OCCITANIA !! Forum


Vous n'êtes pas connecté. Connectez-vous ou enregistrez-vous

Genocidi o detalh?

Voir le sujet précédent Voir le sujet suivant Aller en bas  Message [Page 1 sur 1]

1 Genocidi o detalh? le Lun 22 Oct - 20:27

AnPrionsaBeag


Trobador de Comptador
Trobador de Comptador
Lo 9 de decembre 1948, adoptèt l'Amassada generala de las Nacions unidas la Convencion sus la prevencion e la repression del crim de genocidi. Tot ben que siá pas retroactiu, aquel tèxt essencial per la salvagarda de la dignitat umana a l'escala mondiala a l'enòrme avantatge que pel primièr còp de l'Istòria tenèm una definicion concreta e mai legala del genocidi. Determinèron qu'un genocidi implica un o mai d'un dels actes que sègon, comeses amb l'idèa de destruire tot o partida d'un grop nacional, etnic, racial o religiós:

– Tuar membres d'aqueste grop;
– Infligir grèvas nafras fisicas o psicologicas a membres d'aqueste grop;
– Impausar volontàriament al grop de condicions de vida tendent a lo destruire tot o mai en partida;
– Prene de mesuras per fin d'empachar las naissenças al dedins d'aqueste grop;
– Mudar contra lor volontat d'enfants d'aqueste grop cap a un autre grop.

Tot aquò son definicions oficialas, concebudas e votadas per tot un fum de païses responsables e determinats a viure en patz. Un d'eles, e pas dels mendres, es França. La meteissa França que reconeis (justament) lo genocidi armenian que se debanèt entre 1915 e 1917, siá trenta una annadas davant de l'adopcion d'aquela Convencion internacionala. Alavetz, perqué França, lo se-disent país dels Dreches de l'Òme (e i a son qu'en França qu'òm o gausa dire sens vergonha...), s'interessariá pas un pauc a las sias quitas fautas?

Plan segur que vòli parlar de la primièra Crosada. Un maselàs per una question de tèrra e de religion. Ara, los catars formavan part de dos grops: religiós e mai nacional, ja qu'èran occitans. Dintran doncas dins çò que definisson coma essent un grop, en cò de las Nacions unidas. E quand se sap qu'unes 200.000 innocents i daissèron la vida, la primièra condicion la Crosada la complís mai que cal. Quant a la segonda, los maites lenhièrs i respondon, non? En la tresena, i podèm metre lo chantatge a la conversion: "Negatz vòstra fe e venètz catolics se volètz viure..." I podèm ajustar tanben lo fach que pus jamai lo pòble de Lengadòc e puèi d'Occitània tota, poguèt pas s'apelar aital qu'es estat contrarotlat fins ara per una poténcia estrangièra que lo daissa pas parlar dins sa lenga.

Aquela crosada, qu'èra pas una guèrra ja que i aguèt pas d'acte significatiu d'ostilitat de la part dels catars contra lo rei de França. E foguèt encara mens una guèrra de religion que França n'aprofechèt per s'installar en Occitània per la fòrça. Foguèt un raid militar e mai ideologic plan sagnós, sens cap de motiu valedor de justificacion. S'enseguèt a mon vejaire d'un vertadièr genocidi qu'es pas tan diferent del de la nacion armeniana a la debuta del sègle darrièr. Aquela crosada complís tres dels cinc ponches quand ne cal pas qu'un per far un genocidi "oficial". Alara me digatz: perqué l'episòdi mai vergonhós de l'Istòria "francesa" demòra tant amagat e tant pauc reconegut pels intellectuals francofranceses? Perqué lo primièr genocidi de l'Istòria demòra pas qu'un detalh? Per çò que França fa partida dels cinc membres permanents del Conselh de l'Onu e pas Turquia?...

http://www.youtube.com/watch?v=lIhCvbTcFt8

2 Re: Genocidi o detalh? le Mar 23 Oct - 8:35

OstauPM


Steack Cathare
Steack Cathare
AnPrionsaBeag a écrit:Alara me digatz: perqué l'episòdi mai vergonhós de l'Istòria "francesa" demòra tant amagat e tant pauc reconegut pels intellectuals francofranceses? Perqué lo primièr genocidi de l'Istòria demòra pas qu'un detalh?


Alain Decaux qu'es pas conegut per èsser un "occitan-iste" mai qu'es força reconegut coma istòrian francés e de l'Istòria "francesa" a escrich:

"Pratiquement la guerre s'est faite aussi bien contre les catholiques du Midi que contre les cathares qui n'étaient qu'une minorité. En réalité les catholiques du Midi ont pris parti pour la liberté de leur province contre les envahisseurs nordiques... Ce ne fut pas une guerre civile: le Comte de Toulouse n'était pas Français. On apprendra, et cela pourra choquer, que les Français se sont conduits comme des occupants. Ils ont massacré, tué, violé. En l'occurrence les Français, ce sont les S.S. C'est très désagréable d'entendre cela, mais c'est la vérité" (Decaux A., L'Education Nationale, 17 mars 1966. - pres dins : Henri Jeanjean - La décolonisation française et le mouvement occitaniste - University of Wollongong).

Cristòu - OPM

Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum