OCCITANIA !! Forum


Vous n'êtes pas connecté. Connectez-vous ou enregistrez-vous

Comunicat : Anaram Au Patac tanben qu'es antimonarquista !

Voir le sujet précédent Voir le sujet suivant Aller en bas  Message [Page 1 sur 1]

occitaneta


Occitan Warrior
Occitan Warrior
Bordèu, lo 20 d'octobre 2007.

ANARAM AU PATAC TANBEN QU'ES ANTIMONARQUISTA !!!
La cremada simbolica d'ua fotografia deu monarca espanhòu a Girona qu’a
balhat lo parat a ua reaccion de las pègas de la dreta espanhòla. Segur,
ni l'Enric Stern ni lo Jaume Roure ne s’avèvan pas imaginat la farfalha
qui's debanèsse peu torn d'aqueste exercici de libertat individuau e
d’expression collectiva.

Ja que son un vintenat de personas citadas tà declarar davant los jutges
de l’Audiéncia Nacionau Espanhòla. Un deus inculpats que's limitè a har
lo son tribalh de fotografe, los autes que's solidarizèn dab los dus
acusats en cremar a cara descobèrta imatges deu rei Juan Carlos de Borbon.

Fin finau, aqueth grop de personas que se'n devó anar a l’Audiéncia
Nacionau de Madrid, qu’es a díser a mes de 700 quilomètres deu lor lòc
de vita, dab com solet tòrt d’aver prononciat criticas de cap au
sistèma. Las accions hèitas per aqueras personas ne son pas sonque qu’ua
expression deu reget de l’estat espanhòu qui's sent en los Paises
Catalans tots. Cada accion qu'es ua responsa civila e organizada cap a
la dominacion que los Borbons impausan aus Paises Catalans e au son
pòble desempuish 3 segles. Las castigadas, eras, que son las frutas d'ua
politica repressiva de l’estat espanhòu, qui ensaja cade jorn de brembar
au pòble catalan qu’es mestrejat e jos dominacion espanhòla, e que lo
monde d'aqueste pòble n’a pas nat dret de víver en ciutadan catalan.

Com pòble mestrejats, e com organizacion politica, los occitans d’Anaram
Au Patac que vòlen :

- se muishar solidaris dab los inculpats e lo pòble catalan sancèr.
- que s’estanca la violacion deu dret vitèc (e totun miaçat uei dens
l’estat espanhòu) de libertat d’expression.
- denonciar la criminalizacion deus acusats e de l'esquèrra
independentista catalana. Las accions de desobediéncia civila d’un pòple
non son pas delictes, que son actes legitimes de defensa cap a l’estat
opressor.
- que s’acaban las identificacions de personas participantas aus actes
de solidaritats. Lo hèit de's manifestar lo desacòrd qu’es un dret
fondamentau , qui uei-lo-dia non sembla pas vertadèrament respectat dens
l’estat espanhòu.
- l’arrèst de la negacion deu pòble catalan. La perseguida policièra e
politica deus militants de l'esquèrra independentista catalana, la
dominacion per la repression de l’estat espanhòu, la violacion de la
libertat d’expression… que son autant patacs portats a l’integritat deu
pòble catalan !

alekcxjo


Casahèita
Casahèita
MORT AU REY!

Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum