Dub, lo Còr de la Plana, Original Occitanas, etc...). Serà fabregat per lei soscriveires una edicien "Deluxe" ambé un papier velin e una jaqueta de cubèrta.

Es duberta la soscripcien au prètz de 22 Euros.

Fètz vos sòci !

Soscripcien a l'Ostau, per corrier ò telefòne. Basta de quitar lo pagament e l'adreiça de recepcien de l'obragi.

Ostau dau País Marselhés
5, carriera dei Tres Magis
13001, Marselha
04-91-42-41-14
opm3@wanadoo.fr


http://www.ostau.org

Roland Pecout - Laissarem Degun Afaf87dec19d59fc5881cdd550109a25

2Roland Pecout - Laissarem Degun Empty Re: Roland Pecout - Laissarem Degun le Sam 24 Mar - 20:31

Zengi

Zengi
Trobador !!
Trobador !!
Diu, sabèvi pas que lo pecout anava sortir aquò. Es possible de'n reservar un per avança ?

3Roland Pecout - Laissarem Degun Empty Re: Roland Pecout - Laissarem Degun le Sam 24 Mar - 20:47

OstauPM

OstauPM
Steack Cathare
Steack Cathare
De ben segur qu'es possible !
As que de mandar lo tieu pagament a l'Ostau (22€) ambé la tieuna adreiça e ti farem passar lo libre-CD tre que serà lest per difusir.
Lei registraments deis artistas començan a la debuta d'abriu. Normalament tot deuriá èstre fach per la rintrada. Apondi que se siás dins lei cent promier soscriveires, auràs lo benefici d'una versien deluxe numerotada e limitada.
L'adreiça per reservar es çai-subre !

4Roland Pecout - Laissarem Degun Empty Re: Roland Pecout - Laissarem Degun le Sam 24 Mar - 21:01

Zengi

Zengi
Trobador !!
Trobador !!
Plan Urós
Vau sajar de passar a l'ostau quan tornarèi a marselha

5Roland Pecout - Laissarem Degun Empty Re: Roland Pecout - Laissarem Degun le Mar 10 Avr - 16:12

OstauPM

OstauPM
Steack Cathare
Steack Cathare
Adieu en totei.
Quauquei nòvas dau projecte "Laissarem Degun". Lei registraments an començat la promiera setmana d'abriu. S'esperlongaràn finco lo mes de junh, que ne fau de temps per recampar toei lei gents concernits. Lo libre deuriá èstre estampat d'aquí la fin dau mes de mai. Lo tot deuriá èstre lèst per la rintrada, bessai avant per lei soscriveires.
Una serada especiala per la sortida mondiala es prevista a Marselha, v'en tornarai parlar quand ne'n sauprem mai.

A ben lèu !

OstauPM

OstauPM
Steack Cathare
Steack Cathare
Adieu en totei

Avem mes a jorn la pagina myspace de l'Ostau dau País Marselhés. Ara li podètz anar escotar doei tròç que son tirat dau novèu libre-CD qu'es a mand de sortir.
Lei tròç son de Mauresca Fracàs Dub e de Nux Vomica.
Lèu de venir ! E eisitatz pas de donar d'avejaires.
Lei soscripciens son totjorn dubèrtas. Ramenti que lei soscriveires auràn una edicien deluxe estampada solament per elei.
A ben lèu colègas !

www.myspace.com/ostaudaupaismarselhes

Danís

Danís
Adjudant
Son plan ! Aime mai la de Mauresca, per contra...

Arf

Arf
Occitan Warrior
Occitan Warrior
Eras duas cançons que son deras bonas. Que da hami d'escotar eth disc sancer. Poce Levat

9Roland Pecout - Laissarem Degun Empty Re: Roland Pecout - Laissarem Degun le Dim 14 Oct - 15:35

Barbara

Barbara
Casahèita
Casahèita
Gramaci de nos balhar de que pacientar ! Plan Urós
Aimi fòrça lo tròç de Mauresca. Per contra, per Nux, es una catastròfa... Sabon pas escriure en bòn niçard, e meme quora li donas un beu texte en provençau, te tròban lo mejan de ne'n faire una merdassa niçardisada Tusta-Paret

10Roland Pecout - Laissarem Degun Empty Re: Roland Pecout - Laissarem Degun le Dim 14 Oct - 16:16

OstauPM

OstauPM
Steack Cathare
Steack Cathare
Barbara a écrit:Gramaci de nos balhar de que pacientar ! Plan Urós
Aimi fòrça lo tròç de Mauresca. Per contra, per Nux, es una catastròfa... Sabon pas escriure en bòn niçard, e meme quora li donas un beu texte en provençau, te tròban lo mejan de ne'n faire una merdassa niçardisada Tusta-Paret

As lo drech d'aguer un avejaire e qu'un tròç non t'agrade. Ieu tanben revendiqui lo drech de criticar la creacien en occitan. Mai desparlar coma fas es una manca de respiech. S'atròva qu'aquesto tròç agradèt en molon de gents. En d'autrei l'agradarà pas. Es ansinta. Ieu diriáu que siáu pas objectiu alòr donarai pas un avejaire. Pasmens tu, ti conoissi pas, mai lo biais que parles mi dona pas enveja de saupre qu siás. E siáu pas manco segur que siás objectiva nimai estent lo biais qu'as de (des)parlar.
MC

EDIT : Ah mi vau crear una còmpte personau, estent que siáu pus ieu lo president de l'OPM mai Rodin K.

11Roland Pecout - Laissarem Degun Empty Re: Roland Pecout - Laissarem Degun le Dim 14 Oct - 17:14

Barbara

Barbara
Casahèita
Casahèita
As rason, ai exajerat en emplegant aqueleis expressions Geinat . Mas sus lo ponch de la lenga, contuni de pensar qu'es pas oneste, quora te fison un texte que que sigue, de ne'n cambiar la forma. Donar una interpretacion musicala d'un poema autorisa pas lo compausitor de ne'n cambiar la lenga. Lo liame lenga-musicalitat me sembla una evidencia. Se lo compausitor passa a costat d'aquò, es que, sigue es pas competènt, sigue respecta pas l'autor.
Pecout escriu en provençau o en lengadocian. Me pòdes dire s'aqueu texte - exepcionalament - es estat escrit en niçard ?

12Roland Pecout - Laissarem Degun Empty Re: Roland Pecout - Laissarem Degun le Dim 14 Oct - 18:15

OstauPM

OstauPM
Steack Cathare
Steack Cathare
Barbara a écrit:As rason, ai exajerat en emplegant aqueleis expressions Geinat . Mas sus lo ponch de la lenga, contuni de pensar qu'es pas oneste, quora te fison un texte que que sigue, de ne'n cambiar la forma. Donar una interpretacion musicala d'un poema autorisa pas lo compausitor de ne'n cambiar la lenga. Lo liame lenga-musicalitat me sembla una evidencia. Se lo compausitor passa a costat d'aquò, es que, sigue es pas competènt, sigue respecta pas l'autor.
Pecout escriu en provençau o en lengadocian. Me pòdes dire s'aqueu texte - exepcionalament - es estat escrit en niçard ?

Lo tèxte es estat adaptat en nissart per Pastorelli emé l'autorizacien de Roland Pecout. Vaquita. De tot biais, lei musicaires son estats pron liures dins seis asataments. S'agissiá mai que mai de metre en musica l'univèrs de Roland. L'òbra es mai que mai lo libre. Lo disc es un omenatge.

13Roland Pecout - Laissarem Degun Empty Re: Roland Pecout - Laissarem Degun le Dim 14 Oct - 18:34

Barbara

Barbara
Casahèita
Casahèita
Te gramaciu ben per aquelei precisions. S'es Mèstre Pecout Reverar eu meme qu'a balhat son assentiment, dieu plus ren, e d'un costat, aquò me rassegura. Retiri totei lei marridas rasons qu'ai poscut formular dins ma premiera respònsa.

14Roland Pecout - Laissarem Degun Empty Re: Roland Pecout - Laissarem Degun le Jeu 5 Juin - 21:35

Pelharòt

Pelharòt
Rata-Pinhata
Rata-Pinhata
Onte n'es d'aquela publicacion ?
Fa talament de temps que l'ai emplenada la soscripcion que comenci de dobtar de v'aver fait.

15Roland Pecout - Laissarem Degun Empty Re: Roland Pecout - Laissarem Degun le Jeu 5 Juin - 22:43

Sokolovic

Sokolovic
Trobador !!
Trobador !!
Pelharòt a écrit:Onte n'es d'aquela publicacion ?
Fa talament de temps que l'ai emplenada la soscripcion que comenci de dobtar de v'aver fait.

As ben rason de va demandar.


Estent que siáu ieu que m'en entrevi, vau assajar de t'esclargir un pauc tot aquò.
Lo libre es ja fach, corregit e tornar legit. Mancan quauquei causòtas avans que posque partir a l'estampariá.
Çò que n'a pres de temps, e tròp de temps, es lo registrament dau disc.
Lo fach que l'aguesse plusiors artistas diferents e pas totei de Marselha n'a donat quauquei problèmas d'organizacien. Lo fach tanben que lo tecnician dau disc aguèt un emplec de temps subrecargat ambé lei discs de Massilia, Moussu t, original Occitana e Mauresca de far.
Donc lo disc a pres de temps mai deuriá èstre acabat de registrar a la fin de junh.
Demorarà puei lo mesclatge de far e tot aquò serà lèst.

Çò qu'es pecat per ieu e que maugrat nòstreis esfòrç, aurem pas la versien finala per l'estivada. Au mièlhs l'aurà en escota lo pre-mesclatge dau disc e, bessai, lo libre jà estampat de posquer consurtar.

E ramenti tanben qu'es totjorn prevista una versien limitada a 100 exemplaris dedicaçats ( ambé un jaqueta de cuberta e un papier mai bèu) per lei soscriveires e lei promiers crompaires.

Vaquita,
ara vau m'empalhar que siáu alassat.
E perdon encara per lo retard, ieu tanben aquela istòria comença de m'encanhar.

A ben lèu (e se vòs saupre s'as pres la soscripcien, manda un MP a OstauPM - es sòci dau forum - en li dient ton pichòt nom e ton nom d'ostau. El a la tièra dei coratjós qu'a ben vougut prepagar)

16Roland Pecout - Laissarem Degun Empty Re: Roland Pecout - Laissarem Degun le Jeu 5 Juin - 22:57

Pelharòt

Pelharòt
Rata-Pinhata
Rata-Pinhata
Aquò son d'entresenhas !
Plan mercé.

17Roland Pecout - Laissarem Degun Empty Re: Roland Pecout - Laissarem Degun le Mar 24 Juin - 10:47

Sokolovic

Sokolovic
Trobador !!
Trobador !!
Adieu en totei...

D'unei nòvas :

Aier 23 de junh, ai aduch leis espròvas dau libre a l'estampaire per èstre fabregat. Normalament deuriá èstre lèst d'aquí la mitat de julhet.

La setmana que ven acabam lo registrament dau disc. Demorarà puei que lo mesclatge e la fabricacion de far

L'aurà BESSAI mai es pauc segur quauqueis exemplaris per l'estivada.

A tot lo mens menarem de libres per rassegurar lei soscriveires.

Ah, n'aprofiechi per far una precizion : lo Còr de la Plana, per de rasons de temps ( e m'anatz pas cercar d'autrei rasons, hè, que lo president de l'Ostau es un sòci dau CDLP), a pas poscut registrar de tròç. Serà remplaçats per Jagdish (un grope de maurician que cantaràn en òc e en creole)
Vaquí la tiera finala dei musicaires :

Bruno Martin
Mauresca FD
Moussu T
Brigitte Mouchel
Duo Maquet Bachevalier
Nux Vomica
Dupain
Original Occitana
D'aquí Dub
Patric Vaillant
Jagdish e Kreol Konnexyon

18Roland Pecout - Laissarem Degun Empty Re: Roland Pecout - Laissarem Degun le Mar 24 Juin - 19:16

Zengi

Zengi
Trobador !!
Trobador !!
Perdon per aquera demanda personau e interessada, mes poderetz enviar un exemplari (deu libe mes mei que tot deu cd) a Ràdio Pais ?
O se'n pòt reservar un per avança per l'Estivada ?

Mercés plan

19Roland Pecout - Laissarem Degun Empty Re: Roland Pecout - Laissarem Degun le Ven 19 Déc - 17:47

Sokolovic

Sokolovic
Trobador !!
Trobador !!
Pensavi pas d'escriure aquesto messatge un jorn mai :

Lo CD es enfin lèst e arribarà lo 23 de decembre a l'Ostau !
Tròp tardier per Nové mai partirà avans lo jorn de l'an per lei soscriveires.

Per lei colègas dei ràdios e dei jornaus, mandatz mi un mail a opm3@wanadoo.fr. Ambé lo nom de la ràdio, lo contacte, patin e cofin.

Contenu sponsorisé


Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum